ਨਵੀਂ ਦਿੱਲੀ: ਫੀਫਾ ਵਿਸ਼ਵ ਕੱਪ 2022 ਦੇ ਸੈਮੀਫਾਈਨਲ ‘ਚ ਅਰਜਨਟੀਨਾ ਨੇ ਕ੍ਰੋਏਸ਼ੀਆ ਨੂੰ 3-0 ਨਾਲ ਹਰਾ ਦਿੱਤਾ। ਇਸ ਨਾਲ ਅਰਜਨਟੀਨਾ ਨੇ ਫਾਈਨਲ ‘ਚ ਆਪਣੀ ਜਗ੍ਹਾ ਪੱਕੀ ਕਰ ਲਈ ਹੈ। ਅਰਜਨਟੀਨਾ ਦੇ ਕਪਤਾਨ ਲਿਓਨਲ ਮੇਸੀ ਨੇ ਮੈਚ ਦਾ ਪਹਿਲਾ ਗੋਲ ਕੀਤਾ ਅਤੇ ਇੱਕ ਅਸਿਸਟ ਵੀ ਕੀਤਾ। ਮੇਸੀ ਦੇ ਨੌਜਵਾਨ ਸਾਥੀ ਜੂਲੀਅਨ ਅਲਵਾਰੇਜ਼ ਨੇ ਦੋ ਗੋਲ ਕੀਤੇ। ਫਾਈਨਲ ਵਿੱਚ ਅਰਜਨਟੀਨਾ ਦਾ ਸਾਹਮਣਾ ਫਰਾਂਸ ਅਤੇ ਮੋਰੋਕੋ ਵਿਚਾਲੇ ਹੋਣ ਵਾਲੇ ਮੈਚ ਦੇ ਜੇਤੂ ਨਾਲ ਹੋਵੇਗਾ। ਮੇਸੀ ਕੋਲ ਹੁਣ 8 ਸਾਲ ਬਾਅਦ ਖਿਤਾਬ ਜਿੱਤਣ ਦਾ ਮੌਕਾ ਹੈ। ਫੀਫਾ ਵਿਸ਼ਵ ਕੱਪ 2014 ਵਿੱਚ ਉਸ ਦੀ ਟੀਮ ਫਾਈਨਲ ਵਿੱਚ ਜਰਮਨੀ ਤੋਂ 1-0 ਨਾਲ ਹਾਰ ਗਈ ਸੀ।
ਮੇਸੀ ਨੇ ਇਸ ਵਿਸ਼ਵ ਕੱਪ ਵਿੱਚ 5ਵਾਂ ਗੋਲ ਕਰਕੇ ਟੀਮ ਦਾ ਖਾਤਾ ਖੋਲ੍ਹਿਆ
ਅਰਜਨਟੀਨਾ ਨੇ 34ਵੇਂ ਮਿੰਟ ਵਿੱਚ ਕਪਤਾਨ ਲਿਓਨਲ ਮੇਸੀ ਦੇ ਗੋਲ ਨਾਲ 1-0 ਦੀ ਬੜ੍ਹਤ ਬਣਾ ਲਈ। ਮੇਸੀ ਨੇ ਇਹ ਗੋਲ ਪੈਨਲਟੀ ‘ਤੇ ਕੀਤਾ। ਕ੍ਰੋਏਸ਼ੀਆ ਦੇ ਗੋਲਕੀਪਰ ਲਿਵਕੋਵਿਚ ਨੇ ਅਰਜਨਟੀਨਾ ਦੇ 22 ਸਾਲਾ ਫਾਰਵਰਡ ਜੂਲੀਅਨ ਅਲਵਾਰੇਜ਼ ਨੂੰ ਫਾਊਲ ਕੀਤਾ। ਇਸ ਕਾਰਨ ਅਰਜਨਟੀਨਾ ਨੂੰ ਪੈਨਲਟੀ ਮਿਲੀ ਅਤੇ ਮੇਸੀ ਨੇ ਫੀਫਾ ਵਿਸ਼ਵ ਕੱਪ 2022 ਵਿੱਚ ਆਪਣਾ 5ਵਾਂ ਗੋਲ ਕੀਤਾ। ਅਰਜਨਟੀਨਾ ਵੱਲੋਂ ਦੂਜਾ ਗੋਲ ਜੂਲੀਅਨ ਅਲਵਾਰੇਜ਼ ਨੇ 39ਵੇਂ ਮਿੰਟ ਵਿੱਚ ਕੀਤਾ। ਉਸ ਨੇ ਹਾਫਵੇ ਲਾਈਨ ਤੋਂ ਇਕੱਲੇ ਗੇਂਦ ਨੂੰ ਲਿਆਂਦਾ ਅਤੇ ਕ੍ਰੋਏਸ਼ੀਆ ਦੇ ਡਿਫੈਂਡਰਾਂ ਨੂੰ ਪਛਾੜਦੇ ਹੋਏ ਗੇਂਦ ਨੂੰ ਗੋਲ ਪੋਸਟ ਵਿਚ ਪਾ ਦਿੱਤਾ। ਅਲਵਾਰੇਜ ਨੇ ਇਸ ਵਿਸ਼ਵ ਕੱਪ ‘ਚ 4 ਗੋਲ ਵੀ ਕੀਤੇ ਹਨ।
ਮੈਸੀ ਦੀ ਬਦੌਲਤ ਅਲਵਾਰੇਜ ਨੇ ਤੀਜਾ ਗੋਲ ਕੀਤਾ
ਜੂਲੀਅਨ ਅਲਵਾਰੇਜ ਨੇ 69ਵੇਂ ਮਿੰਟ ਵਿੱਚ ਅਰਜਨਟੀਨਾ ਲਈ ਤੀਜਾ ਗੋਲ ਕੀਤਾ। ਇਸ ਗੋਲ ਵਿੱਚ ਮੇਸੀ ਦਾ ਜਾਦੂ ਦੇਖਣ ਨੂੰ ਮਿਲਿਆ। ਮੇਸੀ ਨੇ ਕ੍ਰੋਏਸ਼ੀਆਈ ਖਿਡਾਰੀਆਂ ਨੂੰ ਚਕਮਾ ਦਿੱਤਾ ਅਤੇ ਗੇਂਦ ਨੂੰ ਪੈਨਲਟੀ ਏਰੀਏ ਵਿੱਚ ਲੈ ਗਏ। ਉਸ ਨੂੰ ਰੋਕਣ ਲਈ ਕ੍ਰੋਏਸ਼ੀਆ ਦੇ 2 ਡਿਫੈਂਡਰ ਸਨ ਅਤੇ ਮੈਸੀ ਨੇ ਅਲਵਾਰੇਜ਼ ਵੱਲ ਗੇਂਦ ਪਾਸ ਕੀਤੀ। ਮੌਕੇ ਦਾ ਪੂਰਾ ਫਾਇਦਾ ਉਠਾਉਂਦੇ ਹੋਏ ਅਲਵਾਰੇਜ ਨੇ ਗੋਲ ਕਰਕੇ ਆਪਣੀ ਟੀਮ ਨੂੰ 3-0 ਦੀ ਬੜ੍ਹਤ ਦਿਵਾਈ। ਕ੍ਰੋਏਸ਼ੀਆ ਨੇ ਲੂਕਾ ਮੋਡ੍ਰਿਕ ਦੀ ਅਗਵਾਈ ‘ਚ ਕਾਫੀ ਕੋਸ਼ਿਸ਼ ਕੀਤੀ ਪਰ ਉਸ ਨੂੰ ਸਫਲਤਾ ਨਹੀਂ ਮਿਲੀ।