ਸਾਓ ਪੌਲੋ : ਬ੍ਰਾਜ਼ੀਲ ਨੇ ਦੱਖਣੀ ਅਮਰੀਕੀ ਵਿਸ਼ਵ ਕੱਪ ਫੁੱਟਬਾਲ ਕੁਆਲੀਫਾਇਰ ਮੈਚ ਵਿਚ ਉਰੂਗਵੇ ਨੂੰ 4-1 ਨਾਲ ਹਰਾਇਆ ਜਦਕਿ ਦੂਜੇ ਸਥਾਨ ’ਤੇ ਰਹਿਣ ਵਾਲੇ ਅਰਜਨਟੀਨਾ ਨੇ ਪੇਰੂ ਨੂੰ ਹਰਾਇਆ।

ਚੋਟੀ ਦੀ ਰੈਂਕਿੰਗ ਵਾਲੇ ਬ੍ਰਾਜ਼ੀਲ ਲਈ ਨੇਮੈਨ ਅਤੇ ਰਾਪੀਨਹਾ ਨੇ ਗੋਲ ਕੀਤੇ। ਅਰਜਨਟੀਨਾ ਲਈ ਲਿਓਨਲ ਮੇਸੀ ਫਾਰਮ ਵਿਚ ਨਹੀਂ ਸੀ ਪਰ ਉਸਦੀ ਟੀਮ ਨੇ ਮੈਚ 1-0 ਨਾਲ ਜਿੱਤ ਲਿਆ। ਬ੍ਰਾਜ਼ੀਲ ਦੇ ਹੁਣ 31 ਅੰਕ ਹਨ।

ਬ੍ਰਾਜ਼ੀਲ ਨਵੰਬਰ ਵਿੱਚ ਇੱਥੇ ਕੋਲੰਬੀਆ ਵਿਰੁੱਧ ਆਪਣਾ ਮੈਚ ਜਿੱਤ ਕੇ ਅਗਲੇ ਸਾਲ ਕਤਰ ਵਿਚ ਹੋਣ ਵਾਲੇ ਵਿਸ਼ਵ ਕੱਪ ਲਈ ਕੁਆਲੀਫਾਈ ਕਰੇਗਾ। ਇਸ ਦੇ ਨਾਲ ਹੀ ਅਰਜਨਟੀਨਾ ਦੇ 11 ਮੈਚਾਂ ਵਿਚ 25 ਅੰਕ ਹਨ।

ਕੋਰੋਨਾ ਪ੍ਰੋਟੋਕੋਲ ਦੀ ਉਲੰਘਣਾ ਕਾਰਨ ਸਤੰਬਰ ਵਿਚ ਦੋਵਾਂ ਟੀਮਾਂ ਵਿਚਾਲੇ ਮੈਚ ਸੱਤ ਮਿੰਟ ਬਾਅਦ ਰੱਦ ਕਰ ਦਿੱਤਾ ਗਿਆ ਸੀ। ਫੀਫਾ ਨੇ ਅਜੇ ਤੱਕ ਉਸ ਮੈਚ ਦੇ ਭਵਿੱਖ ਬਾਰੇ ਫੈਸਲਾ ਕਰਨਾ ਹੈ।

ਦੂਜੇ ਮੈਚਾਂ ਵਿਚ, ਇਕਵਾਡੋਰ ਨੇ ਕੋਲੰਬੀਆ ਨਾਲ ਗੋਲ ਰਹਿਤ ਡਰਾਅ ਖੇਡਿਆ ਅਤੇ ਹੁਣ 17 ਅੰਕਾਂ ਨਾਲ ਤੀਜੇ ਸਥਾਨ ‘ਤੇ ਹੈ। ਕੋਲੰਬੀਆ 16 ਅੰਕਾਂ ਨਾਲ ਚੌਥੇ ਸਥਾਨ ‘ਤੇ ਹੈ। ਚੋਟੀ ਦੀਆਂ ਚਾਰ ਟੀਮਾਂ ਸਿੱਧੇ ਵਿਸ਼ਵ ਕੱਪ ਲਈ ਅੱਗੇ ਵਧਣਗੀਆਂ।

ਪੰਜਵੇਂ ਸਥਾਨ ‘ਤੇ ਰਹਿਣ ਵਾਲੀ ਟੀਮ ਅੰਤਰ-ਮਹਾਂਦੀਪੀ ਪਲੇਆਫ ‘ਚ ਅੱਗੇ ਵਧ ਸਕਦੀ ਹੈ। ਚਿਲੀ ਨੇ ਵੈਨੇਜ਼ੁਏਲਾ ਨੂੰ 3-0 ਨਾਲ ਹਰਾਇਆ ਅਤੇ ਹੁਣ ਛੇਵੇਂ ਸਥਾਨ ‘ਤੇ ਹੈ। ਬੋਲੀਵੀਆ ਨੇ ਪੈਰਾਗੁਏ ਨੂੰ 4-0 ਨਾਲ ਹਰਾਇਆ ਬੋਲੀਵੀਆ ਸੱਤਵੇਂ ਅਤੇ ਪੈਰਾਗੁਏ ਅੱਠਵੇਂ ਸਥਾਨ ‘ਤੇ ਹੈ।

ਟੀਵੀ ਪੰਜਾਬ ਬਿਊਰੋ

The post ਬ੍ਰਾਜ਼ੀਲ ਨੇ ਉਰੂਗਵੇ ਨੂੰ 4-1 ਨਾਲ ਹਰਾਇਆ appeared first on TV Punjab | Punjabi News Channel.