ਨਵੀਂ ਦਿੱਲੀ: ਸੈਮਸੰਗ ਨੇ ਭਾਰਤ ‘ਚ Galaxy M14 4G ਸਮਾਰਟਫੋਨ ਲਾਂਚ ਕਰ ਦਿੱਤਾ ਹੈ। ਇਹ ਨਵਾਂ 4G ਵੇਰੀਐਂਟ ਇਸ ਦੇ 5G ਵੇਰੀਐਂਟ ਦੇ ਨਾਲ ਹੀ ਭਾਰਤੀ ਬਾਜ਼ਾਰ ‘ਚ ਮੌਜੂਦ ਹੋਵੇਗਾ। ਇਸ ‘ਚ 50MP ਕੈਮਰਾ ਅਤੇ ਸਨੈਪਡ੍ਰੈਗਨ 480 ਪ੍ਰੋਸੈਸਰ ਵਰਗੇ ਫੀਚਰਸ ਹਨ। ਇਸ ਫੋਨ ਦੀ ਕੀਮਤ 10 ਹਜ਼ਾਰ ਰੁਪਏ ਤੋਂ ਘੱਟ ਰੱਖੀ ਗਈ ਹੈ। ਆਓ ਜਾਣਦੇ ਹਾਂ ਇਸ ਫੋਨ ਦੀਆਂ ਹੋਰ ਵਿਸ਼ੇਸ਼ਤਾਵਾਂ ਬਾਰੇ।
Samsung Galaxy M14 4G ਨੂੰ ਆਰਕਟਿਕ ਬਲੂ ਅਤੇ ਸੈਫਾਇਰ ਬਲੂ ਕਲਰ ਆਪਸ਼ਨ ‘ਚ ਪੇਸ਼ ਕੀਤਾ ਗਿਆ ਹੈ। ਇਸ ਦੇ 4GB + 64GB ਵੇਰੀਐਂਟ ਦੀ ਕੀਮਤ 8,499 ਰੁਪਏ ਰੱਖੀ ਗਈ ਹੈ ਅਤੇ 6GB + 128GB ਵੇਰੀਐਂਟ ਦੀ ਕੀਮਤ 11,499 ਰੁਪਏ ਰੱਖੀ ਗਈ ਹੈ। ਇਸ ਸਮਾਰਟਫੋਨ ਨੂੰ ਵਿਕਰੀ ਲਈ ਉਪਲੱਬਧ ਕਰ ਦਿੱਤਾ ਗਿਆ ਹੈ। ਇਸ ਨੂੰ ਐਮਾਜ਼ਾਨ ਇੰਡੀਆ ਤੋਂ ਖਰੀਦਿਆ ਜਾ ਸਕਦਾ ਹੈ।
Samsung Galaxy M14 4G ਦੇ ਸਪੈਸੀਫਿਕੇਸ਼ਨਸ
ਇਹ ਫੋਨ ਐਂਡ੍ਰਾਇਡ 13 ਆਧਾਰਿਤ One UI 5.1 ‘ਤੇ ਚੱਲਦਾ ਹੈ। ਸੈਮਸੰਗ ਨੇ ਪੁਸ਼ਟੀ ਕੀਤੀ ਹੈ ਕਿ ਇਸ ਫੋਨ ਨੂੰ ਦੋ ਵੱਡੇ OS ਅਪਗ੍ਰੇਡ ਮਿਲਣਗੇ ਅਤੇ ਚਾਰ ਸਾਲਾਂ ਲਈ ਸੁਰੱਖਿਆ ਅਪਡੇਟ ਵੀ ਮਿਲਣਗੇ। ਇਸ ‘ਚ ਕਵਿੱਕ ਸ਼ੇਅਰ ਅਤੇ ਫਾਈਂਡ ਮਾਈ ਮੋਬਾਇਲ ਵਰਗੇ ਫੀਚਰਸ ਵੀ ਦਿੱਤੇ ਗਏ ਹਨ। ਇਸ ਵਿੱਚ 90Hz ਰਿਫਰੈਸ਼ ਰੇਟ ਦੇ ਨਾਲ ਇੱਕ 6.7-ਇੰਚ ਦੀ Infinity-V ਨੌਚ HD+ (1920 x 1080 ਪਿਕਸਲ) PLS LCD ਡਿਸਪਲੇ ਹੈ।
ਇਸ ਸਮਾਰਟਫੋਨ ‘ਚ ਕੁਆਲਕਾਮ ਸਨੈਪਡ੍ਰੈਗਨ 480 ਪ੍ਰੋਸੈਸਰ 6GB ਤੱਕ ਰੈਮ, 128GB ਤੱਕ ਸਟੋਰੇਜ ਅਤੇ Adreno 619 GPU ਹੈ। ਫੋਟੋਗ੍ਰਾਫੀ ਲਈ, ਫੋਨ ਦੇ ਪਿਛਲੇ ਹਿੱਸੇ ਵਿੱਚ 50MP ਪ੍ਰਾਇਮਰੀ ਕੈਮਰਾ, 2MP ਡੂੰਘਾਈ ਸੈਂਸਰ ਅਤੇ 2MP ਮੈਕਰੋ ਕੈਮਰਾ ਹੈ। ਇਸ ਦਾ ਫਰੰਟ ਕੈਮਰਾ 13MP ਦਾ ਹੈ। Samsung Galaxy M14 4G ਦੀ ਬੈਟਰੀ 5,000mAh ਹੈ ਅਤੇ 25W ਫਾਸਟ ਚਾਰਜਿੰਗ ਸਪੋਰਟ ਹੈ।