Dates Milkshake Benefits : ਖਜੂਰ ਸਿਹਤ ਲਈ ਸਭ ਤੋਂ ਜ਼ਿਆਦਾ ਫਾਇਦੇਮੰਦ ਹੈ। ਪਰ ਜੇਕਰ ਖਜੂਰ ਨੂੰ ਦੁੱਧ ‘ਚ ਪਾ ਕੇ ਸ਼ੇਕ ‘ਚ ਪੀਤਾ ਜਾਵੇ ਤਾਂ ਇਸ ਦਾ ਸਿਹਤ ‘ਤੇ ਹੋਰ ਵੀ ਅਸਰ ਪੈਂਦਾ ਹੈ। ਸਿਹਤ ਮਾਹਿਰਾ ਦਾ ਕਹਿਣਾ ਹੈ ਕਿ ਖਜੂਰ ਅਤੇ ਦੁੱਧ ਵਿੱਚ ਕੈਲਸ਼ੀਅਮ, ਫਾਈਬਰ, ਆਇਰਨ ਅਤੇ ਕਈ ਵਿਟਾਮਿਨ ਅਤੇ ਖਣਿਜ ਹੁੰਦੇ ਹਨ ਜੋ ਸਰੀਰ ਨੂੰ ਮਜ਼ਬੂਤ ਬਣਾਉਣ ਵਿੱਚ ਅਹਿਮ ਭੂਮਿਕਾ ਨਿਭਾਉਂਦੇ ਹਨ। ਆਓ ਜਾਣਦੇ ਹਾਂ ਖਜੂਰ ਦਾ ਮਿਲਕਸ਼ੇਕ ਪੀਣ ਦੇ ਫਾਇਦੇ…
ਪਾਚਨ ਤੰਤਰ ਮਜ਼ਬੂਤ ਹੋਵੇਗਾ
ਜੇਕਰ ਤੁਹਾਡੀ ਪਾਚਨ ਪ੍ਰਣਾਲੀ ਨਾਲ ਜੁੜੀਆਂ ਸਮੱਸਿਆਵਾਂ ਰਹਿੰਦੀਆਂ ਹਨ ਤਾਂ ਖਜੂਰ ਦਾ ਮਿਲਕਸ਼ੇਕ ਪੀਣਾ ਸ਼ੁਰੂ ਕਰ ਦਿਓ। ਕਿਉਂਕਿ ਖਜੂਰ ਦੇ ਮਿਲਕਸ਼ੇਕ ਵਿੱਚ ਫਾਈਬਰ ਹੁੰਦਾ ਹੈ, ਇਸ ਨੂੰ ਪੀਣ ਨਾਲ ਪਾਚਨ ਤੰਤਰ ਮਜ਼ਬੂਤ ਹੁੰਦਾ ਹੈ। ਖਜੂਰ ਮਿਲਕ ਸ਼ੇਕ ਪੀਣ ਨਾਲ ਕਬਜ਼, ਗੈਸ, ਐਸੀਡਿਟੀ ਅਤੇ ਬਦਹਜ਼ਮੀ ਵਰਗੀਆਂ ਸਮੱਸਿਆਵਾਂ ਤੋਂ ਛੁਟਕਾਰਾ ਪਾਇਆ ਜਾ ਸਕਦਾ ਹੈ।
ਜੋੜਾਂ ਦੇ ਦਰਦ ਨੂੰ ਘਟਾਏ
ਖਜੂਰ ਦਾ ਮਿਲਕਸ਼ੇਕ ਪੀਣ ਨਾਲ ਜੋੜਾਂ ਦੇ ਦਰਦ ਨੂੰ ਘੱਟ ਕੀਤਾ ਜਾ ਸਕਦਾ ਹੈ। ਕਿਉਂਕਿ ਖਜੂਰ ਦੇ ਮਿਲਕਸ਼ੇਕ ਵਿੱਚ ਭਰਪੂਰ ਮਾਤਰਾ ਵਿੱਚ ਕੈਲਸ਼ੀਅਮ ਹੁੰਦਾ ਹੈ ਜੋ ਹੱਡੀਆਂ ਦੇ ਦਰਦ ਨੂੰ ਦੂਰ ਕਰਦਾ ਹੈ। ਜੇਕਰ ਤੁਹਾਡੀਆਂ ਲੱਤਾਂ ਅਤੇ ਜੋੜਾਂ ਵਿੱਚ ਦਰਦ ਹੈ ਤਾਂ ਖਜੂਰ ਦਾ ਮਿਲਕਸ਼ੇਕ ਪੀਣਾ ਸ਼ੁਰੂ ਕਰੋ। ਇਸ ਨਾਲ ਹੱਡੀਆਂ ਮਜ਼ਬੂਤ ਹੋਣਗੀਆਂ।
ਸਰੀਰ ਵਿੱਚ ਆਕਸੀਟੌਸਿਨ ਦੀ ਮਾਤਰਾ ਵਧਾਏ
ਗਰਭਵਤੀ ਔਰਤਾਂ ਲਈ ਖਜੂਰ ਮਿਲਕ ਸ਼ੇਕ ਸਭ ਤੋਂ ਜ਼ਿਆਦਾ ਫਾਇਦੇਮੰਦ ਹੁੰਦਾ ਹੈ। ਜੇਕਰ ਔਰਤਾਂ ਗਰਭ ਅਵਸਥਾ ਦੌਰਾਨ ਖਜੂਰ ਮਿਲਕ ਸ਼ੇਕ ਪੀਂਦੀਆਂ ਹਨ ਤਾਂ ਇਹ ਭਰੂਣ ਦੇ ਵਿਕਾਸ ‘ਚ ਮਦਦ ਕਰਦੀ ਹੈ ਅਤੇ ਇਸ ਸ਼ੇਕ ਨੂੰ ਪੀਣ ਨਾਲ ਸਰੀਰ ‘ਚ ਆਕਸੀਟੋਸਿਨ ਦੀ ਮਾਤਰਾ ਵਧ ਜਾਂਦੀ ਹੈ।
ਚਮੜੀ ਨੂੰ ਸਿਹਤਮੰਦ ਰੱਖੇ
ਖਜੂਰ ਮਿਲਕ ਸ਼ੇਕ ਪੀਣ ਨਾਲ ਚਮੜੀ ਸਿਹਤਮੰਦ ਰਹਿੰਦੀ ਹੈ। ਕਿਉਂਕਿ ਖਜੂਰ ਦੇ ਮਿਲਕ ਸ਼ੇਕ ‘ਚ ਭਰਪੂਰ ਮਾਤਰਾ ‘ਚ ਐਂਟੀਆਕਸੀਡੈਂਟ ਪਾਏ ਜਾਂਦੇ ਹਨ, ਜੋ ਨਾ ਸਿਰਫ ਚਮੜੀ ਨੂੰ ਨਰਮ ਕਰਦੇ ਹਨ ਸਗੋਂ ਇਸ ਨੂੰ ਚਮਕਦਾਰ ਵੀ ਬਣਾਉਂਦੇ ਹਨ। ਇਸ ਲਈ ਸਾਰਿਆਂ ਨੂੰ ਖਜੂਰ ਮਿਲਕ ਸ਼ੇਕ ਪੀਣਾ ਚਾਹੀਦਾ ਹੈ।
ਖੂਨ ਵਧਾਏ
ਜਿਨ੍ਹਾਂ ਲੋਕਾਂ ਦੇ ਸਰੀਰ ‘ਚ ਅਨੀਮੀਆ ਹੈ, ਉਨ੍ਹਾਂ ਨੂੰ ਖਜੂਰ ਦਾ ਮਿਲਕਸ਼ੇਕ ਜ਼ਰੂਰ ਪੀਣਾ ਚਾਹੀਦਾ ਹੈ। ਕਿਉਂਕਿ ਖਜੂਰ ਦੇ ਸ਼ੇਕ ਵਿੱਚ ਆਇਰਨ ਭਰਪੂਰ ਹੁੰਦਾ ਹੈ ਜੋ ਸਰੀਰ ਵਿੱਚ ਖੂਨ ਦੀ ਕਮੀ ਨੂੰ ਪੂਰਾ ਕਰਨ ਵਿੱਚ ਮਦਦ ਕਰਦਾ ਹੈ, ਖਜੂਰ ਦਾ ਸ਼ੇਕ ਪੀਣ ਨਾਲ ਸਰੀਰ ਦੀ ਕਮਜ਼ੋਰੀ ਵੀ ਦੂਰ ਹੁੰਦੀ ਹੈ ਅਤੇ ਹੀਮੋਗਲੋਬਿਨ ਵੀ ਤੇਜ਼ੀ ਨਾਲ ਵਧਦਾ ਹੈ।