ਹਰਭਜਨ ਸਿੰਘ ਕ੍ਰਿਕਟ ਤੋਂ ਸੰਨਿਆਸ ਲੈ ਚੁੱਕੇ ਹਨ। ਸੰਨਿਆਸ ਦੇ ਐਲਾਨ ਦੇ ਨਾਲ ਹੀ ਐੱਸ ਸ਼੍ਰੀਸੰਤ ਦੀ ਇੱਕ ਪੋਸਟ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਕ੍ਰਿਕਟ ਤੋਂ ਸੰਨਿਆਸ ਲੈਣ ਤੋਂ ਬਾਅਦ, ਭੱਜੀ ਨੂੰ ਭਵਿੱਖ ਲਈ ਸਚਿਨ ਤੇਂਦੁਲਕਰ, ਵਿਰਾਟ ਕੋਹਲੀ, ਰਾਹੁਲ ਦ੍ਰਾਵਿੜ ਸਮੇਤ ਕ੍ਰਿਕਟ ਦੇ ਦਿੱਗਜਾਂ ਨੇ ਸ਼ੁਭਕਾਮਨਾਵਾਂ ਦਿੱਤੀਆਂ। ਇਸ ਦੌਰਾਨ ਸ਼੍ਰੀਸੰਤ ਨੇ ਹਰਭਜਨ ਸਿੰਘ ਨੂੰ ਲੈ ਕੇ ਟਵੀਟ ਵੀ ਕੀਤਾ। ਆਈਪੀਐਲ 2008 ਵਿੱਚ ਹਰਭਜਨ ਸਿੰਘ ਨੇ ਐਸ ਸ੍ਰੀਸੰਥ ਨੂੰ ਕਥਿਤ ਤੌਰ ’ਤੇ ਥੱਪੜ ਮਾਰਿਆ ਸੀ, ਜਿਸ ਤੋਂ ਬਾਅਦ ਤੇਜ਼ ਗੇਂਦਬਾਜ਼ ਐਸ ਸ੍ਰੀਸੰਤ ਰੋਣ ਲੱਗ ਪਏ ਸਨ। ਹੁਣ ਸ਼੍ਰੀਸੰਤ ਨੇ ਉਨ੍ਹਾਂ ਨੂੰ ਦੁਨੀਆ ਦਾ ਸਰਵਸ੍ਰੇਸ਼ਠ ਸਪਿਨਰ ਕਿਹਾ ਹੈ।

ਸ਼੍ਰੀਸੰਤ ਨੇ ਅੱਗੇ ਕਿਹਾ ਕਿ ਤੁਸੀਂ ਨਾ ਸਿਰਫ ਭਾਰਤ ਦੇ ਸਗੋਂ ਦੁਨੀਆ ਦੇ ਸਭ ਤੋਂ ਵਧੀਆ ਕ੍ਰਿਕਟਰਾਂ ਵਿੱਚੋਂ ਇੱਕ ਹੋ। ਤੁਹਾਨੂੰ ਜਾਣਨਾ ਅਤੇ ਤੁਹਾਡੇ ਨਾਲ ਖੇਡਣਾ ਇੱਕ ਸਨਮਾਨ ਦੀ ਗੱਲ ਸੀ। ਗੇਂਦਬਾਜ਼ੀ ਤੋਂ ਪਹਿਲਾਂ ਤੁਹਾਡੀ ਜੱਫੀ ਹਮੇਸ਼ਾ ਯਾਦ ਰਹੇਗੀ। ਮਾਮਲਾ IPL 2008 ਦਾ ਹੈ, ਜਦੋਂ ਹਰਭਜਨ ਸਿੰਘ ਅਤੇ ਸ਼੍ਰੀਸੰਤ ਦੇ ਥੱਪੜਾਂ ਨੇ ਖੇਡ ਜਗਤ ਨੂੰ ਹਿਲਾ ਕੇ ਰੱਖ ਦਿੱਤਾ ਸੀ।

@harbhajan_singh Ur gonna be the one of the best ever played cricket not just for india but in world of cricket..it’s a huge honour to know u and to have played with you b bhajjipa ….will always cherish the lovely hugs( lucky for me ) before my spells ) lots of love and respect pic.twitter.com/5IgYJk4HcD

— Sreesanth (@sreesanth36) December 24, 2021

ਸ਼੍ਰੀਸੰਤ ਮੈਦਾਨ ‘ਤੇ ਫੁੱਟ-ਫੁੱਟ ਕੇ ਰੋਣ ਲੱਗੇ
ਅਪ੍ਰੈਲ 2008 ਵਿੱਚ, ਹਰਭਜਨ ਅਤੇ ਸ਼੍ਰੀਸੰਤ ਉਸ ਸਮੇਂ ਸੁਰਖੀਆਂ ਵਿੱਚ ਆਏ ਜਦੋਂ ਮੁੰਬਈ ਇੰਡੀਅਨਜ਼ ਅਤੇ ਕਿੰਗਜ਼ ਇਲੈਵਨ ਪੰਜਾਬ ਵਿਚਾਲੇ ਮੈਚ ਤੋਂ ਬਾਅਦ ਭੱਜੀ ਨੇ ਤੇਜ਼ ਗੇਂਦਬਾਜ਼ ਸ਼੍ਰੀਸੰਤ ਨੂੰ ਥੱਪੜ ਮਾਰ ਦਿੱਤਾ ਅਤੇ ਸ਼੍ਰੀਸੰਤ ਮੈਦਾਨ ‘ਤੇ ਫੁੱਟ-ਫੁੱਟ ਕੇ ਰੋਣ ਲੱਗੇ।

ਇਸ ਸਬੰਧੀ ਹਰਭਜਨ ਸਿੰਘ ਨੂੰ ਸ਼ਿਕਾਇਤ ਕੀਤੀ ਗਈ ਸੀ। ਉਸ ਨੂੰ ਦੋਸ਼ੀ ਠਹਿਰਾਉਂਦੇ ਹੋਏ ਮੈਚ ਰੈਫਰੀ ਨੇ ਨਾ ਸਿਰਫ ਉਸ ਨੂੰ ਪੂਰੇ ਆਈਪੀਐੱਲ ਸੀਜ਼ਨ ਤੋਂ ਬਾਹਰ ਕਰ ਦਿੱਤਾ ਸੀ, ਸਗੋਂ ਰਿਪੋਰਟਾਂ ਮੁਤਾਬਕ ਉਸ ਨੂੰ ਤਨਖਾਹ ਵੀ ਨਹੀਂ ਮਿਲੀ ਸੀ। ਹਾਲਾਂਕਿ ਇਸ ਘਟਨਾ ਦੇ 5 ਸਾਲ ਬਾਅਦ ਸ਼੍ਰੀਸੰਤ ਨੇ ਕਿਹਾ ਸੀ ਕਿ ਹਰਭਜਨ ਨੇ ਉਨ੍ਹਾਂ ਨੂੰ ਥੱਪੜ ਨਹੀਂ ਮਾਰਿਆ ਸੀ।

The post ਹਰਭਜਨ ਸਿੰਘ ਦੇ ਸੰਨਿਆਸ ‘ਤੇ ਸ਼੍ਰੀਸੰਤ ਦੀ ਪੋਸਟ ਵਾਇਰਲ, ਇਕ ਵਾਰ ਗੇਂਦਬਾਜ਼ ਨੂੰ ਮੈਦਾਨ ‘ਤੇ ਮਾਰਿਆ ਥੱਪੜ appeared first on TV Punjab | Punjabi News Channel.