IPL-2022 ਦਾ 67ਵਾਂ ਮੈਚ ਗੁਜਰਾਤ ਟਾਈਟਨਸ ਅਤੇ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਵਿਚਾਲੇ ਖੇਡਿਆ ਗਿਆ, ਜਿਸ ਵਿੱਚ RCB ਨੇ 8 ਵਿਕਟਾਂ ਨਾਲ ਜਿੱਤ ਦਰਜ ਕੀਤੀ। ਇਸ ਜਿੱਤ ਨਾਲ ਆਰਸੀਬੀ ਨੇ ਹੋਰ ਟੀਮਾਂ ਨੂੰ ਪਲੇਆਫ ਦੀ ਦੌੜ ਤੋਂ ਬਾਹਰ ਕਰ ਦਿੱਤਾ ਹੈ। ਹੁਣ ਇਹ ਲੜਾਈ ਰਾਜਸਥਾਨ ਰਾਇਲਜ਼, ਦਿੱਲੀ ਕੈਪੀਟਲਜ਼ ਅਤੇ ਆਰਸੀਬੀ ਵਿਚਾਲੇ ਹੈ, ਜਿਸ ਵਿੱਚੋਂ ਇੱਕ ਟੀਮ ਬਾਹਰ ਹੋ ਜਾਵੇਗੀ।
ਦੱਸ ਦੇਈਏ ਕਿ ਗੁਜਰਾਤ ਟਾਈਟਨਸ 14 ‘ਚੋਂ 10 ਮੈਚ ਜਿੱਤ ਕੇ ਅਤੇ ਲਖਨਊ ਸੁਪਰ ਜਾਇੰਟਸ ਨੇ 14 ‘ਚੋਂ 9 ਮੈਚ ਜਿੱਤ ਕੇ ਪਲੇਆਫ ਲਈ ਪਹਿਲਾਂ ਹੀ ਕੁਆਲੀਫਾਈ ਕਰ ਲਿਆ ਹੈ। ਦੂਜੇ ਪਾਸੇ ਕੋਲਕਾਤਾ ਨਾਈਟ ਰਾਈਡਰਜ਼, ਪੰਜਾਬ ਕਿੰਗਜ਼, ਸਨਰਾਈਜ਼ਰਜ਼ ਹੈਦਰਾਬਾਦ, ਚੇਨਈ ਸੁਪਰ ਕਿੰਗਜ਼ ਅਤੇ ਮੁੰਬਈ ਇੰਡੀਅਨਜ਼ ਦੀਆਂ ਟੀਮਾਂ ਪਲੇਆਫ ਤੋਂ ਬਾਹਰ ਹੋ ਗਈਆਂ ਹਨ।
ਜੋਸ ਬਟਲਰ ਟਾਪ-5 ਬੱਲੇਬਾਜ਼ਾਂ ਦੀ ਸੂਚੀ ‘ਚ ਚੋਟੀ ‘ਤੇ ਬਰਕਰਾਰ ਹੈ, ਜਦਕਿ ਫਾਫ ਡੂ ਪਲੇਸਿਸ ਚੌਥੇ ਸਥਾਨ ‘ਤੇ ਪਹੁੰਚ ਗਿਆ ਹੈ। ਕੇਐੱਲ ਰਾਹੁਲ ਕੋਲ ਡੁਪਲੇਸੀ ਨੂੰ ਹਰਾਉਣ ਦਾ ਮੌਕਾ ਹੈ।
IPL-2022 ਦੇ ਚੋਟੀ ਦੇ 5 ਬੱਲੇਬਾਜ਼:
627 ਦੌੜਾਂ – ਜੋਸ ਬਟਲਰ (13 ਪਾਰੀਆਂ)
537 ਦੌੜਾਂ – ਕੇਐਲ ਰਾਹੁਲ (14 ਪਾਰੀਆਂ)
502 ਦੌੜਾਂ – ਕਵਿੰਟਨ ਡੀ ਕਾਕ (14 ਪਾਰੀਆਂ)
443 ਦੌੜਾਂ – ਫਾਫ ਡੂ ਪਲੇਸਿਸ (14 ਪਾਰੀਆਂ)
427 ਦੌੜਾਂ – ਡੇਵਿਡ ਵਾਰਨਰ (11 ਪਾਰੀਆਂ)
ਜੇਕਰ ਗੇਂਦਬਾਜ਼ਾਂ ਦੀ ਗੱਲ ਕਰੀਏ ਤਾਂ ਵਨਿੰਦੂ ਹਸਾਰੰਗਾ ਹੁਣ ਯੁਜਵੇਂਦਰ ਚਾਹਲ ਦੇ ਬਰਾਬਰ ਪਹੁੰਚ ਗਏ ਹਨ। ਉਸ ਨੇ 24 ਵਿਕਟਾਂ ਵੀ ਆਪਣੇ ਨਾਂ ਕਰ ਲਈਆਂ ਹਨ। ਇਨ੍ਹਾਂ ਦੋਵਾਂ ਖਿਡਾਰੀਆਂ ਵਿਚਾਲੇ ਪਰਪਲ ਕੈਪ ਦੀ ਜੰਗ ਦੇਖਣ ਨੂੰ ਮਿਲ ਰਹੀ ਹੈ।
IPL-2022 ਦੇ ਚੋਟੀ ਦੇ 5 ਗੇਂਦਬਾਜ਼:
24 ਵਿਕਟਾਂ – ਵਨਿੰਦੂ ਹਸਾਰੰਗਾ (14 ਮੈਚ)
24 ਵਿਕਟਾਂ – ਯੁਜਵੇਂਦਰ ਚਾਹਲ (13 ਮੈਚ)
22 ਵਿਕਟਾਂ – ਕਾਗਿਸੋ ਰਬਾਡਾ (12 ਮੈਚ)
21 ਵਿਕਟਾਂ – ਉਮਰਾਨ ਮਲਿਕ (13 ਮੈਚ)
20 ਵਿਕਟਾਂ – ਕੁਲਦੀਪ ਯਾਦਵ (13 ਮੈਚ)