Ottawa- ਕੈਨੇਡਾ ਦੇ ਇਮੀਗ੍ਰੇਸ਼ਨ, ਰਿਫਿਊਜੀਜ਼ ਅਤੇ ਸੀਟੀਜ਼ਨਸ਼ਿਪ (IRCC) ਨੇ ਐਲਾਨ ਕੀਤਾ ਹੈ ਕਿ 2025 ਦੇ ਪੇਰੈਂਟਸ ਐਂਡ ਗ੍ਰੈਂਡਪੇਰੈਂਟਸ ਪ੍ਰੋਗਰਾਮ (PGP) ਹੇਠ ਕੈਨੇਡੀਅਨ ਨਾਗਰਿਕ ਅਤੇ ਸਥਾਈ ਨਿਵਾਸੀ ਆਪਣੇ ਮਾਪਿਆਂ ਅਤੇ ਦਾਦਾ-ਦਾਦੀ ਜਾਂ ਨਾਨਾ-ਨਾਨੀ ਨੂੰ ਕੈਨੇਡਾ ਲਿਆ ਕੇ ਉਨ੍ਹਾਂ ਨੂੰ ਇੱਥੇ ਰਹਿਣ ਅਤੇ ਕੰਮ ਕਰਨ ਦਾ ਮੌਕਾ ਦੇ ਸਕਣਗੇ।
ਇਸ ਸਾਲ, IRCC ਦੀ ਯੋਜਨਾ ਹੈ ਕਿ ਉਹ 2020 ਵਿੱਚ ‘ਇੰਟਰੈਸਟ ਟੂ ਸਪਾਂਸਰ’ ਫਾਰਮ ਭਰਨ ਵਾਲਿਆਂ ਵਿੱਚੋਂ 10,000 ਅਰਜ਼ੀਆਂ ਨੂੰ ਸਵੀਕਾਰ ਕਰਨਗੇ। ਜਿਹੜੇ ਲੋਕ 2020 ਵਿੱਚ ਇਹ ਫਾਰਮ ਨਹੀਂ ਭਰ ਸਕੇ, ਉਹ ਹਾਲਾਂਕਿ ਫਿਰ ਵੀ ਆਪਣੇ ਮਾਪਿਆਂ ਜਾਂ ਦਾਦਾ-ਦਾਦੀ ਨੂੰ ‘ਸੁਪਰ ਵੀਜ਼ਾ’ ਰਾਹੀਂ ਲੰਮੇ ਸਮੇਂ ਲਈ ਕੈਨੇਡਾ ਲਿਆ ਸਕਦੇ ਹਨ।
ਸੁਪਰ ਵੀਜ਼ਾ ਹਾਸਲ ਕਰਕੇ ਮਾਪਿਆਂ ਅਤੇ ਦਾਦਾ-ਦਾਦੀ ਨੂੰ ਇੱਕ ਵਾਰ ਵਿੱਚ ਪੰਜ ਸਾਲ ਤੱਕ ਕੈਨੇਡਾ ਵਿੱਚ ਰਹਿਣ ਦੀ ਇਜਾਜ਼ਤ ਮਿਲ ਸਕਦੀ ਹੈ, ਅਤੇ ਉਨ੍ਹਾਂ ਦੀ ਮਿਆਦ ਵਧਾਈ ਵੀ ਜਾ ਸਕਦੀ ਹੈ। ਇਹ ਵੀਜ਼ਾ ਉਨ੍ਹਾਂ ਲੋਕਾਂ ਲਈ ਇੱਕ ਵਧੀਆ ਵਿਕਲਪ ਹੈ ਜਿਨ੍ਹਾਂ ਨੇ 2020 ਵਿੱਚ PGP ਲਈ ‘ਇੰਟਰੈਸਟ ਫਾਰਮ’ ਨਹੀਂ ਭਰਿਆ, ਪਰ ਉਹ ਆਪਣੇ ਪਰਿਵਾਰਕ ਮੈਂਬਰਾਂ ਨੂੰ ਲੰਮੇ ਸਮੇਂ ਲਈ ਆਪਣੇ ਕੋਲ ਰੱਖਣਾ ਚਾਹੁੰਦੇ ਹਨ।
ਸੁਪਰ ਵੀਜ਼ਾ ਹਾਸਲ ਕਰਨ ਵਾਲਿਆਂ ਨੂੰ ਕੈਨੇਡਾ ਵਿੱਚ 10 ਸਾਲ ਤੱਕ ਕਈ ਵਾਰ ਆਉਣ-ਜਾਣ ਦੀ ਇਜਾਜ਼ਤ ਮਿਲੇਗੀ। IRCC ਨੇ ਹਾਲ ਹੀ ਵਿੱਚ ਇਸ ਵੀਜ਼ਾ ਦੀ ਸਿਹਤ ਬੀਮਾ ਜ਼ਰੂਰਤਾਂ ਨੂੰ ਵੀ ਆਸਾਨ ਬਣਾਇਆ ਹੈ, ਤਾਂ ਜੋ ਹੋਰ ਲੋਕ ਵੀ ਇਸਦੀ ਲਾਭ ਲੈ ਸਕਣ।
ਇਹ ਵੀਜ਼ਾ ਹਾਸਲ ਕਰਨ ਲਈ, ਆਵੇਜਕ ਦਾ ਹੋਸਟ (ਸਪਾਂਸਰ) ਘੱਟੋ-ਘੱਟ 18 ਸਾਲ ਦਾ ਹੋਣਾ ਚਾਹੀਦਾ ਹੈ ਅਤੇ ਉਹ ਕੈਨੇਡਾ ਵਿੱਚ ਰਹਿੰਦਾ ਹੋਵੇ। ਉਨ੍ਹਾਂ ਨੂੰ ਇਹ ਸਾਬਤ ਕਰਨਾ ਪਵੇਗਾ ਕਿ ਉਹ ਮਾਪਿਆਂ ਜਾਂ ਦਾਦਾ-ਦਾਦੀ ਨੂੰ ਆਉਣ ਦਾ ਨਿਯੋਤਾ ਦੇ ਰਹੇ ਹਨ ਅਤੇ ਉਨ੍ਹਾਂ ਦੇ ਰਹਿਣ-ਖਾਣ ਦੀ ਆਰਥਿਕ ਜ਼ਿੰਮੇਵਾਰੀ ਵੀ ਲੈਣਗੇ।
ਸੁਪਰ ਵੀਜ਼ਾ ਲਈ ਅਰਜ਼ੀ ਦੇਣ ਵਾਲੇ ਵਿਅਕਤੀ ਨੂੰ ਕੈਨੇਡਾ ਤੋਂ ਬਾਹਰ ਹੋ ਕੇ ਆਪਣੀ ਅਰਜ਼ੀ ਦਾਇਰ ਕਰਨੀ ਪਵੇਗੀ। ਇਹ ਮਾਪਿਆਂ ਅਤੇ ਦਾਦਾ-ਦਾਦੀ ਨੂੰ ਆਪਣੇ ਪਰਿਵਾਰਕ ਮੈਂਬਰਾਂ ਦੇ ਨੇੜੇ ਲਿਆਉਣ ਦਾ ਇੱਕ ਵਧੀਆ ਮੌਕਾ ਹੈ, ਜਿਸ ਨਾਲ ਪਰਿਵਾਰਕ ਮਿਲਾਪ ਹੋ ਸਕੇਗਾ ਅਤੇ ਉਹ ਲੰਮੇ ਸਮੇਂ ਤੱਕ ਆਪਣੇ ਬੱਚਿਆਂ ਅਤੇ ਪੋਤਿਆਂ-ਪੋਤੀਆਂ ਜਾਂ ਦੋਹਤਿਆਂ-ਦੋਹਤੀਆਂ ਦੇ ਨਾਲ ਸਮਾਂ ਬਿਤਾ ਸਕਣਗੇ।
Filed under