ਭਾਰਤ ਅਤੇ ਸ਼੍ਰੀਲੰਕਾ ਵਿਚਾਲੇ ਟੀ-20 ਸੀਰੀਜ਼ ਖੇਡੀ ਗਈ ਸੀ। ਜਿਸ ‘ਚ ਭਾਰਤੀ ਟੀਮ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਸੀਰੀਜ਼ 3-0 ਨਾਲ ਜਿੱਤ ਲਈ। ਤੀਜਾ ਟੀ-20 ਮੈਚ ਬਹੁਤ ਰੋਮਾਂਚਕ ਰਿਹਾ ਜਿਸ ਵਿੱਚ ਭਾਰਤ ਨੇ ਸੁਪਰ ਓਵਰ ਵਿੱਚ ਜਿੱਤ ਦਰਜ ਕੀਤੀ। ਕੁਝ ਸਮੇਂ ਤੱਕ ਸ਼੍ਰੀਲੰਕਾ ਦੀ ਟੀਮ ਇਸ ਮੈਚ ‘ਚ ਜਿੱਤ ਦੇ ਕਾਫੀ ਨੇੜੇ ਸੀ। ਪਰ ਮੈਚ ‘ਚ ਕੁਝ ਅਜਿਹਾ ਹੋਇਆ ਕਿ ਸ਼੍ਰੀਲੰਕਾ ਦੀ ਟੀਮ ਹਾਰ ਗਈ।

ਸ਼੍ਰੀਲੰਕਾ ਨੂੰ ਤੀਜੇ ਟੀ-20 ਮੈਚ ‘ਚ ਜਿੱਤ ਲਈ 12 ਗੇਂਦਾਂ ‘ਤੇ ਸਿਰਫ 9 ਦੌੜਾਂ ਦੀ ਲੋੜ ਸੀ। ਪਰ ਸ਼੍ਰੀਲੰਕਾ ਦੀ ਟੀਮ 8 ਦੌੜਾਂ ਹੀ ਬਣਾ ਸਕੀ ਅਤੇ ਮੈਚ ਟਾਈ ਹੋ ਗਿਆ। ਜਿਸ ਤੋਂ ਬਾਅਦ ਭਾਰਤ ਨੇ ਇਹ ਮੈਚ ਬੜੀ ਆਸਾਨੀ ਨਾਲ ਜਿੱਤ ਲਿਆ। ਮੈਚ ਜਿੱਤਣ ਤੋਂ ਬਾਅਦ ਕਪਤਾਨ ਸੂਰਿਆ ਨੇ ਕਿਹਾ ਕਿ ਇਹ ਆਖਰੀ ਓਵਰ ਤੋਂ ਜ਼ਿਆਦਾ ਮਹੱਤਵਪੂਰਨ ਸੀ। ਜਦੋਂ ਸਾਡੇ ਬੱਲੇਬਾਜ਼ 30 ਦੌੜਾਂ ਦੇ ਸਕੋਰ ‘ਤੇ ਪੈਵੇਲੀਅਨ ਚਲੇ ਗਏ ਸਨ। ਉਸ ਤੋਂ ਬਾਅਦ ਸਾਡੇ ਖਿਡਾਰੀਆਂ ਨੇ ਜੋ ਜਜ਼ਬਾ ਦਿਖਾਇਆ ਉਹ ਸ਼ਾਨਦਾਰ ਸੀ। ਮੈਂ ਸੋਚਿਆ ਕਿ ਇਸ ਪਿੱਚ ‘ਤੇ 140 ਦੌੜਾਂ ਦਾ ਸਕੋਰ ਚੰਗਾ ਸਕੋਰ ਹੋ ਸਕਦਾ ਹੈ।

ਭਾਰਤੀ ਟੀ-20 ਟੀਮ ਦੇ ਕਪਤਾਨ ਸੂਰਿਆਕੁਮਾਰ ਯਾਦਵ ਨੇ ਕਿਹਾ ਕਿ ਜਦੋਂ ਮੈਂ ਬੱਲੇਬਾਜ਼ੀ ਕਰਨ ਲਈ ਕ੍ਰੀਜ਼ ‘ਤੇ ਆਇਆ। ਉਦੋਂ ਮੇਰੇ ‘ਤੇ ਬਹੁਤ ਦਬਾਅ ਸੀ ਪਰ ਮੈਨੂੰ ਅਜਿਹੀ ਜਗ੍ਹਾ ‘ਤੇ ਰਹਿਣਾ ਚੰਗਾ ਲੱਗਦਾ ਹੈ। ਸੂਰਿਆ ਨੇ ਅੱਗੇ ਕਿਹਾ ਕਿ ਮੈਂ ਇਸ ਸੀਰੀਜ਼ ‘ਚ ਪਹਿਲਾਂ ਹੀ ਕਿਹਾ ਸੀ ਕਿ ਮੈਂ ਟੀਮ ਦਾ ਕਪਤਾਨ ਨਹੀਂ ਸਗੋਂ ਲੀਡਰ ਬਣਨਾ ਚਾਹੁੰਦਾ ਹਾਂ। ਰੋਹਿਤ ਨੇ ਟੀ-20 ਵਿਸ਼ਵ ਕੱਪ 2024 ਦਾ ਖਿਤਾਬ ਜਿੱਤਣ ਤੋਂ ਬਾਅਦ ਟੀ-20 ਕ੍ਰਿਕਟ ਨੂੰ ਅਲਵਿਦਾ ਕਹਿ ਦਿੱਤਾ।

ਜਿਸ ਤੋਂ ਬਾਅਦ ਸੂਰਿਆਕੁਮਾਰ ਯਾਦਵ ਨੂੰ ਟੀ-20 ਦਾ ਨਵਾਂ ਕਪਤਾਨ ਬਣਾਇਆ ਗਿਆ। ਸੂਰਿਆ ਬਤੌਰ ਕਪਤਾਨ ਆਪਣੀ ਤੀਜੀ ਸੀਰੀਜ਼ ਖੇਡ ਰਿਹਾ ਸੀ ਜਿਸ ਵਿਚ ਉਸ ਨੇ ਦੋ ਸੀਰੀਜ਼ ਜਿੱਤੀਆਂ ਹਨ। ਇਸ ਤਰ੍ਹਾਂ ਇੱਕ ਸੀਰੀਜ਼ ਡਰਾਅ ਰਹੀ। ਇਸ ਸੀਰੀਜ਼ ‘ਚ ਸੂਰਿਆ ਦੀ ਕਪਤਾਨੀ ਦੀ ਚਰਚਾ ਹਰ ਪਾਸੇ ਦੇਖਣ ਨੂੰ ਮਿਲ ਰਹੀ ਹੈ। ਉਸ ਨੂੰ ਗੇਂਦਬਾਜ਼ੀ ਦਾ ਕਪਤਾਨ ਦੱਸਿਆ ਜਾ ਰਿਹਾ ਹੈ।

ਸੂਰਿਆਕੁਮਾਰ ਯਾਦਵ ਲਈ ਟੀ-20 ਕਪਤਾਨ ਦੇ ਤੌਰ ‘ਤੇ ਇਹ ਪਹਿਲੀ ਸੀਰੀਜ਼ ਸੀ ਜਿਸ ‘ਚ ਉਨ੍ਹਾਂ ਨੇ ਜਿੱਤ ਦਰਜ ਕੀਤੀ ਹੈ। ਸੂਰਿਆ ਨੂੰ ਇਸ ਸੀਰੀਜ਼ ‘ਚ ਆਪਣੇ ਪ੍ਰਦਰਸ਼ਨ ਦਾ ਫਲ ਮਿਲਿਆ ਅਤੇ ਸੀਰੀਜ਼ ਜਿੱਤਣ ਤੋਂ ਬਾਅਦ ਉਸ ਨੂੰ ਮੈਨ ਆਫ ਦਾ ਸੀਰੀਜ਼ ਦਾ ਐਵਾਰਡ ਦਿੱਤਾ ਗਿਆ।

The post ਸ਼੍ਰੀਲੰਕਾ ਖਿਲਾਫ ਸੀਰੀਜ਼ ਜਿੱਤਣ ਤੋਂ ਬਾਅਦ ਸੂਰਿਆਕੁਮਾਰ ਨੇ ਦਿੱਤਾ ਵੱਡਾ ਬਿਆਨ, ਕਿਹਾ ਮੈਂ ਟੀਮ ਦਾ ਕਪਤਾਨ ਨਹੀਂ… appeared first on TV Punjab | Punjabi News Channel.