ਕਈ ਵੈੱਬ ਸੀਰੀਜ਼ ਨੇ ਡਿਜੀਟਲ ਦੁਨੀਆ ‘ਚ ਨਾਮ ਕਮਾਇਆ ਹੈ ਪਰ ਕੁਝ ਵੈੱਬ ਸੀਰੀਜ਼ ਲੋਕਾਂ ਦਾ ਦਿਲ ਜਿੱਤ ਚੁੱਕੀਆਂ ਹਨ। ਅਮੇਜ਼ਨ ਪ੍ਰਾਈਮ ਵੀਡੀਓ ‘ਤੇ ਰਿਲੀਜ਼ ਹੋਈ ਸੀਰੀਜ਼ ‘ਮਿਰਜ਼ਾਪੁਰ’ ਨੂੰ ਕਿਸੇ ਪਛਾਣ ਦੀ ਲੋੜ ਨਹੀਂ ਹੈ। ਇਸ ਸੀਰੀਜ਼ ਦੇ ਹਰ ਕਿਰਦਾਰ ਨੂੰ ਲੋਕਾਂ ਨੇ ਕਾਫੀ ਪਸੰਦ ਕੀਤਾ ਹੈ। ਅੱਜ ਅਸੀਂ ‘ਮਿਰਜ਼ਾਪੁਰ 2’ ‘ਚ ਮਾਧੁਰੀ ਯਾਦਵ ਦਾ ਕਿਰਦਾਰ ਨਿਭਾਉਣ ਵਾਲੀ ਅਦਾਕਾਰਾ ਈਸ਼ਾ ਤਲਵਾਰ ਬਾਰੇ ਗੱਲ ਕਰਾਂਗੇ। ਈਸ਼ਾ ਇੱਕ ਸੋਸ਼ਲ ਮੀਡੀਆ ਸਨਸਨੀ ਵੀ ਹੈ, ਜਿਸ ਨੇ ਆਪਣੀ ਖੂਬਸੂਰਤੀ ਅਤੇ ਆਪਣੀ ਅਦਾਕਾਰੀ ਨਾਲ ਲੋਕਾਂ ਨੂੰ ਮੰਤਰਮੁਗਧ ਕੀਤਾ ਹੈ। ਇਸ ਸੀਰੀਜ਼ ‘ਚ ‘ਮੁੰਨਾ ਭਈਆ’ ਦੀ ਪਤਨੀ ਦੇ ਰੂਪ ‘ਚ ‘ਮਾਧੁਰੀ ਭਾਭੀ’ ਦੀ ਚੰਗੀ ਬਾਂਡਿੰਗ ਦਿਖਾਈ ਗਈ ਹੈ। ਈਸ਼ਾ ਦੇ ਬੋਲਡ ਅੰਦਾਜ਼ ਤੋਂ ਹਰ ਕੋਈ ਕਾਇਲ ਹੋ ਗਿਆ ਹੈ। ਕੀ ਤੁਸੀਂ ਜਾਣਦੇ ਹੋ ‘ਮੁੰਨਾ ਤ੍ਰਿਪਾਠੀ’ ਦੀ ਪਤਨੀ ‘ਮਾਧੁਰੀ’ ਅਸਲ ਜ਼ਿੰਦਗੀ ‘ਚ ਕਰੋੜਾਂ ਦੀ ਜਾਇਦਾਦ ਦੀ ਮਾਲਕ ਹੈ।
ਈਸ਼ਾ ਤਲਵਾਰ ਛੋਟੀ ਉਮਰ ਤੋਂ ਹੀ ਅਦਾਕਾਰੀ ਦੀ ਦੁਨੀਆ ਵਿੱਚ ਸਰਗਰਮ ਹੈ। ਮਿਰਜ਼ਾਪੁਰ ਸੀਰੀਜ਼ ਤੋਂ ਉਸ ਨੂੰ ਨਵੀਂ ਪਛਾਣ ਮਿਲੀ ਹੈ। celebsupdate.com ਦੀ ਰਿਪੋਰਟ ਦੇ ਮੁਤਾਬਕ, ਈਸ਼ਾ ਤਲਵਾਰ ਦੀ ਕੁੱਲ ਜਾਇਦਾਦ ਕਰੀਬ 15 ਕਰੋੜ ਰੁਪਏ ਹੈ। ਈਸ਼ਾ ਸ਼ਾਹੀ ਜੀਵਨ ਬਤੀਤ ਕਰਦੀ ਹੈ। ਉਨ੍ਹਾਂ ਕੋਲ ਆਲੀਸ਼ਾਨ ਘਰ ਵੀ ਹਨ। ਉਹ ਲਗਜ਼ਰੀ ਗੱਡੀਆਂ ਦੀ ਮਾਲਕਣ ਵੀ ਹੈ। ਉਨ੍ਹਾਂ ਕੋਲ ਔਡੀ, ਬੀਐਮਡਬਲਿਊ ਵਰਗੀਆਂ ਗੱਡੀਆਂ ਵੀ ਹਨ। ਈਸ਼ਾ ਇੱਕ ਸ਼ੋਅ ਅਤੇ ਇੱਕ ਫਿਲਮ ਲਈ 70-90 ਲੱਖ ਰੁਪਏ ਲੈਂਦੀ ਹੈ।
ਦੱਸ ਦੇਈਏ ਕਿ ਈਸ਼ਾ ਫਿਲਮ ‘ਹਮਾਰਾ ਦਿਲ ਆਪਕੇ ਪਾਸ ਹੈ’ ‘ਚ ਬਾਲ ਕਲਾਕਾਰ ਦੇ ਰੂਪ ‘ਚ ਨਜ਼ਰ ਆਈ ਸੀ। ਬਾਅਦ ਵਿੱਚ, ਉਸਨੇ ਮਲਿਆਲਮ ਫਿਲਮਾਂ ਨਾਲ ਆਪਣਾ ਅਭਿਨੈ ਕਰੀਅਰ ਸ਼ੁਰੂ ਕੀਤਾ ਅਤੇ ਫਿਰ ਫਿਲਮੀ ਦੁਨੀਆ ਵਿੱਚ ਆਪਣੀ ਪਛਾਣ ਬਣਾਈ।
ਈਸ਼ਾ ਕਈ ਬਾਲੀਵੁੱਡ ਫਿਲਮਾਂ ਜਿਵੇਂ ਕਿ ਟਿਊਬਲਾਈਟ, ਕਾਲਕੰਡੀ, ਆਰਟੀਕਲ 15 ਅਤੇ ਹਾਲ ਹੀ ਵਿੱਚ ਰਿਲੀਜ਼ ਹੋਈ ਫਿਲਮ ‘ਗਿੰਨੀ ਵੇਡਸ ਸੰਨੀ’ ਆਦਿ ਵਿੱਚ ਵੀ ਨਜ਼ਰ ਆ ਚੁੱਕੀ ਹੈ। ਹਿੰਦੀ ਤੋਂ ਇਲਾਵਾ ਤਾਮਿਲ ਅਤੇ ਤੇਲਗੂ ਫਿਲਮਾਂ ‘ਚ ਵੀ ਕੰਮ ਕਰ ਚੁੱਕੀ ਈਸ਼ਾ ਨੂੰ ਦਰਸ਼ਕਾਂ ਦਾ ਕਾਫੀ ਪਿਆਰ ਮਿਲਦਾ ਹੈ।