ਬਾਲੀਵੁੱਡ ਇੰਡਸਟਰੀ ‘ਚ ਅਜਿਹੇ ਕਈ ਮੌਕੇ ਹੁੰਦੇ ਹਨ, ਜਦੋਂ ਵੱਡੀ ਗਿਣਤੀ ‘ਚ ਫਿਲਮੀ ਸਿਤਾਰੇ ਇਕੱਠੇ, ਇੱਕੋ ਥਾਂ ‘ਤੇ ਨਜ਼ਰ ਆਉਂਦੇ ਹਨ। ਉਨ੍ਹਾਂ ਮੌਕਿਆਂ ਵਿੱਚੋਂ ਇੱਕ IIFA ਅਵਾਰਡ ਸ਼ੋਅ ਹੈ, ਜਿੱਥੇ ਇਹ ਮਸ਼ਹੂਰ ਹਸਤੀਆਂ ਇਕੱਠੀਆਂ ਨਜ਼ਰ ਆ ਰਹੀਆਂ ਹਨ। ਇਸ ਸਾਲ ਬਾਲੀਵੁੱਡ ਦਾ ਸਭ ਤੋਂ ਵੱਡਾ ਐਵਾਰਡ ਸ਼ੋਅ ਇੰਟਰਨੈਸ਼ਨਲ ਇੰਡੀਅਨ ਫਿਲਮ ਅਕੈਡਮੀ ਐਵਾਰਡਜ਼ (IIFA) ਆਬੂ ਧਾਬੀ ਦੇ ਯਾਸ ਆਈਲੈਂਡ ਵਿੱਚ ਹੋਣ ਜਾ ਰਿਹਾ ਹੈ। ਹਾਲ ਹੀ ‘ਚ ਬਾਲੀਵੁੱਡ ਦੇ ਵੱਡੇ ਸਿਤਾਰੇ ਇਸ ਐਵਾਰਡ ਸ਼ੋਅ ‘ਚ ਸ਼ਿਰਕਤ ਕਰਨ ਲਈ ਆਬੂ ਧਾਬੀ ਜਾਂਦੇ ਹੋਏ ਨਜ਼ਰ ਆਏ।
ਬਾਲੀਵੁੱਡ ਦੇ ਡੈਸ਼ਿੰਗ ਅਭਿਨੇਤਾ ਟਾਈਗਰ ਸ਼ਰਾਫ ਵੀ ਆਬੂ ਧਾਬੀ ਦੀ ਧਰਤੀ ‘ਤੇ ਪਹੁੰਚ ਗਏ ਹਨ ਅਤੇ ਉਨ੍ਹਾਂ ਨੇ ਖੁਦ ਦੇਸ਼ ਦੇ ਆਪਣੇ ਸੋਸ਼ਲ ਮਾਈਕ੍ਰੋ ਬਲਾਗਿੰਗ ਪਲੇਟਫਾਰਮ, ਕੂ (KOO) ਐਪ ਰਾਹੀਂ ਇਹ ਜਾਣਕਾਰੀ ਦਿੱਤੀ ਹੈ। ਉਹ ਕੂ (KOO) ਪੋਸਟ ਕਰਦੇ ਹੋਏ, ਕਹਿੰਦੇ ਹਨ:
#IIFA ਜਿੱਥੇ ਅਸੀਂ ਜਾ ਰਹੇ ਹਾਂ
ਅਬੂ ਧਾਬੀ ਦੇ ਯਾਸ ਆਈਲੈਂਡ ‘ਤੇ ਅਵਾਰਡ ਸ਼ੋਅ ‘ਚ ਪਰਫਾਰਮ ਕਰਨ ਜਾ ਰਹੇ ਸਿਤਾਰੇ ਰਿਹਰਸਲ ਲਈ ਪਹਿਲਾਂ ਹੀ ਇਕੱਠੇ ਪਹੁੰਚ ਚੁੱਕੇ ਹਨ। ਟਾਈਗਰ ਸ਼ਰਾਫ ਤੋਂ ਇਲਾਵਾ ਸਲਮਾਨ ਖਾਨ, ਸਾਰਾ ਅਲੀ ਖਾਨ ਸਮੇਤ ਕਈ ਬਾਲੀਵੁੱਡ ਸਿਤਾਰੇ ਵੀ ਆਈਫਾ ਸਮਾਰੋਹ ‘ਚ ਸ਼ਾਮਲ ਹੋਣ ਲਈ ਆਬੂ ਧਾਬੀ ਪਹੁੰਚ ਚੁੱਕੇ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਸਲਮਾਨ ਖਾਨ ਇਸ ਸਾਲ ਈਵੈਂਟ ਨੂੰ ਹੋਸਟ ਕਰਨ ਜਾ ਰਹੇ ਹਨ। ਇਸ ਦੇ ਨਾਲ ਹੀ ਇਸ ਦੌਰਾਨ ਕਈ ਵੱਡੇ ਕਲਾਕਾਰ ਵੀ ਪਰਫਾਰਮ ਕਰਨਗੇ।
ਕੋਰੋਨਾ ਤੋਂ ਬਾਅਦ ਪਹਿਲੀ ਵਾਰ ਹੋਣ ਵਾਲਾ ਆਈਫਾ ਪਹਿਲਾਂ ਨਾਲੋਂ ਵੀ ਸ਼ਾਨਦਾਰ ਹੋਣ ਜਾ ਰਿਹਾ ਹੈ। ਜਾਣਕਾਰੀ ਮੁਤਾਬਕ ਇਸ ਪ੍ਰੋਗਰਾਮ ‘ਚ ਸ਼ਾਹਿਦ ਕਪੂਰ, ਟਾਈਗਰ ਸ਼ਰਾਫ, ਅਨਨਿਆ ਪਾਂਡੇ, ਕਾਰਤਿਕ ਆਰੀਅਨ ਅਤੇ ਨੋਰਾ ਫਤੇਹੀ ਸਮੇਤ ਕਈ ਕਲਾਕਾਰ ਦਿਲਚਸਪ ਪਰਫਾਰਮੈਂਸ ਦੇਣ ਜਾ ਰਹੇ ਹਨ।
ਆਈਫਾ ਅਵਾਰਡ ਪਹਿਲਾਂ 20 ਮਈ ਨੂੰ ਹੋਣੇ ਸਨ, ਪਰ ਹੁਣ ਇਹ ਈਵੈਂਟ 2-4 ਜੂਨ ਨੂੰ ਯਾਸ ਆਈਲੈਂਡ ਆਬੂ ਧਾਬੀ ਵਿਖੇ ਹੋਵੇਗਾ। ਦਰਅਸਲ, ਸਾਊਦੀ ਅਰਬ ਦੇ ਰਾਸ਼ਟਰਪਤੀ ਸ਼ੇਖ ਖਲੀਫਾ ਬਿਨ ਜਾਏਦ ਅਲ ਨਾਹਯਾਨ ਦੀ ਮੌਤ ਦੇ ਕਾਰਨ ਦੇਸ਼ ਵਿੱਚ ਕੁੱਲ 40 ਦਿਨਾਂ ਦੀ ਰਾਸ਼ਟਰੀ ਛੁੱਟੀ ਘੋਸ਼ਿਤ ਕੀਤੀ ਗਈ ਸੀ।