ਮੁੰਬਈ : ਭਾਰਤੀ ਰਿਜ਼ਰਵ ਬੈਂਕ ਦੇ ਗਵਰਨਰ ਸ਼ਕਤੀਕਾਂਤ ਦਾਸ ਨੇ ਸ਼ੁੱਕਰਵਾਰ ਨੂੰ ਮੁਦਰਾ ਨੀਤੀ ਦਾ ਐਲਾਨ ਕੀਤਾ ਹੈ। ਮੁਦਰਾ ਨੀਤੀ ਕਮੇਟੀ ਵਿਚ ਨੀਤੀਗਤ ਦਰਾਂ ਵਿਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ।
ਰੈਪੋ ਦਰ 4 ਫੀਸਦੀ ‘ਤੇ ਕਾਇਮ ਹੈ। ਇਹ ਲਗਾਤਾਰ ਅੱਠਵੀਂ ਵਾਰ ਹੈ ਜਦੋਂ ਭਾਰਤੀ ਰਿਜ਼ਰਵ ਬੈਂਕ ਨੇ ਨੀਤੀਗਤ ਦਰਾਂ ਵਿਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ। ਇਸ ਦੇ ਨਾਲ ਹੀ, ਵਿੱਤੀ ਸਾਲ 2021-23 ਲਈ ਜੀਡੀਪੀ ਵਿਕਾਸ ਦਰ 9.5 ਫੀਸਦੀ ‘ਤੇ ਬਰਕਰਾਰ ਰੱਖੀ ਗਈ ਹੈ।
ਗਵਰਨਰ ਸ਼ਕਤੀਕਾਂਤ ਦਾਸ ਨੇ ਕਿਹਾ ਕਿ ਇਸ ਮਿਆਦ ਦੇ ਦੌਰਾਨ, ਰਿਜ਼ਰਵ ਬੈਂਕ ਨੇ ਆਰਥਿਕਤਾ ਨੂੰ ਮਹਾਂਮਾਰੀ ਦੇ ਤਬਾਹੀ ਤੋਂ ਬਚਾਉਣ ਲਈ ਅਚਾਨਕ ਸੰਕਟ ਨਾਲ ਨਜਿੱਠਣ ਲਈ 100 ਤੋਂ ਵੱਧ ਉਪਾਅ ਕੀਤੇ ਹਨ।
ਅਸੀਂ ਵਿੱਤੀ ਬਾਜ਼ਾਰ ਨੂੰ ਚਾਲੂ ਰੱਖਣ ਲਈ ਨਵੇਂ ਅਤੇ ਗੈਰ ਰਵਾਇਤੀ ਉਪਾਅ ਕਰਨ ਤੋਂ ਸੰਕੋਚ ਨਹੀਂ ਕੀਤਾ। ਉਨ੍ਹਾਂ ਕਿਹਾ ਕਿ ਪਿਛਲੀ ਐਮਪੀਸੀ ਮੀਟਿੰਗ ਦੇ ਮੁਕਾਬਲੇ ਅੱਜ ਭਾਰਤ ਬਹੁਤ ਬਿਹਤਰ ਸਥਿਤੀ ਵਿਚ ਹੈ। ਵਿਕਾਸ ਦੀ ਗਤੀ ਹੋਰ ਮਜ਼ਬੂਤ ਹੁੰਦੀ ਜਾਪਦੀ ਹੈ। ਮਹਿੰਗਾਈ ਦੀ ਗਤੀ ਉਮੀਦ ਨਾਲੋਂ ਵਧੇਰੇ ਅਨੁਕੂਲ ਹੋ ਰਹੀ ਹੈ।
ਟੀਵੀ ਪੰਜਾਬ ਬਿਊਰੋ
Filed under