ਭਾਰਤ ਦੇ ਸਟਾਰ ਅਥਲੀਟ ਅਤੇ ਗੋਲਡਨ ਬੁਆਏ ਨੀਰਜ ਚੋਪੜਾ ਨੇ ਡਾਇਮੰਡ ਲੀਗ ਵਿੱਚ ਲਗਾਤਾਰ ਦੂਜੀ ਵਾਰ ਗੋਲਡ ਮੈਡਲ ਜਿੱਤਿਆ ਹੈ। ਨੀਰਜ ਨੇ 87.66 ਮੀਟਰ ਦੀ ਦੂਰੀ ‘ਤੇ ਜੈਵਲਿਨ ਸੁੱਟ ਕੇ ਇਹ ਖਿਤਾਬ ਜਿੱਤਿਆ। ਲੁਸਾਨੇ ‘ਚ ਖੇਡੀ ਜਾ ਰਹੀ ਇਸ ਲੀਗ ‘ਚ ਜਦੋਂ ਨੀਰਜ ਨੇ ਜੈਵਲਿਨ ਸੁੱਟਣਾ ਸ਼ੁਰੂ ਕੀਤਾ ਤਾਂ ਉਸ ਦੀ ਪਹਿਲੀ ਕੋਸ਼ਿਸ਼ ਬੇਕਾਰ ਗਈ, ਜਿਸ ਨੂੰ ਗਿਣਿਆ ਨਹੀਂ ਗਿਆ। ਇਸ ਤੋਂ ਬਾਅਦ ਦੂਜੀ ਕੋਸ਼ਿਸ਼ ਵਿੱਚ ਉਸ ਨੇ 83.52 ਮੀਟਰ ਦੀ ਦੂਰੀ ਤੱਕ ਜੈਵਲਿਨ ਥ੍ਰੋਅ (ਜੈਵਲਿਨ) ਸੁੱਟਿਆ। ਇਸ ਤੋਂ ਬਾਅਦ ਉਸ ਨੇ ਤੀਜੀ ਕੋਸ਼ਿਸ਼ ਵਿੱਚ 85.04 ਮੀਟਰ ਦਾ ਥਰੋਅ ਕੀਤਾ, ਜਿਸ ਨਾਲ ਉਹ ਦੂਜੇ ਸਥਾਨ ’ਤੇ ਪਹੁੰਚ ਗਿਆ।
ਇਸ ਮੁਕਾਬਲੇ ਵਿੱਚ ਜਦੋਂ ਨੀਰਜ ਨੇ ਆਪਣਾ ਚੌਥਾ ਥਰੋਅ ਸੁੱਟਿਆ ਤਾਂ ਉਹ ਵੀ ਪਹਿਲੀ ਕੋਸ਼ਿਸ਼ ਵਾਂਗ ਨੋ ਮਾਰਕ ਦੀ ਸਥਿਤੀ ਵਿੱਚ ਚਲਾ ਗਿਆ, ਜਿਸ ਨੂੰ ਅਯੋਗ ਕਰਾਰ ਦੇ ਦਿੱਤਾ ਗਿਆ। ਇਸ ਤੋਂ ਬਾਅਦ ਉਸ ਨੇ 5ਵੀਂ ਕੋਸ਼ਿਸ਼ ‘ਚ 87.66 ਮੀਟਰ ਦੀ ਦੂਰੀ ਸੁੱਟ ਕੇ ਸਿਖਰ ‘ਤੇ ਆਪਣਾ ਨਾਂ ਲਿਖਿਆ।
In the final round 👏
He left it late, but @Neeraj_chopra1 🇮🇳 found the strength in his final attempt, throwing 87.66m to seal the win 💪
📸 @matthewquine#DiamondLeague 💎 #LausanneDL 🇨🇭 #India pic.twitter.com/XqfcRSQ8EJ
— Wanda Diamond League (@Diamond_League) June 30, 2023
25 ਸਾਲਾ ਨੀਰਜ ਨੂੰ ਆਪਣੇ ਨੇੜਲੇ ਵਿਰੋਧੀ ਜਰਮਨੀ ਦੇ ਜੂਲੀਅਨ ਵੇਬਰ ਨਾਲ ਸਖ਼ਤ ਟੱਕਰ ਮਿਲੀ, ਜਿਸ ਨੇ ਇੱਥੇ ਆਪਣੀ ਪਹਿਲੀ ਹੀ ਕੋਸ਼ਿਸ਼ ਵਿੱਚ 86.20 ਮੀਟਰ ਦਾ ਥਰੋਅ ਸੁੱਟਿਆ। ਇਸ ਤੋਂ ਬਾਅਦ ਜੂਲੀਅਨ ਨੀਰਜ ਦੇ 87.66 ਮੀਟਰ ਦੇ ਨੇੜੇ ਆਇਆ, ਜਦੋਂ ਉਸ ਦਾ ਇੱਕ ਥਰੋਅ 87.03 ਮੀਟਰ ਤੱਕ ਪਹੁੰਚ ਗਿਆ। ਪਰ ਆਖਰਕਾਰ ਉਸਨੇ ਇਹ ਚੈਂਪੀਅਨਸ਼ਿਪ ਆਪਣੇ ਨਾਮ ਕਰ ਲਈ।
ਲੌਸੇਨ ਡਾਇਮੰਡ ਲੀਗ 2023: ਪੁਰਸ਼ਾਂ ਦਾ ਜੈਵਲਿਨ ਥਰੋਅ ਲੀਡਰਬੋਰਡ:
1-ਨੀਰਜ ਚੋਪੜਾ (87.66 ਮੀਟਰ)
2 – ਜੂਲੀਅਨ ਵੇਬਰ (87.03 ਮੀਟਰ)
3 – ਜੈਕਬ ਵਡਲੇਜ (86.13 ਮੀਟਰ)
4 – ਓਲੀਵਰ ਹੈਲੈਂਡਰ (83.50 ਮੀਟਰ)
5 – ਐਂਡਰਸਨ ਪੀਟਰਸ (82.20 ਮੀਟਰ)
6 – ਆਰਟਰ ਫੈਲਨਰ (81.89 ਮੀਟਰ)
7 – ਕੇਸ਼ੌਰਨ ਵਾਲਕੋਟ (81.85 ਮੀਟਰ)
8 – ਪੈਟਰਿਕ ਗੇਲਮੇਸ (79.45 ਮੀਟਰ)
9 – ਕਰਟਿਸ ਥਾਮਸਨ (74.75 ਮੀਟਰ)