ਟੋਕੀਓ : ਟੋਕੀਓ ਵਿਚ ਚੱਲ ਰਹੀਆਂ ਪੈਰਾਲਿੰਪਿਕਸ ਖੇਡਾਂ ਵਿਚ ਭਾਰਤ ਦੀ ਪੈਰਾ ਟੇਬਲ ਟੈਨਿਸ ਖਿਡਾਰਨ ਭਾਵਨਾ ਪਟੇਲ ਨੇ ਬ੍ਰਾਜ਼ੀਲ ਦੀ ਜੈਸ ਡੀ ਓਲੀਵੇਰੀਆ ਨੂੰ 3-0 ਨਾਲ ਹਰਾਇਆ। ਇਸਦੇ ਨਾਲ ਉਨ੍ਹਾਂ ਨੇ ਕੁਆਰਟਰ ਫਾਈਨਲ ਵਿਚ ਜਗ੍ਹਾ ਬਣਾਈ ਅਤੇ ਸ਼ਾਨਦਾਰ ਬੜ੍ਹਤ ਨਾਲ ਖੇਡ ਦੀ ਸ਼ੁਰੂਆਤ ਕੀਤੀ। ਹਾਲਾਂਕਿ, ਭਾਵਨਾ ਨੇ ਦਮਦਾਰ ਵਾਪਸੀ ਕਰਦਿਆਂ ਪਹਿਲਾ ਸੈੱਟ 12-10 ਨਾਲ ਜਿੱਤ ਲਿਆ।
ਭਾਵਨਾ ਪਟੇਲ ਨੇ ਆਪਣੀ ਤਾਕਤ ਜਾਰੀ ਰੱਖੀ ਅਤੇ ਦੂਜੀ ਗੇਮ 13-11 ਨਾਲ ਜਿੱਤ ਲਈ। ਇਕ ਸਮਾਂ ਸੀ ਜਦੋਂ ਭਾਵਨਾ 7-10 ਨਾਲ ਪਿੱਛੇ ਸੀ। ਤੀਜੀ ਗੇਮ ਵਿਚ ਭਾਵਨਾ ਨੇ 0-3 ਨਾਲ ਵਾਪਸੀ ਕਰਦੇ ਹੋਏ ਗੇਮ 11-6 ਨਾਲ ਜਿੱਤ ਲਈ ਅਤੇ 3-0 ਨਾਲ ਕੁਆਰਟਰ ਫਾਈਨਲ ਵਿਚ ਪ੍ਰਵੇਸ਼ ਕੀਤਾ।
ਟੀਵੀ ਪੰਜਾਬ ਬਿਊਰੋ