ਗਿੱਲ ਨੇ ਚੇਨਈ ਖਿਲਾਫ ਜਿੱਤ ‘ਤੇ ਕਿਹਾ, ਅਸੀਂ ਆਖਰੀ ਓਵਰਾਂ ‘ਚ ਘੱਟ ਦੌੜਾਂ ਬਣਾਈਆਂ

ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ‘ਚ ਇਹ ਮੈਚ ਗੁਜਰਾਤ ਟਾਈਟਨਸ ਅਤੇ ਚੇਨਈ ਸੁਪਰ ਕਿੰਗਜ਼ ਵਿਚਾਲੇ ਖੇਡਿਆ ਗਿਆ। ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਗੁਜਰਾਤ ਟੀ ਟੀਮ ਨੇ 20 ਓਵਰਾਂ ਵਿੱਚ ਵਿਕਟਾਂ ਗੁਆ ਕੇ 231 ਦੌੜਾਂ ਬਣਾਈਆਂ। ਜਿਸ ਤੋਂ ਬਾਅਦ ਟੀਚੇ ਦਾ ਪਿੱਛਾ ਕਰਨ ਆਈ ਚੇਨਈ ਦੀ ਟੀਮ 20 ਓਵਰਾਂ ਵਿੱਚ 196 ਦੌੜਾਂ ਹੀ ਬਣਾ ਸਕੀ ਅਤੇ 35 ਦੌੜਾਂ ਨਾਲ ਮੈਚ ਹਾਰ ਗਈ। ਇਸ ਮੈਚ ‘ਚ ਗੁਜਰਾਤ ਦੇ ਕਪਤਾਨ ਸ਼ੁਭਮਨ ਗਿੱਲ ਅਤੇ ਸਾਈ ਸੁਦਰਸ਼ਨ ਦੇ ਬੱਲੇ ਤੋਂ ਸੈਂਕੜੇ ਵਾਲੀ ਪਾਰੀ ਦੇਖਣ ਨੂੰ ਮਿਲੀ। ਚੇਨਈ ਖਿਲਾਫ ਮੈਚ ਜਿੱਤਣ ਤੋਂ ਬਾਅਦ ਸ਼ੁਭਮਨ ਗਿੱਲ ਨੇ ਕਿਹਾ ਕਿ ਸਾਡੇ ਦਿਮਾਗ ‘ਚ ਕੁਝ ਨਹੀਂ ਸੀ, ਅਸੀਂ ਹਰ ਓਵਰ ‘ਚ ਵੱਡੀਆਂ ਦੌੜਾਂ ਬਣਾਉਣ ਬਾਰੇ ਸੋਚ ਰਹੇ ਸੀ।

ਗਿੱਲ ਨੇ ਕੀ ਕਿਹਾ?
ਸ਼ੁਭਮਨ ਗਿੱਲ ਨੇ ਮੈਚ ਤੋਂ ਬਾਅਦ ਕਿਹਾ ਕਿ ਅਸੀਂ ਹਰ ਆਉਣ ਵਾਲੇ ਓਵਰ ‘ਚ ਮੌਕੇ ਨੂੰ ਵੱਡੇ ਫਾਇਦੇ ਦੇ ਰੂਪ ‘ਚ ਦੇਖ ਰਹੇ ਸੀ। ਆਪਣੇ ਸਾਥੀ ਓਪਨਰ ਬੱਲੇਬਾਜ਼ ਸਾਈ ਦੇ ਬਾਰੇ ‘ਚ ਸ਼ੁਭਮਨ ਨੇ ਕਿਹਾ ਕਿ ਸਾਡੇ ਵਿਚਕਾਰ ਸਮਝ ਚੰਗੀ ਸੀ। ਮੈਂ ਸਾਈਂ ਨੂੰ ਚੰਗੀ ਤਰ੍ਹਾਂ ਸਮਝਦਾ ਹਾਂ ਅਤੇ ਉਹ ਮੈਨੂੰ ਸਮਝਦਾ ਹੈ। ਸਾਡੇ ਲਈ ਇਹ ਪਹਿਲੀ ਵਿਕਟ ਲਈ ਸਭ ਤੋਂ ਵੱਡੀ ਸਾਂਝੇਦਾਰੀ ਹੈ। ਸ਼ੁਭਮਨ ਨੇ ਅੱਗੇ ਕਿਹਾ ਕਿ ਮੋਹਿਤ ਭਾਈ ਪਿਛਲੇ ਕਈ ਸਾਲਾਂ ਤੋਂ ਲਗਾਤਾਰ ਗੁਜਰਾਤ ਲਈ ਬਿਹਤਰ ਕੰਮ ਕਰ ਰਹੇ ਹਨ। ਚੇਨਈ ਦੇ ਖਿਲਾਫ ਮੈਚ ‘ਚ ਮੋਹਿਤ ਭਾਈ ਨੇ ਸ਼ਾਨਦਾਰ ਗੇਂਦਬਾਜ਼ੀ ਕੀਤੀ ਹੈ। ਸ਼ੁਭਮਨ ਨੇ ਕਿਹਾ ਕਿ ਈਮਾਨਦਾਰੀ ਨਾਲ ਕਹਾਂ ਤਾਂ ਅਸੀਂ ਮੈਚ ‘ਚ 15-20 ਦੌੜਾਂ ਘੱਟ ਬਣਾਈਆਂ। ਅਸੀਂ 250 ਦੌੜਾਂ ਵੱਲ ਵਧ ਰਹੇ ਸੀ ਪਰ ਅਸੀਂ ਅਜਿਹਾ ਨਹੀਂ ਕਰ ਸਕੇ। ਚੇਨਈ ਨੇ ਆਖ਼ਰੀ ਦੋ-ਤਿੰਨ ਓਵਰਾਂ ਵਿੱਚ ਬਹੁਤ ਵਧੀਆ ਗੇਂਦਬਾਜ਼ੀ ਕੀਤੀ।

ਮੈਚ ਕਿਵੇਂ ਸੀ
ਇਸ ਮੈਚ ‘ਚ ਚੇਨਈ ਸੁਪਰ ਕਿੰਗਜ਼ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਜਿਸ ਤੋਂ ਬਾਅਦ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਗੁਜਰਾਤ ਟਾਈਟਨਸ ਦੀ ਟੀਮ ਨੇ 210 ਦੌੜਾਂ ਦੀ ਵੱਡੀ ਸਾਂਝੇਦਾਰੀ ਕੀਤੀ। ਗੁਜਰਾਤ ਲਈ ਦੋਵੇਂ ਸਲਾਮੀ ਬੱਲੇਬਾਜ਼ਾਂ ਨੇ ਸ਼ਾਨਦਾਰ ਸੈਂਕੜੇ ਵਾਲੀ ਪਾਰੀ ਖੇਡੀ। ਜਿਸ ਦੇ ਆਧਾਰ ‘ਤੇ ਗੁਜਰਾਤ ਦੀ ਟੀਮ ਨੇ 20 ਓਵਰਾਂ ‘ਚ 231 ਦੌੜਾਂ ਬਣਾਈਆਂ। ਟੀਚੇ ਦਾ ਪਿੱਛਾ ਕਰਨ ਆਈ ਚੇਨਈ ਦੀ ਟੀਮ ਚੰਗੀ ਸ਼ੁਰੂਆਤ ਨਹੀਂ ਕਰ ਸਕੀ। ਜਿਸ ਕਾਰਨ CSK 20 ਓਵਰਾਂ ‘ਚ 8 ਵਿਕਟਾਂ ਗੁਆ ਕੇ 196 ਦੌੜਾਂ ਬਣਾ ਸਕੀ। ਇਸ ਮੈਚ ‘ਚ ਜਿੱਤ ਨਾਲ ਗੁਜਰਾਤ ਦੇ ਪਲੇਆਫ ‘ਚ ਪਹੁੰਚਣ ਦੀ ਉਮੀਦ ਬਰਕਰਾਰ ਹੈ।