Kangana Ranaut Film Emergency: ਅਦਾਕਾਰਾ ਅਤੇ ਭਾਜਪਾ ਸੰਸਦ ਮੈਂਬਰ ਕੰਗਨਾ ਰਣੌਤ (Kangana Ranaut) ਦੀ ਫਿਲਮ ‘ਐਮਰਜੈਂਸੀ’ ਦੇ ਰਿਲੀਜ਼ ਹੋਣ ਤੋਂ ਪਹਿਲਾਂ ਹੀ ਪੰਜਾਬ ਵਿੱਚ ਵਿਰੋਧ ਪ੍ਰਦਰਸ਼ਨ ਸ਼ੁਰੂ ਹੋ ਗਏ ਹਨ। ਬੁੱਧਵਾਰ ਨੂੰ ਸ਼੍ਰੋਮਣੀ ਕਮੇਟੀ ਅਤੇ ਸ਼੍ਰੋਮਣੀ ਅਕਾਲੀ ਦਲ ਨੇ ਕੇਂਦਰ ਸਰਕਾਰ ਅਤੇ ਸੈਂਸਰ ਬੋਰਡ ਤੋਂ ਫਿਲਮ ’ਤੇ ਪਾਬੰਦੀ ਲਾਉਣ ਦੀ ਮੰਗ ਕਰਦਿਆਂ ਦੋਸ਼ ਲਾਇਆ ਕਿ ਫਿਲਮ ਵਿੱਚ ਸਿੱਖਾਂ ਦੇ ਕਿਰਦਾਰ ਨੂੰ ਗਲਤ ਢੰਗ ਨਾਲ ਪੇਸ਼ ਕੀਤਾ ਗਿਆ ਹੈ।

ਸ਼੍ਰੋਮਣੀ ਕਮੇਟੀ ਪ੍ਰਧਾਨ ਹਰਜਿੰਦਰ ਸਿੰਘ ਧਾਮੀ ਨੇ ਕਿਹਾ ਕਿ ਫਿਲਮ ਵਿੱਚ ਸਿੱਖਾਂ ਦੇ ਕਿਰਦਾਰ ਨੂੰ ਗਲਤ ਤਰੀਕੇ ਨਾਲ ਪੇਸ਼ ਕਰਕੇ ਸਿੱਖਾਂ ਦੀਆਂ ਭਾਵਨਾਵਾਂ ਨੂੰ ਠੇਸ ਪਹੁੰਚਾਈ ਗਈ ਹੈ, ਇਸ ਲਈ ਸੈਂਸਰ ਬੋਰਡ ਨੂੰ ਤੁਰੰਤ ਫਿਲਮ ’ਤੇ ਪਾਬੰਦੀ ਲਗਾਉਣੀ ਚਾਹੀਦੀ ਹੈ।

 

View this post on Instagram

 

A post shared by Kangana Ranaut (@kanganaranaut)

ਇਕ ਪਾਸੇ ਜਿੱਥੇ ਮਨੁੱਖੀ ਅਧਿਕਾਰਾਂ ਦੇ ਵਕੀਲ ਜਸਵੰਤ ਸਿੰਘ ਖਾਲੜਾ ਦੇ ਜੀਵਨ ‘ਤੇ ਆਧਾਰਿਤ ਪੰਜਾਬੀ ਫਿਲਮ ਨੂੰ 85 ਕੱਟਾਂ ਦੇ ਬਾਵਜੂਦ ਰਿਲੀਜ਼ ਦੀ ਮਨਜ਼ੂਰੀ ਨਹੀਂ ਦਿੱਤੀ ਜਾ ਰਹੀ ਹੈ।

ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਬਾਦਲ ਨੇ ਅਦਾਕਾਰਾ ਕੰਗਨਾ ਰਣੌਤ ਖਿਲਾਫ ਧਾਰਾ 295ਏ ਤਹਿਤ ਕੇਸ ਦਰਜ ਕਰਨ ਦੀ ਮੰਗ ਕੀਤੀ ਹੈ। ਬਠਿੰਡਾ ਤੋਂ ਅਕਾਲੀ ਦਲ ਦੀ ਸੰਸਦ ਮੈਂਬਰ ਹਰਸਿਮਰਤ ਕੌਰ ਬਾਦਲ ਨੇ ਵੀ ਭਾਜਪਾ ਦੀ ਸੰਸਦ ਮੈਂਬਰ ਕੰਗਨਾ ਰਣੌਤ ਨੂੰ ਸਿੱਖ ਵਿਰੋਧੀ ਕਰਾਰ ਦਿੰਦਿਆਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਤੋਂ ਉਨ੍ਹਾਂ ਦੀ ਫਿਲਮ ‘ਐਮਰਜੈਂਸੀ’ ’ਤੇ ਪਾਬੰਦੀ ਲਾਉਣ ਦੀ ਮੰਗ ਕੀਤੀ ਹੈ।

ਉਹ ਸ੍ਰੀ ਹਰਿਮੰਦਰ ਸਾਹਿਬ ਵਿਖੇ ਮੱਥਾ ਟੇਕਣ ਉਪਰੰਤ ਪੱਤਰਕਾਰਾਂ ਨਾਲ ਗੱਲਬਾਤ ਕਰ ਰਹੇ ਸਨ। ਉਨ੍ਹਾਂ ਕਿਹਾ ਕਿ ਸਿੱਖ ਕੌਮ ਨੂੰ ਬਦਨਾਮ ਕਰਨ ਵਾਲੀ ਅਜਿਹੀ ਫਿਲਮ ਦੇ ਰਿਲੀਜ਼ ਹੋਣ ਨਾਲ ਦੇਸ਼ ਦਾ ਮਾਹੌਲ ਖਰਾਬ ਹੋ ਸਕਦਾ ਹੈ, ਇਸ ਲਈ ਕੇਂਦਰ ਸਰਕਾਰ ਅਤੇ ਸੈਂਸਰ ਬੋਰਡ ਨੂੰ ਇਸ ਨੂੰ ਮਨਜ਼ੂਰੀ ਨਹੀਂ ਦੇਣੀ ਚਾਹੀਦੀ।

The post Kangana Ranaut ਦੀ ਐਮਰਜੈਂਸੀ ਫਿਲਮ ‘ਤੇ ਪਾਬੰਦੀ ਲਗਾਉਣ ਦੀ ਮੰਗ ਕੀਤੀ appeared first on TV Punjab | Punjabi News Channel.

Hpayy Birthday Kangana Ranaut: ਬਾਲੀਵੁੱਡ ਦੀ ਵਿਵਾਦਿਤ ‘ਕੁਈਨ’ ਕੰਗਨਾ ਰਣੌਤ ਦਾ ਅੱਜ 36ਵਾਂ ਜਨਮਦਿਨ ਹੈ। ਕੰਗਨਾ ਰਣੌਤ ਦਾ ਜਨਮ 23 ਮਾਰਚ 1987 ਨੂੰ ਹੋਇਆ ਸੀ। ਮਾਡਲਿੰਗ ਨਾਲ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕਰਨ ਵਾਲੀ ਕੰਗਨਾ ਰਣੌਤ ਨੇ ਅੱਜ ਬਾਲੀਵੁੱਡ ‘ਚ ਆਪਣਾ ਖਾਸ ਨਾਂ ਕਮਾਇਆ ਹੈ। ਕੰਗਨਾ ਫਿਲਮ ਇੰਡਸਟਰੀ ਦੀ ਚੋਟੀ ਦੀ ਅਭਿਨੇਤਰੀ ਹੈ। ਇੱਥੇ ਤੱਕ ਦਾ ਉਨ੍ਹਾਂ ਦਾ ਸਫਰ ਇੰਨਾ ਆਸਾਨ ਨਹੀਂ ਸੀ, ਉਨ੍ਹਾਂ ਨੇ ਹਿੰਦੀ ਸਿਨੇਮਾ ‘ਚ ਆਪਣੀ ਜਗ੍ਹਾ ਬਣਾਉਣ ਲਈ ਕਾਫੀ ਮਿਹਨਤ ਕੀਤੀ ਹੈ। ਅਜਿਹੇ ‘ਚ ਕੰਗਨਾ ਦੇ ਜਨਮਦਿਨ ‘ਤੇ ਆਓ ਜਾਣਦੇ ਹਾਂ ਉਨ੍ਹਾਂ ਦੀ ਜ਼ਿੰਦਗੀ ਦੀਆਂ ਕੁਝ ਖਾਸ ਗੱਲਾਂ।

ਹਿਮਾਚਲ ਪ੍ਰਦੇਸ਼ ਦੀ ਰਹਿਣ ਵਾਲੀ ਹੈ ਕੰਗਨਾ
ਕੰਗਨਾ ਦਾ ਜਨਮ ਹਿਮਾਚਲ ਪ੍ਰਦੇਸ਼ ਦੇ ਮੰਡੀ ਜ਼ਿਲ੍ਹੇ ਦੇ ਨੇੜੇ ਸਥਿਤ ਸੂਰਜਪੁਰ (ਭਬਲਾਨਾ) ਵਿੱਚ ਹੋਇਆ ਸੀ, ਕੰਗਨਾ ਦੇ ਪਿਤਾ ਅਮਰਦੀਪ ਰਨੋਟ ਇੱਕ ਵਪਾਰੀ ਹਨ ਜਦੋਂ ਕਿ ਮਾਂ ਇੱਕ ਅਧਿਆਪਕ ਹੈ। ਕੰਗਣਾ ਦੀ ਵੱਡੀ ਭੈਣ ਰੰਗੋਲੀ ‘ਤੇ ਵੀ ਐਸਿਡ ਅਟੈਕ ਹੋ ਚੁੱਕਾ ਹੈ ਪਰ ਅੱਜ ਉਹ ਆਪਣੀ ਭੈਣ ਅਤੇ ਪਰਿਵਾਰ ਨਾਲ ਚੰਗੀ ਜ਼ਿੰਦਗੀ ਬਤੀਤ ਕਰ ਰਹੀ ਹੈ। ਕੰਗਨਾ ਰਣੌਤ ਨੇ ਆਪਣੀ ਪੜ੍ਹਾਈ ਡੀਏਵੀ ਸਕੂਲ ਚੰਡੀਗੜ੍ਹ ਤੋਂ ਕੀਤੀ। ਕੰਗਨ ਦੇ ਮਾਤਾ-ਪਿਤਾ ਚਾਹੁੰਦੇ ਸਨ ਕਿ ਕੰਗਨਾ ਡਾਕਟਰ ਬਣੇ, ਹਾਲਾਂਕਿ ਅਜਿਹਾ ਨਹੀਂ ਹੋ ਸਕਿਆ।

12ਵੀਂ ਜਮਾਤ ਵਿੱਚ ਛੱਡ ਦਿੱਤਾ
ਕੰਗਨਾ ਨੇ ਇਕ ਇੰਟਰਵਿਊ ਦੌਰਾਨ ਦੱਸਿਆ ਸੀ ਕਿ ਉਸ ਦੇ ਮਾਤਾ-ਪਿਤਾ ਚਾਹੁੰਦੇ ਸਨ ਕਿ ਉਹ ਡਾਕਟਰ ਬਣੇ ਪਰ ਉਹ 12ਵੀਂ ਜਮਾਤ ‘ਚ ਹੀ ਫੇਲ ਹੋ ਗਈ। ਕੰਗਨਾ ਕੈਮਿਸਟਰੀ ਟੈਸਟ ‘ਚ ਫੇਲ ਹੋ ਗਈ ਅਤੇ ਇਸ ਤੋਂ ਬਾਅਦ ਉਸ ਦਾ ਆਪਣੇ ਮਾਤਾ-ਪਿਤਾ ਨਾਲ ਝਗੜਾ ਹੋ ਗਿਆ ਅਤੇ ਉਹ ਦਿੱਲੀ ਆ ਗਈ, ਕੰਗਨਾ 16 ਸਾਲ ਦੀ ਉਮਰ ‘ਚ ਦਿੱਲੀ ਪਹੁੰਚੀ ਅਤੇ ਫਿਰ ਮਾਡਲ ਬਣ ਗਈ। ਹਾਲਾਂਕਿ ਕੰਗਨਾ ਦੇ ਇਸ ਕੰਮ ‘ਚ ਰਚਨਾਤਮਕਤਾ ਨਜ਼ਰ ਨਹੀਂ ਆਈ। ਇਸ ਤੋਂ ਬਾਅਦ ਉਹ ਅਸਮਿਤਾ ਥੀਏਟਰ ਗਰੁੱਪ ਨਾਲ ਜੁੜ ਗਈ ।

ਰੋਟੀ ਅਚਾਰ ਖਾ ਕੇ ਬਿਤਾਏ ਦਿਨ
ਕੰਗਨਾ ਨੇ ਇਕ ਇੰਟਰਵਿਊ ‘ਚ ਕਿਹਾ ਸੀ ਕਿ ਸੰਘਰਸ਼ ਦੇ ਦੌਰ ‘ਚ ਉਸ ਨੂੰ ਕਈ-ਕਈ ਦਿਨ ਸਿਰਫ ਰੋਟੀ ਅਚਾਰ ਖਾ ਕੇ ਗੁਜ਼ਾਰਨਾ ਪੈਂਦਾ ਸੀ ਕਿਉਂਕਿ ਉਸ ਨੂੰ ਪਿਤਾ ਤੋਂ ਆਰਥਿਕ ਮਦਦ ਨਹੀਂ ਮਿਲਦੀ ਸੀ, ਉਸ ਦੇ ਪਿਤਾ ਨਹੀਂ ਚਾਹੁੰਦੇ ਸਨ ਕਿ ਕੰਗਨਾ ਫਿਲਮਾਂ ‘ਚ ਕੰਮ ਕਰੇ। ਇਸ ਤੋਂ ਬਾਅਦ ਦੋਹਾਂ ਦੇ ਰਿਸ਼ਤੇ ‘ਚ ਖਟਾਸ ਆ ਗਈ, ਹਾਲਾਂਕਿ ਅੱਜ ਪਰਿਵਾਰ ਵਾਲੇ ਕੰਗਨਾ ਦੇ ਕੰਮ ਤੋਂ ਕਾਫੀ ਖੁਸ਼ ਹਨ।

ਕੌਫੀ ਪੀਂਦੇ ਪਹਿਲੀ ਫਿਲਮ
2005 ਵਿੱਚ ਨਿਰਦੇਸ਼ਕ ਅਨੁਰਾਗ ਬਾਸੂ ਨੇ ਕੰਗਨਾ ਨੂੰ ਇੱਕ ਕੈਫੇ ਵਿੱਚ ਕੌਫੀ ਪੀਂਦਿਆਂ ਦੇਖਿਆ ਅਤੇ ਉਸਨੂੰ ਫਿਲਮ ਦੀ ਪੇਸ਼ਕਸ਼ ਕੀਤੀ। ਕੰਗਨਾ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ 2006 ਦੀ ਥ੍ਰਿਲਰ ਫਿਲਮ ‘ਗੈਂਗਸਟਰ’ ਨਾਲ ਕੀਤੀ ਸੀ। ਫਿਲਮ ‘ਗੈਂਗਸਟਰ’ ਲਈ ਉਸ ਨੂੰ ਸਰਵੋਤਮ ਡੈਬਿਊ ਅਦਾਕਾਰਾ ਦਾ ਫਿਲਮਫੇਅਰ ਐਵਾਰਡ ਦਿੱਤਾ ਗਿਆ। ਕੰਗਨਾ ਫਿਲਮ ਇੰਡਸਟਰੀ ਦੀ ਚੋਟੀ ਦੀ ਅਭਿਨੇਤਰੀ ਹੈ ਅਤੇ ਉਸ ਨੂੰ ਹੁਣ ਤੱਕ 4 ਨੈਸ਼ਨਲ ਐਵਾਰਡ ਮਿਲ ਚੁੱਕੇ ਹਨ।

ਕੰਗਨਾ ਰਣੌਤ ਦਾ ਰਿਸ਼ਤਾ

ਕੰਗਨਾ ਰਣੌਤ ਦੇ ਰਿਸ਼ਤੇ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਦਾ ਨਾਂ ਕਈ ਲੋਕਾਂ ਨਾਲ ਜੁੜ ਚੁੱਕਾ ਹੈ। ਆਪਣੇ ਕਰੀਅਰ ਦੀ ਸ਼ੁਰੂਆਤ ‘ਚ ਜਦੋਂ ਉਹ ਸੰਘਰਸ਼ ਕਰ ਰਹੀ ਸੀ ਤਾਂ ਉਸ ਦਾ ਨਾਂ ਆਦਿਤਿਆ ਪੰਚੋਲੀ ਨਾਲ ਵੀ ਜੁੜ ਗਿਆ। ਇਸ ਤੋਂ ਬਾਅਦ ਉਹ ਫਿਲਮ ਰਾਜ਼ 2 ਦੇ ਸੈੱਟ ‘ਤੇ ਸ਼ੇਖਰ ਸੁਮਨ ਦੇ ਬੇਟੇ ਅਧਿਅਨ ਸੁਮਨ ਨਾਲ ਮਿਲੀ। ਦੋਵਾਂ ਨੂੰ ਇੱਕ ਦੂਜੇ ਨਾਲ ਪਿਆਰ ਹੋ ਗਿਆ ਸੀ। ਕਿਹਾ ਜਾਂਦਾ ਹੈ ਕਿ ਸ਼ੇਖਰ ਸੁਮਨ ਨੂੰ ਅਧਿਆਣ ਅਤੇ ਕੰਗਨਾ ਦਾ ਰਿਸ਼ਤਾ ਪਸੰਦ ਨਹੀਂ ਸੀ। ਕੁਝ ਸਮੇਂ ਬਾਅਦ ਦੋਵਾਂ ਦਾ ਬ੍ਰੇਕਅੱਪ ਹੋ ਗਿਆ। ਕੰਗਨਾ ਅਤੇ ਰਿਤਿਕ ਰੋਸ਼ਨ ਦਾ ਲਿੰਕਅੱਪ ਕਾਫੀ ਚਰਚਾ ‘ਚ ਸੀ। ਰਿਤਿਕ ਅਤੇ ਸੁਜ਼ੈਨ ਦੇ ਤਲਾਕ ਦੌਰਾਨ ਦੋਵਾਂ ਦੇ ਰਿਸ਼ਤੇ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ ਸੀ।

The post Kangana Ranaut Birthday: 12ਵੀਂ ਜਮਾਤ ‘ਚ ਫੇਲ ਹੋਣ ਤੋਂ ਬਾਅਦ ਘਰੋਂ ਭੱਜੀ ਸੀ ਕੰਗਨਾ, ਰੋਟੀ-ਅਚਾਰ ਖਾ ਕੇ ਗੁਜ਼ਾਰੇ ਦਿਨ appeared first on TV Punjab | Punjabi News Channel.