ਆਈਪੀਐਲ ਦੌਰਾਨ ਦਰਸ਼ਕਾਂ ਨੂੰ ਮੈਦਾਨ ਵਿੱਚ ਆਉਣ ਦੀ ਇਜਾਜ਼ਤ ਦਿੱਤੀ ਜਾ ਸਕਦੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਭਾਰਤ ਦੀ ਇਸ ਟੀ-20 ਲੀਗ ਦੌਰਾਨ BCCI ਕੋਰੋਨਾ ਦਿਸ਼ਾ-ਨਿਰਦੇਸ਼ਾਂ ‘ਚ ਢਿੱਲ ਦਿੰਦੇ ਹੋਏ 25 ਫੀਸਦੀ ਦਰਸ਼ਕਾਂ ਨੂੰ ਮੈਚ ਦੇਖਣ ਲਈ ਦੇਣ ‘ਤੇ ਵਿਚਾਰ ਕਰ ਰਿਹਾ ਹੈ। ਟਾਈਮਜ਼ ਆਫ ਇੰਡੀਆ ਦੀ ਖਬਰ ਮੁਤਾਬਕ ਬੀਸੀਸੀਆਈ ਨੇ ਮਹਾਰਾਸ਼ਟਰ ਵਿੱਚ ਪੂਰੇ ਆਈਪੀਐਲ ਟੂਰਨਾਮੈਂਟ ਦਾ ਆਯੋਜਨ ਕਰਨ ਦਾ ਮਨ ਬਣਾ ਲਿਆ ਹੈ। ਗੁਜਰਾਤ ਵਿੱਚ ਪਲੇਆਫ ਮੈਚ ਕਰਵਾਏ ਜਾ ਸਕਦੇ ਹਨ। ਇਸ ਤੋਂ ਪਹਿਲਾਂ 12 ਅਤੇ 13 ਫਰਵਰੀ ਨੂੰ ਆਈਪੀਐਲ ਦੇ ਆਗਾਮੀ ਸੀਜ਼ਨ ਲਈ ਮੈਗਾ-ਨਿਲਾਮੀ ਦਾ ਆਯੋਜਨ ਕਰਨ ਦੀ ਯੋਜਨਾ ਹੈ।
ਰਿਪੋਰਟ ਵਿੱਚ ਦੱਸਿਆ ਗਿਆ ਹੈ ਕਿ ਬੀਸੀਸੀਆਈ ਅਧਿਕਾਰੀਆਂ ਨੇ ਯੋਜਨਾ-ਬੀ ਦੇ ਰੂਪ ਵਿੱਚ ਯੂਏਈ ਵਿੱਚ ਆਈਪੀਐਲ ਦੇ ਆਯੋਜਨ ਦਾ ਫੈਸਲਾ ਕੀਤਾ ਹੈ। ਉਸ ਦੀ ਤਰਜੀਹ ਇਸ ਸਾਲ ਭਾਰਤ ਵਿੱਚ ਹੀ ਆਈਪੀਐਲ ਦਾ ਆਯੋਜਨ ਕਰਨਾ ਹੈ। ਜੇਕਰ ਭਾਰਤ ਵਿੱਚ ਕੋਰੋਨਾ ਵਾਇਰਸ ਦੀ ਕੋਈ ਨਵੀਂ ਲਹਿਰ ਨਹੀਂ ਆਉਂਦੀ ਹੈ, ਤਾਂ ਬੀਸੀਸੀਆਈ ਮਹਾਰਾਸ਼ਟਰ ਸਰਕਾਰ ਨਾਲ ਆਪਸੀ ਗੱਲਬਾਤ ਰਾਹੀਂ ਮੁੰਬਈ ਦੇ ਵਾਨਖੇੜੇ ਸਟੇਡੀਅਮ, ਕ੍ਰਿਕਟ ਕਲੱਬ ਆਫ ਇੰਡੀਆ ਅਤੇ ਪੁਣੇ ਦੇ ਮਹਾਰਾਸ਼ਟਰ ਕ੍ਰਿਕਟ ਸਟੇਡੀਅਮ ਵਿੱਚ ਪੂਰੇ ਟੂਰਨਾਮੈਂਟ ਦਾ ਆਯੋਜਨ ਕਰਨਾ ਚਾਹੁੰਦਾ ਹੈ।
ਦੱਸਿਆ ਗਿਆ ਸੀ ਕਿ ਜੇਕਰ ਕੋਰੋਨਾ ਵਾਇਰਸ ਕੰਟਰੋਲ ‘ਚ ਰਹਿੰਦਾ ਹੈ ਤਾਂ ਮਹਾਰਾਸ਼ਟਰ ਸਰਕਾਰ BCCI ਨੂੰ 25 ਫੀਸਦੀ ਤੱਕ ਦਰਸ਼ਕਾਂ ਦੀ ਇਜਾਜ਼ਤ ਦੇ ਸਕਦੀ ਹੈ। ਭਾਰਤ ਅਤੇ ਨਿਊਜ਼ੀਲੈਂਡ ਵਿਚਾਲੇ ਦਸੰਬਰ ਮਹੀਨੇ ‘ਚ ਖੇਡੀ ਗਈ ਟੈਸਟ ਸੀਰੀਜ਼ ਦੌਰਾਨ ਮੁੰਬਈ ‘ਚ ਖੇਡੇ ਗਏ ਮੈਚ ‘ਚ 25 ਫੀਸਦੀ ਦਰਸ਼ਕਾਂ ਨੂੰ ਆ ਕੇ ਮੈਚ ਦੇਖਣ ਦੀ ਇਜਾਜ਼ਤ ਦਿੱਤੀ ਗਈ ਸੀ।
ਬੀਸੀਸੀਆਈ ਅਧਿਕਾਰੀਆਂ ਦੀ ਮੰਨੀਏ ਤਾਂ ਇਸ ਵਾਰ ਆਈਪੀਐਲ ਦਾ ਆਯੋਜਨ ਜ਼ਿਆਦਾ ਥਾਵਾਂ ‘ਤੇ ਨਹੀਂ ਕੀਤਾ ਜਾਵੇਗਾ। ਪਿਛਲੇ ਸੀਜ਼ਨ ਦੌਰਾਨ, ਬਾਇਓ-ਬਬਲ ਵਿੱਚ ਕੋਰੋਨਾ ਵਾਇਰਸ ਦੇ ਦਾਖਲ ਹੋਣ ਦਾ ਕਾਰਨ ਵਧੇਰੇ ਥਾਵਾਂ ‘ਤੇ ਮੈਚਾਂ ਦਾ ਆਯੋਜਨ ਕਰਨਾ ਸੀ।
Filed under