ਭਾਰਤ ਨੇ ਵੈਸਟਇੰਡੀਜ਼ ਖਿਲਾਫ ਸੀਰੀਜ਼ ਜਿੱਤ ਕੇ ਬਣਾਇਆ ਵਿਸ਼ਵ ਰਿਕਾਰਡ, ਦੁਨੀਆ ਦੀ ਕੋਈ ਵੀ ਟੀਮ ਅਜਿਹਾ ਨਹੀਂ ਕਰ ਸਕੀ

ਭਾਰਤ ਨੇ ਵੈਸਟਇੰਡੀਜ਼ ਖਿਲਾਫ ਲਗਾਤਾਰ 12ਵੀਂ ਵਨਡੇ ਸੀਰੀਜ਼ ਜਿੱਤੀ ਹੈ। ਇਹ ਇੱਕ ਨਵਾਂ ਵਿਸ਼ਵ ਰਿਕਾਰਡ ਹੈ। ਸ਼ਿਖਰ ਧਵਨ ਦੀ ਕਪਤਾਨੀ ‘ਚ ਵੈਸਟਇੰਡੀਜ਼ ਦੌਰੇ ‘ਤੇ ਗਈ ਟੀਮ ਇੰਡੀਆ ਨੇ ਪਹਿਲੇ ਦੋ ਵਨਡੇ ਜਿੱਤ ਕੇ ਤਿੰਨ ਮੈਚਾਂ ਦੀ ਸੀਰੀਜ਼ ‘ਤੇ ਕਬਜ਼ਾ ਕੀਤਾ। ਇਹ ਭਾਰਤ ਦੀ ਵਿੰਡੀਜ਼ ‘ਤੇ ਲਗਾਤਾਰ 12ਵੀਂ ਵਨਡੇ ਸੀਰੀਜ਼ ਜਿੱਤਣ ਦਾ ਰਿਕਾਰਡ ਹੈ, ਇਸ ਤੋਂ ਪਹਿਲਾਂ ਕੋਈ ਵੀ ਟੀਮ ਅਜਿਹਾ ਨਹੀਂ ਕਰ ਸਕੀ ਹੈ।

ਇਸ ਸੀਰੀਜ਼ ਜਿੱਤਣ ਤੋਂ ਪਹਿਲਾਂ ਭਾਰਤ ਅਤੇ ਪਾਕਿਸਤਾਨ ਬਰਾਬਰੀ ‘ਤੇ ਸਨ। ਦੋਵਾਂ ਦੇ ਨਾਂ ਕਿਸੇ ਟੀਮ ਖਿਲਾਫ 11-11 ਵਨਡੇ ਸੀਰੀਜ਼ ਜਿੱਤਣ ਦਾ ਰਿਕਾਰਡ ਸੀ। ਭਾਰਤ ਨੇ ਵਿੰਡੀਜ਼ ਨੂੰ 11 ਸੀਰੀਜ਼ ‘ਚ ਹਰਾਇਆ ਸੀ ਜਦਕਿ ਪਾਕਿਸਤਾਨ ਨੇ 1996 ਤੋਂ 2021 ਵਿਚਾਲੇ 11 ਵਨਡੇ ਸੀਰੀਜ਼ ‘ਚ ਜ਼ਿੰਬਾਬਵੇ ਨੂੰ ਹਰਾਇਆ ਸੀ। ਹੁਣ ਭਾਰਤ ਨੇ ਪਾਕਿਸਤਾਨ ਨੂੰ ਪਛਾੜ ਕੇ ਲਗਾਤਾਰ 12 ਵਨਡੇ ਸੀਰੀਜ਼ ਜਿੱਤਣ ਦਾ ਨਵਾਂ ਵਿਸ਼ਵ ਰਿਕਾਰਡ ਬਣਾ ਲਿਆ ਹੈ।

ਵੈਸਟਇੰਡੀਜ਼ ‘ਤੇ ਸੀਰੀਜ਼ ਜਿੱਤਣ ਦਾ ਇਹ ਸਿਲਸਿਲਾ ਸਾਲ 2006-07 ‘ਚ ਸ਼ੁਰੂ ਹੋਇਆ ਸੀ, ਜਦੋਂ ਵੈਸਟਇੰਡੀਜ਼ ਦੀ ਟੀਮ ਭਾਰਤ ਦੌਰੇ ‘ਤੇ ਆਈ ਸੀ। ਫਿਰ 4 ਮੈਚਾਂ ਦੀ ਵਨਡੇ ਸੀਰੀਜ਼ ‘ਚ 3-1 ਨਾਲ ਜਿੱਤ ਆਪਣੇ ਨਾਂ ਦਰਜ ਕਰ ਲਈ। ਇਨ੍ਹਾਂ 12 ਸੀਰੀਜ਼ ਜਿੱਤਾਂ ‘ਚ ਭਾਰਤ ਨੇ 5 ਵਾਰ ਵਿੰਡੀਜ਼ ਨੂੰ ਉਨ੍ਹਾਂ ਦੇ ਹੀ ਘਰ ‘ਚ, ਜਦਕਿ 7 ਵਾਰ ਉਨ੍ਹਾਂ ਦੇ ਘਰ ‘ਚ ਹਰਾਇਆ ਹੈ।