ਬੀਤੇ ਦਿਨ ਯਾਨੀ 5 ਨਵੰਬਰ ਨੂੰ ਬਾਲੀਵੁੱਡ ਅਭਿਨੇਤਰੀ ਅਤੇ ਸੁਨੀਲ ਸ਼ੈਟੀ ਦੀ ਬੇਟੀ ਆਥੀਆ ਸ਼ੈੱਟੀ ਨੇ ਆਪਣਾ 29ਵਾਂ ਜਨਮਦਿਨ ਮਨਾਇਆ। ਆਥੀਆ ਸ਼ੈੱਟੀ ਦੇ ਇਸ ਜਨਮਦਿਨ ਦੇ ਨਾਲ ਹੀ ਲੰਬੇ ਸਮੇਂ ਤੋਂ ਕ੍ਰਿਕਟਰ ਕੇਐੱਲ ਰਾਹੁਲ ਨਾਲ ਉਸ ਦੇ ਰਿਸ਼ਤੇ ਦੀਆਂ ਖਬਰਾਂ ਆ ਰਹੀਆਂ ਸਨ। ਅਜਿਹੇ ‘ਚ ਆਥੀਆ ਸ਼ੈੱਟੀ ਦੇ 29ਵੇਂ ਜਨਮਦਿਨ ‘ਤੇ ਕੇਐੱਲ ਰਾਹੁਲ ਨੇ ਆਥੀਆ ਸ਼ੈੱਟੀ ਨਾਲ ਆਪਣੇ ਰਿਸ਼ਤੇ ਦੀ ਪੁਸ਼ਟੀ ਕੀਤੀ ਹੈ। ਕੇਐੱਲ ਰਾਹੁਲ ਨੇ ਆਥੀਆ ਨਾਲ ਆਪਣੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀਆਂ ਹਨ, ਜਿਸ ਤੋਂ ਸਾਫ ਪਤਾ ਲੱਗਦਾ ਹੈ ਕਿ ਦੋਵੇਂ ਇਕ-ਦੂਜੇ ਨੂੰ ਕਿੰਨਾ ਪਿਆਰ ਕਰਦੇ ਹਨ।

ਕੇਐਲ ਰਾਹੁਲ ਦੁਆਰਾ ਸ਼ੇਅਰ ਕੀਤੀਆਂ ਆਪਣੀਆਂ ਅਤੇ ਆਥੀਆ ਦੀਆਂ ਤਸਵੀਰਾਂ ਵਿੱਚ, ਆਥੀਆ ਅਤੇ ਰਾਹੁਲ ਇਕੱਠੇ ਬੈਠੇ ਨਜ਼ਰ ਆ ਰਹੇ ਹਨ ਅਤੇ ਇੱਕ ਤਸਵੀਰ ਵਿੱਚ ਮਸਤੀ ਕਰਦੇ ਵੀ ਨਜ਼ਰ ਆ ਰਹੇ ਹਨ। ਸੁਨੀਲ ਸ਼ੈੱਟੀ ਅਤੇ ਅਹਾਨ ਸ਼ੈੱਟੀ ਨੇ ਵੀ ਰਾਹੁਲ ਅਤੇ ਆਥੀਆ ਦੀਆਂ ਇਨ੍ਹਾਂ ਤਸਵੀਰਾਂ ‘ਤੇ ਦਿਲ ਦਾ ਇਮੋਜੀ ਬਣਾ ਕੇ ਟਿੱਪਣੀ ਕੀਤੀ ਹੈ। ਰਾਹੁਲ ਨੇ ਇਸ ਪੋਸਟ ‘ਚ ਕੁਝ ਨਹੀਂ ਲਿਖਿਆ ਪਰ ਦਿਲ ਦਾ ਇਮੋਜੀ ਬਣਾਇਆ ਹੈ। ਅਹਾਨ ਅਤੇ ਸੁਨੀਲ ਤੋਂ ਇਲਾਵਾ ਟਾਈਗਰ ਸ਼ਰਾਫ ਅਤੇ ਕ੍ਰਿਸ਼ਨਾ ਸ਼ਰਾਫ ਨੇ ਵੀ ਇਨ੍ਹਾਂ ਤਸਵੀਰਾਂ ‘ਤੇ ਕਮੈਂਟ ਕੀਤਾ ਹੈ।

 

View this post on Instagram

 

A post shared by KL Rahul (@rahulkl)

ਆਪਣੀ ਅਤੇ ਆਥੀਆ ਦੀ ਇੱਕ ਤਸਵੀਰ ਸਾਂਝੀ ਕਰਦੇ ਹੋਏ ਰਾਹੁਲ ਨੇ ਲਿਖਿਆ, ”ਜਨਮਦਿਨ ਦੀਆਂ ਬਹੁਤ-ਬਹੁਤ ਮੁਬਾਰਕਾਂ ਮੇਰੇ ਪਿਆਰੇ, ਮੈਂ ਇਸਦੇ ਨਾਲ ਦਿਲ ਦਾ ਇਮੋਜੀ ਵੀ ਲਗਾਇਆ ਹੈ। ਇਹ ਪਹਿਲੀ ਵਾਰ ਹੈ ਜਦੋਂ ਦੋਵਾਂ ਨੇ ਜਨਤਕ ਤੌਰ ‘ਤੇ ਆਪਣੇ ਰਿਸ਼ਤੇ ਨੂੰ ਸਵੀਕਾਰ ਕੀਤਾ ਹੈ। ਇਨ੍ਹਾਂ ਦੇ ਰਿਸ਼ਤੇ ਦੀ ਚਰਚਾ ਕਾਫੀ ਸਮੇਂ ਤੋਂ ਚੱਲ ਰਹੀ ਸੀ। ਰਾਹੁਲ ਵੱਲੋਂ ਕੀਤੀ ਇਸ ਪੋਸਟ ਦਾ ਜਵਾਬ ਆਥੀਆ ਸ਼ੈੱਟੀ ਨੇ ਵੀ ਦਿੱਤਾ ਹੈ, ਉਸ ਨੇ ਵ੍ਹਾਈਟ ਹਾਰਟ ਅਤੇ ਗਲੋਬਲ ਵਰਲਡ ਦਾ ਇਮੋਜੀ ਪਾਇਆ ਹੈ। ਇੰਨਾ ਹੀ ਨਹੀਂ ਅਨੁਸ਼ਕਾ ਸ਼ਰਮਾ ਨੇ ਇਸ ਪੋਸਟ ‘ਤੇ ਦਿਲ ਦੇ ਇਮੋਜੀ ਨਾਲ ਕਮੈਂਟ ਵੀ ਕੀਤਾ ਹੈ। ਉਨ੍ਹਾਂ ਦੇ ਸਾਥੀ ਕ੍ਰਿਕਟਰ ਹਾਰਦਿਕ ਪੰਡਯਾ, ਸਾਨੀਆ ਮਿਰਜ਼ਾ ਸਯਾਮੀ ਖੇਰ, ਅਹਾਨ ਸ਼ੈੱਟੀ ਵਰਗੇ ਕਈ ਵੱਡੇ ਸਿਤਾਰਿਆਂ ਨੇ ਇਸ ਪੋਸਟ ‘ਤੇ ਟਿੱਪਣੀ ਕਰਕੇ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ।

The post ਕੇਐਲ ਰਾਹੁਲ ਨੇ ਆਥੀਆ ਸ਼ੈੱਟੀ ਦੇ ਜਨਮਦਿਨ ‘ਤੇ ਪਿਆਰ ਦਾ ਇਜ਼ਹਾਰ ਕੀਤਾ, ਰਿਸ਼ਤੇ ‘ਤੇ ਮੋਹਰ – ਦੇਖੋ ਰੋਮਾਂਟਿਕ ਤਸਵੀਰਾਂ appeared first on TV Punjab | Punjabi News Channel.