ਜੇਕਰ ਤੁਸੀਂ ਲੇਹ ਅਤੇ ਲੱਦਾਖ ਜਾਣ ਬਾਰੇ ਸੋਚ ਰਹੇ ਹੋ, ਤਾਂ IRCTC ਦਾ ਨਵਾਂ ਟੂਰ ਪੈਕੇਜ ਤੁਹਾਡੇ ਲਈ ਸਭ ਤੋਂ ਵਧੀਆ ਹੈ। ਇਸ ਟੂਰ ਪੈਕੇਜ ਰਾਹੀਂ ਤੁਸੀਂ ਲੇਹ ਅਤੇ ਲੱਦਾਖ ਦੀ ਸਸਤੀ ਯਾਤਰਾ ਕਰ ਸਕਦੇ ਹੋ। ਇੰਡੀਅਨ ਰੇਲਵੇ ਕੈਟਰਿੰਗ ਐਂਡ ਟੂਰਿਜ਼ਮ ਕਾਰਪੋਰੇਸ਼ਨ ਲੇਹ ਅਤੇ ਲੱਦਾਖ ਲਈ ਦੋ ਟੂਰ ਪੈਕੇਜ ਲੈ ਕੇ ਆਇਆ ਹੈ। ਇੱਕ ਪੈਕੇਜ ਲਖਨਊ ਤੋਂ ਲੱਦਾਖ ਅਤੇ ਦੂਜਾ ਹੈਦਰਾਬਾਦ ਤੋਂ ਲੇਹ-ਲਦਾਖ ਤੱਕ ਦਾ ਸਫ਼ਰ ਹੈ।
ਜਾਣੋ ਕਦੋਂ ਸ਼ੁਰੂ ਹੋਵੇਗਾ ਲੇਹ -ਲਦਾਖ ਟੂਰ ਪੈਕੇਜ
ਲਖਨਊ ਤੋਂ ਲੱਦਾਖ ਦਾ ਪੈਕੇਜ 22 ਤੋਂ 29 ਜੂਨ, 4 ਤੋਂ 11 ਜੁਲਾਈ, 20 ਤੋਂ 27 ਅਗਸਤ ਅਤੇ 31 ਅਗਸਤ ਤੋਂ 7 ਸਤੰਬਰ ਤੱਕ ਸ਼ੁਰੂ ਕੀਤਾ ਗਿਆ ਹੈ। ਇਸ ਦੇ ਨਾਲ ਹੀ ਹੈਦਰਾਬਾਦ ਤੋਂ ਲੇਹ-ਲਦਾਖ ਦਾ ਟੂਰ ਪੈਕੇਜ 16 ਜੂਨ ਤੋਂ 7 ਜੁਲਾਈ ਤੱਕ ਚੱਲੇਗਾ। ਇਹ 6 ਦਿਨ 7 ਰਾਤਾਂ ਦਾ ਪੈਕੇਜ ਹੈ। ਲੇਹ ਅਤੇ ਲੱਦਾਖ ਟੂਰ ਪੈਕੇਜ ‘ਚ ਸੈਲਾਨੀਆਂ ਨੂੰ ਲੇਹ ਦੇ ਹੋਟਲ ‘ਚ ਠਹਿਰਣ ਦੇ ਨਾਲ-ਨਾਲ ਘੁੰਮਣ-ਫਿਰਨ ਦੀ ਸਹੂਲਤ ਮਿਲੇਗੀ। ਸੈਲਾਨੀ ਲੇਹ ਅਤੇ ਲੱਦਾਖ ਦੇ ਵੱਖ-ਵੱਖ ਸੈਰ-ਸਪਾਟਾ ਸਥਾਨਾਂ ਦਾ ਦੌਰਾ ਕਰਨ ਦੇ ਯੋਗ ਹੋਣਗੇ।
ਲਖਨਊ ਤੋਂ ਲੇਹ ਅਤੇ ਲੱਦਾਖ ਟੂਰ ਪੈਕੇਜ ਵਿੱਚ ਸੈਲਾਨੀਆਂ ਨੂੰ ਤੇਜਸ ਟਰੇਨ ਰਾਹੀਂ ਪਹਿਲਾਂ ਦਿੱਲੀ ਲਿਆਂਦਾ ਜਾਵੇਗਾ। ਇਸ ਤੋਂ ਬਾਅਦ ਲੱਦਾਖ ਤੱਕ ਦਾ ਸਫਰ ਫਲਾਈਟ ਰਾਹੀਂ ਤੈਅ ਕੀਤਾ ਜਾਵੇਗਾ। ਇਸ ਟੂਰ ਪੈਕੇਜ ਦੀ ਕੀਮਤ ਦੋ ਵਿਅਕਤੀਆਂ ਲਈ 44,500 ਪ੍ਰਤੀ ਵਿਅਕਤੀ ਹੋਵੇਗੀ। ਇਸ ਦੇ ਨਾਲ ਹੀ ਤਿੰਨ ਲੋਕਾਂ ਦੇ ਪੈਕੇਜ ਵਿੱਚ ਪ੍ਰਤੀ ਵਿਅਕਤੀ ਖਰਚਾ 43,900 ਰੁਪਏ ਆਵੇਗਾ। ਇਕੱਲੇ ਟੂਰ ਪੈਕੇਜ ਵਿੱਚ ਹੈਦਰਾਬਾਦ ਤੋਂ ਲੇਹ ਅਤੇ ਲੱਦਾਖ ਦੀ ਯਾਤਰਾ ਕਰਨ ਲਈ ਪ੍ਰਤੀ ਵਿਅਕਤੀ 44,025 ਰੁਪਏ ਅਤੇ ਦੋ ਵਿਅਕਤੀਆਂ ਲਈ 39,080 ਰੁਪਏ ਪ੍ਰਤੀ ਵਿਅਕਤੀ ਖਰਚ ਹੋਣਗੇ। ਤਿੰਨ ਯਾਤਰੀਆਂ ਲਈ ਪ੍ਰਤੀ ਵਿਅਕਤੀ ਦੀ ਕੀਮਤ 38,470 ਰੁਪਏ ਹੋਵੇਗੀ।