Ottawa- ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਦੁਨੀਆ ਭਰ ਦੀਆਂ ਸਰਕਾਰਾਂ ਨੂੰ ਚਿੱਠੀਆਂ ਭੇਜ ਕੇ ਚੇਤਾਵਨੀ ਦਿੱਤੀ ਕਿ ਜੇਕਰ ਉਹਨਾਂ ਨੇ ਅਮਰੀਕਾ ਨਾਲ ਵਪਾਰਕ ਸਮਝੌਤੇ ਨਹੀਂ ਕੀਤੇ ਤਾਂ ਉੱਚ ਟੈਰਿਫ ਲਾਗੂ ਕੀਤੇ ਜਾਣਗੇ। ਹਾਲਾਂਕਿ ਟਰੰਪ ਨੇ ਟੈਰਿਫ ਲਾਗੂ ਕਰਨ ਦੀ ਮਿਆਦ 10 ਜੁਲਾਈ ਤੋਂ ਵਧਾ ਕੇ 1 ਅਗਸਤ ਕਰ ਦਿੱਤੀ ਹੈ।
ਕੈਨੇਡਾ ‘ਤੇ ਇਹ ਵਿਸ਼ਵ ਟੈਰਿਫ ਲਾਗੂ ਨਹੀਂ ਹੋ ਰਹੇ, ਪਰ ਉਹ ਫੈਂਟਾਨਾਈਲ ਸੰਬੰਧੀ, ਊਰਜਾ ਅਤੇ ਪੋਟਾਸ਼ ਉਤਪਾਦਾਂ ‘ਤੇ ਟਰੰਪ ਦੇ ਟੈਰਿਫ ਦਾ ਸਾਹਮਣਾ ਕਰ ਰਿਹਾ ਹੈ। ਇਸਦੇ ਇਲਾਵਾ, ਕੈਨੇਡਾ ਸਟੀਲ, ਐਲੂਮੀਨੀਅਮ ਅਤੇ ਆਟੋਮੋਬਾਈਲ ਉਤਪਾਦਾਂ ‘ਤੇ ਵੀ ਟੈਰਿਫ ਦੀ ਮਾਰ ਝੱਲ ਰਿਹਾ ਹੈ।
ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਅਤੇ ਟਰੰਪ ਨੇ ਮਾਰਚ ਵਿੱਚ ਇੱਕ ਨਵਾਂ ਸੁਰੱਖਿਆ ਅਤੇ ਆਰਥਿਕ ਭਾਈਚਾਰੇ ਦਾ ਵਾਅਦਾ ਕੀਤਾ ਸੀ ਅਤੇ ਉਹ 21 ਜੁਲਾਈ ਤੱਕ ਇਕ ਦੋਪੱਖੀ ਸਮਝੌਤੇ ਦੀ ਕੋਸ਼ਿਸ਼ ਕਰ ਰਹੇ ਹਨ।
ਕਾਰਲਟਨ ਯੂਨੀਵਰਸਿਟੀ ਦੇ ਪ੍ਰੋਫੈਸਰ ਹੈਂਪਸਨ ਦੇ ਅਨੁਸਾਰ, ਕੈਨੇਡਾ ਨੂੰ “ਆਖ਼ਰੀ ਵਿਚੌਲਾ” ਬਣ ਕੇ ਲਾਭ ਹੋ ਸਕਦਾ ਹੈ, ਤਾਂ ਜੋ ਹੋਰ ਦੇਸ਼ਾਂ ਦੀਆਂ ਸ਼ਰਤਾਂ ਦੇਖ ਕੇ ਆਪਣੇ ਲਈ ਵਧੀਆ ਟਰੰਸ ਸੌਦੇ ਕਰ ਸਕੇ।
ਦੁਨੀਆ ਭਰ ਦੀਆਂ ਨਿਗਾਹਾਂ ਹੁਣ ਅਮਰੀਕਾ ਦੇ ਹੋਰ ਦੇਸ਼ਾਂ ਨਾਲ ਹੋਣ ਵਾਲੇ ਵਪਾਰ ਸਮਝੌਤਿਆਂ ‘ਤੇ ਟਿਕੀਆਂ ਹੋਈਆਂ ਹਨ, ਜੋ ਕਿ ਕੈਨੇਡਾ ਲਈ ਵੀ ਰਾਹ ਦਰਸਾ ਸਕਦੀਆਂ ਹਨ।
Filed under