CANADA: ਕੈਨੇਡਾ ‘ਚ ਸਿੱਖ ਨੌਜਵਾਨਾਂ ਦੇ ਕਤਲ ਦੀਆਂ ਸਿਲਸਿਲੇਵਾਰ ਚਾਰ ਵਾਰਦਾਤਾਂ ਚਾਰੇ ਨੌਜਵਾਨਾਂ ਦਾ ਅਲੱਗ-ਅਲੱਗ ਘਟਨਾਵਾਂ ਵਿੱਚ ਤਿੰਨ ਦਿਨ ਵਿੱਚ ਕਤਲ ਕੈਨੇਡਾ ਵਿੱਚ ਮੋਗਾ ਦੇ ਨੌਜਵਾਨ ਦਾ ਗੋਲੀ ਮਾਰ ਕੇ ਕਤਲ ਪੁਲਿਸ ਨੇ ਇਸ ਮਾਮਲੇ ‘ਚ ਦੋ ਦੋਸ਼ੀਆਂ ਨੂੰ ਕੀਤਾ ਗ੍ਰਿਫ਼ਤਾਰ ਕੈਨੇਡਾ ਦੇ ਕਈ ਹਿੱਸਿਆਂ ਵਿੱਚ ਬਰਫ਼ਬਾਰੀ ਸਰਦੀਆਂ ਦਾ ਕਹਿਰ ਜਾਰੀ ਸਸਕੈਚਵਨ ਤੇ ਮੈਨੀਟੋਬਾ ਨੂੰ ਛੱਡ ਕੇ ਪੂਰੇ ਦੇਸ਼ ਵਿੱਚ ਮੌਸਮ ਦੀ ਚੇਤਾਵਨੀ ਕੈਨੇਡਾ ਸਰਕਾਰ ਵੱਲੋਂ ਵਿਦਿਆਰਥੀ ਕਰਜ਼ਾ ਮੁਆਫ਼ੀ ਯੋਜਨਾ ਦਾ ਵਿਸਥਾਰ ਅਧਿਆਪਕਾਂ ਅਤੇ ਸੋਸ਼ਲ ਵਰਕਰਾਂ ਸਮੇਤ 10 ਨਵੇਂ ਕਿੱਤਿਆਂ ਨੂੰ ਫਾਇਦਾ ਕੈਨੇਡੀਅਨ ਤੇਲ ਉਤਪਾਦਨ ‘ਚ ਹੋਵੇਗਾ ਲੱਖਾਂ ਬੈਰਲ ਦਾ ਵਾਧਾ ਈਰਾਨ ਜੰਗ ਕਾਰਨ ਪੈਦਾ ਹੋਏ ਸੰਕਟ ਵਿਚਾਲੇ ਲਿਆ ਫੈਸਲਾ ਟੋਇਟਾ ਨੇ ਨਿਰਮਾਣ ਵਿੱਚ ਖਾਮੀ ਕਾਰਨ ਲਿਆ ਵੱਡਾ ਫੈਸਲਾ ਲਗਭਗ 40,000 ਹਾਈਲੈਂਡਰ ਗੱਡੀਆਂ ਵਾਪਸ ਮੰਗਵਾਈਆਂ ਪੀਅਰੇ ਪੋਲੀਏਵਰੇ ਵੱਲੋਂ ਨਵੀਂ ਆਟੋ ਯੋਜਨਾ ਦਾ ਖੁਲਾਸਾ ਅਮਰੀਕਾ ਨਾਲ ਟੈਰਿਫ-ਮੁਕਤ ਵਪਾਰ ਨੂੰ ਦੱਸਿਆ ਜਰੂਰੀ ਕੈਨੇਡਾ ਤੇ ਨੋਰਡਿਕ ਦੇਸ਼ਾਂ ‘ਚ ਫੌਜੀ ਸਹਿਯੋਗ ਵਧਾਉਣ ਲਈ ਸਮਝੌਤਾ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਨਵੇਂ ਵਿਸ਼ਵ ਗਠਜੋੜ ‘ਤੇ ਦਿੱਤਾ ਜ਼ੋਰ ਓਨਟਾਰੀਓ ‘ਚ ਵਧ ਰਹੇ ਵਿੱਤੀ ਧੋਖਾਧੜੀ ਦੇ ਮਾਮਲੇ ਬਜ਼ੁਰਗਾਂ ਦੀ ਰਿਟਾਇਰਮੈਂਟ ‘ਤੇ ਮੰਡਰਾ ਰਿਹਾ ਖ਼ਤਰਾ #visa #tfwp #uscanadaborder #toyota #pierrepoilievre #markcarney #hormuz #russia #israel #iran #deportation #surrey #expressentry #crsscore #studentvisa #immigration #britishcolumbia #canadapr #trtopr #canadausrelation ਇਸ ਵੀਡੀਓ ਵਿੱਚ, ਤੁਸੀਂ **Canada News** ਅਤੇ ਹੋਰ **Punjabi News** ਬਾਰੇ ਤਾਜ਼ਾ ਅਪਡੇਟਾਂ ਪ੍ਰਾਪਤ ਕਰੋਗੇ। ਇਹ **latest news** ਤੁਹਾਨੂੰ **Canada News** ਅਤੇ ਕੈਨੇਡਾ ਦੇ ਮੌਜੂਦਾ ਮਾਮਲਿਆਂ ਬਾਰੇ ਜਾਣਕਾਰੀ ਪ੍ਰਦਾਨ ਕਰਦੀਆਂ ਹਨ। ਹੋਰ ਜਾਣਕਾਰੀ ਲਈ **TV Punjab** ਨਾਲ ਜੁੜੇ ਰਹੋ।

Canada News covers the latest from Canada, including discussion of political events, immigration, Canadian life. Stay informed with the latest **Canada News** . Also discussed are international events like the impact of **tariffs** on **trade barriers**.

The post ਬਰਫ਼ਬਾਰੀ ਅਤੇ ਸਰਦੀ ਦਾ ਕੈਨੇਡਾ ‘ਚ ਕਹਿਰ! CANADA NEWS appeared first on TV Punjab | Punjabi News Channel.

Ottawa- ਕੈਨੇਡੀਅਨ ਚੋਣਾਂ ’ਚ ਵਿਦੇਸ਼ੀ ਦਖ਼ਲਅੰਦਾਜ਼ੀ ਬਾਰੇ ਜਨਤਕ ਜਾਂਚ ਕਮੀਸ਼ਨ ਨਵੇਂ ਸਾਲ ਦੇ ਸ਼ੁਰੂ ’ਚ ਸੁਣਵਾਈਆਂ ਸ਼ੁਰੂ ਕਰੇਗਾ, ਜਿਸ ’ਚ ਸਭ ਪਹਿਲਾਂ ਇਸ ਗੱਲ ’ਤੇ ਧਿਆਨ ਕੇਂਦਰਿਤ ਕੀਤਾ ਜਾਵੇਗਾ ਕਿ ਕੀ ਚੀਨ, ਰੂਸ ਜਾਂ ਹੋਰ ਕਿਸੇ ਮੁਲਕ ਨੇ 2019 ਅਤੇ 2021 ਦੀਆਂ ਫ਼ੈਡਰਲ ਚੋਣਾਂ ਨੂੰ ਪ੍ਰਭਾਵਿਤ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ। ਜਾਂਚ ਵਿਚ ਫਿਰ ਇਸ ਸਵਾਲ ‘ਤੇ ਧਿਆਨ ਕੇਂਦਰਿਤ ਕੀਤਾ ਜਾਵੇਗਾ ਕਿ ਕੀ ਫ਼ੈਡਰਲ ਸਰਕਾਰ ਕੋਲ ਵਿਦੇਸ਼ੀ ਦਖ਼ਲਅੰਦਾਜ਼ੀ ਦਾ ਪਤਾ ਲਗਾਉਣ ਅਤੇ ਉਸ ਨਾਲ ਨਜਿੱਠਣ ਦੀ ਸਮਰੱਥਾ ਹੈ।
ਜਾਂਚ ਦੀ ਪਹਿਲੀ ਰਿਪੋਰਟ ਫ਼ਰਵਰੀ ਦੇ ਅੰਤ ਤੱਕ ਅਤੇ ਅੰਤਿਮ ਰਿਪੋਰਟ ਸਾਲ 2024 ਤੱਕ ਪੇਸ਼ ਹੋਵੇਗੀ। ਜਾਂਚ ਕਮਿਸ਼ਨਰ, ਮੈਰੀ-ਯੋਜ਼ੀ ਹੌਗ ਨੇ ਇੱਕ ਬਿਆਨ ਵਿਚ ਕਿਹਾ, ‘‘ਸਾਡੀ ਸਮਾਂ-ਰੇਖਾ ਅਭਿਲਾਸ਼ੀ ਹੈ ਅਤੇ ਇਸ ਦੇ ਲਈ ਜਾਂਚ ਦੀ ਲੋੜ ਹੋਵੇਗੀ ਤੇ ਜਾਂਚ ਦੌਰਾਨ ਸਾਰੀਆਂ ਧਿਰਾਂ ਨੂੰ ਇੱਕ ਦੂਜੇ ਨਾਲ ਤੇਜ਼ੀ ਨਾਲ ਅਤੇ ਸਹਿਯੋਗ ਨਾਲ ਕੰਮ ਕਰਨ ਦੀ ਲੋੜ ਹੋਵੇਗੀ”।’’ ਉਨ੍ਹਾਂ ਅੱਗੇ ਕਿਹਾ ਕਿ ਮੈਂ ਇਸ ’ਚ ਸ਼ਾਮਿਲ ਸਾਰੇ ਲੋਕਾਂ ਨਾਲ ਕੰਮ ਕਰਨ ਲਈ ਉਤਸੁਕ ਹਾਂ।
ਹੌਗ ਨੇ ਕਾਨੂੰਨ ਦੀਆਂ ਸੀਮਾਵਾਂ ਦੇ ਅੰਦਰ ਅਤੇ ਰਾਸ਼ਟਰੀ ਸੁਰੱਖਿਆ ਨੂੰ ਖ਼ਤਰੇ ’ਚ ਪਾਏ ਬਿਨਾਂ ਵੱਧ ਤੋਂ ਵੱਧ ਜਾਣਕਾਰੀ ਜਨਤਕ ਕਰਨ ਦਾ ਵਾਅਦਾ ਕੀਤਾ ਹੈ। ਉਨ੍ਹਾਂ ਆਖਿਆ ਕਿ ਹਾਲਾਂਕਿ ਇਹ ਇੱਕ ਮੁਸ਼ਕਲ ਸੰਤੁਲਨ ਹੋਵੇਗਾ, ਪਰ ਮੈਂ ਇਸਨੂੰ ਪ੍ਰਾਪਤ ਕਰਨ ਲਈ ਆਪਣੀ ਪੂਰੀ ਕੋਸ਼ਿਸ਼ ਕਰਾਂਗੀ, ਕਿਉਂਕਿ ਇਹ ਦੋਵੇਂ ਉਦੇਸ਼ ਬਹੁਤ ਅਹਿਮ ਹਨ।
ਦੱਸ ਦਈਏ ਕਿ ਮੀਡੀਆ ਰਿਪੋਰਟਾਂ ’ਚ ਦਾਅਵਾ ਕੀਤਾ ਗਿਆ ਸੀ ਕਿ ਚੀਨ ਨੇ 2019 ਅਤੇ 2021 ਦੀਆਂ ਸੰਘੀ ਚੋਣਾਂ ਵਿੱਚ ਦਖਲਅੰਦਾਜ਼ੀ ਕੀਤੀ ਸੀ। ਹਾਲਾਂਕਿ ਚੀਨੀ ਦੂਤਾਵਾਸ ਨੇ ਇਸ ਗੱਲ ਤੋਂ ਇਨਕਾਰ ਕੀਤਾ ਹੈ ਕਿ ਉਸਨੇ ਕੈਨੇਡੀਅਨ ਚੋਣਾਂ ’ਚ ਦਖਲ ਦਿੱਤਾ ਹੈ।
ਸ਼ੁਰੂ ’ਚ ਸਾਬਕਾ ਗਵਰਨਰ ਜਨਰਲ ਡੇਵਿਡ ਜੌਨਸਨ ਨੂੰ ਇਹਨਾਂ ਦੋਸ਼ਾਂ ਦੀ ਜਾਂਚ ਕਰਨ ਲਈ ਨਿਯੁਕਤ ਕੀਤਾ ਗਿਆ ਸੀ ਪਰ ਉਨ੍ਹਾਂ ਨੇ ਜੂਨ ’ਚ ਇਹ ਕਹਿ ਕੇ ਅਸਤੀਫ਼ਾ ਦੇ ਦਿੱਤਾ ਸੀ ਕਿ ਬਹੁਤ ਜ਼ਿਆਦਾ ਸਿਆਸੀਕਰਨ ਹੋਣ ਕਰਕੇ ਉਨ੍ਹਾਂ ਨੂੰ ਆਪਣਾ ਜਾਰੀ ਰੱਖਣਾ ਮੁਸ਼ਕਿਲ ਹੋ ਗਿਆ ਹੈ। ਜੌਨਸਨ ਨੇ ਜਨਤਕ ਜਾਂਚ ਦੇ ਵਿਰੁੱਧ ਸਿਫਾਰਸ਼ ਕੀਤੀ ਸੀ, ਪਰ ਵਿਰੋਧੀ ਸੰਸਦ ਮੈਂਬਰਾਂ ਨੇ ਦਲੀਲ ਦਿੱਤੀ ਸੀ ਕਿ ਜਨਤਕ ਜਾਂਚ ਹੀ ਜ਼ਰੂਰੀ ਹੈ।

The post ਫੈਡਰਲ ਚੋਣਾਂ ’ਚ ਵਿਦੇਸ਼ੀ ਦਖ਼ਲਅੰਦਾਜ਼ੀ ਬਾਰੇ ਅਗਲੇ ਸਾਲ ਸ਼ੁਰੂ ਹੋਣਗੀਆਂ ਜਨਤਕ ਜਾਂਚ ਦੀਆਂ ਸੁਣਵਾਈਆਂ appeared first on TV Punjab | Punjabi News Channel.

Moscow- ਰੂਸ ਦੀ ਅਨਾਜ ਨਿਰਯਾਤ ਕੰਪਨੀ ‘ਫੂਡ ਐਕਸਪੋਰਟ ਟਰੇਡ ਐਲਐਲਸੀ’ (ਐਫਈਟੀ) ਨੇ ਚੀਨ ਨਾਲ ਇੱਕ ਮਹੱਤਵਪੂਰਨ ਵਪਾਰਕ ਸਮਝੌਤੇ ’ਤੇ ਹਸਤਾਖਰ ਕੀਤੇ ਹਨ, ਜਿਸ ਦੇ ਤਹਿਤ ਉਹ ਅਗਲੇ 12 ਸਾਲਾਂ ਦੌਰਾਨ ਚੀਨ ਨੂੰ 26 ਬਿਲੀਅਨ ਡਾਲਰ ਮੁੱਲ ਦਾ 7 ਕਰੋੜ ਟਨ ਅਨਾਜ, ਦਾਲਾਂ ਅਤੇ ਤੇਲ ਬੀਜਾਂ ਦਾ ਨਿਰਯਾਤ ਕਰੇਗਾ।
ਇਹ ਸਮਝੌਤਾ ਕੈਨੇਡਾ ਲਈ ਬਹੁਤ ਨੁਕਸਾਨਦੇਹ ਸਾਬਤ ਹੋਣ ਵਾਲਾ ਹੈ, ਕਿਉਂਕਿ ਹੁਣ ਤੱਕ ਚੀਨ ਕੈਨੇਡਾ ਤੋਂ ਵੱਡੀ ਮਾਤਰਾ ’ਚ ਕਣਕ, ਮਟਰ ਅਤੇ ਕੈਨੋਲਾ ਦਰਾਮਦ ਕਰ ਰਿਹਾ ਸੀ। ਰੂਸ ਕਣਕ, ਮਟਰ ਅਤੇ ਸੂਰਜਮੁਖੀ ਦਾ ਭਾਰੀ ਉਤਪਾਦਨ ਕਰਦਾ ਹੈ ਅਤੇ ਚੀਨ ਦੀ ਮੰਗ ਨੂੰ ਕਾਫੀ ਹੱਦ ਤੱਕ ਪੂਰਾ ਕਰਨ ਦੇ ਸਮਰੱਥ ਹੈ।
ਭਾਰਤ ਨਾਲ ਵਿਗੜਦੇ ਸਬੰਧਾਂ ਤੋਂ ਬਾਅਦ ਕੈਨੇਡੀਅਨ ਦਾਲ ਨਿਰਯਾਤਕ ਕਾਰੋਬਾਰ ਪਹਿਲਾਂ ਹੀ ਮੁਸੀਬਤ ’ਚ ਹੈ। ਜੇਕਰ ਚੀਨ ਦੇ ਮਟਰਾਂ ਦੇ ਨਿਰਯਾਤ ’ਚ ਵਿਘਨ ਪੈਂਦਾ ਹੈ ਤਾਂ ਕੈਨੇਡੀਅਨ ਉਤਪਾਦਕਾਂ ਅਤੇ ਨਿਰਯਾਤਕਾਂ ਲਈ ਮੁਸ਼ਕਲਾਂ ਕਾਫ਼ੀ ਵੱਧ ਸਕਦੀਆਂ ਹਨ।
ਜ਼ਿਕਰਯੋਗ ਹੈ ਕਿ ਚੀਨ ਕੈਨੇਡੀਅਨ ਮਟਰਾਂ ਦਾ ਸਭ ਤੋਂ ਵੱਡਾ ਖਰੀਦਦਾਰ ਹੈ। ਮਾਹਰਾਂ ਮੁਤਾਬਕ ਕਿਉਂਕਿ ਇਹ ਲੰਮੇ ਸਮੇਂ ਦਾ ਸਮਝੌਤਾ ਹੈ, ਇਸ ਲਈ ਕੈਨੇਡਾ ਇਸ ਦਾ ਅਸਰ ਲੰਮੇ ਸਮੇਂ ਤੱਕ ਮਹਿਸੂਸ ਕਰੇਗਾ। ਰੂਸੀ ਖੇਤੀ ਉਤਪਾਦ ਬਹੁਤ ਸਸਤੇ ਹਨ ਅਤੇ ਕੈਨੇਡੀਅਨ ਬਰਾਮਦਕਾਰਾਂ ਨੂੰ ਇਸ ਦੀ ਚੁਣੌਤੀ ਨੂੰ ਪੂਰਾ ਕਰਨ ’ਚ ਬਹੁਤ ਮੁਸ਼ਕਲ ਹੋਵੇਗੀ।
ਇਸ ਤੋਂ ਪਹਿਲਾਂ ਰੂਸ ਦੀ ਫੈਟ ਅਤੇ ਚੀਨੀ ਟਰੇਡ ਕਾਰਪੋਰੇਸ਼ਨ ਵਿਚਾਲੇ ਹੋਏ ਸਮਝੌਤੇ ਤਹਿਤ ਰੂਸ ਤੋਂ ਚੀਨ ਨੂੰ 10 ਕਰੋੜ ਟਨ ਖੇਤੀ ਉਤਪਾਦਾਂ ਦੀ ਸਪਲਾਈ ਕੀਤੀ ਗਈ ਸੀ। ਰੂਸੀ ਕੰਪਨੀ ਫੇਟ ਦਾ ਕਾਰੋਬਾਰ ਦਾ ਘੇਰਾ ਕਾਫੀ ਚੌੜਾ ਹੈ ਅਤੇ ਇਸ ਲਈ ਕੈਨੇਡਾ ਦੇ ਨਾਲ-ਨਾਲ ਅਮਰੀਕਾ ਵੀ ਇਸ ਸਮਝੌਤੇ ਤੋਂ ਪਰੇਸ਼ਾਨ ਹੈ। ਫੇਟ ਕੋਲ ਪ੍ਰਤੀ ਸਾਲ 80 ਲੱਖ ਟਨ ਖੇਤੀਬਾੜੀ ਉਤਪਾਦਾਂ ਦੀ ਬਰਾਮਦ ਦੀ ਸਮਰੱਥਾ ਹੈ।

The post ਰੂਸ ਚੀਨ ਵਿਚਾਲੇ ਹੋਇਆ ਵਪਾਰਕ ਸਮਝੌਤਾ, ਕੈਨੇਡਾ ਨੂੰ ਲੱਗੇਗਾ ਕਰਾਰਾ ਝਟਕਾ! appeared first on TV Punjab | Punjabi News Channel.

Ottawa- ਕੈਨੇਡੀਅਨ ਰੱਖਿਆ ਮੰਤਰੀ ਬਿਲ ਬਲੇਅਰ ਨੇ ਬੁੱਧਵਾਰ ਨੂੰ ਬ੍ਰਸੇਲਜ਼ ’ਚ ਐਲਾਨ ਕੀਤਾ ਕਿ ਕੈਨੇਡਾ ਯੂਕਰੇਨ ਨੂੰ ਤੋਪਖਾਨੇ ਦੇ ਗੋਲੇ ਅਤੇ ਏਅਰਕ੍ਰਾਫਟ ਬੰਬਾਂ ਸਮੇਤ ਹੋਰ ਗੋਲਾ ਬਾਰੂਦ ਭੇਜ ਰਿਹਾ ਹੈ। ਨਵੇਂ ਪੈਕੇਜ ਦਾ ਖੁਲਾਸਾ ਉਨ੍ਹਾਂ ਸਹਿਯੋਗੀਆਂ ਦੀ ਇੱਕ ਨਿਯਮਤ ਮੀਟਿੰਗ ਦੀ ਸ਼ੁਰੂਆਤ ’ਚ ਕੀਤਾ ਗਿਆ, ਜਿਹੜੇ ਪੂਰਬੀ ਯੂਰਪੀਅਨ ਦੇਸ਼ ਨੂੰ ਰੂਸੀ ਫੌਜਾਂ ਵਲੋਂ ਵੱਡੇ ਪੱਧਰ ਦੇ ਹਮਲੇ ਨੂੰ ਰੋਕਣ ’ਚ ਮਦਦ ਕਰ ਰਹੇ ਹਨ। ਇਸ ਦਾਨ ’ਚ 155-ਮਿਲੀਮੀਟਰ ਤੋਪਖਾਨੇ ਦੇ ਗੋਲਾ ਬਾਰੂਦ ਦੇ 2,000 ਰਾਉਂਡ ਦੇ ਨਾਲ-ਨਾਲ ਤੋਪਖਾਨੇ ਦੇ ਧੂੰਏਂ ਦੇ ਗੋਲੇ ਦੇ 955 ਰਾਉਂਡ ਸ਼ਾਮਲ ਹਨ, ਜੋ ਇੱਕ ਸਿੰਗਲ ਹਾਵਿਟਜ਼ਰ ਤੋਂ ਦਾਗੇ ਜਾਣੇ ਹਨ। ਯੁੱਧ ਸਮੱਗਰੀ ਕੈਨੇਡੀਅਨ ਫੌਜ ਦੇ ਮੌਜੂਦਾ ਭੰਡਾਰ ਤੋਂ ਭੇਜੀ ਜਾਵੇਗੀ।
ਪਿਛਲੇ ਕੁਝ ਹਫ਼ਤਿਆਂ ’ਚ, ਹਾਊਸ ਆਫ਼ ਕਾਮਨਜ਼ ਕਮੇਟੀ ਨੇ ਸੁਣਿਆ ਕਿ ਕਿਵੇਂ ਕੈਨੇਡਾ ਅਤੇ ਸਹਿਯੋਗੀ ਦੇਸ਼ਾਂ ’ਚ ਅਸਲੇ ਦਾ ਭੰਡਾਰ ਘੱਟ ਰਿਹਾ ਹੈ ਅਤੇ ਜੋ ਦਾਨ ਕੀਤਾ ਜਾ ਰਿਹਾ ਹੈ ਉਸ ਦੀ ਪੂਰਤੀ ਲਈ ਉਤਪਾਦਨ ’ਚ ਵਾਧਾ ਨਹੀਂ ਹੋਇਆ ਹੈ। ਯੂਕਰੇਨੀ ਫੌਜਾਂ ਵਲੋਂ ਰੋਜ਼ਾਨਾ ਵੱਖ-ਵੱਖ ਕੈਲੀਬਰਾਂ ਦੇ ਲਗਭਗ 5,000 ਤੋਪਾਂ ਦੇ ਗੋਲੇ ਦਾਗੇ ਜਾ ਰਹੇ ਹਨ। ਅਮਰੀਕਾ ਪ੍ਰਤੀ ਮਹੀਨਾ 20,000 ਤੋਂ ਵੱਧ ਨਵੇਂ ਗੋਲਿਆਂ ਦਾ ਉਤਪਾਦਨ ਕਰ ਰਿਹਾ ਹੈ, ਜਦੋਂ ਕਿ ਕੈਨੇਡਾ 3,000 ਤੋਂ ਵੱਧ 155-ਮਿਲੀਮੀਟਰ ਦੇ ਗੋਲਿਆਂ ਦਾ ਉਤਪਾਦਨ ਕਰ ਰਿਹਾ ਹੈ, ਜੋ ਕਿ ਵੱਡੇ ਹਾਵਿਟਜ਼ਰਾਂ ’ਚ ਵਰਤੀ ਜਾਂਦੀ ਸਭ ਤੋਂ ਆਮ ਕਿਸਮ ਹੈ। ਨਵੀਨਤਮ ਦਾਨ ਦਾ ਮਤਲਬ ਹੈ ਕਿ ਕੈਨੇਡਾ ਨੇ ਯੂਕਰੇਨ ਨੂੰ 10,000 155-ਮਿਲੀਮੀਟਰ ਸ਼ੈੱਲ ਤੋਂ ਇਲਾਵਾ 10,000 105-ਮਿਲੀਮੀਟਰ ਦੇ ਗੋਲੇ ਅਤੇ 7.62 ਮਿਲੀਮੀਟਰ ਛੋਟੇ ਹਥਿਆਰਾਂ ਦੇ ਲਗਭਗ 20 ਲੱਖ ਰਾਊਂਡ ਪ੍ਰਦਾਨ ਕੀਤੇ ਹਨ।
ਬੁੱਧਵਾਰ ਨੂੰ ਐਲਾਨੇ ਗਏ ਪੈਕੇਜ ਦਾ ਇੱਕ ਹਿੱਸੇ ’ਚ ਯੂਕਰੇਨ ਲਈ 25 ਮਿਲੀਅਨ ਡਾਲਰ ਮੁੱਲ ਦੇ ਸਰਦੀਆਂ ਦੇ ਕੱਪੜੇ ਅਤੇ ਉਪਕਰਣ ਵੀ ਹਨ, ਜਿਨ੍ਹਾਂ ’ਚ ਬੂਟ, ਥਰਮਲ ਲੇਅਰਾਂ ਅਤੇ ਸਰਦੀਆਂ ਦੇ ਸਲੀਪਿੰਗ ਬੈਗ ਸ਼ਾਮਲ ਹਨ। ਇਸ ਤੋਂ ਇਲਾਵਾ, ਫੈਡਰਲ ਸਰਕਾਰ ਯੂਕਰੇਨ ਦੀਆਂ ਮਹਿਲਾ ਸਿਪਾਹੀਆਂ ਲਈ ਪੈਟਰਨ ਵਾਲੀਆਂ ਫੌਜੀ ਵਰਦੀਆਂ ਦੇ 2,000 ਸੈੱਟ ਖਰੀਦਣ ਦੀ ਯੋਜਨਾ ਬਣਾ ਰਹੀ ਹੈ। ਵਰਦੀਆਂ ਕੈਨੇਡਾ ਵਿੱਚ ਤਿਆਰ ਕੀਤੀਆਂ ਜਾਣਗੀਆਂ। ਫਰਵਰੀ 2022 ਤੋਂ ਕੈਨੇਡਾ ਨੇ ਯੂਕਰੇਨ ਨੂੰ 2.4 ਬਿਲੀਅਨ ਡਾਲਰ ਤੋਂ ਵੱਧ ਦੀ ਫੌਜੀ ਸਹਾਇਤਾ ਦੇਣ ਦਾ ਵਾਅਦਾ ਕੀਤਾ ਹੈ, ਜਿਨ੍ਹਾਂ ’ਚ ਅੱਠ ਲੇਪਰਡ, 2 ਮੁੱਖ ਜੰਗੀ ਟੈਂਕ ਅਤੇ ਹੋਰ ਬਖਤਰਬੰਦ ਵਾਹਨ ਸ਼ਾਮਲ ਹਨ।

The post ਕੈਨੇਡਾ ਯੂਕਰੇਨ ਨੂੰ ਦੇਵੇਗਾ ਹੋਰ ਫੌਜੀ ਸਹਾਇਤਾ appeared first on TV Punjab | Punjabi News Channel.

Kyiv- ਰੂਸ ਅਤੇ ਯੂਕਰੇਨ ਵਿਚਾਲੇ ਜੰਗ ਲਗਾਤਾਰ ਜਾਰੀ ਹੈ। ਇਸ ਵਿਚਾਲੇ ਯੂਕਰੇਨ ਵਲੋਂ ਰੂਸ ਦੇ ਕਾਲਾ ਸਾਗਰ ਬੇੜੇ ਦੇ ਹੈੱਡਕੁਆਰਟਰ ’ਤੇ ਸ਼ੁੱਕਰਵਾਰ ਨੂੰ ਇੱਕ ਭਿਆਨਕ ਮਿਜ਼ਾਈਲ ਹਮਲਾ ਕੀਤਾ ਗਿਆ। ਇਸ ਹਮਲੇ ’ਚ ਕ੍ਰੀਮੀਆ ਦੇ ਸੇਵਸਤੋਪੋਲ ਸਥਿਤ ਰੂਸੀ ਜਲ ਸੈਨਾ ਦੇ ਹੈੱਡਕੁਆਰਟਰ ਦੀ ਇਮਾਰਤ ਤੋਂ ਧੂੰਆਂ ਨਿਕਲਦਾ ਹੋਇਆ ਦੇਖਿਆ ਗਿਆ। ਸੇਵਸਤੋਪੋਲ ਦੇ ਗਵਰਨਰ ਮਿਖਾਈਲ ਰਜਵੋਝਯੇਵ ਨੇ ਕਿਹਾ ਕਿ ਹਮਲੇ ’ਚ ਜ਼ਖ਼ਮੀ ਹੋਏ ਲੋਕਾਂ ਦੇ ਬਾਰੇ ’ਚ ਕੋਈ ਜਾਣਕਾਰੀ ਨਹੀਂ ਹੈ। ਉਨ੍ਹਾਂ ਕਿਹਾ ਕਿ ਫਾਇਰ ਬਿ੍ਰਗੇਡ ਦੇ ਕਰਮਚਾਰੀ ਅੱਗ ’ਤੇ ਕਾਬੂ ਪਾਉਣ ਦਾ ਯਤਨ ਕਰ ਰਹੇ ਹਨ। ਰੂਸ ਦੀਆਂ ਮੀਡੀਆ ਰਿਪੋਰਟਾਂ ਮੁਤਾਬਕ ਜਲ ਸੈਨਾ ਦੇ ਬੇੜੇ ਦੇ ਹੈੱਡਕੁਆਟਰ ’ਤੇ ਵੱਡੀ ਗਿਣਤੀ ’ਚ ਐਂਬੂਲੈਂਸਾਂ ਪਹੁੰਚੀਆਂ ਹੋਈਆਂ ਹਨ।
ਉੱਧਰ ਯੂਕਰੇਨ ਵਲੋਂ ਕੀਤੇ ਗਏ ਇਸ ਹਮਲੇ ਕਾਰਨ ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਗੁੱਸੇ ’ਚ ਹਨ। ਕ੍ਰੈਮਲਿਨ ’ਚ ਰੂਸੀ ਫੌਜ ਦੇ ਅਧਿਕਾਰੀਆਂ ਦੀ ਸੰਕਟਕਾਲੀਨ ਬੈਠਕ ਹੋਈ ਹੈ ਅਤੇ ਯੂਕਰੇਨ ਦੇ ਵਿਰੁੱਧ ਜਵਾਬੀ ਕਾਰਵਾਈ ’ਤੇ ਚਰਚਾ ਕੀਤੀ ਗਈ। ਸੇਵਸਤੋਪੋਲ ਦੇ ਗਵਰਨਰ ਰਜਵੋਝਯੇਵ ਨੇ ਸ਼ੁਰੂ ’ਚ ਲੋਕਾਂ ਨੂੰ ਚਿਤਾਵਨੀ ਦਿੱਤੀ ਸੀ ਕਿ ਇੱਕ ਹੋਰ ਹਮਲਾ ਹੋਣ ਦਾ ਖ਼ਦਸ਼ਾ ਹੈ ਅਤੇ ਉਨ੍ਹਾਂ ਨੇ ਸਥਾਨਕ ਨਿਵਾਸੀਆਂ ਨੂੰ ਇਮਾਰਤਾਂ ਛੱਡਣ ਦੀ ਅਪੀਲ ਕੀਤੀ। ਬਾਅਦ ’ਚ ਉਨ੍ਹਾਂ ਨੇ ਆਪਣੀ ਚਿਤਾਵਨੀ ਨੂੰ ਵਾਪਸ ਲੈ ਲਿਆ ਅਤੇ ਕਿਹਾ ਕਿ ਕਾਲਾ ਸਾਗਰ ’ਚ ਅੱਗ ਬੁਝਾਉਣ ਦੇ ਯਤਨ ਜਾਰੀ ਹਨ।

The post ਯੂਕਰੇਨ ਵਲੋਂ ਰੂਸੀ ਬੇੜੇ ’ਤੇ ਮਿਜ਼ਾਇਲਾਂ ਨਾਲ ਜ਼ੋਰਦਾਰ ਹਮਲਾ appeared first on TV Punjab | Punjabi News Channel.