Ottawa- ਕੈਨੇਡਾ ਦੇ ਇਮੀਗ੍ਰੇਸ਼ਨ ਵਿਭਾਗ ਨੇ 25 ਜੂਨ 2025 ਤੋਂ ਅਯੋਗ ਕਰਾਰ ਦਿੱਤੇ ਗਏ ਕਈ ਅਧਿਐਨ ਕੋਰਸਾਂ ਲਈ Post-Graduation Work Permit (PGWP) ਦੀ ਯੋਗਤਾ ‘ਚ ਢਿੱਲ ਦੇਣ ਦਾ ਐਲਾਨ ਕੀਤਾ ਹੈ। ਹੁਣ ਇਹ ਕੋਰਸ 2026 ਦੀ ਸ਼ੁਰੂਆਤ ਤੱਕ ਯੋਗ ਰਹਿਣਗੇ।
4 ਜੁਲਾਈ 2025 ਨੂੰ ਅੱਪਡੇਟ ਕੀਤੇ ਨਿਯਮਾਂ ਦੇ ਅਨੁਸਾਰ, 25 ਜੂਨ ਤੋਂ 4 ਜੁਲਾਈ ਤੱਕ ਸਟੱਡੀ ਪਰਮਿਟ ਲਈ ਅਰਜ਼ੀ ਦੇਣ ਵਾਲੇ ਵਿਦਿਆਰਥੀ ਵੀ PGWP ਲਈ ਯੋਗ ਮੰਨੇ ਜਾਣਗੇ। ਇਸ ਤਬਦੀਲੀ ਨਾਲ PGWP-ਯੋਗ ਕੋਰਸਾਂ ਦੀ ਗਿਣਤੀ 920 ਤੋਂ ਵਧ ਕੇ 1,107 ਹੋ ਗਈ ਹੈ।
ਹਾਲਾਂਕਿ ਇਹ ਨਿਯਮ ਮੁੱਖ ਤੌਰ ‘ਤੇ ਕਾਲਜ ਡਿਪਲੋਮਾ ਪ੍ਰੋਗ੍ਰਾਮਾਂ ਉੱਤੇ ਲਾਗੂ ਹੁੰਦੇ ਹਨ, ਬੈਚਲਰਸ , ਮਾਸਟਰਜ਼ ਅਤੇ ਡਾਕਟਰੇਟ ਪ੍ਰੋਗ੍ਰਾਮਾਂ ਦੇ ਗ੍ਰੈਜੂਏਟਸ ਉੱਤੇ ਇਹ ਲਾਗੂ ਨਹੀਂ ਹੁੰਦੇ।
PGWP ਇੱਕ ਖੁੱਲ੍ਹਾ ਵਰਕ ਪਰਮਿਟ ਹੁੰਦਾ ਹੈ ਜੋ ਵਿਦੇਸ਼ੀ ਵਿਦਿਆਰਥੀਆਂ ਨੂੰ ਕੈਨੇਡਾ ਵਿੱਚ ਜ਼ਿਆਦਾਤਰ ਨੌਕਰੀਆਂ ਕਰਨ ਦੀ ਆਜ਼ਾਦੀ ਦਿੰਦਾ ਹੈ।

ਖ਼ਾਸ ਯੋਗਤਾ ਸ਼ਰਤਾਂ ਵਿੱਚ ਸ਼ਾਮਲ ਹਨ:

PGWP-ਅਨੁਮਤ ਸਿੱਖਿਆ ਸੰਸਥਾ ਤੋਂ ਘੱਟੋ-ਘੱਟ 8 ਮਹੀਨੇ ਦਾ ਕੋਰਸ ਪੂਰਾ ਕਰਨਾ

ਸਾਰੇ ਸਮੈਸਟਰਾ ਵਿੱਚ ਫੁੱਲ-ਟਾਈਮ ਵਿਦਿਆਰਥੀ ਹੋਣਾ (ਆਖਰੀ ਸਮੈਸਟਰ ਵਿੱਚ ਪਾਰਟ-ਟਾਈਮ ਚਲਦਾ ਹੈ)

ਡਿਗਰੀ ਮੁਕੰਮਲ ਹੋਣ ਤੋਂ 180 ਦਿਨਾਂ ਵਿੱਚ PGWP ਲਈ ਅਰਜ਼ੀ ਦੇਣੀ

ਭਾਸ਼ਾ ਯੋਗਤਾ ਦੀ ਪੂਰੀ ਕਰਨੀ

ਇਹ ਤਬਦੀਲੀਆਂ ਉਨ੍ਹਾਂ ਵਿਦਿਆਰਥੀਆਂ ਲਈ ਵੱਡੀ ਰਾਹਤ ਲੈ ਕੇ ਆਈਆਂ ਹਨ ਜੋ ਗੈਰ-ਡਿਗਰੀ ਕੋਰਸ ਕਰ ਰਹੇ ਹਨ।

The post ਕੈਨੇਡਾ ਨੇ PGWP ਲਈ ਅਯੋਗ ਕੋਰਸਾਂ ‘ਤੇ ਲਾਗੂ ਹੋਣ ਵਾਲੇ ਨਿਯਮਾਂ ਨੂੰ 2026 ਤੱਕ ਦਿੱਤੀ ਢਿੱਲ appeared first on TV Punjab | Punjabi News Channel.

Ottawa- ਕੈਨੇਡਾ ਸਰਕਾਰ ਨੇ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਲਈ Post-Graduation Work Permit (PGWP) ਦੀ ਯੋਗਤਾ ‘ਚ ਵੱਡਾ ਬਦਲਾਅ ਕੀਤਾ ਹੈ।

ਹੁਣ 178 ਐਸੇ ਨਾਨ-ਡਿਗਰੀ ਕੋਰਸਾਂ ਨੂੰ PGWP ਦੀ ਯੋਗਤਾ ਤੋਂ ਹਟਾ ਦਿੱਤਾ ਗਿਆ ਹੈ, ਜੋ ਹੁਣ ਲੰਬੇ ਸਮੇਂ ਦੀ ਲੇਬਰ ਦੀ ਘਾਟ ਵਾਲੀਆਂ ਨੌਕਰੀਆਂ ਨਾਲ ਨਹੀਂ ਜੁੜੇ ਹੋਏ।

ਹਾਲਾਂਕਿ, ਸਰਕਾਰ ਨੇ 119 ਨਵੇਂ ਕੋਰਸ ਸ਼ਾਮਲ ਕੀਤੇ ਹਨ, ਜੋ ਸਿਹਤ, ਸਮਾਜਿਕ ਸੇਵਾਵਾਂ, ਸਿੱਖਿਆ ਅਤੇ ਟਰੇਡਸ ਵਰਗੇ ਖੇਤਰਾਂ ਨਾਲ ਸੰਬੰਧਿਤ ਹਨ।

ਜੇਕਰ ਕਿਸੇ ਵਿਦਿਆਰਥੀ ਨੇ 25 ਜੂਨ 2025 ਤੋਂ ਪਹਿਲਾਂ ਸਟੱਡੀ ਪਰਮਿਟ ਲਈ ਅਰਜ਼ੀ ਦਿੱਤੀ ਸੀ, ਤਾਂ ਉਹ ਉਨ੍ਹਾਂ ਕੋਰਸਾਂ ਲਈ PGWP ਲਈ ਅਹਲੇ ਰਹਿਣਗੇ, ਭਾਵੇਂ ਉਹ ਕੋਰਸ ਹੁਣ ਲਿਸਟ ‘ਚ ਨਾ ਹੋਣ।

ਸਰਕਾਰ ਨੇ ਇਹ ਵੀ ਸਾਫ਼ ਕੀਤਾ ਹੈ ਕਿ ਯੂਨੀਵਰਸਿਟੀ ਦੀ ਬੈਚਲਰ, ਮਾਸਟਰ ਜਾਂ ਡਾਕਟਰੇਟ ਦੀ ਡਿਗਰੀ ਕਰਨ ਵਾਲੇ ਵਿਦਿਆਰਥੀਆਂ ਨੂੰ ਹੁਣ ਫੀਲਡ-ਆਫ-ਸਟਡੀ ਦੀ ਸ਼ਰਤ ਨਹੀਂ ਹੋਏਗੀ।

ਇਹ ਨਵਾਂ ਕਦਮ 2025 ਦੀ ਨਵੀਂ Express Entry ਕੈਟੇਗਰੀਆਂ ਦੇ ਐਲਾਨ ਨਾਲ ਜੋੜਿਆ ਗਿਆ ਹੈ, ਜਿਸ ਵਿੱਚ ਸਿਹਤ, ਟਰੇਡ ਅਤੇ ਸਿੱਖਿਆ ਖੇਤਰਾਂ ਦੇ ਉਮੀਦਵਾਰਾਂ ਨੂੰ ਤਰਜੀਹ ਦਿੱਤੀ ਜਾਵੇਗੀ।

The post ਕੈਨੇਡਾ ਨੇ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਲਈ ਵਰਕ ਪਰਮਿਟ ਹਾਸਲ ਕਰਨਾ ਮੁਸ਼ਕਲ ਬਣਾਇਆ appeared first on TV Punjab | Punjabi News Channel.