Facebook, WhatsApp, Instagram Outage Restored: ਸ਼ੁੱਕਰਵਾਰ ਰਾਤ ਤੋਂ ਸ਼ਨੀਵਾਰ ਸਵੇਰ ਤੱਕ ਫੇਸਬੁੱਕ, ਵਟਸਐਪ ਅਤੇ ਇੰਸਟਾਗ੍ਰਾਮ ਦੇ ਡਾਊਨ (ਮੈਟਾ ਪਲੇਟਫਾਰਮ) ਕਾਰਨ ਦੁਨੀਆ ਭਰ ਦੇ ਹਜ਼ਾਰਾਂ ਉਪਭੋਗਤਾ ਹੈਰਾਨ ਅਤੇ ਪਰੇਸ਼ਾਨ ਸਨ। ਆਊਟੇਜ-ਟਰੈਕਿੰਗ ਵੈੱਬਸਾਈਟ DownDetector ਦੇ ਅਨੁਸਾਰ, ਪਿਛਲੇ ਕੁਝ ਘੰਟਿਆਂ ਵਿੱਚ, Meta ਦੇ Facebook, Instagram ਅਤੇ WhatsApp ਪਲੇਟਫਾਰਮਾਂ ਦੀ ਵਰਤੋਂ ਕਰਨ ਵਾਲੇ ਲਗਭਗ 20,000 ਉਪਭੋਗਤਾਵਾਂ ਨੇ ਆਊਟੇਜ (facebook whatsapp instagram ਆਊਟੇਜ) ਬਾਰੇ ਰਿਪੋਰਟ ਕੀਤੀ ਹੈ। ਮੇਟਾ ਨੇ ਦੱਸਿਆ ਕਿ ਫਿਲਹਾਲ ਆਊਟੇਜ ਦੀ ਸਮੱਸਿਆ ਨੂੰ ਹੱਲ ਕਰ ਲਿਆ ਗਿਆ ਹੈ ਅਤੇ ਸੇਵਾਵਾਂ ਬਹਾਲ ਕਰ ਦਿੱਤੀਆਂ ਗਈਆਂ ਹਨ।

ਉਪਭੋਗਤਾਵਾਂ ਨੂੰ ਇਨ੍ਹਾਂ ਸਮੱਸਿਆਵਾਂ ਦਾ ਕਰਨਾ ਪੈ ਰਿਹਾ ਸੀ ਸਾਹਮਣਾ
ਫੇਸਬੁੱਕ ਦੇ ਲਗਭਗ 8,000 ਉਪਭੋਗਤਾਵਾਂ ਨੇ ਮੈਟਾ ਪਲੇਟਫਾਰਮਸ ‘ਤੇ ਆਊਟੇਜ ਬਾਰੇ ਜਾਣਕਾਰੀ ਦਿੱਤੀ ਸੀ। ਇਸ ਦੇ ਨਾਲ ਹੀ ਵਟਸਐਪ ਦੇ ਕਰੀਬ 4,000 ਯੂਜ਼ਰਸ ਨੇ ਰਿਪੋਰਟ ਕੀਤੀ ਹੈ। ਇਸ ਵਿੱਚ 12 ਪ੍ਰਤੀਸ਼ਤ ਨੇ ਵੌਇਸ ਨੋਟ ਭੇਜਣ ਵਿੱਚ, 24 ਪ੍ਰਤੀਸ਼ਤ ਨੇ ਐਪ ਨਾਲ ਅਤੇ 64 ਪ੍ਰਤੀਸ਼ਤ ਨੇ ਮੀਡੀਆ ਫਾਈਲਾਂ ਭੇਜਣ ਵਿੱਚ ਸਮੱਸਿਆਵਾਂ ਦੱਸੀਆਂ। ਲਗਭਗ 9,000 ਇੰਸਟਾਗ੍ਰਾਮ ਉਪਭੋਗਤਾਵਾਂ ਨੇ 17 ਪ੍ਰਤੀਸ਼ਤ ਅਪਲੋਡ, 36 ਪ੍ਰਤੀਸ਼ਤ ਪੋਸਟ ਸਮੱਸਿਆਵਾਂ ਅਤੇ 47 ਪ੍ਰਤੀਸ਼ਤ ਐਪ ਨਾਲ ਸਮੱਸਿਆਵਾਂ ਦੀ ਰਿਪੋਰਟ ਕੀਤੀ।

The post Facebook, WhatsApp ਅਤੇ Instagram ਆਊਟੇਜ ਹੋਇਆ ਖਤਮ, Meta ਨੇ ਰੀਸਟੋਰ ਕੀਤੀਆਂ ਸੇਵਾਵਾਂ appeared first on TV Punjab | Punjabi News Channel.

Vancouver – ਸੋਸ਼ਲ ਮੀਡੀਆ ਦੀ ਵਰਤੋਂ ਕਰਨ ਵਾਲਿਆਂ ਨੂੰ ਉਸ ਵੇਲੇ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਿਆ, ਜਦੋਂ ਅਚਾਨਕ ਵੱਖ-ਵੱਖ ਸੋਸ਼ਲ ਮੀਡੀਆ ਪਲੇਟਫ਼ਾਰਮ ਡਾਊਨ ਹੋ ਗਏ। ਜੀ ਹਾਂ, ਫ਼ੇਸਬੁੱਕ ਅਤੇ ਫ਼ੇਸਬੁੱਕ ਦੇ ਅਧੀਨ ਆਉਣ ਵਾਲੇ ਐਪਸ ਅਚਾਨਕ ਡਾਊਨ ਹੋ ਗਏ। ਇਨ੍ਹਾਂ ਐਪਸ ਜਾਣੀ ਇੰਸਟਾਗ੍ਰਾਮ ਅਤੇ ਵਟਸਐਪ ਦੇ ਡਾਊਨ ਹੋਣ ਨਾਲ ਦੁਨੀਆ ਭਰ ਵਿੱਚ ਲੱਖਾਂ ਲੋਕ ਪ੍ਰਭਾਵਿਤ ਹੋ ਰਹੇ ਹਨI ਖ਼ਬਰ ਲਿਖੇ ਜਾਂ ਤਕ ਸਰਵਰ ਅਜੇ ਵੀ ਬਹੁਤ ਹੋਲੀ ਹਨ। ਇਹ ਸਿਰਫ ਇਕ ਦੇਸ਼ ‘ਚ ਨਹੀਂ ਹੋਇਆ ਬਲਕਿ ਦੁਨੀਆ ਭਰ ਦੇ ਯੂਜ਼ਰਜ਼ ਨੂੰ ਫ਼ੇਸਬੁੱਕ ਦੀ ਕਿਸੇ ਵੀ ਸੇਵਾ ਵਿੱਚ ਲੌਗ ਇਨ ਕਰਨ ਵਿੱਚ ਅਸਮਰੱਥ ਹਨ I

ਵੈਬਸਾਈਟ ਬੰਦ ਹੋਣ ਬਾਰੇ ਸ਼ਿਕਾਇਤਾਂ ਹਾਸਿਲ ਕਰਨ ਵਾਲੀ ਵੈਬਸਾਈਟ ਡਾਊਨਡਿਟੈਕਟਰ ਮੁਤਾਬਿਕ 30,000 ਤੋਂ ਵੱਧ ਕੈਨੇਡੀਅਨਜ਼ ਨੇ ਇਸ ਬਾਰੇ ਸ਼ਿਕਾਇਤ ਕੀਤੀ ਹੈ । ਇੱਕਲੇ ਕੈਨੇਡਾ ਵਿੱਚ ਇੰਸਟਾਗ੍ਰਾਮ ਬੰਦ ਹੋਣ ਦੀਆਂ 21,000 ਸ਼ਿਕਾਇਤਾਂ ਅਤੇ ਵਟਸਐਪ ਬਾਰੇ ਘੱਟੋ ਘੱਟ 14,000 ਰਿਪੋਰਟਾਂ ਆ ਚੁੱਕੀਆਂ ਹਨ I  ਅਮਰੀਕਾ, ਯੂਰਪ, ਭਾਰਤ, ਅਫਰੀਕਾ ਅਤੇ ਏਸ਼ੀਆ ਵਿੱਚ ਵੀ ਅਜਿਹੀਆਂ ਹੀ ਰਿਪੋਰਟਾਂ ਸਾਹਮਣੇ ਆ ਰਹੀਆਂ ਹਨ Iਇਸ ਤੋਂ ਬਾਅਦ ਫੇਸਬੁੱਕ ਦਾ ਟਵੀਟ ਵੀ ਸਾਹਮਣੇ ਆਇਆ ਹੈ। ਫ਼ੇਸਬੁੱਕ ਨੇ ਟਵੀਟ ਕਰਕੇ ਦੱਸਿਆ ਹੈ ਕਿ ਦੁਨੀਆ ਭਰ ਵਿੱਚ ਕੁਝ ਲੋਕਾਂ ਨੂੰ ਫ਼ੇਸਬੁੱਕ ਐਪ ਨੂੰ ਐਕਸੈਸ ਕਰਨ ਵਿੱਚ ਮੁਸ਼ਕਲ ਆ ਰਹੀ ਹੈ।

The post ਵੱਖ-ਵੱਖ Social Media ਪਲੇਟਫ਼ਾਰਮ ਹੋਏ ਡਾਊਨ appeared first on TV Punjab | Punjabi News Channel.