Reliance Jio ਨੇ ਆਪਣੇ ਗਾਹਕਾਂ ਲਈ ਇੱਕ ਤੋਂ ਵੱਧ ਇੱਕ ਪਲਾਨ ਲਾਂਚ ਕੀਤੇ ਹਨ ਅਤੇ ਹੁਣ ਕੰਪਨੀ ਨੇ ਇੱਕ ਵਾਰ ਫਿਰ ਇੱਕ ਵੱਡਾ ਤੋਹਫਾ ਦਿੱਤਾ ਹੈ। ਕੰਪਨੀ ਨੇ ਇੰਡੀਅਨ ਪ੍ਰੀਮੀਅਰ ਲੀਗ (IPL) ਦੇ ਮੌਕੇ ‘ਤੇ ਗਾਹਕਾਂ ਨੂੰ ਖੁਸ਼ ਕੀਤਾ ਹੈ। ਇਸ ਆਫਰ ਨਾਲ ਗਾਹਕ ਬਿਨਾਂ ਕਿਸੇ ਪਰੇਸ਼ਾਨੀ ਦੇ ਕ੍ਰਿਕਟ ਮੈਚਾਂ ਦਾ ਆਨੰਦ ਲੈ ਸਕਣਗੇ। Jio ਦੀ ਅਧਿਕਾਰਤ ਵੈੱਬਸਾਈਟ ‘ਤੇ ਦੇਖਿਆ ਜਾ ਸਕਦਾ ਹੈ ਕਿ ਕੰਪਨੀ ਦੇ ਤਿੰਨ ਪਲਾਨ ‘ਤੇ ‘ਨਿਊ ਕ੍ਰਿਕਟ ਪਲਾਨ’ ਲਿਖਿਆ ਹੋਇਆ ਹੈ।
ਇਨ੍ਹਾਂ ਪਲਾਨ ‘ਚ ਯੂਜ਼ਰਸ ਨੂੰ ਹਰ ਰੋਜ਼ 3GB ਡਾਟਾ ਦਿੱਤਾ ਜਾ ਰਿਹਾ ਹੈ। ਪਲਾਨ ਦੇ ਨਾਲ ਰੀਚਾਰਜ ਕਰਨ ‘ਤੇ 150GB ਤੱਕ ਦਾ ਕ੍ਰਿਕਟ ਐਡ-ਆਨ ਖਰੀਦਿਆ ਜਾ ਸਕਦਾ ਹੈ। ਕੰਪਨੀ ਦੇ ਪਲਾਨ ਦੀ ਕੀਮਤ 219 ਰੁਪਏ, 399 ਰੁਪਏ ਅਤੇ 999 ਰੁਪਏ ਹੈ। ਆਫਰ ਦੇ ਤਹਿਤ ਗਾਹਕਾਂ ਨੂੰ ਹਰ ਦਿਨ 3GB ਤੱਕ ਡਾਟਾ ਮਿਲਦਾ ਹੈ।
ਕੰਪਨੀ ਦੇ ਸਭ ਤੋਂ ਸਸਤੇ 3GB ਡੇਟਾ ਪਲਾਨ ਦੀ ਕੀਮਤ 219 ਰੁਪਏ ਹੈ, ਅਤੇ ਇਹ 14 ਦਿਨਾਂ ਦੀ ਵੈਧਤਾ ਦੇ ਨਾਲ ਆਉਂਦਾ ਹੈ। ਇਸ ਤੋਂ ਇਲਾਵਾ ਕੰਪਨੀ ਦੇ 399 ਰੁਪਏ ਵਾਲੇ ਪਲਾਨ ਦੀ ਵੈਧਤਾ 28 ਦਿਨਾਂ ਦੀ ਹੈ। ਇਸ ਦੇ ਨਾਲ ਹੀ ਇਸ ਦੇ ਸਭ ਤੋਂ ਮਹਿੰਗੇ ਪਲਾਨ ਦੀ ਕੀਮਤ 999 ਰੁਪਏ ‘ਚ 84 ਦਿਨਾਂ ਦੀ ਵੈਲੀਡਿਟੀ ਹੈ।
999 ਰੁਪਏ ਦੇ ਇਸ ਪਲਾਨ ‘ਚ 3GB ਪ੍ਰਤੀ ਦਿਨ ਦੇ ਨਾਲ 241 ਰੁਪਏ ਦਾ ਫ੍ਰੀ ਵਾਊਚਰ ਵੀ ਦਿੱਤਾ ਗਿਆ ਹੈ। ਇਸ ਤੋਂ ਇਲਾਵਾ, Jio 399 ਰੁਪਏ ਦੇ ਪਲਾਨ ਵਿੱਚ 3GB ਪ੍ਰਤੀ ਦਿਨ ਦੇ ਨਾਲ 61 ਰੁਪਏ ਦੇ ਫ੍ਰੀ ਵਾਊਚਰ ਦੀ ਪੇਸ਼ਕਸ਼ ਕਰ ਰਿਹਾ ਹੈ। 219 ਰੁਪਏ ਦਾ ਪਲਾਨ 3GB ਪ੍ਰਤੀ ਦਿਨ + 25 ਰੁਪਏ ਦਾ ਮੁਫਤ ਵਾਊਚਰ ਪੇਸ਼ ਕਰਦਾ ਹੈ।
Jio ਨੇ ਕ੍ਰਿਕੇਟ ਪੈਕ ਵਿੱਚ ਡੇਟਾ ਐਡ ਆਨ ਆਫਰ ਵੀ ਪੇਸ਼ ਕੀਤਾ ਹੈ।
ਕੰਪਨੀ ਦੇ ਡਾਟਾ ਐਡ-ਆਨ ਦੀ ਸ਼ੁਰੂਆਤੀ ਕੀਮਤ 222 ਰੁਪਏ ਹੈ, ਜਿਸ ‘ਚ 50GB ਡਾਟਾ ਮਿਲੇਗਾ। ਇਸ ਤੋਂ ਇਲਾਵਾ 444 ਰੁਪਏ ਵਾਲੇ ਪਲਾਨ ‘ਚ 100GB ਡਾਟਾ ਅਤੇ 667 ਰੁਪਏ ਵਾਲੇ ਪਲਾਨ ‘ਚ 150GB ਡਾਟਾ ਦਾ ਫਾਇਦਾ ਮਿਲਦਾ ਹੈ।