ਅੰਤਰਰਾਸ਼ਟਰੀ ਕ੍ਰਿਕੇਟ ਪਰਿਸ਼ਦ ਨੇ 23 ਅਕਤੂਬਰ ਨੂੰ MCG ਵਿੱਚ ਹੋਣ ਵਾਲੇ ਭਾਰਤ ਅਤੇ ਪਾਕਿਸਤਾਨ ਦੇ ਵਿੱਚ ਹੋਣ ਵਾਲੇ T20 ਵਿਸ਼ਵ ਕੱਪ ਦੇ ਮੈਚ ਲਈ ਅਣ-ਰਿਜ਼ਰਵਡ (ਸਥਾਈ) ਟਿਕਟਾਂ ਜਾਰੀ ਕਰ ਦਿੱਤੀਆਂ ਹਨ। ਫਰਵਰੀ ਵਿੱਚ ਇਸ ਮੈਚ ਦੀਆਂ ਆਮ ਟਿਕਟਾਂ ਪੰਜ ਮਿੰਟਾਂ ਵਿੱਚ ਹੀ ਵਿਕ ਗਈਆਂ ਸਨ। ਇਸ ਦੀਆਂ 4,000 ਤੋਂ ਵੱਧ ਅਣਰਿਜ਼ਰਵਡ ਟਿਕਟਾਂ 30 ਆਸਟ੍ਰੇਲੀਅਨ ਡਾਲਰਾਂ ਵਿੱਚ ਉਪਲਬਧ ਹਨ ਅਤੇ ਪਹਿਲਾਂ ਆਓ, ਪਹਿਲਾਂ ਪਾਓ ਦੇ ਆਧਾਰ ‘ਤੇ ਵੇਚੀਆਂ ਜਾਣਗੀਆਂ।
ਆਈਸੀਸੀ ਨੇ ਕਿਹਾ, ”ਇਹ ਟਿਕਟਾਂ ਇਹ ਯਕੀਨੀ ਬਣਾਉਣਗੀਆਂ ਕਿ ਵੱਧ ਤੋਂ ਵੱਧ ਪ੍ਰਸ਼ੰਸਕ ਇਸ ਮੈਚ ਨੂੰ ਦੇਖ ਸਕਣ। ਆਈਸੀਸੀ ਹਾਸਪਿਟੈਲਿਟੀ ਅਤੇ ਆਈਸੀਸੀ ਟਰੈਵਲ ਐਂਡ ਟੂਰਸ ਪ੍ਰੋਗਰਾਮ ਰਾਹੀਂ ਸੀਮਤ ਗਿਣਤੀ ਵਿੱਚ ਪੈਕੇਜ ਵੀ ਉਪਲਬਧ ਹਨ।
ਆਯੋਜਕ 16 ਅਕਤੂਬਰ ਨੂੰ ਪਹਿਲੇ ਮੈਚ ਤੋਂ ਪਹਿਲਾਂ ਇੱਕ ਰੀਸੇਲ ਪਲੇਟਫਾਰਮ ਵੀ ਲਾਂਚ ਕਰਨਗੇ। ਆਈਸੀਸੀ ਨੇ ਕਿਹਾ ਕਿ ਜੋ ਪ੍ਰਸ਼ੰਸਕ ਪਹਿਲਾਂ ਟਿਕਟ ਬੁੱਕ ਕਰਨ ਤੋਂ ਖੁੰਝ ਗਏ ਹਨ, ਉਹ ਅਜੇ ਵੀ ਟਿਕਟ ਲੈ ਸਕਦੇ ਹਨ। ਬੱਚਿਆਂ ਦੀਆਂ ਟਿਕਟਾਂ ਪੰਜ ਡਾਲਰ ਅਤੇ ਬਾਲਗਾਂ ਲਈ 20 ਡਾਲਰ ਤੋਂ ਉਪਲਬਧ ਹਨ।
ਬਿਆਨ ਵਿੱਚ ਅੱਗੇ ਕਿਹਾ ਗਿਆ ਹੈ, “ਆਈਸੀਸੀ ਪੁਰਸ਼ ਟੀ-20 ਵਿਸ਼ਵ ਕੱਪ ਫਾਈਨਲ ਲਈ ਟਿਕਟਾਂ ਅਜੇ ਵੀ ਉਪਲਬਧ ਹਨ ਜੋ 13 ਨਵੰਬਰ ਨੂੰ ਐਮਸੀਜੀ ਵਿੱਚ ਖੇਡਿਆ ਜਾ ਰਿਹਾ ਹੈ।”
Filed under