ਪਾਕਿਸਤਾਨ ਅਤੇ ਆਸਟ੍ਰੇਲੀਆ ਵਿਚਾਲੇ 4 ਤੋਂ 25 ਮਾਰਚ ਦਰਮਿਆਨ ਤਿੰਨ ਟੈਸਟ ਮੈਚਾਂ ਦੀ ਸੀਰੀਜ਼ ਖੇਡੀ ਜਾਣੀ ਹੈ। ਰਾਵਲਪਿੰਡੀ ਵਿੱਚ ਖੇਡਿਆ ਗਿਆ ਪਹਿਲਾ ਮੈਚ ਡਰਾਅ ਰਿਹਾ। ਹੁਣ ਦੋਵੇਂ ਟੀਮਾਂ 12 ਮਾਰਚ ਤੋਂ ਕਰਾਚੀ ਦੇ ਨੈਸ਼ਨਲ ਸਟੇਡੀਅਮ ‘ਚ ਦੂਜੇ ਟੈਸਟ ‘ਚ ਉਤਰਨਗੀਆਂ, ਜਿਸ ‘ਚ ਉਨ੍ਹਾਂ ਦਾ ਟੀਚਾ ਜਿੱਤ ਨਾਲ ਤਿੰਨ ਮੈਚਾਂ ਦੀ ਸੀਰੀਜ਼ ‘ਚ ਬੜ੍ਹਤ ਬਣਾਉਣ ਦਾ ਹੈ।
ਸ਼ਾਹੀਨ ਅਫਰੀਦੀ ਰਵਿੰਦਰ ਜਡੇਜਾ ਦੇ ਗੇਂਦਬਾਜ਼ੀ ਐਕਸ਼ਨ ਦੀ ਨਕਲ ਕਰਦੇ ਨਜ਼ਰ ਆਏ
ਪਾਕਿਸਤਾਨ ਕਰਾਚੀ ਟੈਸਟ ਦੀ ਤਿਆਰੀ ‘ਚ ਰੁੱਝਿਆ ਹੋਇਆ ਹੈ। ਅਭਿਆਸ ਸੈਸ਼ਨ ਦੌਰਾਨ ਪਾਕਿਸਤਾਨ ਦੇ ਤੇਜ਼ ਗੇਂਦਬਾਜ਼ ਸ਼ਾਹੀਨ ਅਫਰੀਦੀ ਨੇ ਕੁਝ ਅਜਿਹਾ ਕੀਤਾ, ਜਿਸ ਦਾ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ‘ਚ ਸ਼ਾਹੀਨ ਅਫਰੀਦੀ ਭਾਰਤੀ ਆਲਰਾਊਂਡਰ ਰਵਿੰਦਰ ਜਡੇਜਾ ਦੇ ਗੇਂਦਬਾਜ਼ੀ ਐਕਸ਼ਨ ਦੀ ਨਕਲ ਕਰਦੇ ਨਜ਼ਰ ਆ ਰਹੇ ਹਨ।
There’s a lot of Ravindra Jadeja, just a few inches taller, about Shaheen Shah Afridi bowling left-arm spin, the bounce in the hair included #PakvAus pic.twitter.com/6YCI99E9VV
— Bharat Sundaresan (@beastieboy07) March 10, 2022
ਰਵਿੰਦਰ ਜਡੇਜਾ ਟੈਸਟ ‘ਚ ਨੰਬਰ 1 ਆਲਰਾਊਂਡਰ
ਰਵਿੰਦਰ ਜਡੇਜਾ ਨੇ ਸ਼੍ਰੀਲੰਕਾ ਦੇ ਖਿਲਾਫ ਪਹਿਲੇ ਟੈਸਟ ਮੈਚ ‘ਚ ਅਜੇਤੂ 175 ਦੌੜਾਂ ਬਣਾਈਆਂ, ਜਿਸ ਤੋਂ ਬਾਅਦ ਉਸ ਨੇ ਦੋਵੇਂ ਪਾਰੀਆਂ ‘ਚ ਕੁੱਲ 9 ਵਿਕਟਾਂ ਲਈਆਂ। ਰਵਿੰਦਰ ਜਡੇਜਾ ਦੇ ਇਸ ਆਲਰਾਊਂਡਰ ਪ੍ਰਦਰਸ਼ਨ ਤੋਂ ਬਾਅਦ ਉਹ ਆਈਸੀਸੀ ਦੀ ਤਾਜ਼ਾ ਟੈਸਟ ਰੈਂਕਿੰਗ ‘ਚ ਨੰਬਰ-1 ਆਲਰਾਊਂਡਰ ਬਣ ਗਿਆ ਹੈ।
ਸ਼ਾਹੀਨ ਅਫਰੀਦੀ ਨੇ 22 ਟੈਸਟ ਮੈਚਾਂ ‘ਚ 88 ਵਿਕਟਾਂ ਲਈਆਂ ਸਨ
ਦਸੰਬਰ 2018 ‘ਚ ਆਪਣਾ ਟੈਸਟ ਡੈਬਿਊ ਕਰਨ ਵਾਲੇ ਸ਼ਾਹੀਨ ਅਫਰੀਦੀ ਨੇ ਹੁਣ ਤੱਕ 22 ਮੈਚਾਂ ‘ਚ 88 ਸ਼ਿਕਾਰ ਬਣਾਏ ਹਨ। ਟੈਸਟ ਵਿੱਚ ਉਸ ਦੀ ਸਰਵੋਤਮ ਪਾਰੀ 6/51 ਰਹੀ ਹੈ। ਸ਼ਾਹੀਨ ਅਫਰੀਦੀ ਪਾਕਿਸਤਾਨ ਟੀਮ ਦਾ ਅਹਿਮ ਗੇਂਦਬਾਜ਼ ਬਣ ਗਿਆ ਹੈ।