ਅਮਿਤਾਭ ਬੱਚਨ ਦੇ ਟਵਿਟਰ ਅਕਾਊਂਟ ‘ਤੇ ਫਿਰ ਚਮਕਿਆ ਬਲੂ ਟਿੱਕ, ਬਿਗ ਬੀ ਨੇ ਐਲੋਨ ਮਸਕ ਦੀ ਤਾਰੀਫ ‘ਚ ਗਾਇਆ ਅਕਸ਼ੈ ਕੁਮਾਰ ਦਾ ਗੀਤ

ਅਮਿਤਾਭ ਬੱਚਨ ਸੋਸ਼ਲ ਮੀਡੀਆ ‘ਤੇ ਕਾਫੀ ਐਕਟਿਵ ਰਹਿੰਦੇ ਹਨ। ਅਕਸਰ ਉਹ ਆਪਣੇ ਪ੍ਰਸ਼ੰਸਕਾਂ ਲਈ ਬਹੁਤ ਸਾਰੀਆਂ ਪੋਸਟ ਕਰਦੇ ਰਹਿੰਦੇ ਹਨ। ਹਾਲ ਹੀ ‘ਚ ਅਮਿਤਾਭ ਬੱਚਨ, ਸ਼ਾਹਰੁਖ ਖਾਨ, ਸਲਮਾਨ ਖਾਨ ਸਮੇਤ ਕਈ ਬਾਲੀਵੁੱਡ ਸਿਤਾਰਿਆਂ ਦੇ ਟਵਿਟਰ ‘ਤੇ ਬਲੂ ਟਿੱਕਸ ਹਟਾਏ ਗਏ ਹਨ। ਜਿਸ ਤੋਂ ਬਾਅਦ ਬਿੱਗ ਬੀ ਨੇ ਟਵਿੱਟਰ ਦੇ ਸੀਈਓ ਐਲੋਨ ਮਸਕ ਨੂੰ ਇਸ ‘ਤੇ ਬਲੂ ਟਿਕ ਵਾਪਸ ਲਗਾਉਣ ਦੀ ਬੇਨਤੀ ਕੀਤੀ। ਹੁਣ ਉਹਨਾਂ ਨੂੰ ਬਲੂ ਟਿੱਕ ਮਿਲ ਗਿਆ ਹੈ ਅਤੇ ਇਸ ਦੇ ਲਈ ਉਸ ਨੇ ਐਲਨ ਦਾ ਧੰਨਵਾਦ ਕੀਤਾ ਹੈ।

ਅਮਿਤਾਭ ਬੱਚਨ ਨੇ ਗੀਤ ਗਾਇਆ
ਸਦੀ ਦੇ ਮੇਗਾਸਟਾਰ ਅਮਿਤਾਭ ਬੱਚਨ ਨੇ ਸ਼ਨੀਵਾਰ ਸਵੇਰੇ ਟਵੀਟ ਕੀਤਾ ਅਤੇ ਲਿਖਿਆ, ਓ ਮਸਕ ਭਈਆ! ਅਸੀਂ ਤੁਹਾਡਾ ਬਹੁਤ ਧੰਨਵਾਦ ਕਰਦੇ ਹਾਂ! ਨੀਲ ਕਮਲ ਲਗ ਗਾਵਾ ਹਮਾਰੇ ਨਾਮ ਦੇ ਸਾਮ੍ਹਣੇ । ਹੁਣ ਭਾਈ! ਗੀਤ ਗਾਈ ਕੇ ਮਨ ਕਰਤ ਹੈ ਹਮਾਰ! ਸਨਬੋ ਕਾ ? ਮੈਂ ਲੀਓ ਸੁਣਾ: “ਤੂ ਚੀਜ਼ ਬੜੀ ਹੈ ਮਸਕ ਮਸਕ …ਤੂੰ ਚੀਜ਼ ਬੜੀ ਹੈ ਮਸਕ ।” ਦੱਸ ਦੇਈਏ ਕਿ ਇਹ ਅਸਲੀ ਗੀਤ ਤੂ ਚੀਜ਼ ਬੜੀ ਹੈ ਮਸਤ ਮਸਤ ਹੈ, ਜਿਸ ਨੂੰ ਅਕਸ਼ੈ ਕੁਮਾਰ ਅਤੇ ਰਵੀਨਾ ਟੰਡਨ ‘ਤੇ ਫਿਲਮਾਇਆ ਗਿਆ ਸੀ। ਇਹ ਫਿਲਮ ਮੋਹਰਾ ਦਾ ਗੀਤ ਹੈ।

ਆ ਰਿਹਾ ਹੈ ‘ਕੌਨ ਬਣੇਗਾ ਕਰੋੜਪਤੀ 15’
ਅਮਿਤਾਭ ਬੱਚਨ ਇਕ ਵਾਰ ਫਿਰ ‘ਕੌਨ ਬਣੇਗਾ ਕਰੋੜਪਤੀ’ ਸੀਜ਼ਨ 15 ਨਾਲ ਟੀਵੀ ‘ਤੇ ਵਾਪਸੀ ਕਰ ਰਹੇ ਹਨ। ਇਸ ਦਾ ਪ੍ਰੋਮੋ ਹਾਲ ਹੀ ‘ਚ ਸੋਸ਼ਲ ਮੀਡੀਆ ‘ਤੇ ਆਇਆ ਹੈ। ਪ੍ਰੋਮੋ ‘ਚ ਇਕ ਔਰਤ ਹੌਟਸੀਟ ‘ਤੇ ਪਹੁੰਚਣ ਲਈ ਸਖਤ ਮਿਹਨਤ ਕਰਦੀ ਨਜ਼ਰ ਆ ਰਹੀ ਹੈ। ਉਹ ਔਰਤ ਇੱਕ ਸੁਰੰਗ ਪੁੱਟਦੀ ਹੈ ਅਤੇ ਹੌਟਸੀਟ ‘ਤੇ ਪਹੁੰਚਦੀ ਹੈ ਅਤੇ ਅਮਿਤਾਭ ਬੱਚਨ ਨੂੰ ਗੇਮ ਚਾਲੂ ਕਰਨ ਲਈ ਕਹਿੰਦੀ ਹੈ। ਇਸ ‘ਤੇ ਬਿੱਗ ਬੀ ਨੇ ਮਹਿਲਾ ਨੂੰ ਕਿਹਾ ਕਿ ਉਹ ਹੌਟਸੀਟ ‘ਤੇ ਪਹੁੰਚਣ ਲਈ ਫਾਲਤੂ ਹੱਥਕੰਡੇ ਨਾ ਵਰਤਣ। ਉਹ ਕਹਿੰਦੇ ਹਨ ਕਿ ਹੁਣੇ ਫੋਨ ਚੁੱਕੋ ਅਤੇ 29 ਅਪ੍ਰੈਲ ਨੂੰ ਰਾਤ 9 ਵਜੇ ਪੁੱਛੇ ਗਏ ਸਵਾਲਾਂ ਦੇ ਜਵਾਬ ਭੇਜੋ! ਰਜਿਸਟ੍ਰੇਸ਼ਨ 29 ਅਪ੍ਰੈਲ ਤੋਂ ਸ਼ੁਰੂ ਹੋਵੇਗੀ।