CANADA: ਭਾਰਤ ਸਰਕਾਰ ਨੇ ਓਵਰਸੀਜ਼ ਸਿਟੀਜ਼ਨ ਆਫ ਇੰਡੀਆ ਕਾਰਡ ਦੇ ਨਿਯਮਾਂ ਵਿੱਚ ਅਹਿਮ ਸੋਧਾਂ ਕੀਤੀਆਂ ਹਨ, ਜਿਸ ਦਾ ਫਾਇਦਾ ਪ੍ਰਵਾਸੀ ਪੰਜਾਬੀਆਂ ਸਮੇਤ ਦੁਨੀਆ ਭਰ ਵਿੱਚ ਰਹਿੰਦੇ ਲੱਖਾਂ ਐੱਨਆਰਆਈਜ਼ ਨੂੰ ਮਿਲੇਗਾ। ਹੁਣ ਐੱਨਆਰਆਈਜ਼ ਨੂੰ ਓਸੀਆਈ ਕਾਰਡ ਬਣਵਾਉਣ ਲਈ ਭਾਰਤ ਵਿੱਚ 6 ਮਹੀਨੇ ਰੁਕਣ ਦੀ ਲੋੜ ਨਹੀਂ ਪਵੇਗੀ। ਨਵੇਂ ਨਿਯਮਾਂ ਅਨੁਸਾਰ, ਐੱਨਆਰਆਈਜ਼ ਭਾਰਤ ਪਹੁੰਚਦੇ ਹੀ ਓਸੀਆਈ ਕਾਰਡ ਲਈ ਅਪਲਾਈ ਕਰ ਸਕਦੇ ਹਨ। ਇਸ ਤੋਂ ਇਲਾਵਾ, ਸਰਕਾਰ ਨੇ ਵਿਦੇਸ਼ੀ ਮੂਲ ਦੇ ਪਤੀ ਜਾਂ ਪਤਨੀ ਦੇ ਓਸੀਆਈ ਕਾਰਡ ਬਣਵਾਉਣ ਦੇ ਨਿਯਮ ਸਖ਼ਤ ਕਰ ਦਿੱਤੇ ਹਨ। ਵਿਦੇਸ਼ੀ ਮੂਲ ਦੇ ਜੀਵਨਸਾਥੀ ਨੂੰ ਪਾਸਪੋਰਟ ਰਿਨਿਊ ਕਰਵਾਉਣ ਵੇਲੇ ਇਹ ਦੱਸਣਾ ਹੋਵੇਗਾ ਕਿ ਉਹ ਭਾਰਤ ਵਿੱਚ ਆਪਣੇ ਪਤੀ ਜਾਂ ਪਤਨੀ ਨਾਲ ਰਹਿ ਰਹੇ ਹਨ। ਜੇਕਰ ਦੋਵਾਂ ਦਾ ਤਲਾਕ ਹੋ ਜਾਂਦਾ ਹੈ, ਤਾਂ ਵਿਦੇਸ਼ੀ ਮੂਲ ਦੇ ਪਤੀ ਜਾਂ ਪਤਨੀ ਦਾ ਓਸੀਆਈ ਕਾਰਡ ਰੱਦ ਮੰਨਿਆ ਜਾਵੇਗਾ ਅਤੇ ਉਹ ਸਿਰਫ਼ ਵੀਜ਼ਾ ਦੀ ਮਿਆਦ ਤੱਕ ਹੀ ਭਾਰਤ ਵਿੱਚ ਰਹਿ ਸਕਣਗੇ। ਵਿਦੇਸ਼ਾਂ ਵਿੱਚ ਪੈਦਾ ਹੋਏ ਭਾਰਤੀ ਮੂਲ ਦੇ ਬੱਚਿਆਂ ਲਈ ਵੀ ਨਿਯਮ ਬਦਲੇ ਗਏ ਹਨ। ਹੁਣ ਮਾਪਿਆਂ ਨੂੰ ਬੱਚੇ ਦਾ ਓਸੀਆਈ ਕਾਰਡ ਬਣਵਾਉਣ ਸਮੇਂ ਉਸ ਦਾ ਬਰਥ ਸਰਟੀਫਿਕੇਟ ਸਬੰਧਤ ਦੇਸ਼ ਦੀ ਸਰਕਾਰ ਤੋਂ ਤਸਦੀਕ ਕਰਵਾਉਣਾ ਲਾਜ਼ਮੀ ਹੋਵੇਗਾ। ਪਹਿਲਾਂ ਸਿਰਫ਼ ਫੋਟੋਕਾਪੀ ਨਾਲ ਕੰਮ ਚੱਲ ਜਾਂਦਾ ਸੀ। ਭਾਰਤ ਆਉਣ ਵਾਲੇ ਐੱਨਆਰਆਈਜ਼ ਨੂੰ ਹੁਣ ਜਹਾਜ਼ ਵਿੱਚ ਫਾਰਮ ਭਰਨ ਦੀ ਲੋੜ ਨਹੀਂ ਹੈ। ਉਨ੍ਹਾਂ ਨੂੰ ਭਾਰਤ ਸਰਕਾਰ ਦੀ ‘ਸੁਸਵਾਗਤਮ’ ਐਪ ‘ਤੇ ਆਨਲਾਈਨ ਜਾਣਕਾਰੀ ਭਰਨੀ ਹੋਵੇਗੀ। ਸਰਕਾਰ ਨੇ ਇਸ ਨੂੰ ‘ਡਿਜੀਟਲ ਈ-ਅਰਾਈਵਲ ਕਾਰਡ’ ਦਾ ਨਾਮ ਦਿੱਤਾ ਹੈ, ਜੋ 1 ਅਪ੍ਰੈਲ ਤੋਂ ਲਾਗੂ ਹੋ ਚੁੱਕਾ ਹੈ। ਨਵਾਂ ਪਾਸਪੋਰਟ ਮਿਲਣ ਤੋਂ ਬਾਅਦ 3 ਮਹੀਨਿਆਂ ਦੇ ਅੰਦਰ ਓਸੀਆਈ ਪੋਰਟਲ ‘ਤੇ ਜਾਣਕਾਰੀ ਅਪਡੇਟ ਕਰਨੀ ਹੋਵੇਗੀ। ਅਜਿਹਾ ਨਾ ਕਰਨ ‘ਤੇ 25 ਡਾਲਰ ਜੁਰਮਾਨਾ ਲੱਗੇਗਾ।

ਜਿਨ੍ਹਾਂ ਲੋਕਾਂ ਨੇ ਵਿਦੇਸ਼ੀ ਨਾਗਰਿਕਤਾ ਲੈ ਲਈ ਹੈ, ਉਨ੍ਹਾਂ ਲਈ ਓਸੀਆਈ ਕਾਰਡ ਉਮਰ ਭਰ ਦੇ ਵੀਜ਼ੇ ਵਜੋਂ ਕੰਮ ਕਰਦਾ ਹੈ। ਇਸ ਨਾਲ ਵਾਰ-ਵਾਰ ਵੀਜ਼ਾ ਲੈਣ ਦਾ ਸਮਾਂ ਅਤੇ ਪੈਸਾ ਬਚਦਾ ਹੈ। ਤੁਸੀਂ ਜਦੋਂ ਚਾਹੋ ਆਪਣੇ ਪਿੰਡ ਆ ਸਕਦੇ ਹੋ ਅਤੇ ਇੱਥੇ ਰਹਿ ਸਕਦੇ ਹੋ। ਹੁਣ ਓਸੀਆਈ ਕਾਰਡ ਨੂੰ ਵਾਰ-ਵਾਰ ਰਿਨਿਊ ਕਰਵਾਉਣ ਦੀ ਲੋੜ ਨਹੀਂ। 20 ਸਾਲ ਦੀ ਉਮਰ ਪੂਰੀ ਹੋਣ ‘ਤੇ ਇੱਕ ਵਾਰ ਕਾਰਡ ਬਣਨ ਤੋਂ ਬਾਅਦ ਇਹ ਜੀਵਨ ਭਰ ਚੱਲੇਗਾ। ਸਿਰਫ਼ ਉਮਰ ਦੇ ਹਿਸਾਬ ਨਾਲ ਫੋਟੋ ਅਪਡੇਟ ਕਰਨੀ ਹੋਵੇਗੀ। 50 ਸਾਲ ਦੀ ਉਮਰ ਤੋਂ ਬਾਅਦ ਨਵਾਂ ਪਾਸਪੋਰਟ ਬਣਨ ‘ਤੇ ਹੁਣ ਦੂਤਾਵਾਸ ਜਾਣ ਦੀ ਲੋੜ ਨਹੀਂ ਪਵੇਗੀ। ਬੱਸ ਆਨਲਾਈਨ ਪੋਰਟਲ ‘ਤੇ ਨਵੇਂ ਪਾਸਪੋਰਟ ਅਤੇ ਆਪਣੀ ਤਾਜ਼ਾ ਫੋਟੋ ਅਪਲੋਡ ਕਰਨੀ ਹੋਵੇਗੀ। ਇਸ ਲਈ ਕੋਈ ਫੀਸ ਨਹੀਂ ਲਈ ਜਾਵੇਗੀ। ਓਸੀਆਈ ਕਾਰਡ ਧਾਰਕ ਭਾਰਤ ਵਿੱਚ ਘਰ, ਪਲਾਟ ਜਾਂ ਕਮਰਸ਼ੀਅਲ ਪ੍ਰਾਪਰਟੀ ਖ਼ਰੀਦ ਸਕਦੇ ਹਨ ਅਤੇ ਆਪਣੀ ਪੁਸ਼ਤੈਨੀ ਜ਼ਮੀਨ ਦੇ ਮਾਲਕੀ ਹੱਕ ਰੱਖ ਸਕਦੇ ਹਨ। ਕਿਸੇ ਰਿਸ਼ਤੇਦਾਰ ਦੀ ਸਿਹਤ ਖ਼ਰਾਬ ਹੋਣ ਜਾਂ ਮੌਤ ਹੋਣ ‘ਤੇ ਵੀਜ਼ਾ ਦੀ ਉਡੀਕ ਕੀਤੇ ਬਿਨਾਂ ਤੁਸੀਂ ਤੁਰੰਤ ਟਿਕਟ ਬੁੱਕ ਕਰਕੇ ਭਾਰਤ ਆ ਸਕਦੇ ਹੋ। ਓਸੀਆਈ ਕਾਰਡ ਧਾਰਕਾਂ ਨੂੰ ਭਾਰਤ ਵਿੱਚ ਐੱਨਆਰਆਈਜ਼ ਦੇ ਬਰਾਬਰ ਅਧਿਕਾਰ ਮਿਲਦੇ ਹਨ। ਉਹ ਇੱਥੇ ਬੈਂਕ ਖਾਤੇ ਖੋਲ੍ਹ ਸਕਦੇ ਹਨ ਅਤੇ ਸ਼ੇਅਰ ਬਾਜ਼ਾਰ ਵਿੱਚ ਨਿਵੇਸ਼ ਕਰ ਸਕਦੇ ਹਨ।

The post OCI ਕਾਰਡ ਦੇ ਨਿਯਮਾਂ ‘ਚ ਵੱਡਾ ਬਦਲਾਅ appeared first on TV Punjab | Punjabi News Channel.

CANADA: ਓਸੀਆਈ ਕਾਰਡ ਦੇ ਨਿਯਮਾਂ ‘ਚ ਕੀਤਾ ਗਿਆ ਵੱਡਾ ਬਦਲਾਅ ਪ੍ਰਵਾਸੀ ਪੰਜਾਬੀਆਂ ਸਮੇਤ ਲੱਖਾਂ ਭਾਰਤੀਆਂ ਨੂੰ ਮਿਲੇਗੀ ਰਾਹਤ ਭਾਰਤੀ ਵਿਦਿਆਰਥੀਆਂ ਦੀ ਜ਼ਬਰਨ ਵਸੂਲੀ ਲਈ ਵਰਤੋਂ ਕੈਨੇਡਾ ਦੀ ਵਿੱਤੀ ਖੂਫੀਆ ਏਜੰਸੀ ਫਿਨਟ੍ਰੈਕ ਦੀ ਚੇਤਾਵਨੀ ਕੈਨੇਡਾ ਵਿੱਚ ਪੰਜਾਬੀ ਗੈਂਗਸਟਰ ਅਰਸ਼ਦੀਪ ਸਿੰਘ ਕਾਬੂ ਬਜ਼ੁਰਗਾਂ ਨੂੰ ਡਰਾ-ਧਮਕਾ ਕੇ ਕਰਦਾ ਸੀ ਲੱਖਾਂ ਦੀ ਠੱਗੀ ਕੈਨੇਡਾ ਤੇ ਅਮਰੀਕਾ ਵਿੱਚ ਸੈਂਕੜੇ ਫਲਾਈਟਾਂ ਕੀਤੀਆਂ ਗਈਆਂ ਰੱਦ ਈਰਾਨ ਜੰਗ ਦੇ ਮੱਦੇਨਜ਼ਰ ਏਅਰਲਾਈਨਜ਼ ਨੇ ਲਿਆ ਵੱਡਾ ਫੈਸਲਾ ਕੈਨੇਡਾ ਤੇ ਅਮਰੀਕਾ ਦੀ ਵਪਾਰਕ ਗੱਲਬਾਤ ‘ਚ ਤਣਾਅ ਕਾਰਨੀ ਵੱਲੋਂ ਅਮਰੀਕਾ ਨੂੰ ਰਿਆਇਤਾਂ ਦੇਣ ਤੋਂ ਇਨਕਾਰ ਦੁਰਲੱਭ ਬੀਮਾਰੀ ਨਾਲ ਜੂਝ ਰਿਹਾ ਹੈ 3 ਵਰ੍ਹਿਆਂ ਦਾ ਗੁਰਮੋਹ ਗੁਰਮੋਹ ਦੇ ਮਾਪਿਆਂ ਵੱਲੋਂ ਭਾਈਚਾਰੇ ਨੂੰ ਮਦਦ ਦੀ ਅਪੀਲ ਟੋਰਾਂਟੋ ਜੇਲ੍ਹ ਗਾਰਡ ਨੂੰ ਨਸ਼ਿਆਂ ਤੇ ਹਥਿਆਰਾਂ ਦੀ ਤਸਕਰੀ ਲਈ ਸਜ਼ਾ ਜੇਲ੍ਹ ਦੀ ਸੁਰੱਖਿਆ ਕਰਨ ਵਾਲਾ ਹੀ ਡੱਕਿਆ ਜਾਵੇਗਾ ਸਲਾਖਾਂ ਦੇ ਪਿੱਛੇ ਕਿਊਬੈਕ ਦੇ ਇੱਕ ਵਿਅਕਤੀ ‘ਤੇ ਲੱਗੇ ਅੱਤਵਾਦ ਦੇ ਗੰਭੀਰ ਇਲਜ਼ਾਮ ਅੱਤਵਾਦੀ ਸੰਗਠਨ 764 ਨੈੱਟਵਰਕ ਨਾਲ ਦੱਸੇ ਜਾ ਰਹੇ ਦੋਸ਼ੀ ਦੇ ਸਬੰਧ #oci #vistorvisa #studypermit #flights #nri #toronto #immigration #expressentry #edminton #pierrepoilievre #statcan #markcarney #hormuz #whatsapp #iran #deportation #weathercanada #expressentry #crsscore #studentvisa #trtopr #canadausrelation ਇਸ ਵੀਡੀਓ ਵਿੱਚ, ਤੁਸੀਂ **Canada News** ਅਤੇ ਹੋਰ **Punjabi News** ਬਾਰੇ ਤਾਜ਼ਾ ਅਪਡੇਟਾਂ ਪ੍ਰਾਪਤ ਕਰੋਗੇ। ਇਹ **latest news** ਤੁਹਾਨੂੰ **Canada News** ਅਤੇ ਕੈਨੇਡਾ ਦੇ ਮੌਜੂਦਾ ਮਾਮਲਿਆਂ ਬਾਰੇ ਜਾਣਕਾਰੀ ਪ੍ਰਦਾਨ ਕਰਦੀਆਂ ਹਨ। ਹੋਰ ਜਾਣਕਾਰੀ ਲਈ **TV Punjab** ਨਾਲ ਜੁੜੇ ਰਹੋ।

Canada News covers the latest from Canada, including discussion of political events, immigration, Canadian life. Stay informed with the latest **Canada News** . Also discussed are international events like the impact of **tariffs** on **trade barriers**.

The post ਪ੍ਰਵਾਸੀ ਪੰਜਾਬੀਆਂ ਸਮੇਤ ਲੱਖਾਂ ਭਾਰਤੀਆਂ ਨੂੰ ਰਾਹਤ! CANADA NEWS appeared first on TV Punjab | Punjabi News Channel.

Ottawa- ਕੈਨੇਡਾ ’ਚ 15 ਨਵੰਬਰ 2022 ਤੋਂ ਕੌਮਾਂਤਰੀ ਵਿਦਿਆਰਥੀਆਂ ਲਈ ਅਸਥਾਈ ਤੌਰ ’ਤੇ ਕੰਮ ਕਰਨ ਸੰਬੰਧੀ ਲਾਗੂ ਕੀਤੀ ਗਈ ਨੀਤੀ ਹੁਣ ਲਗਭਗ ਖ਼ਤਮ ਹੋਣ ਵਾਲੀ ਹੈ। ਇਹ ਨੀਤੀ ਸਰਕਾਰ ਵਲੋਂ ਇੱਕ ਸਾਲ ਲਈ ਲਾਗੂ ਕੀਤੀ ਗਈ ਸੀ ਅਤੇ ਇਸ ਦੇ ਤਹਿਤ ਵਿਦਿਆਰਥੀ ਹੁਣ ਦੇ ਦੌਰਾਨ ਅਸੀਮਿਤ ਕੰਮ ਕਰ ਸਕਦੇ ਹਨ।
ਕੈਨੇਡਾ ਪਿਛਲੇ ਕਾਫੀ ਸਮੇਂ ਤੋਂ ਮਜ਼ਦੂਰਾਂ ਦੀ ਘਾਟ ਦਾ ਸਾਹਮਣਾ ਕਰ ਰਿਹਾ ਹੈ, ਜਿਸ ਨਾਲ ਕਾਰੋਬਾਰਾਂ ਅਤੇ ਕਾਮਿਆਂ ’ਤੇ ਮਾੜਾ ਅਸਰ ਪੈ ਰਿਹਾ ਹੈ।
ਹਾਲ ਹੀ ’ਚ ਇੰਸਟਾਗ੍ਰਾਮ ’ਤੇ ਕੁਝ ਯੂਜ਼ਰਾਂ ਨੇ ਕਿਹਾ ਹੈ ਕਿ ਉਨ੍ਹਾਂ ਨੂੰ ਆਈ. ਆਰ. ਸੀ. ਸੀ. ਵਲੋਂ ਇੱਕ ਈ-ਮੇਲ ਕੀਤੀ ਗਈ ਹੈ, ਜਿਸ ’ਚ ਉਨ੍ਹਾਂ ਨੂੰ ਕੌਮਾਂਤਰੀ ਵਿਦਿਆਰਥੀਆਂ ਲਈ ਫੁੱਲ-ਟਾਈਮ ਕੰਮ ਦੀ ਨੀਤੀ ਪ੍ਰਤੀ ਉੁੁਨ੍ਹਾਂ ਦੇ ਤਜ਼ਰਬੇ ਦੇ ਸਬੰਧ ਵਿੱਚ ਇੱਕ ਸਰਵੇਖਣ ਵਿੱਚ ਹਿੱਸਾ ਲੈਣ ਲਈ ਕਿਹਾ ਗਿਆ ਹੈ। ਇਹ ਸਰਵੇਖਣ 11 ਸਤੰਬਰ, 2023 ਤੱਕ ਖੁੱਲ੍ਹਾ ਰਹੇਗਾ।
ਦੱਸ ਦਈਏ ਕਿ ਕੈਨੇਡਾ ਦੀ ਡਿੱਗ ਰਹੀ ਆਰਥਿਕਤਾ ਨੂੰ ਬਚਾਉਣ ਲਈ, ਬੀਤੇ ਸਾਲ ਇਮੀਗ੍ਰੇਸ਼ਨ, ਰਫਿਊਜੀਜ਼ ਅਤੇ ਸਿਟੀਜ਼ਨਸ਼ਿਪ ਮੰਤਰੀ ਸੀਨ ਫਰੇਜ਼ਰ ਨੇ ਇੱਕ ਨਵੀਂ ਅਸਥਾਈ ਜਨਤਕ ਨੀਤੀ ਪੇਸ਼ ਕੀਤੀ ਸੀ। ਸੀਨ ਫਰੇਜ਼ਰ ਕੋਲ ਹੁਣ ਇਸ ਵੇਲੇ ਦੇ ਹਾਊਸਿੰਗ ਮੰਤਰੀ ਹ।
7 ਅਕਤੂਬਰ, 2022 ਨੂੰ, ਉਨ੍ਹਾਂ ਨੇ ਐਲਨ ਕੀਤਾ ਸੀ ਕਿ 15 ਨਵੰਬਰ, 2022 ਤੋਂ 31 ਦਸੰਬਰ, 2023 ਤੱਕ, ਪੋਸਟ-ਸੈਕੰਡਰੀ ਵਿਦਿਆਰਥੀਆਂ ਨੂੰ ਹੁਣ ਕੈਂਪਸ ਤੋਂ ਬਾਹਰ 40 ਘੰਟੇ ਕੰਮ ਕਰਨ ਦੀ ਇਜਾਜ਼ਤ ਹੈ।
ਇਸ ਸੰਬੰਧੀ ਫਰੇਜ਼ਰ ਨੇ ਕਿਹਾ ਸੀ ਕਿ ਇਹ ਨਾ ਸਿਰਫ਼ ਕੌਮਾਂਤਰੀ ਵਿਦਿਆਰਥੀਆਂ ਲਈ ਸਗੋਂ ਕੈਨੇਡਾ ਲਈ ਵੀ ਫਾਇਦੇ ਦੀ ਸਥਿਤੀ ਹੈ। ਇਹ ਨੀਤੀ ਵਿਦਿਆਰਥੀਆਂ ਨੂੰ ਆਪਣੀ ਪੜ੍ਹਾਈ ਪੂਰੀ ਕਰਦੇ ਸਮੇਂ ਵਿੱਤੀ ਸਥਿਰਤਾ ਪ੍ਰਾਪਤ ਕਰਨ ਦੀ ਇਜਾਜ਼ਤ ਦਿੰਦੀ ਹੈ ਅਤੇ ਉਹ ਕੈਨੇਡੀਅਨ ਆਰਥਿਕਤਾ ਨੂੰ ਲੀਹ ’ਤੇ ਲਿਆਉਣ ’ਚ ਮਦਦ ਕਰ ਰਹੇ ਹਨ। ਹਾਲਾਂਕਿ, ਇਸ ਨੀਤੀ ਦੇ ਤਹਿਤ ਸਿਰਫ਼ ਉਹ ਵਿਦਿਆਰਥੀ ਹੀ ਕੰਮ ਕਰ ਸਕਦੇ ਹਨ, ਜਿਨ੍ਹਾਂ ਨੂੰ ਸਟੱਡੀ ਪਰਮਿਟ 7 ਅਕਤੂਬਰ, 2022 ਨੂੰ ਜਾਂ ਇਸ ਤੋਂ ਪਹਿਲਾਂ ਮਿਲਿਆ ਹੈ।
ਸਰਕਾਰ ਦੇ ਇਸ ਫ਼ੈਸਲੇ ਤਹਿਤ 500,000 ਤੋਂ ਵੱਧ ਯੋਗ ਕੌਮਾਂਤਰੀ ਵਿਦਿਆਰਥੀ ਜੋ ਪਹਿਲਾਂ ਹੀ ਕੈਨੇਡਾ ’ਚ ਹਨ, ਨੂੰ ਵਧੇਰੇ ਘੰਟੇ ਕੰਮ ਕਰਨ ਦੀ ਸੰਭਾਵਨਾ ਮਿਲ ਰਹੀ ਹੈ।
ਇਹ ਨਵੀਂ ਨੀਤੀ ਕੌਮਾਂਤਰੀ ਵਿਦਿਆਰਥੀਆਂ ਦੀ ਰੋਜ਼ੀ-ਰੋਟੀ ’ਤੇ ਕਾਫੀ ਪ੍ਰਭਾਵ ਪਾਉਂਦੀ ਹੈ। ਉਹ ਇਸ ਆਰਥਿਕ ਮੰਦੀ ’ਚ ਆਪਣੇ ਜ਼ਰੂਰੀ ਖਰਚਿਆਂ ਨੂੰ ਪੂਰਾ ਕਰ ਸਕਦੇ ਹਨ ਅਤੇ ਸਿਰਫ ਇਹ ਹੀ ਨਹੀਂ, ਬਲਕਿ ਇਹ ਇੱਕ ਵਧੀਆ ਪਹਿਲਕਦਮੀ ਹੈ ਜੋ ਵਿਦਿਆਰਥੀਆਂ ਨੂੰ ਆਪਣੇ ਪ੍ਰੋਗਰਾਮ ਨੂੰ ਪੂਰਾ ਕਰਦੇ ਹੋਏ ਰੁਜ਼ਗਾਰਦਾਤਾਵਾਂ ਨਾਲ ਜੁੜਨ ਦੀ ਆਗਿਆ ਦਿੰਦੀ ਹੈ ਅਤੇ ਸੰਭਾਵਤ ਤੌਰ ’ਤੇ ਆਪਣੀ ਪੜ੍ਹਾਈ ਤੋਂ ਬਾਅਦ ਨੌਕਰੀਆਂ ਪ੍ਰਾਪਤ ਕਰਦੇ ਹਨ।

The post ਕੀ ਕੌਮਾਂਤਰੀ ਵਿਦਿਆਰਥੀਆਂ ਲਈ ਫੁੱਲ ਟਾਈਮ ਵਰਕ ਦੀ ਨੀਤੀ ਨੂੰ ਵਧਾਏਗੀ ਕੈਨੇਡਾ ਸਰਕਾਰ? appeared first on TV Punjab | Punjabi News Channel.