ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਪ੍ਰਸਿੱਧੀ ਲਗਾਤਾਰ ਘਟਦੀ ਜਾ ਰਹੀ ਹੈ। ਇੱਕ ਨਵੇਂ ਸਰਵੇਖਣ ਮੁਤਾਬਕ ਲਗਭਗ ਤਿੰਨ ’ਚੋਂ ਦੋ ਕੈਨੇਡੀਅਨਾਂ ਦੀ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੇ ਬਾਰੇ ’ਚ ਧਾਰਨਾਵਾਂ ਠੀਕ ਨਹੀਂ ਹਨ। ਸਰਵੇ ’ਚ ਸ਼ਾਮਿਲ ਅੱਧੇ ਤੋਂ ਵੱਧ ਲੋਕ ਚਾਹੁੰਦੇ ਹਨ ਕਿ ਕੈਨੇਡੀਅਨ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅਗਲੀਆਂ ਚੋਣਾਂ ਤੋਂ ਪਹਿਲਾਂ ਅਸਤੀਫ਼ਾ ਦੇ ਦੇਣ। ਉੱਥੇ ਹੀ ਕਈ ਲੋਕਾਂ ਦਾ ਮੰਨਣਾ ਹੈ ਕਿ ਟਰੂਡੋ ਦੀਆਂ ਨੀਤੀਆਂ ਅਤੇ ਜਨਤਕ ਕਰਜ਼ਾ ਉਨ੍ਹਾਂ ਕਾਰਨਾਂ ਦੀ ਚੋਟੀ ’ਤੇ ਹੈ, ਜਿਨ੍ਹਾਂ ਦੇ ਚੱਲਦਿਆਂ ਲੋਕ ਚਾਹੁੰਦੇ ਹਨ ਕਿ ਉਹ ਅਸਤੀਫ਼ਾ ਦੇ ਦੇਣ। ਸਰਵੇ ’ਚ ਕੁਝ ਲੋਕਾਂ ਦਾ ਮੰਨਣਾ ਹੈ ਕਿ ਟਰੂਡੋ ਸਿਰਫ਼ ਇਸ ਗੱਲ ਲਈ ਅਸਤੀਫ਼ਾ ਦੇ ਦੇਣ ਕਿ ਲੋਕ ਹੁਣ ਉਨ੍ਹਾਂ ਤੋਂ ਅੱਕ ਚੁੱਕੇ ਹਨ।
‘ਦ ਕੈਨੇਡੀਅਨ ਪ੍ਰੈੱਸ’ ਲਈ ਕੀਤੇ ਗਏ ਲੇਗਰ ਪੋਲ ਤੋਂ ਪਤਾ ਲੱਗਦਾ ਹੈ ਕਿ ਮਹਿੰਗਾਈ ਤੋਂ ਲੈ ਕੇ ਸਿਹਤ ਦੇਖਭਾਲ, ਸਰਕਾਰੀ ਖ਼ਰਚ ਅਤੇ ਜਲਵਾਯੂ ਤਬਦੀਲੀ ਤੱਕ ਹਰ ਚੀਜ਼ ’ਤੇ ਲਿਬਰਲ ਸਰਕਾਰ ਪ੍ਰਤੀ ਲੋਕਾਂ ’ਚ ਵਿਆਪਕ ਅਸੰਤੁਸ਼ਟੀ ਹੈ। ਸਰਵੇਖਣ ਕੈਨੇਡਾ ’ਚ ਪਿਛਲੇ ਵੀਕਐਂਡ ਆਨਲਾਈਨ ਆਯੋਜਿਤ ਕੀਤਾ ਗਿਆ ਸੀ। ਇਸ ਸਰਵੇ ’ਚ 1,612 ਲੋਕਾਂ ਨੇ ਆਪਣੀ ਪ੍ਰਤੀਕਿਰਿਆ ਦਿੱਤੀ ਸੀ। ਸਰਵੇ ’ਚ 30 ਫ਼ੀਸਦੀ ਲੋਕਾਂ ਨੇ ਕਿਹਾ ਕਿ ਟਰੂਡੋ ਉਹ ਟਰੂਡੋ ਸਰਕਾਰ ਤੋਂ ਸੰਤੁਸ਼ਟ ਹਨ, ਜਦੋਂਕਿ 63 ਫ਼ੀਸਦੀ ਲੋਕਾਂ ਨੇ ਕਿਹਾ ਉਹ ਅਸੰਤੁਸ਼ਟ ਹਨ। ਕਿਊਬਕ ’ਚ 34 ਫ਼ੀਸਦੀ ਰਿਸਪਾਂਡਰਾਂ ਨੇ ਕਿਹਾ ਕਿ ਉਹ ਸਰਕਾਰ ਤੋਂ ਸੰਤੁਸ਼ਟ ਹਨ, ਜਦਕਿ 61 ਫ਼ੀਸਦੀ ਅਸੰਤੁਸ਼ਟ ਸਨ।
ਇਸ ਸਾਲ ਸਤੰਬਰ ਮਹੀਨੇ ਹੋਏ ਸਰਵੇਖਣਾਂ ਤੋਂ ਪਤਾ ਲੱਗਦਾ ਹੈ ਕਿ ਜਦੋਂ ਚੋਣਾਂ ਹੋਣਗੀਆਂ ਤਾਂ ਟਰੂਡੋ ਸੱਤਾ ਤੋਂ ਲਾਂਭੇ ਹੋ ਜਾਣਗੇ। ਕੈਨੇਡਾ ਦੇ ਗਲੋਬਲ ਨਿਊਜ਼ ’ਚ ਪ੍ਰਕਾਸ਼ਿਤ Ipsos ਸਰਵੇ ਮੁਤਾਬਕ, ਜਵਾਬ ਦੇਣ ਵਾਲੇ 40 ਫ਼ੀਸਦੀ ਲੋਕਾਂ ਨੇ ਦਾ ਮੰਨਣਾ ਹੈ ਕਿ ਕੰਜ਼ਰਵੇਟਿਵ ਨੇਤਾ ਪਿਏਰੇ ਪੌਲੀਐਵ ਨੂੰ ਪ੍ਰਧਾਨ ਮੰਤਰੀ ਬਣਨਾ ਚਾਹੀਦਾ ਹੈ। ਉੱਥੇ ਹੀ ਇਸ ਸੂਚੀ ’ਚ ਟਰੂਡੋ ਦੂਜੇ ਨੰਬਰ ’ਤੇ ਹੈ। ਉਨ੍ਹਾਂ ਨੂੰ 31 ਫ਼ੀਸਦੀ ਲੋਕਾਂ ਨੇ ਪਸੰਦ ਕੀਤਾ ਹੈ। ਰਿਪੋਰਟ ਮੁਤਾਬਕ Ipsos ਦੇ ਸੀ. ਈ. ਓ. ਦਾ ਮੰਨਣਾ ਹੈ ਕਿ ਜੇਕਰ ਅੱਜ ਹੀ ਚੋਣਾਂ ਹੁੰਦੀਆਂ ਹਨ, ਤਾਂ ਕੰਜ਼ਰਵੇਟਿਵ ਸਰਕਾਰ ਬਣਾ ਸਕਦੇ ਹਨ।

The post ਲਗਾਤਾਰ ਘਟਦੀ ਜਾ ਰਹੀ ਹੈ ਟਰੂਡੋ ਦੀ ਪ੍ਰਸਿੱਧੀ appeared first on TV Punjab | Punjabi News Channel.

Ottawa- ਕੈਨੇਡਾ ’ਚ ਲਿਬਰਲ-ਐਨਡੀਪੀ ਗੱਠਜੋੜ ਦੇ ਭਵਿੱਖ ਨੂੰ ਲੈ ਕੇ ਅਫਵਾਹਾਂ ਦਰਮਿਆਨ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅਤੇ ਐਨਡੀਪੀ ਆਗੂ ਜਗਮੀਤ ਸਿੰਘ ਕਾਰਬਨ ਟੈਕਸ ਵਿਵਾਦ ਨੂੰ ਲੈ ਕੇ ਆਹਮੋ-ਸਾਹਮਣੇ ਹੋ ਗਏ ਹਨ। ਬੁੱਧਵਾਰ ਨੂੰ ਹਾਊਸ ਆਫ ਕਾਮਨਜ਼ ’ਚ ਪ੍ਰਸ਼ਨ ਕਾਲ ਦੌਰਾਨ ਟਰੂਡੋ ਅਤੇ ਜਗਮੀਤ ਸਿੰਘ ਵਿਚਾਲੇ ਗਰਮਾ-ਗਰਮ ਬਹਿਸ ਹੋਈ। ਇਸ ਦੌਰਾਨ ਟਰੂਡੋ ਅਤੇ ਸਿੰਘ ਨੇ ਕਾਰਬਨ ਟੈਕਸ ਛੋਟ ’ਤੇ ਬਹਿਸ ਕੀਤੀ। ਇਸ ’ਤੇ ਕੰਜ਼ਰਵੇਟਿਵ ਨੇਤਾ ਪਿਏਰੇ ਪੋਇਲੀਵਰੇ ਨੇ ਮਜ਼ਾਕ ’ਚ ਕਿਹਾ, ’ਕਾਰਬਨ ਟੈਕਸ ਨੂੰ ਲੈ ਕੇ ਇਨ੍ਹਾਂ ਦੋਹਾਂ ਨੂੰ ਇਸ ਤਰ੍ਹਾਂ ਝਗੜਾ ਕਰਦੇ ਦੇਖਣਾ ਲਗਭਗ ਦੁਖਦਾਈ ਅਤੇ ਦਿਲ ਕੰਬਾਊ ਹੈ।’
ਹਾਊਸ ਆਫ ਕਾਮਨਜ਼ ’ਚ ਪ੍ਰਸ਼ਨ ਕਾਲ ਦੌਰਾਨ, ਜਸਟਿਨ ਟਰੂਡੋ ਨੇ ਹਰ ਤਰ੍ਹਾਂ ਦੀ ਘਰੇਲੂ ਹੀਟਿੰਗ ’ਤੇ ਕਾਰਬਨ ਟੈਕਸ ਨੂੰ ਖਤਮ ਕਰਨ ਦੀ ਮੰਗ ਕਰਨ ਲਈ ਕੰਜ਼ਰਵੇਟਿਵਾਂ ਨਾਲ ਸ਼ਾਮਲ ਹੋਣ ’ਤੇ ਐਨਡੀਪੀ ਦੀ ਆਲੋਚਨਾ ਕੀਤੀ। ਉਨ੍ਹਾਂ ਕਿਹਾ ਕਿ ਨਿਊ ਡੈਮੋਕਰੇਟਸ ਨੇ ਕੈਨੇਡਾ ਭਰ ’ਚ ਲੱਖਾਂ ਪ੍ਰਗਤੀਸ਼ੀਲਾਂ ਨੂੰ ਧੋਖਾ ਦਿੱਤਾ ਹੈ। ਐੱਨ. ਡੀ. ਪੀ. ਨੇ ਇਸ ਹਫਤੇ ਘਰੇਲੂ ਹੀਟਿੰਗ ’ਤੇ ਜੀ. ਐੱਸ. ਟੀ. ਨੂੰ ਰੱਦ ਕਰਨ, ਹੀਟਿੰਗ ਪੰਪਾਂ ਨੂੰ ਕੈਨੇਡੀਅਨਾਂ ਲਈ ਵਧੇਰੇ ਪਹੁੰਚਯੋਗ ਬਣਾਉਣ ਅਤੇ ਤੇਲ ਤੇ ਗੈਸ ਉਦਯੋਗ ਦੇ ਵਾਧੂ ਮੁਨਾਫੇ ’ਤੇ ਟੈਕਸ ਲਗਾਉਣ ਲਈ ਇੱਕ ਮਤਾ ਪੇਸ਼ ਕੀਤਾ ਸੀ ਪਰ ਗ੍ਰੀਨਜ਼ ਨੂੰ ਛੱਡ ਕੇ ਸਾਰੀਆਂ ਪਾਰਟੀਆਂ ਨੇ ਇਸ ਨੂੰ ਰੱਦ ਕਰ ਦਿੱਤਾ।
ਇਸ ’ਤੇ ਜਗਮੀਤ ਸਿੰਘ ਨੇ ਇਹ ਕਹਿ ਕੇ ਪਲਟਵਾਰ ਕੀਤਾ ਕਿ ਟਰੂਡੋ ਕਾਰਬਨ ਉਤਸਰਜਨ ਨੂੰ ਘੱਟ ਕਰਨ ਲਈ ਆਪਣੇ ਵਲੋਂ ਨਿਰਧਾਰਿਤ ਹਰੇਕ ਟੀਚੇ ਨੂੰ ਪੂਰਾ ਕਰਨ ਤੋਂ ਖੁੰਝੇ ਹਨ। ਇਸ ਦੇ ਨਾਲ ਹੀ ਇਸ ਮੌਕੇ ਉਨ੍ਹਾਂ ਨੇ ਟਰੂਡੋ ’ਤੇ ਵਰ੍ਹਦਿਆਂ ਵਾਤਾਵਰਣ ਕਮਿਸ਼ਨਰ ਦੇ ਇਸ ਹਫ਼ਤੇ ਦੇ ਆਡਿਟ ਦਾ ਹਵਾਲਾ ਦਿੱਤਾ, ਜਿਸ ’ਚ ਕਿਹਾ ਗਿਆ ਹੈ ਕਿ ਸਰਕਾਰ ਆਪਣੇ 2030 ਦੇ ਟੀਚੇ ਤੋਂ ਖੁੰਝਣ ਲਈ ਤਿਆਰ ਹੈ।
ਇਸ ਹਫ਼ਤੇ ਦੀ ਸ਼ੁਰੂਆਤ ’ਚ ਲਿਆਂਦੇ ਗਏ ਕੰਜ਼ਰਵੇਟਿਵ ਪ੍ਰਸਤਾਵ ’ਤੇ ਐੱਨ. ਡੀ. ਪੀ. ਦੀ ਵੋਟ ’ਤੇ ਆਪਣੀ ਨਾਰਾਜ਼ਗੀ ਜ਼ਾਹਰ ਕਰਨ ਵਾਲੇ ਟਰੂਡੋ ਨਵੀਨਤਮ ਲਿਬਰਲ ਸਨ। ਉਨ੍ਹਾਂ ਦੀ ਕਾਕਸ ਦੇ ਹੋਰ ਸੰਸਦ ਮੈਂਬਰਾਂ ਨੇ ਵੀ ਐੱਨ. ਡੀ. ਪੀ. ’ਤੇ ਜਲਵਾਯੂ ਤਬਦੀਲੀ ਵਿਰੁੱਧ ਲੜਨ ਲਈ ਇੱਕ ਹੋਰ ਪ੍ਰਸਤਾਵ ਦਾ ਸੁਝਾਅ ਦੇ ਕੇ ਮਿਸ਼ਰਿਤ ਸੰਕੇਤ ਭੇਜਣ ਦਾ ਦੋਸ਼ ਲਾਇਆ ਸੀ।

The post ਕਾਰਬਨ ਟੈਕਸ ਦੇ ਮੁੱਦੇ ’ਤੇ ਪਾਰਲੀਮੈਂਟ ’ਚ ਇੱਕ-ਦੂਜੇ ’ਤੇ ਵਰ੍ਹੇ ਟਰੂਡੋ ਅਤੇ ਜਗਮੀਤ ਸਿੰਘ appeared first on TV Punjab | Punjabi News Channel.

Quebec City- ਵੀਰਵਾਰ ਤੋਂ ਕਿਊਬੈਕ ਸਿਟੀ ’ਚ ਕੰਜ਼ਰਵੇਟਿਵ ਪਾਰਟੀ ਦੀ ਤਿੰਨ ਦਿਨਾਂ ਪਾਲਿਸੀ ਕਨਵੈਂਸ਼ਨ ਸ਼ੁਰੂ ਹੋ ਗਈ ਹੈ, ਜਿਹੜੀ ਕਿ ਉਨ੍ਹਾਂ ਵੋਟਰਾਂ ਨੂੰ ਲੁਭਾਉਣ ਲਈ ਦਾ ਇੱਕ ਖ਼ਾਸ ਮੌਕਾ ਹੈ, ਜਿਹੜੇ ਕਿ ਸੱਤਾਧਾਰੀ ਲਿਬਰਲਾਂ ਤੋਂ ਥੱਕੇ ਹੋਣ ਦਾ ਸੰਕੇਤ ਦੇ ਰਹੇ ਹਨ। ਜ਼ਿਕਰਯੋਗ ਹੈ ਕਿ ਪਾਲਿਸੀ ਕਨਵੈਂਸ਼ਨ ਦੌਰਾਨ ਪਾਰਟੀ ਵੱਲੋਂ ਮੁੱਖ ਨੀਤੀਆਂ ਦਾ ਖ਼ਾਕਾ ਅਤੇ ਚੁਣਾਵੀ ਨੁਕਤਿਆਂ ਦਾ ਏਜੰਡਾ ਤਿਆਰ ਕੀਤਾ ਜਾਂਦਾ ਹੈ। ਕਨਵੈਂਸ਼ਨ ਨਾ ਸਿਰਫ਼ ਪਾਰਟੀ ਦੇ ਮੈਂਬਰਾਂ ਲਈ ਇਕੱਠੇ ਹੋਕੇ ਪਾਰਟੀ ਨੂੰ ਨਵੀਂ ਦਿਸ਼ਾ ਦੇਣ ਦੇ ਵਿਚਾਰ ਕਰਨ ਦਾ ਮੌਕਾ ਹੁੰਦੀ ਹੈ, ਸਗੋਂ ਇਹ ਵੋਟਰਾਂ ਨੂੰ ਲੁਭਾਉਣ ਦਾ ਵੀ ਇੱਕ ਜ਼ਰੀਆ ਹੁੰਦੀ ਹੈ।
ਹਾਲੀਆ ਓਪੀਨੀਅਨ ਪੋਲਜ਼ ਦਰਸਾਉਂਦੇ ਹਨ ਕਿ ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਦੀ ਲੋਕਾਂ ਵਿਚ ਪਸੰਦੀਦਗੀ ਵਧੀ ਹੈ, ਅਤੇ ਜੇ ਹਾਲ ਹੀ ਵਿਚ ਚੋਣਾਂ ਕਰਵਾਈਆਂ ਜਾਣ ਤਾਂ ਕੰਜ਼ਰਵੇਟਿਵ ਪਾਰਟੀ ਬਹੁਮਤ ਦੀ ਸਰਕਾਰ ਬਣਾ ਸਕਦੀ ਹੈ। ਪੌਲੀਐਵ ਕਿਫ਼ਾਇਤੀਪਣ, ਮਹਿੰਗਾਈ ਅਤੇ ਮੌਜੂਦਾ ਸਰਕਾਰ ਦੀਆਂ ਅਸਫਲਤਾਵਾਂ ’ਤੇ ਖ਼ਾਸਾ ਫ਼ੋਕਸ ਕਰ ਰਹੇ ਹਨ। ਪਰ ਕੁਝ ਪਾਰਟੀ ਮੈਂਬਰਾਂ ਦੇ ਮਨਾਂ ਵਿਚ ਹੋਰ ਮੁੱਦੇ ਵੀ ਹਨ।
ਕਨਵੈਂਸ਼ਨ ਵਿਚ ਵਿਚਾਰੇ ਜਾਣ ਵਾਲੇ ਪਾਲਿਸੀ ਪ੍ਰਸਤਾਵਾਂ ਦੀ ਸੂਚੀ ’ਚ ਮਹਿੰਗਾਈ ਨਾਲ ਨਜਿੱਠਣਾ, ਮੌਰਗੇਜ ਸ਼ਰਤਾਂ ਵਿਚ ਕੁਝ ਬਦਲਾਅ ਅਤੇ ਬਜ਼ੁਰਗਾਂ ਲਈ ਆਰ. ਆਰ. ਐੱਸ. ਪੀ. ਚੋਂ ਪੈਸੇ ਕਢਾਉਣ ਦੇ ਨਿਯਮਾਂ ਵਿਚ ਤਬਦੀਲੀ ਦਾ ਤਾਂ ਜ਼ਿਕਰ ਹੈ, ਪਰ ਕੁਝ ਹੋਰ ਪਹਿਲੂ ਵੀ ਕਨਵੈਂਸ਼ਨ ਵਿਚ ਵਿਚਾਰੇ ਜਾਣ ਲਈ ਪ੍ਰਸਤੁਤ ਕੀਤੇ ਗਏ ਹਨ।
ਇਨ੍ਹਾਂ ’ਚ ਟਰਾਂਸਜੈਂਡਰ ਸਬੰਧੀ ਨੀਤੀਆਂ, ਇੱਛਾ ਮੌਤ ਸੀਮਤ ਕਰਨਾ, ਜ਼ਬਰਦਸਤੀ ਦੀ ਡਾਇਵਰਸਿਟੀ ਸਿਖਲਾਈ ਖ਼ਤਮ ਕਰਨਾ, ਲਾਜ਼ਮੀ ਵੈਕਸੀਨ ਨੂੰ ਖ਼ਤਮ ਕਰਨਾ ਅਤੇ ਐਮਰਜੈਂਸੀ ਐਕਟ ਨੂੰ ਖ਼ਤਮ ਕਰਨ ਵਰਗੇ ਮੁੱਦੇ ਸ਼ਾਮਲ ਹਨ। ਕਨਵੈਂਸ਼ਨ ’ਚ ਵਿਚਾਰੀਆਂ ਜਾਣ ਲਈ ਇਨ੍ਹਾਂ ਨੀਤੀਆਂ ਨੂੰ ਪਾਰਟੀ ਦੇ ਜ਼ਮੀਨੀ ਪੱਧਰ ‘ਤੇ ਕੰਮ ਕਰਦੀ ਇਕਾਈਆਂ ਈ. ਏ. ਡੀ. ਐੱਸ. ਵਲੋਂ ਮਨਜ਼ੂਰ ਕੀਤਾ ਗਿਆ ਸੀ। ਸ਼ਨੀਵਾਰ ਨੂੰ ਨਵੀਆਂ ਨੀਤੀਆਂ ’ਤੇ ਅੰਤਿਮ ਵੋਟਿੰਗ ਤੋਂ ਪਹਿਲਾਂ ਹੋਰ ਬਹਿਸ ਵੀ ਹੋਵੇਗੀ।

The post ਕੰਜ਼ਰਵੇਟਿਵਾਂ ਦੀ ਤਿੰਨ ਦਿਨਾਂ ਪਾਲਿਸੀ ਕਨਵੈਂਸ਼ਨ ਸ਼ੁਰੂ appeared first on TV Punjab | Punjabi News Channel.

Ottawa- ਇਨ੍ਹਾਂ ਗਰਮੀਆਂ ’ਚ ਆਪਣੀ ਸਰਕਾਰ ਨੂੰ ਘਰਾਂ ਦੀ ਸਮਰੱਥਾ ਦੇ ਮੁੱਦੇ ’ਤੇ ਮੁੜ ਕੇਂਦਰਿਤ ਕਰਨ ਮਗਰੋਂ ਵੀ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਲਿਬਰਲ ਪਾਰਟੀ ਅਜੇ ਵੀ ਕੰਜ਼ਰਵੇਟਿ ਅਤੇ ਨਿਊ ਡੈਮੋਕ੍ਰੇਟਿਕ ਪਾਰਟੀ ਦੀ ਤੁਲਨਾ ’ਚ ਕਾਫ਼ੀ ਪਿੱਛੇ ਹੈ। ਨੈਨੋਸ ਰਿਸਰਚ ਵਲੋਂ ਕਰਵਾਏ ਗਏ ਹਾਲੀਆ ਸਰਵੇਖਣ ’ਚ ਇਹ ਗੱਲ ਸਾਹਮਣੇ ਆਈ ਹੈ। ਸਰਵੇਖਣ ਮੁਤਾਬਕ ਜਦੋਂ ਆਸਮਾਨ ਨੂੰ ਛੂਹਦੀ ਲਾਗਤ ਨੂੰ ਸੰਬੋਧਿਤ ਕਰਨ ਦੀ ਗੱਲ ਆਉਂਦੀ ਹੈ ਤਾਂ ਪੀਅਰੇ ਪੋਇਲੀਵਰ ਦੇ ਕੰਜ਼ਰਵੇਟਿਵ ਪਾਰਟੀ ਅਤੇ ਜਗਮੀਤ ਸਿੰਘ ਦੀ ਐਨਡੀਪੀ ਸਭ ਤੋਂ ਭਰੋਸੇਮੰਦ ਸੰਘੀ ਪਾਰਟੀਆਂ ਹਨ।
ਸਰਵੇਖਣ ’ਚ ਰਿਹਾਇਸ਼ ਦੀ ਸਮਰੱਥਾ ਦੇ ਮੁੱਦੇ ’ਤੇ 25 ਫ਼ੀਸਦੀ ਲੋਕਾਂ ਨੇ ਕੰਜ਼ਰਵੇਟਿਵਾਂ, 22 ਫ਼ੀਸਦੀ ਲੋਕਾਂ ਨੇ ਨਿਊ ਡੈਮੋਕ੍ਰੇਟਿਕ, 22 ਫ਼ੀਸਦੀ ਲੋਕਾਂ ਨੇ ਕਿਹਾ ਕਿ ਕੋਈ ਵੀ ਸੰਘੀ ਪਾਰਟੀ ਨਹੀਂ ਅਤੇ ਸਿਰਫ਼ 15 ਫ਼ੀਸਦੀ ਨੇ ਲੋਕਾਂ ਨੇ ਲਿਬਰਲਾਂ ’ਤੇ ਆਪਣਾ ਭਰੋਸਾ ਜਤਾਇਆ ਹੈ।
ਨਿਕ ਨੈਨੋਸ ਨੇ ਵੈਸੀ ਕੈਪੇਲੋਸ ਸ਼ੋਅ ’ਤੇ ਇੱਕ ਇੰਟਰਵਿਊ ’ਚ ਕਿਹਾ ਕਿ ਜਿਵੇਂ ਕਿ ਸਾਰੀਆਂ ਫੈਡਰਲ ਪਾਰਟੀਆਂ ਹਾਊਸਿੰਗ ’ਚ ਸੁਧਾਰ ਕਰਨ ਦੀ ਕੋਸ਼ਿਸ਼ ਕਰ ਰਹੀਆਂ ਹਨ, ਇਹ ਨੰਬਰ ਜਸਟਿਨ ਟਰੂਡੋ ਅਤੇ ਲਿਬਰਲਾਂ ਲਈ ਬਹੁਤ ਵਧੀਆ ਖ਼ਬਰ ਨਹੀਂ ਹਨ।
ਪੋਲ ਦੇ ਨਤੀਜਿਆਂ ’ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ, ਹਾਊਸਿੰਗ ਮੰਤਰੀ ਸੀਨ ਫਰੇਜ਼ਰ ਨੇ ਬੁੱਧਵਾਰ ਨੂੰ ਕਿਹਾ ਕਿ ਉਨ੍ਹਾਂ ਦਾ ਫੈਸਲਾ ਇਹ ਹੈ ਕਿ ਕੈਨੇਡੀਅਨ ਫੈਡਰਲ ਸਰਕਾਰ ਨੂੰ ‘ਕਦਮ ਵਧਾਉਂਦੇ ਅਤੇ ਲੀਡਰਸ਼ਿਪ ਦੀ ਭੂਮਿਕਾ ਨਿਭਾਉਂਦੇ’ ਦੇਖਣਾ ਚਾਹੁੰਦੇ ਹਨ। ਫਰੇਜ਼ਰ ਨੇ ਕਿਹਾ, ‘‘ਮੈਂ ਹਾਲ ਹੀ ਦੇ ਮਹੀਨਿਆਂ ’ਚ ਉੱਚੀ ਅਤੇ ਸਪਸ਼ਟ ਸੁਣਿਆ ਹੈ… ਕੈਨੇਡੀਅਨ ਸਾਨੂੰ ਕਾਰਵਾਈ ਕਰਦੇ ਦੇਖਣਾ ਚਾਹੁੰਦੇ ਹਨ।’’ ਫਰੇਜ਼ਰ ਨੇ ਅੱਗੇ ਕਿਹਾ ਕਿ ਉਹ ਅਗਲੇ ਕੁਝ ਮਹੀਨਿਆਂ ’ਚ ਨਵੇਂ ਉਪਾਵਾਂ ਦਾ ਐਲਾਨ ਕਰਨ ਲਈ ਵਚਨਬੱਧ ਹਨ ਜੋ ਕੈਨੇਡ ’ਚ ਰਿਹਾਇਸ਼ ਦੀ ਸਮਰੱਥਾ ਨੂੰ ਹੱਲ ਕਰਨ ’ਚ ਮਦਦ ਕਰਨਗੇ।

The post ਵਧੀਆਂ ਟਰੂਡੋ ਦੀਆਂ ਵਧੀਆਂ ਚਿੰਤਾਵਾਂ, ਰਿਹਾਇਸ਼ ਦੇ ਮੁੱਦੇ ’ਤੇ ਲੋਕਾਂ ਨੇ ਪੀਅਰੇ ਅਤੇ ਜਗਮੀਤ ’ਤੇ ਜਤਾਇਆ ਭਰੋਸਾ appeared first on TV Punjab | Punjabi News Channel.

Ottawa- ਨੈਨੋਸ ਰਿਸਰਚ ਦੇ ਨਵੇਂ ਸਰਵੇਖਣ ਮੁਤਾਬਕ, ਫੈਡਰਲ ਲਿਬਰਲ ਨੌਜਵਾਨ ਵੋਟਰਾਂ ਵਿਚਾਲੇ ਪ੍ਰਸਿੱਧੀ ’ਚ ਗਿਰਾਵਟ ਦੇਖ ਰਹੇ ਹਨ, ਜਿਹੜਾ ਕਿ ਕਦੇ ਉਨ੍ਹਾਂ ਦਾ ਆਧਾਰ ਸੀ ਅਤੇ ਅਗਸਤ ਦੇ ਅੰਤ ਤੱਕ ਉਹ ਕੰਜ਼ਰਵੇਟਿਵਾਂ ਤੋਂ 23 ਅੰਕ ਪਿੱਛੇ ਰਹਿ ਗਏ ਹਨ। ਅੰਕੜੇ ਦਰਸਾਉਂਦੇ ਹਨ ਕਿ ਲਿਬਰਲ 18-29 ਸਾਲ ਦੇ ਨੌਜਵਾਨਾਂ ’ਚ 15.97 ਫ਼ੀਸਦੀ ਦਰ ਨਾਲ ਤੀਜੇ ਸਥਾਨ ’ਤੇ ਹਨ, ਜਦੋਂ ਕਿ ਕੰਜ਼ਰਵੇਟਿਵ ਅਤੇ ਐਨਡੀਪੀ ਕ੍ਰਮਵਾਰ 39.21 ਅਤੇ 30.92 ਫ਼ੀਸਦੀ ਦਰ ਨਾਲ ਪਹਿਲੇ ਦੂਜੇ ਸਥਾਨ ’ਤੇ।
ਇਹ ਲਿਬਰਲਾਂ ਲਈ ਇੱਕ ਗਿਰਾਵਟ ਹੈ, ਜੋ ਅਗਸਤ ਦੀ ਸ਼ੁਰੂਆਤ ’ਚ ਇਸੇ ਉਮਰ ਸਮੂਹ ਲਈ 26.8 ਫ਼ੀਸਦੀ ’ਤੇ ਸਨ ਅਤੇ ਇਹ ਕੰਜ਼ਰਵੇਟਿਵਾਂ ਲਈ ਇੱਕ ਹੁਲਾਰਾ ਹੈ, ਜੋ ਮਹੀਨੇ ਦੀ ਸ਼ੁਰੂਆਤ ਵਿੱਚ 29.3 ਫ਼ੀਸਦੀ ਦੇ ਅੰਕੜੇ ਤੋਂ ਉੱਪਰ ਉੱਠੇ ਹਨ। ਇਸ ਬਾਰੇ ’ਚ ਗੱਲਬਾਤ ਕਰਦਿਆਂ ਨੈਨੋਸ ਰਿਸਰਚ ਦੇ ਮੁੱਖ ਡੇਟਾ ਵਿਗਿਆਨੀ ਅਤੇ ਸੰਸਥਾਪਕ ਨਿਕ ਨੈਨੋਸ ਨੇ ਕਿਹਾ, ‘‘ਜੇ ਮੈਂ ਲਿਬਰਲ ਹੁੰਦਾ ਤਾਂ ਮੈਨੂੰ ਬਹੁਤ ਚਿੰਤਾ ਹੋਵੇਗੀ।’’ ਉਨ੍ਹਾਂ ਅੱਗੇ ਕਿਹਾ ਕਿ ਪਾਰਟੀ ਨੂੰ ਅਗਲੀਆਂ ਚੋਣਾਂ ਜਿੱਤਣ ਲਈ ਤਿੰਨ ਚੀਜ਼ਾਂ ਕਰਨੀਆਂ ਪੈਣਗੀਆਂ, ਜੋ ਕਿ ਵਰਤਮਾਨ ’ਚ 2025 ਲਈ ਨਿਰਧਾਰਤ ਹਨ। ਇਨ੍ਹਾਂ ਚੀਜ਼ਾਂ ’ਚ ਉਨ੍ਹਾਂ ਔਰਤਾਂ ਨੂੰ ਜਿੱਤਣਾ ਜਿਨ੍ਹਾਂ ਨੇ ਦੂਜੀਆਂ ਪਾਰਟੀਆਂ ਨੂੰ ਆਪਣਾ ਸਮਰਥਨ ਦਿੱਤਾ ਹੈ, ਇੱਕ ਪ੍ਰਗਤੀਸ਼ੀਲ ਬੈਨਰ ਹੇਠ ਨੌਜਵਾਨ ਵੋਟਰਾਂ ਨੂੰ ਲਾਮਬੰਦ ਕਰਨਾ, ਅਤੇ ਮਰਦ ਵੋਟਰਾਂ ’ਚ ਵਧੇਰੇ ਮੁਕਾਬਲੇਬਾਜ਼ ਹੋਣਾ ਸ਼ਾਮਿਲ ਹਨ।
ਨੈਨੋਸ ਨੇ ਕਿਹਾ ਕਿ ਇਸ ਸਮੇਂ ਕੰਜ਼ਰਵੇਟਿਵ ਪੁਰਸ਼ ਵੋਟਰਾਂ ’ਚ ਅਸਲ ਵਿੱਚ ਚੰਗਾ ਪ੍ਰਦਰਸ਼ਨ ਕਰ ਰਹੇ ਹਨ, ਉਹ ਪਹਿਲਾਂ ਨਾਲੋਂ ਮਹਿਲਾ ਵੋਟਰਾਂ ’ਚ ਵਧੇਰੇ ਮੁਕਾਬਲੇਬਾਜ਼ ਹਨ ਅਤੇ ਕੰਜ਼ਰਵੇਟਿਵ ਹੁਣ ਨੌਜਵਾਨ ਵੋਟਰਾਂ ’ਚ ਵੀ ਚੰਗਾ ਪ੍ਰਦਰਸ਼ਨ ਕਰ ਰਹੇ ਹਨ। ਉਨ੍ਹਾਂ ਕਿਹਾ, ‘‘ਇਸਦਾ ਮਤਲਬ ਹੈ ਕਿ ਲਿਬਰਲ ਗੱਠਜੋੜ ਜੋ 2015 ’ਚ ਬਣਾਇਆ ਗਿਆ ਸੀ, ਜਸਟਿਨ ਟਰੂਡੋ ਦੀ ਅਗਵਾਈ ਵਾਲੀ ਲਹਿਰ, ਹੌਲੀ-ਹੌਲੀ ਸੁਲਝ ਰਹੀ ਹੈ, ਅਤੇ ਉਨ੍ਹਾਂ ਨੂੰ ਇਸ ਰੁਝਾਨ ਨੂੰ ਉਲਟਾਉਣਾ ਪਏਗਾ ਜੇਕਰ ਉਨ੍ਹਾਂ ਨੇ ਸੱਤਾ ’ਚ ਬਣੇ ਰਹਿਣਾ ਹੈ।’’
ਨੈਨੋ ਰਿਸਰਚ ਤਾਜ਼ਾ ਅੰਕੜੇ ਅਜਿਹੇ ਸਮੇਂ ’ਚ ਆਏ ਹਨ, ਜਦੋਂ ਟਰੂਡੋ ਨੌਜਵਾਨ ਆਬਾਦੀ ਨੂੰ ਆਕਰਸ਼ਿਤ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ। ਪਿਛਲੇ ਹਫ਼ਤੇ, ਆਪਣੀ ਕੈਬਟਿਨ ਦੀ ਬੈਠਕ ਨੂੰ ਸਮਾਪਤ ਕਰਦਿਆਂ ਟਰੂਡੋ ਨੇ ਨੌਜਵਾਨਾਂ ਲਈ ਖ਼ਾਸ ਸੰਦੇਸ਼ ਵੀ ਦਿੱਤਾ ਸੀ। ਰਿਹਾਇਸ਼ ਦੀ ਸਮਰੱਥਾ ਤੋਂ ਲੈ ਕੇ ਜਲਵਾਯੂ ਤਬਦੀਲੀ ਤੱਕ, ਟਰੂਡੋ ਨੇ ਨੌਜਵਾਨਾਂ ਆਬਾਦੀ ਤੱਕ ਤੱਕ ਸਿੱਧੇ ਤੌਰ ’ਤੇ ਪਹੁੰਚਣ ਦੀ ਕੋਸ਼ਿਸ਼ ਕੀਤੀ ਹੈ, ਜਿਸ ਨੇ ਪਿਛਲੀਆਂ ਚੋਣਾਂ ਜਿੱਤਣ ’ਚ ਉਨ੍ਹਾਂ ਦੀ ਮਦਦ ਕੀਤੀ ਸੀ। ਨੈਨੋਸ ਨੇ ਕਿਹਾ ਕਿ 2015 ’ਚ, ਨੌਜਵਾਨ ਕੈਨੇਡੀਅਨਾਂ ਨੇ ਲਿਬਰਲਾਂ ਅਤੇ ਜਸਟਿਨ ਟਰੂਡੋ ਨੂੰ ਇਹ ਸੋਚ ਕੇ ਗਲੇ ਲਗਾਇਆ ਕਿ ਚੀਜ਼ਾਂ ਵੱਖਰੀਆਂ ਹੋਣਗੀਆਂ। ਉਨ੍ਹਾਂ ਕਿਹਾ ਕਿ ਹੁਣ 2023 ’ਚ ਸਭ ਬਦਲ ਰਿਹਾ ਹੈ ਅਤੇ ਅਜਿਹਾ ਲੱਗਦਾ ਹੈ ਕਿ ਨੌਜਵਾਨ ਕੈਨੇਡੀਅਨ ਲਿਬਰਲਾਂ ਨੂੰ ਛੱਡ ਰਹੇ ਹਨ, ਪਰ ਦਿਲਚਸਪ ਗੱਲ ਇਹ ਹੈ ਕਿ ਉਹ ਦੋ ਦਿਸ਼ਾਵਾਂ ’ਚ ਜਾ ਰਹੇ ਹਨ ਅਤੇ ਸਾਬਕਾ ਨੌਜਵਾਨ ਵੋਟਰ ਲਿਬਰਲਾਂ ਤੋਂ ਵੱਖ ਹੋ ਕੇ ਕੰਜ਼ਰਵੇਟਿਵਾਂ ਅਤੇ ਐਨ. ਡੀ. ਪੀ. ਨੂੰ ਆਪਣਾ ਸਮਰਥਨ ਦੇ ਰਹੇ ਹਨ।
ਨੈਨੋਸ ਨੇ ਕਿਹਾ, ਜੋ ਲੋਕ ਕਿਫਾਇਤੀ ਸੰਕਟ ਦੇ ਦਬਾਅ ਨੂੰ ਮਹਿਸੂਸ ਕਰ ਰਹੇ ਹਨ, ਉਹ ਕੰਜ਼ਰਵੇਟਿਵਾਂ ਵੱਲ ਜਾ ਰਹੇ ਹਨ, ਜਦੋਂ ਕਿ ਬਹੁਤ ਸਾਰੇ ਮਹਿਸੂਸ ਕਰਦੇ ਹਨ ਕਿ ਲਿਬਰਲ ਜਲਵਾਯੂ ਤਬਦੀਲੀ ਵਰਗੇ ਮੁੱਦਿਆਂ ’ਤੇ ਕਾਫ਼ੀ ਨਹੀਂ ਕਰ ਰਹੇ ਹਨ, ਅਤੇ ਉਹ ਵਧੇਰੇ ਪ੍ਰਗਤੀਸ਼ੀਲ ਨੀਤੀਆਂ ਚਾਹੁੰਦੇ ਹਨ, ਇਸ ਲਈ ਉਹ ਐੱਨ. ਡੀ. ਪੀ. ਨੂੰ ਆਪਣਾ ਸਮਰਥਨ ਦੇ ਰਹੇ ਹਨ।

The post ਨੌਜਵਾਨਾਂ ’ਚ ਘਟੀ ਲਿਬਰਲਾਂ ਦੀ ਪ੍ਰਸਿੱਧੀ appeared first on TV Punjab | Punjabi News Channel.