ਮਣੀਕਰਨ ਵੈਲੀ: ਹਿਮਾਚਲ ਪ੍ਰਦੇਸ਼ ਵਿੱਚ ਸਥਿਤ ਮਨੀਕਰਨ ਵੈਲੀ ਕਾਫੀ ਮਸ਼ਹੂਰ ਹੈ। ਇਸ ਘਾਟੀ ਦੀ ਖੂਬਸੂਰਤੀ ਤੁਹਾਡਾ ਦਿਲ ਜਿੱਤ ਲਵੇਗੀ। ਇਹ ਘਾਟੀ ਸਮੁੰਦਰ ਤਲ ਤੋਂ 1760 ਮੀਟਰ ਦੀ ਉਚਾਈ ‘ਤੇ ਸਥਿਤ ਹੈ ਅਤੇ ਦੇਸ਼-ਵਿਦੇਸ਼ ਤੋਂ ਸੈਲਾਨੀ ਇੱਥੇ ਆਉਂਦੇ ਹਨ। ਸ੍ਰੀ ਗੁਰੂ ਨਾਨਕ ਦੇਵ ਜੀ ਵੀ ਆਪਣੇ 5 ਚੇਲਿਆਂ ਸਮੇਤ ਕੁੱਲੂ ਜ਼ਿਲ੍ਹੇ ਵਿੱਚ ਸਥਿਤ ਮਣੀਕਰਨ ਘਾਟੀ ਵਿੱਚ ਆਏ ਸਨ।
ਇੱਥੇ ਤੁਸੀਂ ਪ੍ਰਸਿੱਧ ਮਨੀਕਰਨ ਸਾਹਿਬ ਗੁਰਦੁਆਰੇ ਵਿੱਚ ਮੱਥਾ ਟੇਕ ਸਕਦੇ ਹੋ। ਇਹ ਸਿੱਖ ਸੰਪਰਦਾ ਦਾ ਬਹੁਤ ਹੀ ਪਵਿੱਤਰ ਗੁਰਦੁਆਰਾ ਹੈ, ਜਿੱਥੇ ਵੱਡੀ ਗਿਣਤੀ ਵਿਚ ਸ਼ਰਧਾਲੂ ਆਉਂਦੇ ਹਨ। ਸੈਲਾਨੀ ਖੀਰ ਗੰਗਾ ਅਤੇ ਪਾਰਵਤੀ ਘਾਟੀ ਦਾ ਵੀ ਦੌਰਾ ਕਰ ਸਕਦੇ ਹਨ, ਜੋ ਕਿ ਟ੍ਰੈਕਰਾਂ ਲਈ ਕਾਫ਼ੀ ਪ੍ਰਸਿੱਧ ਸਥਾਨ ਹਨ। ਗੁਰਦੁਆਰਾ ਮਨੀਕਰਨ ਪਾਰਵਤੀ ਘਾਟੀ ਵਿੱਚ ਪਾਰਵਤੀ ਨਦੀ ਦੇ ਕੰਢੇ ਸਥਿਤ ਹੈ।
ਗੁਰੂ ਨਾਨਕ ਦੇਵ ਜੀ ਆਪਣੇ 5 ਚੇਲਿਆਂ ਨਾਲ ਇਸ ਸਥਾਨ ‘ਤੇ ਆਏ ਸਨ।
ਗੁਰੂ ਨਾਨਕ ਦੇਵ ਜੀ ਵੀ ਇੱਥੇ ਆਪਣੇ ਪੰਜਾਂ ਚੇਲਿਆਂ ਨਾਲ ਆਏ ਸਨ। ਜਿਸ ਕਰਕੇ ਇਹ ਸਿੱਖ ਪੰਥ ਦੇ ਪੈਰੋਕਾਰਾਂ ਲਈ ਬਹੁਤ ਹੀ ਪਵਿੱਤਰ ਸਥਾਨ ਹੈ। ਇਥੇ ਸਥਿਤ ਗੁਰਦੁਆਰਾ ਸਾਹਿਬ ਦੇ ਦਰਸ਼ਨਾਂ ਲਈ ਦੇਸ਼ ਤੋਂ ਹੀ ਨਹੀਂ ਸਗੋਂ ਵਿਦੇਸ਼ਾਂ ਤੋਂ ਵੀ ਸਿੱਖ ਸ਼ਰਧਾਲੂ ਆਉਂਦੇ ਹਨ। ਇੱਥੋਂ ਦੀਆਂ ਹਰੀਆਂ ਵਾਦੀਆਂ ਸੈਲਾਨੀਆਂ ਦਾ ਮਨ ਮੋਹ ਲੈਂਦੀਆਂ ਹਨ। ਸੈਲਾਨੀਆਂ ਨੂੰ ਬਰਫ਼ ਨਾਲ ਢਕੇ ਪਹਾੜਾਂ ਨੂੰ ਦੇਖ ਕੇ ਇੱਕ ਅਭੁੱਲ ਅਨੁਭਵ ਮਿਲਦਾ ਹੈ। ਇੱਥੇ ਹਿੰਦੂ ਧਰਮ ਦੇ ਕਈ ਪ੍ਰਾਚੀਨ ਮੰਦਰ ਵੀ ਹਨ। ਇੱਥੇ ਇੱਕ ਬਹੁਤ ਮਸ਼ਹੂਰ ਸ਼ਿਵ ਮੰਦਰ ਹੈ, ਜਿੱਥੇ ਸ਼ਰਧਾਲੂ ਦਰਸ਼ਨ ਲਈ ਜਾ ਸਕਦੇ ਹਨ।