Redmi Note 14 Series ਕਿਵੇਂ ਹੋਵੇਗੀ? ਇੱਥੇ ਮਿਲੇਗੀ ਕੀਮਤ, ਪ੍ਰੋਸੈਸਰ, ਮੈਮਰੀ, ਕੈਮਰਾ ਦਾ ਨਵੀਨਤਮ ਅਪਡੇਟ

Redmi Note 14 Series : Redmi Note 14 Series ਦਸੰਬਰ ‘ਚ ਭਾਰਤੀ ਬਾਜ਼ਾਰ ‘ਚ ਲਾਂਚ ਹੋਣ ਜਾ ਰਹੀ ਹੈ। ਇਸ ਵਿੱਚ ਰੈੱਡਮੀ ਨੋਟ 14, ਨੋਟ 14 Pro ਅਤੇ ਨੋਟ 14 Pro+ 5G ਸ਼ਾਮਲ ਹੋਣਗੇ। ਇਸ ਸੀਰੀਜ਼ ਦਾ ਸਭ ਤੋਂ ਸ਼ਕਤੀਸ਼ਾਲੀ ਮਾਡਲ ਰੈੱਡਮੀ ਨੋਟ 14 Pro+ 5G ਹੋਵੇਗਾ, ਜੋ 9 ਦਸੰਬਰ ਨੂੰ ਦੁਪਹਿਰ 12 ਵਜੇ ਲਾਂਚ ਹੋਵੇਗਾ।

ਰੈੱਡਮੀ ਨੋਟ 14 ਸੀਰੀਜ਼ ਦੀ ਕੀਮਤ ਕਿੰਨੀ ਹੋ ਸਕਦੀ ਹੈ?

ਰੈੱਡਮੀ ਨੋਟ Pro+ 5G ਦੀ ਸ਼ੁਰੂਆਤੀ ਕੀਮਤ ₹31,999 ਹੋ ਸਕਦੀ ਹੈ ਅਤੇ ਇਸ ਦੇ ਟਾਪ ਵੇਰੀਐਂਟ ਦੀ ਕੀਮਤ ₹36,999 ਤੱਕ ਜਾ ਸਕਦੀ ਹੈ। ਫੋਨ ਬਾਰੇ ਜੋ ਜਾਣਕਾਰੀ ਲੀਕ ਹੋ ਰਹੀ ਹੈ, ਉਸ ਮੁਤਾਬਕ ਇਸ ਦੇ 8GB + 128GB ਵੇਰੀਐਂਟ ਦੀ ਕੀਮਤ 34,999 ਰੁਪਏ, 8GB + 256GB ਮਾਡਲ ਦੀ ਕੀਮਤ 36,999 ਰੁਪਏ ਅਤੇ 12GB + 512GB ਵੇਰੀਐਂਟ ਦੀ ਕੀਮਤ 39,999 ਰੁਪਏ ਹੋ ਸਕਦੀ ਹੈ।

Redmi Note 14 Series ਦੀ ਡਿਸਪਲੇ ਕਿਵੇਂ ਹੋਵੇਗੀ?

ਰੈੱਡਮੀ ਨੋਟ  ਦੀ ਲੇਟੈਸਟ ਸੀਰੀਜ਼ ਦਾ ਇਹ ਫੋਨ 6.67 ਇੰਚ 1.5K OLED ਡਿਸਪਲੇਅ ਨਾਲ ਆ ਸਕਦਾ ਹੈ। ਇਸ ਵਿੱਚ 120Hz ਰਿਫਰੈਸ਼ ਰੇਟ, 3000nits ਪੀਕ ਬ੍ਰਾਈਟਨੈੱਸ, ਡੌਲਬੀ ਵਿਜ਼ਨ ਅਤੇ ਗੋਰਿਲਾ ਗਲਾਸ ਵਿਕਟਸ 2 ਸੁਰੱਖਿਆ ਹੋਵੇਗੀ। ਇਸ ‘ਚ Qualcomm Snapdragon 7s Gen 3 ਪ੍ਰੋਸੈਸਰ, Android 14 ਅਤੇ Hyper OS ਮਿਲ ਸਕਦੇ ਹਨ।

Redmi Note 14 ਸੀਰੀਜ਼ ਦੇ ਕੈਮਰੇ ਦੇ ਸਪੈਸੀਫਿਕੇਸ਼ਨ ਕਿਵੇਂ ਹੋਣਗੇ?

ਫੋਟੋਗ੍ਰਾਫੀ ਲਈ, ਇਸ ਵਿੱਚ 50MP + 50MP + 8MP ਦਾ ਟ੍ਰਿਪਲ ਰੀਅਰ ਕੈਮਰਾ ਸੈੱਟਅਪ ਦਿੱਤਾ ਜਾ ਸਕਦਾ ਹੈ, ਜਿਸ ਵਿੱਚ ਇੱਕ 50MP ਟੈਲੀਫੋਟੋ ਲੈਂਸ ਅਤੇ 8MP ਅਲਟਰਾ ਵਾਈਡ ਐਂਗਲ ਲੈਂਸ ਸ਼ਾਮਲ ਹੋਣਗੇ। ਸੈਲਫੀ ਲਈ ਇਸ ‘ਚ 20MP ਦਾ ਫਰੰਟ ਕੈਮਰਾ ਹੋਵੇਗਾ।

ਰੈੱਡਮੀ ਨੋਟ 14 ਸੀਰੀਜ਼ ਦੀ ਬੈਟਰੀ ਅਤੇ ਹੋਰ ਫੀਚਰਸ ਕਿਵੇਂ ਹੋਣਗੇ?

Redmi Note 14 Pro+ 5G ਵਿੱਚ 6,000mAh ਦੀ ਬੈਟਰੀ ਅਤੇ 90W ਫਾਸਟ ਚਾਰਜਿੰਗ ਸਪੋਰਟ ਵੀ ਹੋਵੇਗਾ। ਇਹ ਸਮਾਰਟਫੋਨ AI ਫੀਚਰ ਨਾਲ ਲੈਸ ਹੋਵੇਗਾ, ਜਿਸ ‘ਚ ਫੋਟੋ ਐਡੀਟਿੰਗ, ਟ੍ਰਾਂਸਲੇਸ਼ਨ ਅਤੇ ਇੰਟਰਨੈੱਟ ਸਰਚ ਵਰਗੇ 20 ਤੋਂ ਜ਼ਿਆਦਾ ਸਮਾਰਟ AI ਟੂਲਸ ਸ਼ਾਮਲ ਹਨ।