ਡੈਸਕ- ਨਿਊਯਾਰਕ ਦੇ ਬ੍ਰਾਈਟਨ ਸ਼ਹਿਰ ’ਚ 1 ਜਨਵਰੀ ਨੂੰ ਪਹਿਲੇ ਪੰਜਾਬੀ ਮੂਲ ਦੇ ਅਮਰੀਕੀ ਕ੍ਰਿਮੀਨਲ ਜੱਜ ਨੇ ਸਹੁੰ ਚੁਕੀ। ਅਮਰੀਕਾ ’ਚ ਭਾਰਤੀ ਪ੍ਰਵਾਸੀਆਂ ਦੇ ਘਰ ਜਨਮੇ ਡੈਮੋਕ੍ਰੇਟ ਵਿਕਰਮ ਵਿਲਖੂ ਨੇ ਬ੍ਰਾਈਟਨ ਟਾਊਨ ਕੋਰਟ ’ਚ ਜੱਜ ਦਾ ਅਹੁਦਾ ਸੰਭਾਲਿਆ ਹੈ। ਭਾਰਤੀ ਅਮਰੀਕੀ ਸੈਨੇਟਰ ਜੇਰੇਮੀ ਕੂਨੀ ਨੇ ਦਸੰਬਰ 2023 ’ਚ ਵਿਲਖੂ ਦਾ ਉਮੀਦਵਾਰ ਵਜੋਂ ਸਵਾਗਤ ਕੀਤਾ ਸੀ। ਉਨ੍ਹਾਂ ਕਿਹਾ ਕਿ ਏਸ਼ੀਆਈ ਅਮਰੀਕੀ ਨਿਊਯਾਰਕ ’ਚ ਸੱਭ ਤੋਂ ਤੇਜ਼ੀ ਨਾਲ ਵੱਧ ਰਹੀ ਘੱਟ ਗਿਣਤੀ ਹਨ ਅਤੇ ਸਥਾਨਕ ਸਰਕਾਰ ’ਚ ਨੁਮਾਇੰਦਗੀ ਵਧਾਉਣਾ ਇਕ ਮਹੱਤਵਪੂਰਨ ਕਦਮ ਹੈ।
ਸੈਨੇਟਰ ਕੂਨੀ ਨੇ ਇਕ ਬਿਆਨ ਵਿਚ ਕਿਹਾ, ‘‘ਸਾਡੇ ਚੁਣੇ ਹੋਏ ਅਧਿਕਾਰੀਆਂ ਵਿਚ ਸਭਿਆਚਾਰਕ ਵੰਨ-ਸੁਵੰਨਤਾ ਦਾ ਵਿਸਥਾਰ ਕਰਨਾ ਸਾਡੇ ਪੂਰੇ ਭਾਈਚਾਰੇ ਲਈ ਲਾਭਦਾਇਕ ਹੈ ਅਤੇ ਅਸੀਂ ਜਾਣਦੇ ਹਾਂ ਕਿ ਨੌਜੁਆਨਾਂ ਲਈ ਉਨ੍ਹਾਂ ਵਰਗੇ ਚਿਹਰੇ ਵੇਖਣਾ ਖ਼ਾਸ ਤੌਰ ’ਤੇ ਪ੍ਰਭਾਵਸ਼ਾਲੀ ਹੈ।’’ ਵਿਲਖੂ ਨੇ ਐਮਰੀ ਯੂਨੀਵਰਸਿਟੀ ’ਚ ਅਪਣੀ ਅੰਡਰਗ੍ਰੈਜੂਏਟ ਸਿਖਿਆ ਪ੍ਰਾਪਤ ਕੀਤੀ, ਜਿੱਥੇ ਉਸ ਨੇ ਧਰਮ ਅਤੇ ਮਾਨਵ ਵਿਗਿਆਨ ’ਚ ਡਬਲ-ਮੇਜਰਿੰਗ ਕੀਤੀ। ਗ੍ਰੈਜੂਏਸ਼ਨ ਤੋਂ ਬਾਅਦ, ਉਸ ਨੇ ਅਮਰੀਕਨ ਸਿਵਲ ਲਿਬਰਟੀਜ਼ ਯੂਨੀਅਨ (ਏ.ਸੀ.ਐਲ.ਯੂ.) ’ਚ ਯੋਗਦਾਨ ਪਾਇਆ, ਜਿਸ ਨੇ 9/11 ਦੇ ਹਮਲਿਆਂ ਤੋਂ ਬਾਅਦ ਨਸਲੀ ਪ੍ਰੋਫ਼ਾਈਲਿੰਗ ਅਤੇ ਨਫ਼ਰਤੀ ਅਪਰਾਧਾਂ ਦੇ ਪੀੜਤਾਂ ਲਈ ਇਕ ਕੌਮੀ ਹੌਟਲਾਈਨ ਸਥਾਪਤ ਕਰਨ ’ਚ ਮਹੱਤਵਪੂਰਣ ਭੂਮਿਕਾ ਨਿਭਾਈ।
ਇਸ ਤੋਂ ਬਾਅਦ, ਵਿਲਖੂ ਨੇ ਕੇਸ ਵੈਸਟਰਨ ਰਿਜ਼ਰਵ ਯੂਨੀਵਰਸਿਟੀ ਦੇ ਲਾਅ ਸਕੂਲ ’ਚ ਪੜ੍ਹਾਈ ਕੀਤੀ, ਅਪਣੀਆਂ ਅਕਾਦਮਿਕ ਅਤੇ ਪਾਠਕ੍ਰਮ ਤੋਂ ਇਲਾਵਾ ਪ੍ਰਾਪਤੀਆਂ ਲਈ ਕਈ ਪੁਰਸਕਾਰ ਪ੍ਰਾਪਤ ਕੀਤੇ। ਉਹ ਦੋ ਰਾਜ ਸੈਨੇਟਰਾਂ, ਇਕ ਕਾਊਂਟੀ ਕਾਰਜਕਾਰੀ ਆਦਿ ਬੈਠੇ ਹਨ। ਤੁਸੀਂ ਇਸ ਦੇਸ਼ ਬਾਰੇ ਜੋ ਚਾਹੁੰਦੇ ਹੋ ਉਹ ਕਹੋ ਪਰ ਇਹ ਕਮਾਲ ਦੀ ਗੱਲ ਹੈ। ਇਹ ਬਿਲਕੁਲ ਕਮਾਲ ਦੀ ਗੱਲ ਹੈ।’’