ਸੀਜ਼ਨ ਦਾ 63ਵਾਂ ਮੈਚ ਲਖਨਊ ਸੁਪਰ ਜਾਇੰਟਸ ਅਤੇ ਰਾਜਸਥਾਨ ਰਾਇਲਸ ਵਿਚਕਾਰ 15 ਮਈ ਨੂੰ ਮੁੰਬਈ ਦੇ ਬ੍ਰੇਬੋਰਨ ਸਟੇਡੀਅਮ ਵਿੱਚ ਖੇਡਿਆ ਗਿਆ, ਜਿਸ ਵਿੱਚ ਰਾਜਸਥਾਨ ਨੇ 24 ਦੌੜਾਂ ਨਾਲ ਜਿੱਤ ਦਰਜ ਕੀਤੀ। ਰਾਜਸਥਾਨ ਨੇ 13 ਵਿੱਚੋਂ 8 ਮੈਚ ਜਿੱਤੇ ਹਨ। ਇਹ ਟੀਮ ਹੁਣ ਅੰਕ ਸੂਚੀ ‘ਚ ਦੂਜੇ ਸਥਾਨ ‘ਤੇ ਪਹੁੰਚ ਗਈ ਹੈ, ਜਦਕਿ ਲਖਨਊ 13 ‘ਚੋਂ 5 ਮੈਚ ਹਾਰ ਕੇ ਤੀਜੇ ਸਥਾਨ ‘ਤੇ ਖਿਸਕ ਗਈ ਹੈ।
ਰਾਜਸਥਾਨ ਨੇ 178 ਦੌੜਾਂ ਬਣਾਈਆਂ
ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਉਤਰੀ ਰਾਜਸਥਾਨ ਨੇ 6 ਵਿਕਟਾਂ ਦੇ ਨੁਕਸਾਨ ‘ਤੇ 178 ਦੌੜਾਂ ਬਣਾਈਆਂ। ਰਾਜਸਥਾਨ ਨੂੰ 11 ਦੇ ਸਕੋਰ ‘ਤੇ ਜੋਸ ਬਟਲਰ (2) ਦੇ ਰੂਪ ‘ਚ ਝਟਕਾ ਲੱਗਾ ਸੀ। ਇੱਥੋਂ ਯਸ਼ਸਵੀ ਜੈਸਵਾਲ ਨੇ ਕਪਤਾਨ ਸੰਜੂ ਸੈਮਸਨ ਨਾਲ ਦੂਜੇ ਵਿਕਟ ਲਈ 64 ਦੌੜਾਂ ਦੀ ਸਾਂਝੇਦਾਰੀ ਕੀਤੀ।
ਯਸ਼ਸਵੀ ਜੈਸਵਾਲ ਅਰਧ ਸੈਂਕੜੇ ਤੋਂ ਖੁੰਝ ਗਏ
ਜੈਸਵਾਲ 29 ਗੇਂਦਾਂ ਵਿੱਚ 7 ਚੌਕਿਆਂ ਦੀ ਮਦਦ ਨਾਲ 41 ਦੌੜਾਂ ਬਣਾ ਕੇ ਆਊਟ ਹੋ ਗਿਆ। ਉਨ੍ਹਾਂ ਤੋਂ ਇਲਾਵਾ ਦੇਵਦੱਤ ਪਡੀਕਲ ਨੇ 39, ਜਦਕਿ ਸੈਮਸਨ ਨੇ 32 ਦੌੜਾਂ ਦੀ ਪਾਰੀ ਖੇਡ ਕੇ ਰਾਜਸਥਾਨ ਨੂੰ ਵੱਡੇ ਸਕੋਰ ਤੱਕ ਪਹੁੰਚਾਇਆ। ਵਿਰੋਧੀ ਟੀਮ ਵੱਲੋਂ ਸਭ ਤੋਂ ਵੱਧ 2 ਸ਼ਿਕਾਰ ਰਵੀ ਬਿਸ਼ਨੋਈ ਨੇ ਲਏ। ਉਨ੍ਹਾਂ ਤੋਂ ਇਲਾਵਾ ਅਵੇਸ਼ ਖਾਨ, ਹੋਲਡਰ ਅਤੇ ਆਯੂਸ਼ ਬਦੋਨੀ ਨੇ 1-1 ਵਿਕਟ ਲਈ।
ਹਾਰ ਨਾਲ ਲਖਨਊ ਤੀਜੇ ਸਥਾਨ ‘ਤੇ ਹੈ
ਜਵਾਬ ‘ਚ ਲਖਨਊ ਦੀ ਟੀਮ ਨਿਰਧਾਰਤ ਓਵਰਾਂ ‘ਚ 8 ਵਿਕਟਾਂ ਦੇ ਨੁਕਸਾਨ ‘ਤੇ 154 ਦੌੜਾਂ ਹੀ ਬਣਾ ਸਕੀ। ਲਖਨਊ ਨੂੰ ਤੀਜੇ ਓਵਰ ਦੀ ਸ਼ੁਰੂਆਤ ‘ਚ ਦੋ ਗੇਂਦਾਂ ‘ਤੇ ਝਟਕੇ ਲੱਗੇ। ਕਵਿੰਟਨ ਡੀ ਕਾਕ 7 ਅਤੇ ਆਯੂਸ਼ ਬਡੋਨੀ ਬਿਨਾਂ ਖਾਤਾ ਖੋਲ੍ਹੇ ਚੱਲੇ ਗਏ।
ਇੱਥੋਂ ਟੀਮ ਲਗਾਤਾਰ ਸਮੇਂ ‘ਤੇ ਆਪਣੀਆਂ ਵਿਕਟਾਂ ਗੁਆਉਂਦੀ ਰਹੀ ਪਰ ਦੀਪਕ ਹੁੱਡਾ ਨੇ 39 ਗੇਂਦਾਂ ‘ਚ 2 ਛੱਕਿਆਂ ਅਤੇ 5 ਚੌਕਿਆਂ ਦੀ ਮਦਦ ਨਾਲ 59 ਦੌੜਾਂ ਦੀ ਦਲੇਰ ਪਾਰੀ ਖੇਡੀ। ਉਸ ਤੋਂ ਇਲਾਵਾ ਕਰੁਣਾਲ ਪੰਡਯਾ ਨੇ 25, ਮਾਰਕਸ ਸਟੋਇਨਿਸ ਨੇ 27 ਦੌੜਾਂ ਬਣਾਈਆਂ। ਵਿਰੋਧੀ ਟੀਮ ਲਈ ਟ੍ਰੇਂਟ ਬੋਲਟ, ਪ੍ਰਸ਼ਾਂਤ ਕ੍ਰਿਸ਼ਨ ਅਤੇ ਓਬੇਦ ਮੈਕਕੋਏ ਨੇ 2-2 ਵਿਕਟਾਂ ਲਈਆਂ।
Filed under