ਕੀ ਤੁਸੀਂ ਜਾਣਦੇ ਹੋ ਕਿ ਦੁਨੀਆ ‘ਚ ਕਈ ਮਸ਼ਹੂਰ ਸੈਰ-ਸਪਾਟਾ ਸਥਾਨ ਹਨ, ਜਿਨ੍ਹਾਂ ਉੱਪਰੋ ਹਵਾਈ ਜਹਾਜ਼ ਨਹੀਂ ਉੱਡਦੇ ਹਨ। ਇਨ੍ਹਾਂ ਥਾਵਾਂ ‘ਤੇ ਹਵਾਈ ਜਹਾਜ਼ਾਂ ਨੂੰ ਉਡਾਉਣ ਦੀ ਮਨਾਹੀ ਹੈ। ਇਹਨਾਂ ਥਾਵਾਂ ਵਿੱਚੋਂ ਇੱਕ ਭਾਰਤ ਦਾ ਮਸ਼ਹੂਰ ਤਾਜ ਮਹਿਲ ਵੀ ਹੈ। ਇਨ੍ਹਾਂ ਸਾਰੀਆਂ ਥਾਵਾਂ ‘ਤੇ ਕਿਸੇ ਨਾ ਕਿਸੇ ਕਾਰਨ ਹਵਾਈ ਜਹਾਜ਼ ਦੀ ਉਡਾਣ ‘ਤੇ ਪਾਬੰਦੀ ਹੈ। ਆਓ ਜਾਣਦੇ ਹਾਂ ਇਨ੍ਹਾਂ ਥਾਵਾਂ ਬਾਰੇ ਵਿਸਥਾਰ ਨਾਲ…
ਤਾਜ ਮਹਿਲ
ਤਾਜ ਮਹਿਲ ਮੁਗ਼ਲ ਆਰਕੀਟੈਕਚਰ ਦਾ ਵਿਲੱਖਣ ਨਮੂਨਾ ਹੈ। ਇੱਥੇ ਦੇਸ਼ ਤੋਂ ਹੀ ਨਹੀਂ ਸਗੋਂ ਵਿਦੇਸ਼ਾਂ ਤੋਂ ਵੀ ਵੱਡੀ ਗਿਣਤੀ ਵਿੱਚ ਸੈਲਾਨੀ ਆਉਂਦੇ ਹਨ। ਪਿਆਰ ਦੀ ਇਹ ਨਿਸ਼ਾਨੀ ਹਰ ਕੋਈ ਦੇਖਣਾ ਚਾਹੁੰਦਾ ਹੈ। ਯੂਨੈਸਕੋ ਨੇ ਤਾਜ ਮਹਿਲ ਨੂੰ ਵੀ ਹੈਰੀਟੇਜ ਸਾਈਟ ਵਿੱਚ ਸ਼ਾਮਲ ਕੀਤਾ ਹੈ। ਪਰ ਇਹ ਖੇਤਰ ਨੋ ਫਲਾਈ ਜ਼ੋਨ ਹੈ। ਹਵਾਈ ਜਹਾਜ ਇਸ ਉਪਰ ਉੱਡ ਨਹੀਂ ਸਕਦੇ। ਦਰਅਸਲ, ਸਰਕਾਰ ਨੇ ਇਸ ਇਮਾਰਤ ਅਤੇ ਇੱਥੇ ਆਉਣ ਵਾਲੇ ਸੈਲਾਨੀਆਂ ਦੀ ਸੁਰੱਖਿਆ ਦੇ ਮੱਦੇਨਜ਼ਰ ਸਾਲ 2006 ਵਿੱਚ ਇਸ ਨੂੰ ਨੋ-ਫਲਾਈ ਜ਼ੋਨ ਘੋਸ਼ਿਤ ਕੀਤਾ ਸੀ।
ਤਿੱਬਤ
ਤਿੱਬਤ ਵੀ ਨੋ-ਫਲਾਈ ਜ਼ੋਨ ਹੈ। ਇਸ ਖੂਬਸੂਰਤ ਜਗ੍ਹਾ ‘ਤੇ ਹਵਾਈ ਜਹਾਜ਼ ਦੀ ਉਡਾਣ ਦੀ ਮਨਾਹੀ ਹੈ। ਦਰਅਸਲ, ਤਿੱਬਤ ਦੁਨੀਆ ਦੇ ਸਭ ਤੋਂ ਉੱਚੇ ਖੇਤਰਾਂ ਵਿੱਚ ਸ਼ਾਮਲ ਹੈ। ਅਜਿਹੇ ‘ਚ ਯਾਤਰੀਆਂ ਦੀ ਸੁਰੱਖਿਆ ਲਈ ਇਹ ਜਗ੍ਹਾ ਨੋ ਫਲਾਈ ਜ਼ੋਨ ਹੈ।
ਡਿਜ਼ਨੀ ਪਾਰਕਸ
ਅਮਰੀਕਾ ਦੇ ਕੈਲੀਫੋਰਨੀਆ ‘ਚ ਸਥਿਤ ਡਿਜ਼ਨੀ ਪਾਰਕ ‘ਤੇ ਹਵਾਈ ਜਹਾਜ ਦੇ ਉੱਡਣ ‘ਤੇ ਵੀ ਪਾਬੰਦੀ ਹੈ। ਇਹ ਪਾਬੰਦੀ ਅਮਰੀਕਾ ਵਿੱਚ 9/11 ਦੇ ਹਮਲੇ ਤੋਂ ਬਾਅਦ ਸੁਰੱਖਿਆ ਲਈ ਲਗਾਈ ਗਈ ਹੈ। ਡਿਜ਼ਨੀ ਪਾਰਕ ਸੈਲਾਨੀਆਂ ਦੀ ਖਿੱਚ ਦਾ ਕੇਂਦਰ ਹੈ ਅਤੇ ਦੁਨੀਆ ਭਰ ਤੋਂ ਸੈਲਾਨੀ ਇੱਥੇ ਦੇਖਣ ਆਉਂਦੇ ਹਨ। ਇਸ ਪਾਰਕ ਦੀ ਸਥਾਪਨਾ 1971 ਵਿੱਚ ਹੋਈ ਸੀ, ਉਦੋਂ ਤੋਂ ਇਹ ਸੈਲਾਨੀਆਂ ਵਿੱਚ ਖਿੱਚ ਦਾ ਕੇਂਦਰ ਹੈ।
ਮਾਚੂ ਪਿਚੂ
ਪੇਰੂ ਦਾ ਮਾਚੂ ਪਿਚੂ ਵੀ ਨੋ-ਫਲਾਈ ਜ਼ੋਨ ਹੈ। ਇਹ ਇਕ ਮਸ਼ਹੂਰ ਸੈਰ-ਸਪਾਟਾ ਸਥਾਨ ਹੈ, ਜਿਸ ਨੂੰ ਦੇਖਣ ਲਈ ਦੁਨੀਆ ਭਰ ਤੋਂ ਸੈਲਾਨੀ ਆਉਂਦੇ ਹਨ। ਇੰਕਾ ਦਾ ਇਹ ‘ਗੁੰਮਿਆ ਹੋਇਆ ਸ਼ਹਿਰ’ ਦੁਨੀਆ ਦੇ ਸੱਤ ਅਜੂਬਿਆਂ ‘ਚ ਸ਼ਾਮਲ ਹੈ ਅਤੇ ਦੁਨੀਆ ਭਰ ਦੇ ਲੋਕ ਇੱਥੇ ਇਕ ਵਾਰ ਜ਼ਰੂਰ ਆਉਣਾ ਚਾਹੁੰਦੇ ਹਨ, ਕਿਉਂਕਿ ਇਹ ਸੈਰ-ਸਪਾਟਾ ਸਥਾਨ ਹੋਣ ਦੇ ਨਾਲ-ਨਾਲ ਰਹੱਸਾਂ ਨਾਲ ਭਰਪੂਰ ਜਗ੍ਹਾ ਹੈ। ਇਹ ਇਤਿਹਾਸਕ ਸਥਾਨ ਦੱਖਣੀ ਅਮਰੀਕੀ ਦੇਸ਼ ਪੇਰੂ ਵਿੱਚ ਹੈ ਅਤੇ ਇੰਕਾ ਸਭਿਅਤਾ ਨਾਲ ਜੁੜਿਆ ਹੋਇਆ ਹੈ।ਇਹ ਸਥਾਨ ਉਰੁਬੰਬਾ ਘਾਟੀ ਦੇ ਉੱਪਰ ਸਮੁੰਦਰ ਤਲ ਤੋਂ 2,430 ਮੀਟਰ ਦੀ ਉਚਾਈ ‘ਤੇ ਇੱਕ ਪਹਾੜੀ ‘ਤੇ ਸਥਿਤ ਹੈ।
ਮੱਕਾ
ਮੱਕਾ ਵਿੱਚ ਕਾਬਾ ਉੱਤੇ ਜਹਾਜ਼ਾਂ ਦੀ ਉਡਾਣ ਦੀ ਮਨਾਹੀ ਹੈ। ਇਸ ਸਥਾਨ ਦੀ ਧਾਰਮਿਕ ਅਤੇ ਇਤਿਹਾਸਕ ਮਹੱਤਤਾ ਨੂੰ ਦੇਖਦੇ ਹੋਏ ਇੱਥੇ ਨੋ ਫਲਾਈ ਜ਼ੋਨ ਹੈ।