Vancouver – ਓਂਟਾਰੀਓ ਤੋਂ ਵੈਕਸੀਨ ਦੇ ਨਾਲ ਜੁੜੀ ਹੋਈ ਤਾਜ਼ਾ ਜਾਣਕਾਰੀ ਸਾਹਮਣੇ ਆਈ। ਇਸ ਦੇ ਮੁਤਾਬਿਕ ਸੂਬੇ ਵੱਲੋਂ ਲੌਂਗ-ਟਰਮ ਕੇਅਰ ਵਰਕਰਜ਼ ਲਈ ਕੋਵਿਡ ਵੈਕਸੀਨੇਸ਼ਨ ਲਾਜ਼ਮੀ ਕੀਤੀ ਜਾ ਰਹੀ ਹੈ।
ਇਸ ਦਾ ਐਲਾਨ ਉਨਟੇਰਿਉ ਦੇ ਲੌਂਗ-ਟਰਮ ਕੇਅਰ ਮਿਨਿਸਟਰ ਨੇ ਕੀਤਾ। ਉਨ੍ਹਾਂ ਦੱਸਿਆ ਕਿ ਇਸ ਵੈਕਸੀਨੇਸ਼ਨ ਨੀਤੀ ਦੀ ਸ਼ੁਰੂਆਤ 15 ਨਵੰਬਰ ਤੋਂ ਹੋਵੇਗੀ। ਇਸ ਦੇ ਮੁਤਾਬਿਕ ਹੁਣ ਲੌਂਗ-ਟਰਮ ਕੇਅਰ ਵਰਕਰਜ਼ ਲਈ ਕੋਵਿਡ ਵੈਕਸੀਨੇਸ਼ਨ ਲਾਜ਼ਮੀ ਕੀਤੀ ਜਾ ਰਹੀ ਹੈ। ਇਸ ਸਮੇਂ ਜੋ ਪੌਲਿਸੀ ਚੱਲ ਰਹੀ ਹੈ ਉਸ ਅਧੀਨ, ਲੌਂਗ-ਟਰਮ ਕੇਅਰ ਹੋਮਜ਼ ਵਿਚ ਕੰਮ ਕਰਨ ਵਾਲੇ ਵਰਕਰਾਂ ਲਈ ਜਾਂ ਤਾਂ ਵੈਕਸੀਨੇਸ਼ਨ ਜ਼ਰੂਰੀ ਹੈ ਅਤੇ ਜਾਂ ਫ਼ਿਰ ਉਹਨਾਂ ਨੂੰ ਟੈਸਟ ਕਰਵਾਉਣਾ ਜ਼ਰੂਰੀ ਹੋਵੇਗਾ । ਜਾਣਕਾਰੀ ਮੁਤਾਬਿਕ ਜਿਹੜੇ ਵਰਕਰ ਵੈਕਸੀਨ ਨਹੀਂ ਲਗਵਾਉਣਗੇ ਉਨ੍ਹਾਂ ਵਾਸਤੇ ਇਕ ਸੈਸ਼ਨ ਹੋਵੇਗਾ ਜਿਸ ‘ਚ ਉਨ੍ਹਾਂ ਨੂੰ ਵੈਕਸੀਨਬਾਰੇ ਦੱਸਿਆ ਜਾਵੇਗਾ।
ਓਂਟਾਰੀਓ ਲੌਂਗ-ਟਰਮ ਕੇਅਰ ਅਸੋਸੀਏਸ਼ਨ ਨੇ ਵੀ ਮੰਗ ਕੀਤੀ ਸੀ ਕਿ ਸਾਰੇ ਹੈਲਥ ਵਰਕਰਾਂ ਲਈ ਵੈਕਸੀਨੇਸ਼ਨ ਲਾਜ਼ਮੀ ਕੀਤੀ ਜਾਵੇ । ਇਸੇ ਤਰ੍ਹਾਂ, ਕੈਨੇਡਾ ਦੇ ਸਭ ਤੋਂ ਵੱਡੇ ਪ੍ਰਾਇਵੇਟ ਲੌਂਗ-ਟਰਮ ਕੇਅਰ ਹੋਮਜ਼ ਦੇ ਗਰੁੱਪ ਨੇ, ਆਪਣੇ ਫਰੰਟ ਲਾਇਨ ਵਰਕਰਾਂ ਲਈ ਲਾਜ਼ਮੀ ਵੈਕਸੀਨ ਦੀ ਨੀਤੀ ਬਣਾਈ ਸੀ, ਜਿਸ ਨੀਤੀ ਵਿਚ ਬਗ਼ੈਰ-ਵੈਕਸੀਨ ਵਾਲਿਆਂ ਨੂੰ ਬਿਨਾ ਤਨਖ਼ਾਹ ਤੋਂ ਛੁੱਟੀ ‘ਤੇ ਭੇਜਣ ਨੂੰ ਸ਼ਾਮਲ ਕੀਤਾ ਗਿਆ ਸੀ।
ਅਗਸਤ ਮਹੀਨੇ ਦੌਰਾਨ ਜਾਣਕਾਰੀ ਸਾਹਮਣੇ ਆਈ ਸੀ ਕਿ 90 ਫ਼ੀਸਦੀ ਲੌਂਗ-ਟਰਮ ਕੇਅਰ ਵਰਕਰਜ਼ ਨੇ ਵੈਕਸੀਨ ਲਗਾਵਾਉਣ ਦਾ ਵਿਕਲਪ ਚੁਣਿਆ ਹੈ।ਹੁਣ ਜੋ ਇਸ ਬਾਰੇ ਜਾਣਕਾਰੀ ਮਿਲੀ ਹੈ,ਉਸ ਦੇ ਮੁਤਾਬਿਕ ਸਿਰਫ਼ 40 ਫ਼ੀਸਦੀ ਵਰਕਰਜ਼ ਹੀ ਵੈਕਸੀਨੇਟੇਡ ਸਨ। ਓਂਟਾਰੀਓ ਵੱਲੋਂ ਜੋ ਇਹ ਨਵਾਂ ਇਲਾਂ ਕੀਤਾ ਗਿਆ ਉਹ ਵਿਜ਼ੀਟਰਸ ‘ਤੇ ਲਾਗੂ ਨਹੀਂ ਹੁੰਦਾ।

The post Ontario ‘ਚ ਵਰਕਰਾਂ ਲਈ Vaccination ਹੋਈ ਲਾਜਮੀ appeared first on TV Punjab | Punjabi News Channel.

Vancouver – ਕਿਊਬੈੱਕ ਵੱਲੋਂ ਕੋਰੋਨਾ ਟੀਕੇ ਬਾਰੇ ਸਖਤੀ ਕਰਦਿਆਂ ਐਲਾਨ ਕੀਤਾ ਗਿਆ ਸੀ ਕਿ ਜਿਹੜੇ ਹੈਲਥ ਕੇਅਰ ਵਰਕਰ ਅਕਤੂਬਰ ਤੋਂ ਪਹਿਲਾ ਵੈਕਸੀਨ ਨਹੀਂ ਲਗਵਾਉਣਗੇ, ਉਨ੍ਹਾਂ ਨੂੰ ਆਪਣੀ ਨੌਕਰੀ ਗਵਾਉਣੀ ਪੈ ਸਕਦੀ ਹੈ। ਇਸੇ ਦੇ ਚਲਦਿਆਂ ਹੁਣ ਇਸ ਸੂਬੇ ਵੱਲੋਂ ਉਨ੍ਹਾਂ 17,000 ਤੋਂ ਵੱਧ ਹੈਲਥ ਵਰਕਰਜ਼ ਨੂੰ ਮੁਅੱਤਲ ਕੀਤਾ ਜਾਵੇਗਾ ਜਿਨ੍ਹਾਂ ਨੇ ਕੋਰੋਨਾ ਟੀਕਾ ਹਾਸਿਲ ਨਹੀਂ ਕੀਤਾ। ਜੀ ਹਾਂ, ਵੈਕਸੀਨੇਸ਼ਨ ਤੋਂ ਇਨਕਾਰ ਕਰਨ ਵਾਲੇ ਕਿਊਬੈੱਕ ਦੇ 17,000 ਤੋਂ ਵੱਧ ਹੈਲਥ ਵਰਕਰਜ਼ ਹੁਣ ਅਗਲੇ ਮਹੀਨੇ ਮੁਅੱਤਲ ਕੀਤੇ ਜਾਣਗੇ। ਪਰ ਇਸ ਕਦਮ ਨਾਲ ਨਾਲ ਸੂਬੇ ਵਿਚ ਸਟਾਫ਼ ਦੀ ਕਮੀ ਵੀ ਹੋ ਜਾਵੇਗੀ।
ਦੱਸਦਈਏ ਕਿ ਕਿਊਬੈੱਕ ਦੇ ਪ੍ਰੀਮੀਅਰ ਫ਼੍ਰੈਂਸੁਆ ਲਿਗੋਅ ਨੇ ਸਤੰਬਰ ਮਹੀਨੇ ਦੀ ਸ਼ੁਰੂਆਤ ਵਿਚ ਹੀ ਐਲਾਨ ਕਰ ਦਿੱਤਾ ਸੀ, ਕਿ ਜੋ ਹੈਲਥ ਕੇਅਰ ਵਰਕਰ 15 ਅਕਤੂਬਰ ਤੱਕ ਪੂਰੀ ਤਰ੍ਹਾਂ ਨਾਲ ਵੈਕਸੀਨੇਟੇਡ ਨਹੀਂ ਹੋਵੇਗਾ, ਉਸਨੂੰ ਬਿਨਾ ਤਨਖ਼ਾਹ ਦੇ ਨੌਕਰੀ ਤੋਂ ਮੁਅੱਤਲ ਕਰ ਦਿੱਤਾ ਜਾਵੇਗਾ। ਵੈਕਸੀਨ ਪਾਸਪੋਰਟ ਲਾਗੂ ਕਰਨ ਦੇ ਐਲਾਨ ਤੋਂ ਇੱਕ ਹਫ਼ਤੇ ਬਾਅਦ ਹੀ ਸੂਬੇ ਨੇ ਇਸ ਨੀਤੀ ਦਾ ਐਲਾਨ ਕੀਤਾ ਸੀ।
ਹੈਲਥ ਮਿਨਿਸਟਰ ਕ੍ਰਿਸਚਨ ਡੂਬ ਦੇ ਇੱਕ ਬੁਲਾਰੇ ਨੇ ਜਾਣਕਾਰੀ ਦਿੱਤੀ ਹੈ ਕਿ ਸੂਬੇ ਦੇ ਹੈਲਥ ਸਿਸਟਮ ਅਧੀਨ ਆਉਂਦੇ 17,642 ਵਰਕਰਾਂ ਨੇ ਅਜੇ ਕੋਵਿਡ ਵੈਕਸੀਨ ਦੀ ਪਹਿਲੀ ਡੋਜ਼ ਵੀ ਪ੍ਰਾਪਤ ਨਹੀਂ ਕੀਤੀ ਹੈ। ਬੁਲਾਰੇ ਮੁਤਾਬਕ, ਇਹਨਾਂ ਵਰਕਰਾਂ ਵਿਚੋਂ ਤਕਰੀਬਨ ਅੱਧੇ ਵਰਕਰ ਫ਼੍ਰੰਟ ਲਾਇਨ ਵਰਕਰ ਹਨ ਜਿਹੜੇ ਮਰੀਜ਼ਾਂ ਦੇ ਸਿੱਧੇ ਸੰਪਰਕ ਵਿਚ ਆਉਂਦੇ ਹਨ। ਇਹ ਸਾਰੇ ਬਗ਼ੈਰ ਵੈਕਸੀਨ ਵਾਲੇ ਵਰਕਰ 15 ਅਕਤੂਬਰ ਤੋਂ ਮੁਅੱਤਲ ਕਰ ਦਿੱਤੇ ਜਾਣਗੇ। ਜਿਹੜੇ ਹਜ਼ਾਰਾਂ ਹੈਲਥ ਵਰਕਰਾਂ ਨੇ ਅਜੇ ਸਿਰਫ਼ ਪਹਿਲੀ ਡੋਜ਼ ਹੀ ਲਗਾਈ ਹੈ ਉਹ ਵੀ ਵੈਕਸੀਨ ਦੀ ਦੂਸਰੀ ਡੋਜ਼ ਲੈਣ ਤੱਕ ਨੌਕਰੀ ਤੋਂ ਮੁਅੱਤਲ ਹੀ ਰਹਿਣਗੇ।

The post Quebec ਨੇ ਕੋਰੋਨਾ ਟੀਕਾਕਰਨ ਤੇ ਕੀਤੀ ਸਖ਼ਤੀ appeared first on TV Punjab | Punjabi News Channel.

TORONTO –  ਮਾਮਲਾ ਡਾਊਨਟਾਊਨ ਟੋਰਾਂਟੋ ਤੋਂ ਸਾਹਮਣੇ ਆਇਆ ਜਿੱਥੇ ਸਵੇਰੇ ਗੋਲੀਬਾਰੀ ਹੋਈ ਹੈ। ਇਸ ਗੋਲੀਬਾਰੀ ਦੌਰਾਨ ਇੱਕ ਆਦਮੀ ਦੀ ਮੌਤ ਹੋ ਗਈ ਅਤੇ ਦੋ ਔਰਤਾਂ ਜ਼ਖਮੀ ਦੱਸੀਆਂ ਜਾ ਰਹੀਆਂ ਹਨ।
ਟੋਰਾਂਟੋ ਪੁਲਿਸ ਅਧਿਕਾਰੀ ਵੱਲੋਂ ਜਾਣਕਾਰੀ ਦਿੱਤੀ ਗਈ ਕਿ ਸਵੇਰੇ ਕਰੀਬ 5 ਵਜੇ ਐਡੀਲੇਡ ਅਤੇ ਡੰਕਨ ਖੇਤਰ ਵਿੱਚ ਗੋਲੀਆਂ ਚੱਲੀਆਂ ਹਨ। ਜਦੋਂ ਅਧਿਕਾਰੀ ਘਟਨਾ ਸਥਾਨ ‘ਤੇ ਪਹੁੰਚੇ, ਉਨ੍ਹਾਂ ਨੂੰ ਦੋ ਔਰਤਾਂ ਅਤੇ ਇੱਕ ਆਦਮੀ ਜ਼ਖਮੀ ਹੋਏ ਮਿਲੇ।
ਟੋਰਾਂਟੋ ਪੈਰਾਮੈਡੀਕਸ ਦੇ ਅਨੁਸਾਰ, ਆਦਮੀ ਨੂੰ ਜਾਨਲੇਵਾ ਸੱਟਾਂ ਲੱਗੀਆਂ, ਇੱਕ ਔਰਤ ਨੂੰ ਗੰਭੀਰ ਸੱਟਾਂ ਲੱਗੀਆਂ ਅਤੇ ਦੂਜੀ ਔਰਤ ਨੂੰ ਮਾਮੂਲੀ ਸੱਟਾਂ ਆਈਆਂ।
ਇਸ ਤੋਂ ਬਾਅਦ ਤਿੰਨਾਂ ਪੀੜਤਾਂ ਨੂੰ ਹਸਪਤਾਲ ਲਿਜਾਇਆ ਗਿਆ।ਪੁਲਿਸ ਨੇ ਦੱਸਿਆ ਕਿ ਬਾਅਦ ਵਿੱਚ ਉਸ ਵਿਅਕਤੀ ਦੀ ਸੱਟਾਂ ਕਾਰਨ ਮੌਤ ਹੋ ਗਈ।ਆਦਮੀ ਦੀ ਪਛਾਣ ਅਜੇ ਜਾਰੀ ਨਹੀਂ ਕੀਤੀ ਗਈ ਹੈ।ਪੁਲਿਸ ਦਾ ਮੰਨਣਾ ਹੈ ਕਿ ਤਿੰਨੋਂ ਪੀੜਤ ਇੱਕ ਦੂਜੇ ਨੂੰ ਜਾਣਦੇ ਹਨ।ਪੁਲਿਸ ਅਨੁਸਾਰ ਗੋਲੀ ਚੱਲਣ ਤੋਂ ਬਾਅਦ ਇੱਕ ਚਿੱਟਾ ਵਾਹਨ ਇਸ ਖੇਤਰ ਨੂੰ ਛੱਡਦਾ ਹੋਇਆ ਵੇਖਿਆ ਗਿਆ।
ਫਿਲਹਾਲ ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ। ਉਨ੍ਹਾਂ ਵੱਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।

The post Ontario ‘ਚ ਗੋਲੀਬਾਰੀ ਦੌਰਾਨ ਇੱਕ ਵਿਅਕਤੀ ਦੀ ਹੋਈ ਮੌਤ appeared first on TV Punjab | Punjabi News Channel.