Vancouver: ਬ੍ਰਿਟਿਸ਼ ਕੋਲੰਬੀਆ ਦੇ ਸ਼ਹਿਰ ਕੈਮਲੂਪ ਦੇ ਵਿੱਚ 215 ਬੱਚਿਆਂ ਦੇ ਅਵਸ਼ੇਸ਼ ਮਿਲੇ ਹਨ |ਇਹ ਅਵਸ਼ੇਸ਼ ਇਕ ਸਕੂਲ ਵਿੱਚੋ ਮਿਲੇ ਹਨ | ਪ੍ਰੀਮੀਅਰ ਜੋਨ ਹੌਰਗਨ ਵੱਲੋਂ ਇਸ ਸਬੰਧੀ ਬਿਆਨ ਜਾਰੀ ਕੀਤਾ ਗਿਆ |
ਉਨ੍ਹਾਂ ਨੇ ਇਸ ਘਟਨਾ ਨੂੰ ਭਿਆਨਕ ਤੇ ਦਿਲ ਦਹਿਲਾਉਣ ਵਾਲੀ ਦੱਸਿਆ ਹੈ |ਉਨ੍ਹਾਂ ਵੱਲੋਂ ਇਹ ਪੁਸ਼ਟੀ ਕੀਤੀ ਗਈ ਕਿ ਇਹ ਅਵਸ਼ੇਸ਼ ਪਿਛਲੇ ਹਫ਼ਤੇ ਮਿਲੇ ਹਨ | ਹੌਰਗਨ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਇਸ ਬਾਰੇ ਕੋਈ ਜਾਣਕਾਰੀ ਨਹੀਂ ਸੀ ਕਿ ਇਹ 215 ਅਵਸ਼ੇਸ਼ ਇਸ ਥਾਂ ਤੇ ਸਨ |
ਫ਼ਿਲਹਾਲ ਇਸ ਦੇ ਬਾਰੇ ਹੋਰ ਜਾਣਕਾਰੀ ਪਤਾ ਕਰਨ ਦੇ ਲਈ ਬ੍ਰਿਟਿਸ਼ ਕੋਲੰਬੀਆ ਦੀ ਸਰਚ ਟੀਮ ਕੰਮ ਕਰ ਰਹੀ ਹੈ | ਉਨ੍ਹਾਂ ਵੱਲੋਂ ਇਹ ਲੱਭਿਆ ਜਾ ਰਿਹਾ ਹੈ ਕਿ ਇਨ੍ਹਾਂ ਮੌਤਾਂ ਦਾ ਕੋਈ ਰਿਕਾਰਡ ਹੈ ਜਾ ਨਹੀਂ |ਉਨ੍ਹਾਂ ਨੇ ਦੱਸਿਆ ਕਿ ਇਨ੍ਹਾਂ 215 ਬੱਚਿਆਂ ਵਿੱਚੋ ਕੁਝ ਦੀ ਉਮਰ 3 ਸਾਲ ਸੀ| ਇਹ ਅਵਸ਼ੇਸ਼ ਜਿਸ ਸਕੂਲ ਵਿੱਚੋਂ ਮਿਲੇ ਹਨ ਉਹ ਸਕੂਲ 1890 ਤੋਂ ਲੈ ਕੇ 1969 ਦੇ ਵਿਚਕਾਰ ਚਲਾਇਆ ਜਾਂਦਾ ਸੀ|