ਸਥਾਈ ਖਾਤਾ ਨੰਬਰ ਭਾਵ ਪੈਨ ਕਾਰਡ ਇੱਕ ਮਹੱਤਵਪੂਰਨ ਦਸਤਾਵੇਜ਼ ਹੈ। ਪੈਨ ਕਾਰਡ ਭਾਰਤੀ ਟੈਕਸ ਵਿਭਾਗ ਦੁਆਰਾ ਜਾਰੀ ਕੀਤਾ ਜਾਂਦਾ ਹੈ। ਪੈਨ ਕਾਰਡ ਵਿੱਚ 10 ਅੰਕਾਂ ਦਾ ਵਿਲੱਖਣ ਅਲਫਾਨਿਊਮੇਰਿਕ ਨੰਬਰ ਹੁੰਦਾ ਹੈ। ਪੈਨ ਕਾਰਡ ਦੀ ਵਰਤੋਂ ਨਾ ਸਿਰਫ਼ ਟੈਕਸ ਨਾਲ ਸਬੰਧਤ ਉਦੇਸ਼ਾਂ ਲਈ ਕੀਤੀ ਜਾਂਦੀ ਹੈ, ਸਗੋਂ ਪਛਾਣ ਦੇ ਸਬੂਤ ਵਜੋਂ ਵੀ ਕੀਤੀ ਜਾਂਦੀ ਹੈ। ਕਈ ਵਾਰ ਇਸ ‘ਚ ਕੁਝ ਅਜਿਹੀਆਂ ਗਲਤੀਆਂ ਹੋ ਜਾਂਦੀਆਂ ਹਨ, ਜਿਨ੍ਹਾਂ ਨੂੰ ਠੀਕ ਨਾ ਕਰਨ ‘ਤੇ ਸਮੱਸਿਆਵਾਂ ਪੈਦਾ ਹੋ ਸਕਦੀਆਂ ਹਨ।
ਅੱਜਕੱਲ੍ਹ ਪੈਨ ਕਾਰਡ ਅਤੇ ਆਧਾਰ ਕਾਰਡ ਨੂੰ ਲਿੰਕ ਕਰਨਾ ਲਾਜ਼ਮੀ ਕਰ ਦਿੱਤਾ ਗਿਆ ਹੈ। ਜੇਕਰ ਪੈਨ ਕਾਰਡ ‘ਚ ਕੋਈ ਗਲਤੀ ਹੈ ਤਾਂ ਉਸ ਨੂੰ ਆਧਾਰ ਕਾਰਡ ਨਾਲ ਲਿੰਕ ਨਹੀਂ ਕੀਤਾ ਜਾ ਸਕਦਾ। ਕਿਉਂਕਿ, ਪੈਨ ਅਤੇ ਆਧਾਰ ਵਿੱਚ ਨਾਮ ਅਤੇ ਜਨਮ ਮਿਤੀ ਇੱਕੋ ਹੀ ਹੋਣੀ ਚਾਹੀਦੀ ਹੈ। ਆਧਾਰ ਕਾਰਡ ਅਤੇ ਪੈਨ ਕਾਰਡ ਨੂੰ ਆਪਸ ਵਿੱਚ ਲਿੰਕ ਕਰਨ ਦੀ ਆਖਰੀ ਮਿਤੀ 31 ਮਾਰਚ ਹੈ।
ਜੇਕਰ ਤੁਹਾਡੇ ਪੈਨ ਕਾਰਡ ‘ਚ ਕੋਈ ਗਲਤੀ ਹੈ ਅਤੇ ਤੁਸੀਂ ਇਸ ਨੂੰ ਠੀਕ ਕਰਨਾ ਚਾਹੁੰਦੇ ਹੋ, ਤਾਂ ਤੁਹਾਨੂੰ ਇਸਦੇ ਲਈ ਇਨਕਮ ਟੈਕਸ ਦਫਤਰ ਜਾਣ ਦੀ ਜ਼ਰੂਰਤ ਨਹੀਂ ਹੈ। ਤੁਸੀਂ ਘਰ ਬੈਠੇ ਪੈਨ ਦੀਆਂ ਗਲਤੀਆਂ ਨੂੰ ਦੂਰ ਕਰ ਸਕਦੇ ਹੋ। ਪੈਨ ਕਾਰਡ ਵਿੱਚ ਜਨਮ ਮਿਤੀ ਜਾਂ ਨਾਮ ਵਿੱਚ ਅਕਸਰ ਗਲਤੀਆਂ ਦੇਖਣ ਨੂੰ ਮਿਲਦੀਆਂ ਹਨ। ਤੁਸੀਂ ਇਨ੍ਹਾਂ ਗਲਤੀਆਂ ਨੂੰ ਖੁਦ ਠੀਕ ਕਰ ਸਕਦੇ ਹੋ।
ਆਪਣਾ ਪੈਨ ਕਾਰਡ ਕਿਵੇਂ ਠੀਕ ਕਰਨਾ ਹੈ
ਪੈਨ ਕਾਰਡ ਵਿੱਚ ਛਪੀ ਜਨਮ ਮਿਤੀ ਜਾਂ ਨਾਮ ਵਿੱਚ ਗਲਤੀ ਨੂੰ ਸੁਧਾਰਨ ਲਈ, ਪਹਿਲਾਂ ਤੁਹਾਨੂੰ ਆਮਦਨ ਕਰ ਵਿਭਾਗ ਦੇ ਟੈਕਸ ਸੂਚਨਾ ਨੈੱਟਵਰਕ https://www.onlineservices.nsdl.com/paam/endUserRegisterContact.html ‘ਤੇ ਜਾਣਾ ਪਵੇਗਾ।
ਇੱਥੇ ਐਪਲੀਕੇਸ਼ਨ ਟਾਈਪ ‘ਤੇ ਜਾਓ ਅਤੇ ਉਥੇ ਦਿਖਾਈ ਦੇਣ ਵਾਲੇ ਵਿਕਲਪ Changes or Correction in existing PAN Data/Reprint of PAN Card ‘ਤੇ ਕਲਿੱਕ ਕਰੋ।
ਇੱਥੇ ਤੁਹਾਡੇ ਤੋਂ ਜੋ ਵੀ ਜਾਣਕਾਰੀ ਮੰਗੀ ਗਈ ਹੈ ਉਸਨੂੰ ਭਰੋ ਅਤੇ ਸਹੀ ਕੈਪਚਾ ਕੋਡ ਦਰਜ ਕਰਕੇ ਜਮ੍ਹਾ ਕਰੋ। ਇਸ ਤੋਂ ਬਾਅਦ ਤੁਹਾਨੂੰ ਆਧਾਰ, ਪਾਸਪੋਰਟ ਜਾਂ ਹੋਰ ਦਸਤਾਵੇਜ਼ ਅਪਲੋਡ ਕਰਨੇ ਹੋਣਗੇ। ਫਿਰ ਤੁਹਾਨੂੰ ਭੁਗਤਾਨ ਕਰਨ ਲਈ ਕਿਹਾ ਜਾਵੇਗਾ।
ਭੁਗਤਾਨ ਕਰਨ ਤੋਂ ਬਾਅਦ, ਤੁਹਾਨੂੰ ਬੈਂਕ ਰੈਫਰੈਂਸ ਨੰਬਰ ਅਤੇ ਟ੍ਰਾਂਜੈਕਸ਼ਨ ਨੰਬਰ ਮਿਲੇਗਾ। ਉਹਨਾਂ ਨੂੰ ਸੇਵ ਕਰੋ ਅਤੇ ਫਿਰ Continue ‘ਤੇ ਕਲਿੱਕ ਕਰੋ। ਫਿਰ ਤੁਹਾਨੂੰ ਇੱਕ ਫਾਰਮ ਭਰਨਾ ਹੋਵੇਗਾ, ਜਿਸ ਵਿੱਚ ਤੁਹਾਨੂੰ ਪੈਨ ਕਾਰਡ ਦੀ ਗਲਤੀ ਬਾਰੇ ਦੱਸਣਾ ਹੋਵੇਗਾ, ਜਿਸ ਨੂੰ ਤੁਸੀਂ ਠੀਕ ਕਰਨਾ ਚਾਹੁੰਦੇ ਹੋ। ਬੱਸ ਇਹ ਸਾਰੀ ਲੋੜੀਂਦੀ ਜਾਣਕਾਰੀ ਭਰੋ ਅਤੇ ਜਮ੍ਹਾਂ ਕਰੋ। ਤੁਹਾਨੂੰ ਕੁਝ ਦਿਨਾਂ ਵਿੱਚ ਸੁਧਾਰ ਦੇ ਨਾਲ ਤੁਹਾਡਾ ਪੈਨ ਕਾਰਡ ਮਿਲ ਜਾਵੇਗਾ।
ਪੈਨ ਕਾਰਡ ਨਾਲ ਸਬੰਧਤ ਕਿਸੇ ਵੀ ਜਾਣਕਾਰੀ ਲਈ, ਤੁਸੀਂ ਹੈਲਪਲਾਈਨ ਨੰਬਰ 1800-180-1961 ਅਤੇ 020-27218080 ‘ਤੇ NSDL ਨਾਲ ਸੰਪਰਕ ਕਰ ਸਕਦੇ ਹੋ। ਇਸ ਤੋਂ ਇਲਾਵਾ, ਤੁਸੀਂ ਆਮਦਨ ਕਰ ਵਿਭਾਗ ਦੀ ਈ-ਮੇਲ ਆਈਡੀ efilingwebmanager@incometax.gov.in ਅਤੇ tininfo@nsdl.co.in ‘ਤੇ ਵੀ ਲਿਖ ਸਕਦੇ ਹੋ।