ਇੱਕ ਤਾਜ਼ਾ ਗਲੋਬਲ ਸੂਚੀ ਅਨੁਸਾਰ ਲਗਭਗ ਸਾਰੀਆਂ ਕੈਨੇਡੀਅਨ ਯੂਨੀਵਰਸਿਟੀਆਂ ਦੀ ਰੈੰਕਿੰਗ ਹੇਠਾਂ ਗਿਰੀ ਹੈ। ਇਹ ਗਿਰਾਵਟ ਬਿਹਤਰ ਫੰਡਿੰਗ ਵਾਲੇ ਅੰਤਰਰਾਸ਼ਟਰੀ ਮੁਕਾਬਲੇਬਾਜ਼ਾਂ ਵੱਲੋਂ ਮਿਲ ਰਹੀ ਸਖ਼ਤ ਟੱਕਰ ਨੂੰ ਦਰਸਾਉਂਦੀ ਹੈ। ‘ਸੈਂਟਰ ਫਾਰ ਵਰਲਡ ਯੂਨੀਵਰਸਿਟੀ ਰੈਂਕਿੰਗਜ਼’ ਵੱਲੋਂ ਜਾਰੀ ਕੀਤੀ ਗਈ ਸੂਚੀ ਮੁਤਾਬਕ, ਕੈਨੇਡਾ ਦੀਆਂ 38 ਰੈਂਕਿੰਗ ਪ੍ਰਾਪਤ ਯੂਨੀਵਰਸਿਟੀਆਂ ਵਿੱਚੋਂ 37 ਪਿਛਲੇ ਸਾਲ ਦੇ ਮੁਕਾਬਲੇ ਪਛੜ ਗਈਆਂ ਹਨ, ਜਦੋਂ ਕਿ ਸਿਰਫ਼ ਇੱਕ ਆਪਣੀ ਸਥਿਤੀ ਬਚਾਉਣ ਵਿੱਚ ਕਾਮਯਾਬ ਰਹੀ। ਯੂਨੀਵਰਸਿਟੀ ਆਫ਼ ਟੋਰਾਂਟੋ ਪਿਛਲੇ ਸਾਲ ਦੀ ਤਰ੍ਹਾਂ 23ਵੇਂ ਸਥਾਨ ‘ਤੇ ਰਹਿ ਕੇ ਦੇਸ਼ ਦੀ ਸਰਵੋਤਮ ਸੰਸਥਾ ਬਣੀ ਹੋਈ ਹੈ। ਮੈਕਗਿਲ ਯੂਨੀਵਰਸਿਟੀ ਇੱਕ ਦਰਜਾ ਖਿਸਕ ਕੇ 28ਵੇਂ ਅਤੇ ਯੂਨੀਵਰਸਿਟੀ ਆਫ਼ ਬ੍ਰਿਟਿਸ਼ ਕੋਲੰਬੀਆ 49ਵੇਂ ਸਥਾਨ ‘ਤੇ ਆ ਗਈ ਹੈ। ਯੂਨੀਵਰਸਿਟੀ ਆਫ਼ ਅਲਬਰਟਾ 82ਵੇਂ ਅਤੇ ਯੂਨੀਵਰਸਿਟੀ ਆਫ਼ ਮਾਂਟਰੀਅਲ 126ਵੇਂ ਸਥਾਨ ‘ਤੇ ਰਹੀ।

ਕੈਨੇਡਾ ਵਿੱਚ ਲਾਰੈਂਸ ਬਿਸ਼ਨੋਈ ਗੈਂਗ ਦੀਆਂ ਅਪਰਾਧਿਕ ਗਤੀਵਿਧੀਆਂ ਨੂੰ ਘੱਟੋ-ਘੱਟ ਤਿੰਨ ਵੱਖ-ਵੱਖ ਧੜੇ ਚਲਾ ਰਹੇ ਹਨ, ਜੋ ਹਾਲ ਹੀ ਵਿੱਚ ਆਏ ਆਰਜ਼ੀ ਨਿਵਾਸੀਆਂ ਨੂੰ ਆਪਣੇ ‘ਫੁੱਟ-ਸੋਲਜਰ’ ਵਜੋਂ ਵਰਤ ਰਹੇ ਹਨ। ਕੈਨੇਡੀਅਨ ਮੀਡੀਆ ਰਿਪੋਰਟਾਂ ਅਨੁਸਾਰ, ਐਡਮਿੰਟਨ ਪੁਲਿਸ ਦੇ ਕਾਂਸਟੇਬਲ ਅਤੇ ‘ਪ੍ਰੋਜੈਕਟ ਏ ਆਈ -ਐਕਸਟੋਰਸ਼ਨ’ ਦੇ ਅਧਿਕਾਰੀ ਕੇਵਿਨ ਸੇਂਟ ਲੂਈਸ ਨੇ ‘ਇਮੀਗ੍ਰੇਸ਼ਨ ਐਂਡ ਰਿਫਊਜੀ ਬੋਰਡ ਆਫ ਕੈਨੇਡਾ’ ਦੇ ਸਾਹਮਣੇ ਇੱਕ ਦੇਸ਼ ਨਿਕਾਲੇ ਦੀ ਸੁਣਵਾਈ ਦੌਰਾਨ ਇਹ ਵੱਡਾ ਖੁਲਾਸਾ ਕੀਤਾ ਹੈ। ਅਧਿਕਾਰੀ ਨੇ ਦੱਸਿਆ ਕਿ ਜਾਂਚ ਦੌਰਾਨ ਗੈਂਗ ਵਿੱਚ ਫੁੱਟ ਪੈਣ ਦੀ ਗੱਲ ਸਾਹਮਣੇ ਆਈ ਹੈ, ਜਿਸ ਕਾਰਨ ਹੁਣ ਕਈ ਵੱਖ-ਵੱਖ ਗਰੁੱਪ ਇੱਕੋ ਤਰ੍ਹਾਂ ਦੇ ਅਪਰਾਧਾਂ ਨੂੰ ਅੰਜਾਮ ਦੇ ਰਹੇ ਹਨ।

ਲੰਘੇ ਐਤਵਾਰ ਦੀ ਰਾਤ ਨੂੰ ਬਰੈਂਪਟਨ ਦੇ ਇੱਕ ਘਰ ਵਿੱਚੋਂ ਇੱਕ ਨਵਜੰਮੇ ਬੱਚੇ ਦੀ ਲਾਸ਼ ਮਿਲਣ ਤੋਂ ਬਾਅਦ ਪੁਲਿਸ ਨੇ ਇੱਕ 23 ਸਾਲਾ ਮਹਿਲਾ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਪੀਲ ਰੀਜਨਲ ਪੁਲਿਸ ਨੂੰ ਰਾਤ ਦੇ ਲਗਭਗ 8:30 ਵਜੇ ਕੇਨੈਡੀ ਰੋਡ ਨੌਰਥ ਅਤੇ ਵਿਲੀਅਮਜ਼ ਪਾਰਕਵੇਅ ਦੇ ਇਲਾਕੇ ਵਿੱਚ ਇੱਕ ਘਰ ਅੰਦਰ ਬੱਚੇ ਦੀ ਲਾਸ਼ ਹੋਣ ਦੀ ਸੂਚਨਾ ਮਿਲੀ ਸੀ। ਐਕਟਿੰਗ ਇੰਸਪੈਕਟਰ ਮੈਥਿਊ ਮਿਲਰ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਮੌਕੇ ‘ਤੇ ਪਹੁੰਚੇ ਅਫਸਰਾਂ ਨੇ ਘਰ ਦੇ ਅੰਦਰੋਂ ਬੱਚੇ ਦੀ ਲਾਸ਼ ਬਰਾਮਦ ਕੀਤੀ।

ਮਸ਼ਹੂਰ ਕਾਰ ਨਿਰਮਾਤਾ ਕੰਪਨੀ ਹੁੰਡਈ ਨੇ ਸੁਰੱਖਿਆ ਖ਼ਤਰਿਆਂ ਦੇ ਮੱਦੇਨਜ਼ਰ ਕੈਨੇਡਾ ਵਿੱਚ ਆਪਣੀਆਂ 80,000 ਤੋਂ ਵੱਧ ਗੱਡੀਆਂ ਨੂੰ ਵਾਪਸ ਮੰਗਵਾਇਆ ਹੈ। ਟ੍ਰਾਂਸਪੋਰਟ ਕੈਨੇਡਾ ਵੱਲੋਂ ਜਾਰੀ ਕੀਤੇ ਗਏ ਨੋਟਿਸ ਅਨੁਸਾਰ, ਇਨ੍ਹਾਂ ਗੱਡੀਆਂ ਦੇ ਸਾਫਟਵੇਅਰ ਵਿੱਚ ਇੱਕ ਅਜਿਹੀ ਖ਼ਰਾਬੀ ਸਾਹਮਣੇ ਆਈ ਹੈ, ਜਿਸ ਨਾਲ ਹਾਦਸਾ ਹੋਣ ਦਾ ਖ਼ਤਰਾ ਕਾਫ਼ੀ ਵੱਧ ਸਕਦਾ ਹੈ। ਕੰਪਨੀ ਨੇ ਦੱਸਿਆ ਕਿ ਕੁਝ ਖ਼ਾਸ ਗੱਡੀਆਂ ਦੇ ਫਰੰਟ ਕੈਮਰੇ ਦੇ ਸਾਫਟਵੇਅਰ ਵਿੱਚ ਸਮੱਸਿਆ ਹੈ। ਇਸ ਖ਼ਰਾਬੀ ਕਾਰਨ ਗੱਡੀ ਦਾ ਹਾਦਸੇ ਤੋਂ ਬਚਾਉਣ ਵਾਲਾ ਸਿਸਟਮ ਬਿਨਾਂ ਕਿਸੇ ਖ਼ਤਰੇ ਜਾਂ ਸਾਹਮਣੇ ਕੋਈ ਚੀਜ਼ ਆਏ, ਅਚਾਨਕ ਬ੍ਰੇਕ ਲਗਾ ਦਿੰਦਾ ਹੈ। ਜੇਕਰ ਚਲਦੀ ਗੱਡੀ ਬਿਨਾਂ ਕਿਸੇ ਕਾਰਨ ਅਚਾਨਕ ਬ੍ਰੇਕ ਲਗਾ ਦੇਵੇ, ਤਾਂ ਪਿੱਛੋਂ ਆਉਣ ਵਾਲੇ ਵਾਹਨਾਂ ਨਾਲ ਭਿਆਨਕ ਟੱਕਰ ਹੋ ਸਕਦੀ ਹੈ।

ਕੈਨੇਡਾ ਦੇ ਕੈਲਗਰੀ ਸ਼ਹਿਰ ਦੇ ਪੂਰਬ ਵੱਲ ਸੜਕ ਕਿਨਾਰੇ ਹੋਈ ਗੋਲੀਬਾਰੀ ਵਿੱਚ ਮਾਰੇ ਗਏ ਐਲਬਰਟਾ ਦੇ ਇੱਕ ਵਿਅਕਤੀ ਦੀ ਪਤਨੀ ਨੇ ਅਦਾਲਤ ਵਿੱਚ ਦੋ ਜਣਿਆਂ ਨੂੰ ਦੋਸ਼ੀ ਕਰਾਰ ਦਿੱਤੇ ਜਾਣ ਤੋਂ ਬਾਅਦ ਸਰਕਾਰੀ ਵਕੀਲ ਨੂੰ ਭਾਵੁਕ ਹੋ ਕੇ ਜੱਫੀ ਪਾ ਲਈ। ਜਿਊਰੀ ਮੈਂਬਰਾਂ ਨੇ ਲਗਭਗ 14 ਘੰਟੇ ਦੀ ਲੰਬੀ ਚਰਚਾ ਤੋਂ ਬਾਅਦ ਇਹ ਸਿੱਟਾ ਕੱਢਿਆ ਕਿ ਆਰਥਰ ਪੇਨਰ ਅਤੇ ਐਲੀਜਾ ਸਟ੍ਰਾਬੇਰੀ ਨੇ 6 ਅਗਸਤ, 2024 ਨੂੰ ਇੱਕ ਪੇਂਡੂ ਸੜਕ ‘ਤੇ ਰੌਕੀ ਵਿਊ ਕਾਉਂਟੀ ਦੇ 45 ਸਾਲਾ ਕਰਮਚਾਰੀ ਕੋਲਿਨ ਹਾਫ਼ ਦੀ ਗੋਲੀ ਮਾਰ ਕੇ ਹੱਤਿਆ ਕੀਤੀ ਸੀ।

ਹੋਰ ਜਾਣਕਾਰੀ ਲਈ **TV Punjab** ਨਾਲ ਜੁੜੇ ਰਹੋ।

The post ਕੈਨੇਡੀਅਨ ਯੂਨੀਵਰਸਿਟੀਆਂ ਦੀ ਰੈਂਕਿੰਗ ਡਿੱਗੀ! ਅਮਰੀਕਾ ਦਾ ਦਬਦਬਾ! CANADA NEWS appeared first on TV Punjab | Punjabi News Channel.

Vancouver: ਕੈਨੇਡਾ ਵਿੱਚ ਚੱਲ ਰਹੇ ਜਬਰਨ ਵਸੂਲੀ ਅਤੇ ਹਿੰਸਕ ਮਾਮਲਿਆਂ ਦੇ ਪਿੱਛੇ ਸਰਗਰਮ ਲਾਰੈਂਸ ਗੈਂਗ ਦੇ ਸਿੰਡੀਕੇਟ ਨੇ ਬ੍ਰਿਟਿਸ਼ ਕੋਲੰਬੀਆ ਪੁਲਿਸ ਨੂੰ ਸਿੱਧੀ ਚੁਣੌਤੀ ਦਿੰਦੇ ਹੋਏ ਇੱਕ ਪੱਤਰ ਭੇਜਿਆ ਹੈ। ਇਸ ਪੱਤਰ ਵਿੱਚ ਗੈਂਗ ਵੱਲੋਂ ਦਾਅਵਾ ਕੀਤਾ ਗਿਆ ਹੈ ਕਿ ਕੈਨੇਡਾ ਵਿੱਚ ਉਨ੍ਹਾਂ ਦੇ 1,000 ਤੋਂ ਵੱਧ ਸ਼ੂਟਰ ਸਰਗਰਮ ਹਨ। ਇਸ ਖੁਲਾਸੇ ਤੋਂ ਬਾਅਦ ਕੈਨੇਡਾ ਦੇ ਸੁਰੱਖਿਆ ਤੰਤਰ ਅਤੇ ਉੱਥੇ ਰਹਿ ਰਹੇ ਦੱਖਣੀ ਏਸ਼ੀਆਈ ਭਾਈਚਾਰੇ, ਖਾਸ ਕਰਕੇ ਭਾਰਤੀ ਅਤੇ ਪੰਜਾਬੀ ਮੂਲ ਦੇ ਕਾਰੋਬਾਰੀਆਂ ਵਿੱਚ ਦਹਿਸ਼ਤ ਦਾ ਮਾਹੌਲ ਹੈ।

ਦੁਨੀਆ ਦੇ “ਸਭ ਤੋਂ ਵਧੀਆ ਦੇਸ਼ਾਂ” ਦੀ ਇੱਕ ਤਾਜ਼ਾ ਗਲੋਬਲ ਰੈਂਕਿੰਗ ਸੂਚੀ ਵਿੱਚ ਕੈਨੇਡਾ ਕਈ ਸਥਾਨ ਹੇਠਾਂ ਡਿੱਗ ਗਿਆ ਹੈ ਅਤੇ ਹੁਣ ਉਹ ਆਪਣੇ ਗੁਆਂਢੀ ਦੇਸ਼ ਅਮਰੀਕਾ ਤੋਂ ਵੀ ਇੱਕ ਕਦਮ ਪਿੱਛੇ ਰਹਿ ਗਿਆ ਹੈ। ‘ਯੂ.ਐੱਸ. ਨਿਊਜ਼ ਬੈਸਟ ਕੰਟਰੀਜ਼’ ਵੱਲੋਂ ਜਾਰੀ ਸਾਲ 2025 ਦੀ ਰੈਂਕਿੰਗ ਮੁਤਾਬਕ, ਕੈਨੇਡਾ ਇਸ ਸੂਚੀ ਵਿੱਚ 19ਵੇਂ ਸਥਾਨ ‘ਤੇ ਆ ਗਿਆ ਹੈ, ਜਦਕਿ ਸੰਯੁਕਤ ਰਾਜ ਅਮਰੀਕਾ 18ਵੇਂ ਸਥਾਨ ‘ਤੇ ਹੈ।

ਹੈਲੀਫ਼ੈਕਸ ਪੁਲਿਸ ਅਨੁਸਾਰ ਲੰਘੇ ਵੀਕੈਂਡ ਜਿਸ ਲਾਪਤਾ ਨਵਜੰਮੇ ਬੱਚੇ ਦੀ ਲਾਸ਼ ਬਰਾਮਦ ਕੀਤੀ ਗਈ ਸੀ, ਉਸਦੀ ਮਾਂ ਨੇ ਹਸਪਤਾਲ ਵਿਚ ਦਮ ਤੋੜ ਦਿੱਤਾ ਹੈ। ਪਿੱਛਲੇ ਸ਼ੁੱਕਰਵਾਰ ਨੂੰ 23 ਸਾਲਾ ਲੜਕੀ ਨੂੰ ਨਾਜ਼ੁਕ ਹਾਲਤ ਵਿਚ ਹਸਪਤਾਲ ਭਰਤੀ ਕੀਤਾ ਗਿਆ ਸੀ ਅਤੇ ਇੰਝ ਪ੍ਰਤੀਤ ਹੁੰਦਾ ਸੀ ਕਿ ਉਸਨੇ ਹਾਲ ਹੀ ਵਿਚ ਇੱਕ ਬੱਚੇ ਨੂੰ ਜਨਮ ਦਿੱਤਾ ਸੀ। ਕਿਉਂਕਿ ਉਸ ਨਾਲ ਬੱਚਾ ਨਹੀਂ ਸੀ, ਇਸ ਕਰਕੇ ਬੱਚੇ ਦੀ ਭਾਲ ਸ਼ੁਰੂ ਕੀਤੀ ਗਈ। ਐਤਵਾਰ ਨੂੰ ਹੈਲੀਫ਼ੈਕਸ ਪੁਲਿਸ ਨੇ ਗੁਡਵੁੱਡ ਦੇ ਜੰਗਲੀ ਇਲਾਕੇ ਵਿਚੋਂ ਉਸ ਨਵਜੰਮੇ ਬੱਚੇ ਦੇ ਅਵਸ਼ੇਸ਼ ਬਰਾਮਦ ਕੀਤੇ।

ਕੈਨੇਡਾ ਸਰਕਾਰ ਨੇ ਹੈਰਾਨਕੁੰਨ ਕਾਰਵਾਈ ਕਰਦਿਆਂ ਹਜ਼ਾਰਾਂ ਲੋਕਾਂ ਦੇ ਵੀਜ਼ੇ ਕਰ ਦਿਤੇ ਹਨ। ਇੰਮੀਗ੍ਰੇਸ਼ਨ ਮੰਤਰੀ ਨੇ ਕਿਹਾ ਹੈ ਕਿ ਜ਼ਰੂਰਤ ਮਹਿਸੂਸ ਹੋਈ ਤਾਂ 24 ਹਜ਼ਾਰ ਟਰੈਵਲ ਡਾਕੂਮੈਂਟਸ ਹੋਰ ਰੱਦ ਕੀਤੇ ਜਾ ਸਕਦੇ ਹਨ। ਈਬੋਲਾ ਵਾਇਰਸ ਕਾਰਨ ਪੈਦਾ ਹੋਏ ਹਾਲਾਤ ਨੂੰ ਵੇਖਦਿਆਂ ਯੁਗਾਂਡਾ, ਕਾਂਗੋ ਅਤੇ ਸੁਡਾਨ ਦੇ ਨਾਗਰਿਕਾਂ ਦੇ ਵੀਜ਼ੇ ਰੱਦ ਕਰਨ ਦਾ ਐਲਾਨ ਕੀਤਾ ਗਿਆ ਹੈ। ਇੰਮੀਗ੍ਰੇਸ਼ਨ ਵਿਭਾਗ ਦੇ ਇਸ ਕਦਮ ਨਾਲ ਭਾਵੇਂ ਇਨ੍ਹਾਂ ਲੋਕਾਂ ਨੂੰ ਕੈਨੇਡਾ ਵਿਚੋਂ ਕੱਢਿਆ ਨਹੀਂ ਜਾ ਸਕਦਾ ਪਰ ਕੌਮਾਂਤਰੀ ਪੱਧਰ ’ਤੇ ਸਫ਼ਰ ਦੀ ਪ੍ਰਕਿਰਿਆ ਰੋਕੀ ਜਾ ਸਕਦੀ ਹੈ।

ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਨਿਊਯਾਰਕ ਵਿੱਚ ਉਦਯੋਗਪਤੀਆਂ ਅਤੇ ਵਿੱਤ ਮਾਹਰਾਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਕੈਨੇਡਾ ਅਤੇ ਅਮਰੀਕਾ ਨੂੰ ਇੱਕ ਨਵੀਂ ਦੁਵੱਲੀ ਭਾਈਵਾਲੀ ਦੀ ਲੋੜ ਹੈ। ਉਨ੍ਹਾਂ ਕਿਹਾ ਕਿ ਇੱਕ ਮਜ਼ਬੂਤ ਅਤੇ ਵਧੇਰੇ ਆਤਮ-ਨਿਰਭਰ ਕੈਨੇਡਾ, ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਨਾਅਰੇ ‘ਮੇਕ ਅਮਰੀਕਾ ਗ੍ਰੇਟ ਅਗੇਨ’ ਵਿੱਚ ਮਦਦ ਕਰ ਸਕਦਾ ਹੈ। ਟਰੰਪ ਦੀਆਂ ਵਪਾਰਕ ਨੀਤੀਆਂ ਕਾਰਨ ਆ ਰਹੇ ਬਦਲਾਅ ਅਤੇ ਵੰਡੀ ਜਾ ਰਹੀ ਦੁਨੀਆ ਦਰਮਿਆਨ ਕਾਰਨੀ ਨੇ ਕੈਨੇਡਾ ਦੇ ‘ਊਰਜਾ ਮਹਾਂਸ਼ਕਤੀ’ ਹੋਣ ‘ਤੇ ਜ਼ੋਰ ਦਿੱਤਾ।

ਹੋਰ ਜਾਣਕਾਰੀ ਲਈ TV Punjab ਨਾਲ ਜੁੜੇ ਰਹੋ।

The post ਕੈਨੇਡਾ ਨਹੀਂ ਰਿਹੈ ਵਧੀਆ ਮੁਲਕ! ਅਮਰੀਕਾ ਨੂੰ ਬਣਾਏਗਾ ਮਹਾਨ! CANADA NEWS appeared first on TV Punjab | Punjabi News Channel.

ਪੀਲ ਰੀਜਨਲ ਪੁਲਿਸ ਨੇ ਇੱਕ ਵੱਡੀ ਕਾਰਵਾਈ ਕਰਦਿਆਂ 17 ਪੰਜਾਬੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ, ਜਿਨ੍ਹਾਂ ਵਿੱਚੋਂ ਬਹੁਤੇ ‘ਫੋਰ ਬ੍ਰਦਰਜ਼’ ਨਾਮਕ ਇੱਕ ਅੰਤਰਰਾਸ਼ਟਰੀ ਅਪਰਾਧਿਕ ਨੈੱਟਵਰਕ ਨਾਲ ਜੁੜੇ ਹੋਏ ਹਨ। ਇਹ ਗਰੋਹ ਕੈਨੇਡਾ ਅਤੇ ਅਮਰੀਕਾ ਵਿੱਚ ਦੱਖਣੀ ਏਸ਼ੀਆਈ ਕਾਰੋਬਾਰੀਆਂ ਅਤੇ ਆਮ ਲੋਕਾਂ ਨੂੰ ਨਿਸ਼ਾਨਾ ਬਣਾ ਰਿਹਾ ਸੀ।

ਕੈਨੇਡਾ ਦੇ ਹੈਲੀਫੈਕਸ ਵਿੱਚ ਇੱਕ ਨਵਜੰਮੇ ਬੱਚੇ ਦੀ ਲਾਸ਼ ਛੁਪਾਉਣ ਅਤੇ ਮਨੁੱਖੀ ਅਵਸ਼ੇਸ਼ਾਂ ਦੀ ਬੇਅਦਬੀ ਕਰਨ ਦੇ ਦੋਸ਼ ਹੇਠ ਪੰਜਾਬੀ ਜੋੜੇ ਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ ਹੈ। ਮੁਲਜ਼ਮਾਂ ਦੀ ਪਛਾਣ ਸੁਖਪ੍ਰੀਤ ਸਿੰਘ ਅਤੇ ਉਸਦੀ ਪਤਨੀ ਰਮਨਦੀਪ ਕੌਰ ਵਜੋਂ ਹੋਈ ਹੈ। ਇਨ੍ਹਾਂ ਦੋਵਾਂ ‘ਤੇ ਪੁਲਿਸ ਅਧਿਕਾਰੀ ਦਾ ਵਿਰੋਧ ਕਰਨ ਅਤੇ ਇਨਸਾਫ਼ ਵਿੱਚ ਰੁਕਾਵਟ ਪਾਉਣ ਦੇ ਦੋਸ਼ ਵੀ ਲਗਾਏ ਗਏ ਹਨ।

ਕੈਨੇਡਾ ਵਿੱਚ ਭਾਰਤ ਦੇ ਹਾਈ ਕਮਿਸ਼ਨਰ ਦਿਨੇਸ਼ ਪਟਨਾਇਕ ਨੇ ਕੈਨੇਡੀਅਨ ਰਾਸ਼ਟਰੀ ਸੁਰੱਖਿਆ ਏਜੰਸੀਆਂ ‘ਤੇ ਤਿੱਖਾ ਹਮਲਾ ਕੀਤਾ ਹੈ। ਪਟਨਾਇਕ ਨੇ ਕਿਹਾ ਕਿ ਹਰਦੀਪ ਸਿੰਘ ਨਿੱਝਰ ਦੇ ਕਤਲ ਦੀ ਜਾਂਚ ਨੂੰ ਰਾਜਨੀਤਿਕ ਰੰਗ ਦਿੱਤਾ ਗਿਆ ਹੈ। ਉਨ੍ਹਾਂ ਦੋਸ਼ ਲਾਇਆ ਕਿ ਖਾਲਿਸਤਾਨੀ ਸਮੂਹਾਂ ਨੇ ਕੈਨੇਡੀਅਨ ਖੁਫ਼ੀਆ ਅਧਿਕਾਰੀਆਂ ਨੂੰ ਭਾਰਤ ਖ਼ਿਲਾਫ਼ ਝੂਠੀਆਂ ਰਿਪੋਰਟਾਂ ਤਿਆਰ ਕਰਨ ਲਈ ਪੈਸੇ ਦਿੱਤੇ ਹਨ। ਕੈਨੇਡਾ ਦੇ ਜਨਤਕ ਸੁਰੱਖਿਆ ਮੰਤਰੀ ਗੈਰੀ ਅਨੰਦਾਸੰਗਰੀ ਨੇ ਭਾਰਤੀ ਹਾਈ ਕਮਿਸ਼ਨਰ ਦੇ ਇਨ੍ਹਾਂ ਦੋਸ਼ਾਂ ਨੂੰ ਪੂਰੀ ਤਰ੍ਹਾਂ ਨਕਾਰਦਿਆਂ ਕਿਹਾ ਕਿ CSIS ਦੀ ਇਮਾਨਦਾਰੀ ਅਤੇ ਸੁਤੰਤਰਤਾ ‘ਤੇ ਕੋਈ ਸ਼ੱਕ ਨਹੀਂ ਕੀਤਾ ਜਾ ਸਕਦਾ।

ਕੈਨੇਡਾ ਦੇ ਐਬਟਸਫੋਰਡ ਵਿਚ ਡਾਇਮੰਡ ਕਲਚਰਲ ਕਲੱਬ ਵਲੋਂ ਸਲਾਨਾ ਪੰਜਾਬੀ ਮੇਲਾ 2026 ਦਾ ਆਯੋਜਨ ਕੀਤਾ ਗਿਆ। ਰੋਟਰੀ ਸਟੈਡੀਅਮ ਵਿਚ ਖੁੱਲ੍ਹੇ ਪੰਡਾਲ ਵਿਚ ਆਯੋਜਿਤ ਕੀਤੇ ਗਏ ਇਸ ਮੇਲੇ ਵਿਚ ਪੰਜਾਬ ਦੇ ਨਾਮਵਰ ਗਾਇਕਾਂ ਹਰਦੇਵ ਮਾਹੀਨੰਗਲ, ਜੈਸਮੀਨ ਅਖਤਰ, ਚੰਨੀ ਨੱਤਨ, ਆਰ ਨੇਤ, ਸੱਜਣ ਅਦੀਬ, ਸੁਖਪਾਲ ਔਜਲਾ, ਗੁਰਤੇਜ ਸਿੱਧੂ, ਸੁਖ ਧਾਲੀਵਾਲ ਤੇ ਸਿਮਰਨ ਸਹੋਤਾ ਨੇ ਆਪਣੀ ਗਾਇਕੀ ਨਾਲ਼ ਮੇਲੇ ਨੂੰ ਚਾਰ ਚੰਨ ਲਾਏ। ਮੇਲੇ ਦੌਰਾਨ ਪੰਜਾਬੀ ਲੋਕ ਗੀਤਾਂ ‘ਤੇ ਖੋਜ ਕਰਨ ਵਾਲੇ ਲੇਖਕ ਅਸ਼ੋਕ ਬੰਸਲ ਦਾ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ। ਇਸ ਮੇਲੇ ਵਿਚ ਪੰਜਾਬੀਆਂ ਦੇ ਵੱਡੇ ਇਕੱਠ ਨੇ ਪਿਛਲੇ ਰਿਕਾਰਡ ਵੀ ਤੋਂ ਦਿੱਤੇ।

ਹੋਰ ਜਾਣਕਾਰੀ ਲਈ **TV Punjab** ਨਾਲ ਜੁੜੇ ਰਹੋ।

The post ਕੈਨੇਡਾ ਦੇ ਗੁਨਾਹਗਾਰ ਪੰਜਾਬੀ! ਟਿਮ ਹੌਰਟਨਜ਼ ਨੇ ਦਿੱਤਾ ਝਟਕਾ! CANADA NEWS appeared first on TV Punjab | Punjabi News Channel.

Vancouver: ਕੈਨੇਡਾ ਦੇ ਇਮੀਗ੍ਰੇਸ਼ਨ ਵਿਭਾਗ ਨੇ ਜਾਰੀ ਕੀਤੀ ਸਖ਼ਤ ਚੇਤਾਵਨੀ, ਵਿਆਹ ਰਾਹੀਂ ਧੋਖਾਧੜੀ ਕਰਨ ਵਾਲਿਆਂ ‘ਤੇ ਹੋਵੇਗੀ ਕਾਰਵਾਈ

ਬਾਰਡਰ ‘ਤੇ ਟਰੱਕ ਡਰਾਈਵਰਾਂ ਦੇ ਮੋਬਾਈਲ ਫੋਨਾਂ ਦੀ ਚੈਕਿੰਗ, ਗਲਤ ਸਮੱਗਰੀ ਮਿਲਣ ‘ਤੇ ਵੀਜ਼ਾ ਤੇ ਲਾਇਸੈਂਸ ਹੋ ਸਕਦੈ ਰੱਦ

15 ਦਿਨ ਤੋਂ ਭਗੌੜਾ ਗਗਨਦੀਪ ਸਿੰਘ ਕੈਲਗਰੀ ਪੁਲਿਸ ਨੇ ਕੀਤਾ ਕਾਬੂ, ਪੁਲਿਸ ਨੇ ਜਬਰੀ ਵਸੂਲੀ ਦੀ ਵਾਰਦਾਤ ਵਿਚ ਕੀਤੀ ਪੰਜਵੀਂ ਗ੍ਰਿਫ਼ਤਾਰੀ

ਭਾਰਤ ਤੇ ਕੈਨੇਡਾ ਦੇ ਸਬੰਧਾਂ ਨੂੰ ਲੀਹ ‘ਤੇ ਲਿਆਉਣ ਦੀ ਕੋਸ਼ਿਸ਼, ਹੁਣ ਤੱਕ ਦਾ ਸਭ ਤੋਂ ਵੱਡਾ ਭਾਰਤੀ ਵਫ਼ਦ ਪਹੁੰਚ ਰਿਹਾ ਕੈਨੇਡਾ

ਸਰੀ ‘ਚ ਆਯੋਜਿਤ ਕੀਤੀ ਗਈ ‘ਸੁਰੀਲੀ ਸ਼ਾਮ’, ਗ਼ਜ਼ਲ ਮੰਚ ਸਰੀ ਦੇ ਉਰਾਲੇ ਨੂੰ ਮਿਲ਼ਿਆ ਭਰਪੂਰ ਹੁੰਗਾਰਾ

ਲੋੜਵੰਦਾਂ ਲੋਕਾਂ ਲਈ ਮਸੀਹਾ ਬਣੀ ਕੈਨੇਡਾ ਦੀ ਅਮਾਂਡਾ ਪੂਲੀ, ਮੁਫ਼ਤ ਕੱਪੜਿਆਂ ਦੇ ਅਨੋਖੇ ਸਟੋਰ ਨਾਲ ਜਿੱਤਿਆ ਲੋਕਾਂ ਦਾ ਦਿਲ

ਪਾਈਪਲਾਈਨ ਅਤੇ ਵੱਖਵਾਦ ਦੇ ਮੁੱਦੇ ‘ਤੇ ਪ੍ਰੀਮਿਅਰਾਂ ਦੀ ਬੈਠਕ, ਡੇਵਿਡ ਈਬੀ ਤੇ ਡੈਨੀਅਲ ਸਮਿਥ ਵਿਚਾਲੇ ਟਕਰਾਅ ਦੇ ਆਸਾਰ

ਹੋਰ ਜਾਣਕਾਰੀ ਲਈ **TV Punjab** ਨਾਲ ਜੁੜੇ ਰਹੋ।

The post ਕੈਨੇਡਾ ਪੁਲਿਸ ਨੇ ਕਾਬੂ ਕੀਤਾ ਪੰਜਾਬੀ ਜੋੜਾ! CANADA NEWS appeared first on TV Punjab | Punjabi News Channel.

Vancouver: ਓਨਟਾਰੀਓ ਸਰਕਾਰ ਅਮਰੀਕਾ ਤੋਂ ਮੰਗਵਾਈ ਉਸ ਸ਼ਰਾਬ ਨੂੰ ਨਾ ਵੇਚਣ ਲਈ ਹਰ ਸਾਲ ਲਗਭਗ 20 ਮਿਲੀਅਨ ਡਾਲਰ ਖਰਚ ਕਰ ਰਹੀ ਹੈ, ਜਿਸ ਨੂੰ ਉਹ ਪਹਿਲਾਂ ਹੀ ਖਰੀਦ ਚੁੱਕੀ ਹੈ। ਬ੍ਰੌਕ ਯੂਨੀਵਰਸਿਟੀ ਦੇ ਆਪ੍ਰੇਸ਼ਨਜ਼ ਅਤੇ ਲੋਜਿਸਟਿਕਸ ਮਾਹਰ ਪ੍ਰੋਫੈਸਰ ਮਾਈਕਲ ਆਰਮਸਟ੍ਰਾਂਗ ਨੇ ਇਹ ਖੁਲਾਸਾ ਕੀਤਾ ਹੈ। ਆਰਮਸਟ੍ਰਾਂਗ ਦੇ ਅਨੁਮਾਨ ਮੁਤਾਬਕ, ਮਾਰਕੀਟ ਵਿੱਚੋਂ ਹਟਾਈ ਗਈ $79.1 ਮਿਲੀਅਨ ਦੀ ਇਸ ਅਮਰੀਕੀ ਸ਼ਰਾਬ ਨੂੰ ਵੇਅਰਹਾਊਸਾਂ ਵਿੱਚ ਰੱਖਣ, ਇਸ ਦੇ ਬੀਮਾ, ਸੁਰੱਖਿਆ ਅਤੇ ਫਸੇ ਹੋਏ ਪੂੰਜੀਗਤ ਖਰਚੇ ਕਾਰਨ ਸਰਕਾਰ ਨੂੰ ਸਾਲਾਨਾ 10 ਤੋਂ 30 ਮਿਲੀਅਨ ਡਾਲਰ ਦਾ ਬੋਝ ਝੱਲਣਾ ਪੈ ਰਿਹਾ ਹੈ। ਉਨ੍ਹਾਂ ਵਿਅੰਗ ਕਰਦਿਆਂ ਕਿਹਾ ਕਿ ਅਸੀਂ ਤੁਹਾਡੀ ਸ਼ਰਾਬ ਨਾ ਵੇਚਣ ਲਈ ਸਾਲਾਨਾ 20 ਮਿਲੀਅਨ ਡਾਲਰ ਖਰਚਣ ਲਈ ਤਿਆਰ ਹਾਂ। ਉੱਧਰ, ਜਦੋਂ ਐਲਸੀਬੀਓ ਕੋਲੋਂ ਪੁੱਛਿਆ ਗਿਆ ਕਿ ਟੈਕਸਦਾਤਾਵਾਂ ਦਾ ਕਿੰਨਾ ਪੈਸਾ ਇਸ ਸਟਾਕ ਨੂੰ ਸਾਂਭਣ ‘ਤੇ ਖਰਚ ਹੋ ਰਿਹਾ ਹੈ, ਤਾਂ ਉਨ੍ਹਾਂ ਕੋਈ ਜਵਾਬ ਨਹੀਂ ਦਿੱਤਾ। ਇਹ ਵਿਵਾਦ ਉਦੋਂ ਸ਼ੁਰੂ ਹੋਇਆ ਸੀ ਜਦੋਂ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਵੱਲੋਂ ਕੈਨੇਡਾ ‘ਤੇ ਟੈਰਿਫ ਲਗਾਉਣ ਅਤੇ ਹੋਰ ਧਮਕੀਆਂ ਦਿੱਤੀਆਂ ਗਈਆਂ ਸਨ। ਇਸਦੇ ਜਵਾਬ ਵਿੱਚ ਓਨਟਾਰੀਓ ਨੇ ਅਮਰੀਕੀ ਸ਼ਰਾਬ ਨੂੰ ਸਟੋਰਾਂ ਦੇ ਸ਼ੈਲਫਾਂ ਤੋਂ ਹਟਾ ਦਿੱਤਾ ਸੀ। ਪਰ ਹੁਣ ਇੱਕ ਸਾਲ ਤੋਂ ਵੱਧ ਸਮਾਂ ਬੀਤ ਜਾਣ ਦੇ ਬਾਵਜੂਦ, $79.1 ਮਿਲੀਅਨ ਦੀ ਸ਼ਰਾਬ ਗੋਦਾਮਾਂ ਵਿੱਚ ਪਈ ਸੜ ਰਹੀ ਹੈ, ਜਿਸ ਨਾਲ ਇਸ ਪ੍ਰਦਰਸ਼ਨ ਦੇ ਲੰਬੇ ਸਮੇਂ ਦੇ ਆਰਥਿਕ ਨੁਕਸਾਨ ‘ਤੇ ਸਵਾਲ ਖੜ੍ਹੇ ਹੋ ਰਹੇ ਹਨ। ਇਸ ਬੈਨ ਦੇ ਨਾਲ-ਨਾਲ ਕੈਨੇਡੀਅਨ ਲੋਕਾਂ ਨੇ ਵੀ ਅਮਰੀਕੀ ਉਤਪਾਦਾਂ ਦਾ ਬਾਇਕਾਟ ਕਰਨਾ ਅਤੇ ਅਮਰੀਕਾ ਦੇ ਟੂਰ ਰੱਦ ਕਰਨੇ ਸ਼ੁਰੂ ਕਰ ਦਿੱਤੇ ਸਨ।

ਮਾਹਰਾਂ ਦਾ ਮੰਨਣਾ ਹੈ ਕਿ ਇਸ ਨਾਲ ਲੋਕਾਂ ਦੀਆਂ ਆਦਤਾਂ ਹਮੇਸ਼ਾ ਲਈ ਬਦਲ ਸਕਦੀਆਂ ਹਨ। ਟੈਨਿਸੀ ਯੂਨੀਵਰਸਿਟੀ ਦੇ ਪ੍ਰੋਫੈਸਰ ਐਂਡਰਿਊ ਮੁਹੰਮਦ ਅਨੁਸਾਰ, ਜਦੋਂ ਬਾਇਕਾਟ ਲੰਬਾ ਖਿੱਚਦਾ ਹੈ, ਤਾਂ ਲੋਕ ਦੂਜੇ ਬ੍ਰਾਂਡਾਂ ਦੇ ਆਦੀ ਹੋ ਜਾਂਦੇ ਹਨ। LCBO ਦੇ ਅੰਕੜੇ ਦਰਸਾਉਂਦੇ ਹਨ ਕਿ ਅਮਰੀਕੀ ਵਾਈਨ ਹਟਣ ਤੋਂ ਬਾਅਦ ਓਨਟਾਰੀਓ ਦੀ ਆਪਣੀ ਵਾਈਨ ਦੀ ਮਾਰਕੀਟ ਹਿੱਸੇਦਾਰੀ 27% ਤੋਂ ਵਧ ਕੇ 31% ਹੋ ਗਈ ਹੈ। ਸਾਲ 2024 ਵਿੱਚ ਕੈਨੇਡਾ ਨੇ $221 ਮਿਲੀਅਨ ਦੀ ਅਮਰੀਕੀ ਸ਼ਰਾਬ ਇੰਪੋਰਟ ਕੀਤੀ ਸੀ, ਜੋ ਯੂਰਪੀਅਨ ਯੂਨੀਅਨ ਤੋਂ ਬਾਅਦ ਅਮਰੀਕਾ ਲਈ ਦੂਜੀ ਸਭ ਤੋਂ ਵੱਡੀ ਮਾਰਕੀਟ ਸੀ। ਕੈਨੇਡਾ ਵਿੱਚ ਸ਼ਰਾਬ ਦੀ ਵਿਕਰੀ ਸਰਕਾਰੀ ਕੰਪਨੀਆਂ ਦੇ ਹੱਥ ਵਿੱਚ ਹੋਣ ਕਾਰਨ ਇਹ ਬੈਨ ਬਹੁਤ ਪ੍ਰਭਾਵਸ਼ਾਲੀ ਰਿਹਾ, ਜੋ ਕਿ ਦੁਨੀਆ ਵਿੱਚ ਇੱਕ ਵਿਲੱਖਣ ਗੱਲ ਹੈ। ਮਾਰਚ 2025 ਦੇ ਬੈਨ ਤੋਂ ਬਾਅਦ ਹੁਣ ਕੈਨੇਡਾ ਦੇ ਵੱਖ-ਵੱਖ ਸੂਬਿਆਂ ਦਾ ਰੁਖ ਬਦਲ ਗਿਆ ਹੈ। ਅਲਬਰਟਾ ਅਤੇ ਸਸਕੈਚਵਨ ਨੇ ਆਪਣੇ ਪ੍ਰਾਈਵੇਟ ਸਿਸਟਮ ਰਾਹੀਂ ਦੁਬਾਰਾ ਇੰਪੋਰਟ ਸ਼ੁਰੂ ਕਰ ਦਿੱਤੀ ਹੈ, ਜਦਕਿ ਮੈਨੀਟੋਬਾ ਅਤੇ ਕਿਊਬਿਕ ਵਰਗੇ ਸੂਬਿਆਂ ਨੇ ਪੁਰਾਣਾ ਸਟਾਕ ਵੇਅਰਹਾਊਸਾਂ ਵਿੱਚ ਰੱਖਣ ਦੀ ਬਜਾਏ ਵੇਚਣਾ ਸ਼ੁਰੂ ਕਰ ਦਿੱਤਾ ਹੈ। ਪਰ ਓਨਟਾਰੀਓ ਅਤੇ ਬ੍ਰਿਟਿਸ਼ ਕੋਲੰਬੀਆ ਅਜੇ ਵੀ ਅੜੇ ਹੋਏ ਹਨ ਅਤੇ ਭਾਰੀ ਵਿੱਤੀ ਨੁਕਸਾਨ ਦੇ ਬਾਵਜੂਦ ਅਮਰੀਕੀ ਸ਼ਰਾਬ ਦੀ ਵਿਕਰੀ ਅਤੇ ਇੰਪੋਰਟ ‘ਤੇ ਪੂਰੀ ਤਰ੍ਹਾਂ ਰੋਕ ਲਗਾਈ ਹੋਈ ਹੈ।

The post ਸ਼ਰਾਬ ਨੂੰ ਸਾਂਭਣ ਲਈ ਫੂਕੇ $20 ਮਿਲੀਅਨ! appeared first on TV Punjab | Punjabi News Channel.