ਕ੍ਰਿਸ ਸਿਲਵਰਵੁੱਡ ਨੇ ਕਿਹਾ ਹੈ ਕਿ ਆਸਟ੍ਰੇਲੀਆ ਖਿਲਾਫ ਐਸ਼ੇਜ਼ ਸੀਰੀਜ਼ ‘ਚ 0-4 ਦੀ ਸ਼ਰਮਨਾਕ ਹਾਰ ਦੇ ਬਾਵਜੂਦ ਉਹ ਇੰਗਲੈਂਡ ਦੇ ਮੁੱਖ ਕੋਚ ਦੇ ਰੂਪ ‘ਚ ਬਣੇ ਰਹਿਣਾ ਚਾਹੁੰਦੇ ਹਨ। ਪਿਛਲੇ ਫਰਵਰੀ ਵਿਚ ਚੇਨਈ ਵਿਚ ਭਾਰਤ ਦੇ ਖਿਲਾਫ ਮੈਚ ਜਿੱਤਣ ਤੋਂ ਬਾਅਦ, ਇੰਗਲੈਂਡ ਨੇ 14 ਵਿਚੋਂ 10 ਟੈਸਟ ਹਾਰੇ ਹਨ ਅਤੇ ਸਿਰਫ ਇਕ ਜਿੱਤਿਆ ਹੈ।
ਕਪਤਾਨ ਜੋ ਰੂਟ ਅਤੇ ਕੋਚ ਸਿਲਵਰਵੁੱਡ ‘ਤੇ ਹਾਲੀਆ ਖਰਾਬ ਪ੍ਰਦਰਸ਼ਨ ਕਾਰਨ ਸਵਾਲ ਚੁੱਕੇ ਗਏ ਸਨ। ਡੇਲੀ ਮੇਲ ਨੇ ਸਿਲਵਰਵੁੱਡ ਦੇ ਹਵਾਲੇ ਨਾਲ ਕਿਹਾ, ”ਮੇਰੀ ਕੋਚਿੰਗ ਨੂੰ ਲੈ ਕੇ ਸਵਾਲ ਉਠਾਏ ਜਾ ਰਹੇ ਹਨ। ਪਰ ਮੈਂ ਫਿਰ ਵੀ ਟੀਮ ਲਈ ਬਿਹਤਰ ਪ੍ਰਦਰਸ਼ਨ ਕਰਨ ਲਈ ਉਸ ਦੇ ਨਾਲ ਰਹਿਣਾ ਪਸੰਦ ਕਰਾਂਗਾ।
ਉਸਨੇ ਅੱਗੇ ਕਿਹਾ, “ਮੈਨੂੰ ਲਗਦਾ ਹੈ ਕਿ ਮੈਂ ਇੱਕ ਚੰਗਾ ਕੋਚ ਹਾਂ ਅਤੇ ਮੈਨੂੰ ਕੋਚ ਬਣੇ ਰਹਿਣ ਦੀ ਇਜਾਜ਼ਤ ਦਿੱਤੀ ਜਾਣੀ ਚਾਹੀਦੀ ਹੈ, ਪਰ ਕੁਝ ਚੀਜ਼ਾਂ ਹਨ ਜੋ ਇਸ ਸਮੇਂ ਮੇਰੇ ਹੱਥਾਂ ਤੋਂ ਬਾਹਰ ਹਨ।”
ਇੰਗਲੈਂਡ ਨੇ ਪੰਜ ਮੈਚਾਂ ਦੀ ਏਸ਼ੇਜ਼ ਸੀਰੀਜ਼ ਪਹਿਲੇ ਤਿੰਨ ਮੈਚਾਂ ‘ਚ ਹੀ ਹਾਰੀ ਸੀ। ਰੂਟ ਦੀ ਅਗਵਾਈ ਵਾਲੀ ਟੀਮ ਨੇ ਪਹਿਲਾ ਮੈਚ ਗਾਬਾ ਵਿੱਚ ਨੌਂ ਵਿਕਟਾਂ ਨਾਲ, ਦੂਜਾ ਐਡੀਲੇਡ ਓਵਲ ਵਿੱਚ 275 ਦੌੜਾਂ ਨਾਲ ਅਤੇ ਤੀਜਾ ਮੈਲਬੌਰਨ ਵਿੱਚ ਇੱਕ ਪਾਰੀ ਅਤੇ 14 ਦੌੜਾਂ ਨਾਲ ਹਾਰਿਆ।
ਇੰਗਲੈਂਡ ਨੇ ਸਿਡਨੀ ਕ੍ਰਿਕੇਟ ਮੈਦਾਨ ‘ਤੇ ਚੌਥੇ ਟੈਸਟ ਮੈਚ ਵਿੱਚ ਸਖ਼ਤ ਮੈਚ ਤੋਂ ਬਾਅਦ ਡਰਾਅ ਦੇ ਨਾਲ 5-0 ਦੀ ਹਾਰ ਤੋਂ ਬਚਿਆ ਸੀ।
Filed under