ਭਾਰਤੀ ਕਪਤਾਨ ਰੋਹਿਤ ਸ਼ਰਮਾ ਦਾ ਅੰਗੂਠਾ ਬੰਗਲਾਦੇਸ਼ ਖਿਲਾਫ ਦੂਜੇ ਵਨਡੇ ਮੈਚ ‘ਚ ਟੁੱਟ ਗਿਆ। ਬੰਗਲਾਦੇਸ਼ ਦੀ ਪਾਰੀ ਦੇ ਦੂਜੇ ਓਵਰ ਵਿੱਚ ਰੋਹਿਤ ਦੂਜੀ ਸਲਿਪ ਵਿੱਚ ਫੀਲਡਿੰਗ ਕਰ ਰਹੇ ਸਨ। ਫਿਰ ਉਸ ਨੇ ਮੁਹੰਮਦ ਸਿਰਾਜ ਦੀ ਪਾਰੀ ਦੇ ਦੂਜੇ ਓਵਰ ਦੀ ਚੌਥੀ ਗੇਂਦ ‘ਤੇ ਅਨਮੁਲ ਹੱਕ ਦਾ ਕੈਚ ਛੱਡਿਆ ਅਤੇ ਗੇਂਦ ਲੱਗਣ ਨਾਲ ਉਸ ਦੇ ਖੱਬੇ ਹੱਥ ਤੋਂ ਖੂਨ ਨਿਕਲਣ ਲੱਗਾ। ਉਸ ਨੂੰ ਸਕੈਨ ਲਈ ਢਾਕਾ ਦੇ ਹਸਪਤਾਲ ਲਿਜਾਇਆ ਗਿਆ ਅਤੇ ਸ਼ੁਰੂਆਤੀ ਇਲਾਜ ਦੌਰਾਨ ਜ਼ਖ਼ਮੀ ਥਾਂ ‘ਤੇ ਕਈ ਵਾਰ ਟਾਂਕੇ ਲਾਉਣੇ ਪਏ।
ਅੰਗੂਠਾ ਟੁੱਟਣ ਦੇ ਬਾਵਜੂਦ ਰੋਹਿਤ ਬੱਲੇਬਾਜ਼ੀ ਲਈ ਬਾਹਰ ਆਇਆ। ਉਹ ਟੁੱਟੇ ਹੋਏ ਅੰਗੂਠੇ ਦੇ ਨਾਲ ਬੱਲੇਬਾਜ਼ੀ ਕਰਨ ਲਈ ਕ੍ਰੀਜ਼ ‘ਤੇ ਆਇਆ ਜਦੋਂ ਭਾਰਤ ਨੇ 7 ਵਿਕਟਾਂ ਗੁਆ ਦਿੱਤੀਆਂ ਸਨ ਅਤੇ ਜਿੱਤ ਲਈ 64 ਦੌੜਾਂ ਦੀ ਲੋੜ ਸੀ। ਅਜਿਹੇ ਸਮੇਂ ਰੋਹਿਤ ਨੇ 9ਵੇਂ ਨੰਬਰ ‘ਤੇ ਆ ਕੇ ਅਜੇਤੂ 51 ਦੌੜਾਂ ਬਣਾਈਆਂ। ਹਿਟਮੈਨ ਨੇ ਆਪਣੀ ਪਾਰੀ ਦੌਰਾਨ 28 ਗੇਂਦਾਂ ਵਿੱਚ 3 ਚੌਕੇ ਅਤੇ 5 ਛੱਕੇ ਲਗਾਏ।
ਰੋਹਿਤ ਨੂੰ ਟੁੱਟੇ ਹੋਏ ਅੰਗੂਠੇ ਨਾਲ ਬੱਲੇਬਾਜ਼ੀ ਕਰਦੇ ਦੇਖ ਉਨ੍ਹਾਂ ਦੀ ਪਤਨੀ ਰਿਤਿਕਾ ਸਜਦੇਹ ਦੀ ਇਕ ਭਾਵੁਕ ਪੋਸਟ ਸਾਹਮਣੇ ਆਈ ਹੈ। ਰਿਤਿਕਾ ਨੇ ਆਪਣੇ ਪਤੀ ਦੀ ਬੱਲੇਬਾਜ਼ੀ ਤੋਂ ਬਾਅਦ ਇੱਕ ਭਾਵੁਕ ਪੋਸਟ ਕੀਤੀ ਹੈ। ਇੰਸਟਾਗ੍ਰਾਮ ‘ਤੇ ਸੱਟ ਦੇ ਬਾਵਜੂਦ ਰੋਹਿਤ ਦੀ ਬੱਲੇਬਾਜ਼ੀ ਦਾ ਸਕ੍ਰੀਨਸ਼ੌਟ ਪੋਸਟ ਕਰਦੇ ਹੋਏ, ਉਸਨੇ ਲਿਖਿਆ, “ਮੈਂ ਤੁਹਾਨੂੰ ਪਿਆਰ ਕਰਦੀ ਹਾਂ। ਤੁਸੀਂ ਜੋ ਕੀਤਾ ਹੈ ਮੈਨੂੰ ਉਸ ‘ਤੇ ਮਾਣ ਹੈ।
Gets hit
Comes back for the team
Walks in at No.9 in a run-chase
Scores 51*(28) to get us close to the target
Take a bow captain! 🙌 🙌#TeamIndia | #BANvIND | @ImRo45 pic.twitter.com/v47ykcbMce
— BCCI (@BCCI) December 7, 2022
ਰੋਹਿਤ ਦੀ ਦਲੇਰਾਨਾ ਪਾਰੀ ਦੇ ਬਾਵਜੂਦ ਭਾਰਤੀ ਟੀਮ ਪੂਰੇ ਓਵਰ ਖੇਡਣ ਦੇ ਬਾਵਜੂਦ 9 ਵਿਕਟਾਂ ‘ਤੇ 266 ਦੌੜਾਂ ਹੀ ਬਣਾ ਸਕੀ।ਰੋਹਿਤ ਦੀ ਅਰਧ ਸੈਂਕੜੇ ਵਾਲੀ ਪਾਰੀ ਤੋਂ ਇਲਾਵਾ ਸ਼੍ਰੇਅਸ ਅਈਅਰ (82) ਅਤੇ ਅਕਸ਼ਰ ਪਟੇਲ (56) ਨੇ ਵੀ ਅਰਧ ਸੈਂਕੜੇ ਵਾਲੀ ਪਾਰੀ ਖੇਡੀ। ਬੰਗਲਾਦੇਸ਼ ਨੇ ਦੂਜਾ ਵਨਡੇ 5 ਦੌੜਾਂ ਨਾਲ ਜਿੱਤ ਕੇ ਤਿੰਨ ਮੈਚਾਂ ਦੀ ਵਨਡੇ ਸੀਰੀਜ਼ ‘ਚ 2-0 ਦੀ ਅਜੇਤੂ ਬੜ੍ਹਤ ਬਣਾ ਲਈ ਹੈ।
ਸੀਰੀਜ਼ ਦਾ ਤੀਜਾ ਅਤੇ ਆਖਰੀ ਮੈਚ 10 ਦਸੰਬਰ ਨੂੰ ਖੇਡਿਆ ਜਾਵੇਗਾ। ਰੋਹਿਤ ਹੁਣ ਫਾਈਨਲ ਮੈਚ ਤੋਂ ਬਾਹਰ ਹੋ ਗਿਆ ਹੈ। ਉਹ ਹੁਣ 14 ਦਸੰਬਰ ਤੋਂ ਸ਼ੁਰੂ ਹੋਣ ਵਾਲੀ ਟੈਸਟ ਸੀਰੀਜ਼ ‘ਚ ਨਹੀਂ ਖੇਡੇਗਾ।