ਗੂਗਲ ਹਰ ਖਾਸ ਅਤੇ ਮਹੱਤਵਪੂਰਨ ਦਿਨ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਡੂਡਲ ਪੇਸ਼ ਕਰਦਾ ਹੈ। ਅੱਜ 26 ਜਨਵਰੀ ਭਾਵ ਗਣਤੰਤਰ ਦਿਵਸ ਹਰ ਭਾਰਤੀ ਲਈ ਇਤਿਹਾਸਕ ਅਤੇ ਮਾਣ ਵਾਲਾ ਦਿਨ ਹੈ। ਇਹ ਦਿਨ ਦੇਸ਼ ਵਿੱਚ ਬਹੁਤ ਹੀ ਧੂਮਧਾਮ ਨਾਲ ਮਨਾਇਆ ਜਾਂਦਾ ਹੈ। ਅਜਿਹੇ ‘ਚ ਗੂਗਲ ਵੀ ਪਿੱਛੇ ਨਹੀਂ ਹੈ, ਹਰ ਵਾਰ ਦੀ ਤਰ੍ਹਾਂ ਗੂਗਲ ਨੇ ਇਸ ਇਤਿਹਾਸਕ ਦਿਨ ‘ਤੇ ਇਕ ਖੂਬਸੂਰਤ ਡੂਡਲ ਬਣਾ ਕੇ ਭਾਰਤੀਆਂ ਨੂੰ ਵਧਾਈ ਦਿੱਤੀ ਹੈ। ਡੂਡਲ ਰਾਹੀਂ ਭਾਰਤ ਦੇ ਸੱਭਿਆਚਾਰ ਅਤੇ ਵਿਰਾਸਤ ਦੀ ਝਲਕ ਦਿਖਾਈ ਗਈ ਹੈ।
ਡੂਡਲ ਵਿੱਚ ਤੁਹਾਨੂੰ ਊਠ, ਹਾਥੀ, ਘੋੜੇ, ਢੋਲਕ ਨੂੰ ਤਿਰੰਗੇ ਦੇ ਰੂਪ ਵਿੱਚ ਪੇਸ਼ ਕੀਤਾ ਗਿਆ ਹੈ। ਇਹ ਸਭ ਭਾਰਤ ਦੀ ਸੰਸਕ੍ਰਿਤੀ ਅਤੇ ਵਿਰਾਸਤ ਦਾ ਇੱਕ ਮਹੱਤਵਪੂਰਨ ਹਿੱਸਾ ਹਨ। ਇਸ ਡੂਡਲ ਨੂੰ ਬਹੁਤ ਹੀ ਆਕਰਸ਼ਕ ਅਤੇ ਖੂਬਸੂਰਤ ਬਣਾਇਆ ਗਿਆ ਹੈ। ਡੂਡਲ ‘ਤੇ ਕਲਿੱਕ ਕਰਦੇ ਹੀ ਇਕ ਨਵਾਂ ਪੇਜ ਖੁੱਲ੍ਹ ਜਾਵੇਗਾ, ਜਿਸ ‘ਚ ਤੁਹਾਨੂੰ 26 ਜਨਵਰੀ ਨੂੰ ਗਣਤੰਤਰ ਦਿਵਸ ਨਾਲ ਜੁੜੀਆਂ ਕਈ ਅਹਿਮ ਜਾਣਕਾਰੀਆਂ, ਖਬਰਾਂ ਅਤੇ ਵੀਡੀਓ ਆਦਿ ਦੇਖਣ ਨੂੰ ਮਿਲਣਗੇ। ਇੰਨਾ ਹੀ ਨਹੀਂ, ਇਸ ਪੇਜ ‘ਤੇ ਲਾਈਵਸਟ੍ਰੀਮ ਵਿਕਲਪ ਵੀ ਦਿੱਤਾ ਗਿਆ ਹੈ, ਜਿੱਥੇ ਤੁਸੀਂ ਗਣਤੰਤਰ ਦਿਵਸ ਪਰੇਡ ਲਾਈਵ ਦੇਖ ਸਕਦੇ ਹੋ।