ਨਵੀਂ ਦਿੱਲੀ: ਕੈਨਫ੍ਰੈਂਕ ਰੇਲਵੇ ਸਟੇਸ਼ਨ, ਸਪੇਨ ਅਤੇ ਫਰਾਂਸ ਦੀ ਸਰਹੱਦ ‘ਤੇ ਸਥਿਤ, ਕਦੇ ਯੂਰਪ ਦਾ ਸਭ ਤੋਂ ਨਿਵੇਕਲਾ ਰੇਲਵੇ ਸਟੇਸ਼ਨ ਸੀ। ਜਿਸ ਨੂੰ 1928 ਵਿੱਚ ਬਣਾਇਆ ਗਿਆ ਸੀ। ਇਹ ਇੰਨਾ ਵੱਡਾ ਸੀ ਕਿ ਇਸਨੂੰ ਪਹਾੜਾਂ ਦਾ ਟਾਈਟੈਨਿਕ ਕਿਹਾ ਜਾਂਦਾ ਸੀ। ਇਹ ਰੇਲਵੇ ਸਟੇਸ਼ਨ ਸਮੁੰਦਰ ਤਲ ਤੋਂ 1000 ਮੀਟਰ ਦੀ ਉਚਾਈ ‘ਤੇ ਸਥਿਤ ਹੈ। ਇਹ ਰੇਲਵੇ ਸਟੇਸ਼ਨ ਦੂਜੇ ਵਿਸ਼ਵ ਯੁੱਧ ਦਾ ਵੀ ਗਵਾਹ ਰਿਹਾ ਹੈ। ਇਹ ਸਟੇਸ਼ਨ 1970 ਵਿੱਚ ਰੇਲ ਹਾਦਸੇ ਤੋਂ ਬਾਅਦ ਬੰਦ ਕਰ ਦਿੱਤਾ ਗਿਆ ਸੀ, ਪਰ ਹੁਣ ਇਸਨੂੰ ਇੱਕ ਆਲੀਸ਼ਾਨ ਹੋਟਲ ਵਿੱਚ ਤਬਦੀਲ ਕੀਤਾ ਜਾ ਰਿਹਾ ਹੈ।
100 ਸਾਲ ਤੋਂ ਵੱਧ ਪੁਰਾਣੇ ਇਸ ਰੇਲਵੇ ਸਟੇਸ਼ਨ ਨੂੰ ਹੋਟਲ ਵਿੱਚ ਬਦਲਣ ਤੋਂ ਬਾਅਦ ਹੁਣ ਇਸ ਵਿੱਚ ਸਵੀਮਿੰਗ ਪੂਲ, ਸਪਾ, ਰੈਸਟੋਰੈਂਟ ਵਰਗੀਆਂ ਕਈ ਸਹੂਲਤਾਂ ਮੌਜੂਦ ਹਨ। ਇਸ ਦੇ ਨਾਲ ਹੀ 200 ਸੀਟਾਂ ਵਾਲਾ ਕਾਨਫਰੰਸ ਹਾਲ ਵੀ ਬਣਾਇਆ ਗਿਆ ਹੈ। ਇੱਥੇ 140 ਤੋਂ ਵੱਧ ਬੈੱਡਰੂਮ ਹਨ। ਤੁਸੀਂ ਰੇਲਵੇ ਸਟੇਸ਼ਨ ਨਾਲ ਜੁੜੀਆਂ ਚੀਜ਼ਾਂ ਦਾ ਅਜਾਇਬ ਘਰ ਵੀ ਦੇਖ ਸਕੋਗੇ।
ਇਸ ਪ੍ਰੋਜੈਕਟ ਦੀ ਬਿਲਡਿੰਗ ਦਾ ਕੰਮ 2022 ਵਿੱਚ ਪੂਰਾ ਹੋ ਚੁੱਕਾ ਹੈ, ਪਰ ਇਸਨੂੰ ਪੂਰੀ ਤਰ੍ਹਾਂ ਤਿਆਰ ਹੋਣ ਵਿੱਚ 2026 ਤੱਕ ਦਾ ਸਮਾਂ ਲੱਗ ਸਕਦਾ ਹੈ। ਇਸ ਹੋਟਲ ਵਿੱਚ ਮੌਜੂਦ ਸਟਾਫ ਦੀ ਵੀ ਵਰਦੀ ਨੂੰ ਲੈ ਕੇ ਵੱਖਰੀ ਯੋਜਨਾ ਹੈ। ਹੋਟਲ ਦੀ ਉਸਾਰੀ ਦੇ ਨਾਲ-ਨਾਲ ਇਸ ਸਥਾਨ ਦੀ ਵਿਰਾਸਤ ਨੂੰ ਸੰਭਾਲਣ ਲਈ ਵੀ ਉਪਰਾਲੇ ਕੀਤੇ ਜਾ ਰਹੇ ਹਨ।
ਅਰਥਵਿਵਸਥਾ ਨੂੰ ਵਧਾਉਣ ‘ਚ ਮਦਦ ਮਿਲੇਗੀ
ਇਸ ਆਲੀਸ਼ਾਨ ਹੋਟਲ ਦੀ ਪਹਿਲੀ ਮੰਜ਼ਿਲ ‘ਤੇ ਲਾਇਬ੍ਰੇਰੀ, ਵੈਲਨੈੱਸ ਸਪਾ, ਫਿਟਨੈਸ ਏਰੀਆ ਅਤੇ ਗਰਮ ਪਾਣੀ ਦਾ ਪੂਲ ਬਣਾਇਆ ਗਿਆ ਹੈ।
ਹੋਟਲ ਦਾ ਰਿਸੈਪਸ਼ਨ ਖੇਤਰ ਰੇਲਵੇ ਸਟੇਸ਼ਨ ਦੀ ਇਤਿਹਾਸਕ ਲਾਬੀ ਵਿੱਚ ਸਥਿਤ ਹੈ।
ਇਸ ਹੋਟਲ ਦੇ ਬਣਨ ਤੋਂ ਬਾਅਦ ਇੱਥੋਂ ਦੀ ਆਰਥਿਕਤਾ ਵੀ ਅੱਗੇ ਵਧੀ ਹੈ।
ਇਸ ਲਈ ਇਹ ਖਾਸ ਹੈ
ਇਸ ਰੇਲਵੇ ਸਟੇਸ਼ਨ ਨੂੰ ਹੋਟਲ ਵਿੱਚ ਤਬਦੀਲ ਕਰਨ ਦਾ ਕੰਮ ਪਿਛਲੇ ਕਈ ਸਾਲਾਂ ਤੋਂ ਚੱਲ ਰਿਹਾ ਹੈ। ਸਪੇਨ ਦੇ ਬਾਰਸੀਲੋਨਾ ਹੋਟਲ ਗਰੁੱਪ ਨੇ ਇਸ ਨੂੰ ਪੰਜ ਤਾਰਾ ਹੋਟਲ ਵਿੱਚ ਤਬਦੀਲ ਕਰ ਦਿੱਤਾ ਹੈ। ਜਦੋਂ ਵੀ ਤੁਸੀਂ ਸਪੇਨ ਜਾਂਦੇ ਹੋ, ਇੱਕ ਵਾਰ ਇਸ ਹੋਟਲ ਵਿੱਚ ਰੁਕਣ ਦਾ ਅਨੰਦ ਲਓ।