ਨਵੀਂ ਦਿੱਲੀ – ਕਾਂਗਰਸ ਪਾਰਟੀ ਲਈ ਇਹ ਖਬਰ ਝਟਕੇ ਵਾਲੀ ਹੈ । ਕਾਂਗਰਸ ਦੇ ਸਮਰਥਕਾਂ ਨੂੰ ਵੀ ਸ਼ਾਇਦ ਇਹ ਖਬਰ ਚੰਗੀ ਨਹੀਂ ਲੱਗੇਗੀ । ਕਾਂਗਰਸ ਦੇ ਟਕਸਾਲੀ ਨੇਤਾ ਸੁਨੀਲ ਜਾਖੜ ਭਾਰਤੀ ਜਨਤਾ ਪਾਰਟੀ ਚ ਸ਼ਾਮਿਲ ਹੋ ਗਏ ਹਨ ।ਜਾਖੜ ਦੇ ਜਾਨ ਨਾਲ ਪੰਜਾਬ ਕਾਂਗਰਸ ਨੂੰ ਵੀ ਵੱਡਾ ਕਰੰਟ ਲੱਗਿਆ ਹੈ । ਜਾਖੜ ਦੇ ਜਾਨ ਨਾਲ ਕਾਂਗਰਸ ਦਾ ਹਿੰਦੂ ਵੋਟ ਖਿਸਕਣ ਦੀ ਵੀ ਗੱਲ ਕੀਤੀ ਜਾ ਰਹੀ ਹੈ ।ਦੂਜੇ ਪਾਸੇ ਜਾਖੜ ਦੇ ਭਾਜਪਾ ਚ ਸ਼ਾਮਿਲ ਹੋਣ ਨਾਲ ਪਾਰਟੀ ਪੰਜਾਬ ਚ ਮਜ਼ਬੂਤੀ ਵੱਲ ਵੱਧ ਰਹੀ ਹੈ ।ਜਾਖੜ ਪੰਜਾਬ ਦਾ ਮਜ਼ਬੂਤ ਹਿੰਦੂ ਚਿਹਰਾ ਹਨ ।ਸੂਤਰ ਇਹ ਵੀ ਦੱਸਦੇ ਹਨ ਕਿ ਬਾਜਪਾ ਜਾਖੜ ਨੂੰ ਰਾਜ ਸਭਾ ਭੇਜ ਸਕਦੀ ਹੈ ।
ਨਵੀਂ ਦਿੱਲੀ ਵਿਖੇ ਭਾਜਪਾ ਮੁੱਖ ਦਫਤਰ ਚ ਪਾਰਟੀ ਦੇ ਪ੍ਰਧਾਨ ਜੇ.ਪੀ ਨੱਢਾ ਨੇ ਜਾਖੜ ਦਾ ਪਾਰਟੀ ਚ ਸਵਾਗਤ ਕੀਤਾ । ਇਸ ਮੌਕੇ ‘ਤੇ ਪੰਜਾਬ ਪ੍ਰਭਾਰੀ ਅਨਿਲ ਬਲੂਨੀ, ਮਨਜਿੰਦਰ ਸਿਰਸਾ ਅਤੇ ਜਾਖੜ ਦੇ ਪੁਰਾਣੇ ਕਾਂਗਰਸੀ ਸਾਥੀ ਅਰਵਿੰਦ ਖੰਨਾ ਵੀ ਮੌਜੂਦ ਸਨ ।ਨੱਢਾ ਨੇ ਕਿਹਾ ਕਿ ਜਾਖੜ ਦੇ ਆਉਣ ਨਾਲ ਦੇਸ਼ ਚ ਰਾਸ਼ਟਰਵਾਦੀ ਤਾਕਤ ਨੂੰ ਮਜ਼ਬੂਤੀ ਮਿਲੇਗੀ ।ਭਾਜਪਾ ਚ ਸ਼ਾਮਿਲ ਹੋਣ ਤੋਂ ਬਾਅਦ ਜਾਖੜ ਨੇ ਕਾਂਗਰਸ ਖਿਲਾਫ ਭੜਾਸ ਕੱਢੀ । ਉਨ੍ਹਾਂ ਕਿਹਾ ਕਿ ਪਿਛਲੀ ਤਿੰਨ ਪੀੜੀਆਂ ਤੋਂ ਉਨ੍ਹਾਂ ਦੇ ਪਰਿਵਾਰ ਨੇ ਕਾਂਗਰਸ ਪਾਰਟੀ ਦੀ ਸੇਵਾ ਕੀਤੀ ਹੈ । ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਕਦੇ ਸਵਾਰਥ ਲਈ ਸਿਆਸਤ ਨਹੀਂ ਕੀਤੀ । ਜਾਖੜ ਨੇ ਕਾਂਗਰਸ ‘ਤੇ ਜਾਤਿਗਤ ਸਿਆਸਤ ਕਰਨ ਦੇ ਇਲਜ਼ਾਮ ਲਗਾਏ । ਬਤੌਰ ਹਿੰਦੂ ਨੇਤਾ ਉਨ੍ਹਾਂ ਨੂੰ ਮੁੱਖ ਮੰਤਰੀ ਨਾ ਬਣਾਏ ਜਾਨ ਦੀ ਟੀਸ ਇਸ ਦੌਰਾਨ ਨਜ਼ਰ ਆਈ ।
ਫਿਲਹਾਲ ਪੰਜਾਬ ਦੇ ਵਿੱਚ ਕਾਂਗਰਸ ਦੀ ਹਾਲਤ ਪਤਲੀ ਹੁੰਦੀ ਜਾ ਰਹੀ ਹੈ । ਕੈਪਟਨ ਅਮਰਿੰਦਰ ਸਿੰਘ ਤੋਂ ਬਾਅਦ ਜਾਖੜ ਪੰਜਾਬ ਦੀ ਸਿਆਸਤ ਚ ਕਾਂਗਰਸ ਦੇ ਐਕਟਿਵ ਨੇਤਾ ਸਨ । ਦੋਵੇਂ ਨੇਤਾ ਕੁੱਝ ਹੀ ਸਮੇਂ ਚ ਭਾਜਪਾ ਨਾਲ ਜੁੜ ਗਏ । ਨਵਜੋਤ ਸਿੱਧੂ ਕਾਂਗਰਸ ਚ ਅੱਡ ਹੋਈ ਬੈਠੇ ਨੇ । ਮਨਪ੍ਰੀਤ ਬਾਦਲ ਵੀ ਕਾਂਗਰਸ ਅਤੇ ਪੰਜਾਬ ਦੀ ਸਿਆਸਤ ਚ ਨਦਾਰਦ ਨਜ਼ਰ ਆ ਰਹੇ ਹਨ । ਉਨ੍ਹਾਂ ਦੇ ਰਿਸ਼ਤੇਦਾਰ ਜੈਜੀਤ ਜੌਹਲ ਨੇ ਟਵੀਟ ਕਰਕੇ ਕਾਂਗਰਸ ਹਾਈਕਮਾਨ ਖਿਲਾਫ ਭੜਾਸ ਕੱਢੀ ਸੀ । ਆਉਣ ਵਾਲੇ ਦਿਨਾਂ ਚ ਕਾਂਗਰਸ ਨੂੰ ਹੋਰ ਵੀ ਵੱਡੇ ਝਟਕੇ ਲਗੱਣ ਦੇ ਕਿਆਸ ਲਗਾਏ ਜਾ ਰਹੇ ਨੇ ।ਇਸੇ ਵਿਚਕਾਰ ਭਾਜਪਾ ਨੇਤਾ ਸੁਰਜੀਤ ਜਿਆਣੀ ਨੇ ਬਿਆਨ ਦਿੱਤਾ ਹੈ ਕਿ ਆਉਣ ਵਾਲੇ ਕੁੱਝ ਦਿਨਾਂ ਚ ਕਾਂਗਰਸ ਦੇ ਕਈ ਹੋਰ ਵੱਡੇ ਨੇਤਾ ਪਾਰਟੀ ਚੱਡ ਕੇ ਭਾਜਪਾ ਚ ਸ਼ਸ਼ਾਮਿਲ ਹੋਣ ਜਾ ਰਹੇ ਨੇ ।
Koo Appपंजाब के यशस्वी नाम आदरणीय श्री सुनील जाखड़ जी का भारतीय जनता पार्टी में स्वागत है। उन्होंने पंजाबियत की राजनीति की है, राज्य के सभी वर्गों में उनका सम्मान है। मुझे खुशी है कि सशक्त और आत्मनिर्भर भारत के राष्ट्रवादी पथ पर उनका अनुभवी साथ मिलेगा। अभिनंदन!– Gajendra Singh Shekhawat (@gssjodhpur) 19 May 2022
