ਨਵੀਂ ਦਿੱਲੀ: ਐਪਲ ਅਗਲੇ ਮਹੀਨੇ ਆਪਣਾ ਹਾਰਡਵੇਅਰ ਈਵੈਂਟ ਲੇਟ ਲੂਜ਼ ਆਯੋਜਿਤ ਕਰਨ ਜਾ ਰਿਹਾ ਹੈ। ਇਹ 2024 ਵਿੱਚ ਕੰਪਨੀ ਦਾ ਪਹਿਲਾ ਵੱਡਾ ਲਾਂਚ ਈਵੈਂਟ ਹੋਵੇਗਾ। ਇਸ ਦੀ ਲਾਈਵਸਟ੍ਰੀਮਿੰਗ ਕੰਪਨੀ ਦੇ ਅਧਿਕਾਰਤ ਚੈਨਲ ਰਾਹੀਂ ਹੋਵੇਗੀ। ਫਿਲਹਾਲ ਕੰਪਨੀ ਨੇ ਇਸ ਬਾਰੇ ਕੋਈ ਸਪੱਸ਼ਟ ਜਾਣਕਾਰੀ ਨਹੀਂ ਦਿੱਤੀ ਹੈ ਕਿ ਈਵੈਂਟ ‘ਚ ਕੀ ਪੇਸ਼ ਕੀਤਾ ਜਾਵੇਗਾ। ਹਾਲਾਂਕਿ ਉਮੀਦ ਕੀਤੀ ਜਾ ਰਹੀ ਹੈ ਕਿ ਕੰਪਨੀ ਨਵੇਂ ਐਪਲ ਪੈਨਸਿਲ ਨੂੰ ਨਵੇਂ ਅਪਗ੍ਰੇਡ ਕੀਤੇ ਆਈਪੈਡ ਪ੍ਰੋ ਅਤੇ ਆਈਪੈਡ ਏਅਰ ਮਾਡਲਾਂ ‘ਚ ਲਾਂਚ ਕਰ ਸਕਦੀ ਹੈ। ਅਗਲੀ ਪੀੜ੍ਹੀ ਦੇ iPad Pro ਨੂੰ ਨਵੀਂ M3 ਚਿੱਪ ਨਾਲ ਪੇਸ਼ ਕੀਤੇ ਜਾਣ ਦੀ ਉਮੀਦ ਹੈ। ਇਸ ਤੋਂ ਇਲਾਵਾ ਇਸ ‘ਚ ਪਹਿਲੀ ਵਾਰ OLED ਸਕਰੀਨ ਵੀ ਦਿੱਤੀ ਜਾ ਸਕਦੀ ਹੈ।
ਐਪਲ ਨੇ ਵਰਚੁਅਲ ਲਾਂਚ ਈਵੈਂਟ ਲਈ ਸੱਦਾ ਵੀ ਛੱਡ ਦਿੱਤਾ ਹੈ। ਇਹ ਇਵੈਂਟ 7 ਮਈ ਨੂੰ ਸਵੇਰੇ 7:30 ਵਜੇ (IST) ‘ਤੇ ਆਯੋਜਿਤ ਕੀਤਾ ਜਾਵੇਗਾ। ਇਵੈਂਟ ਦੀ ਲਾਈਵਸਟ੍ਰੀਮਿੰਗ ਅਧਿਕਾਰਤ ਵੈੱਬਸਾਈਟ ਅਤੇ ਐਪਲ ਟੀਵੀ ਐਪ ਰਾਹੀਂ ਕੀਤੀ ਜਾਵੇਗੀ। ਇਸ ਈਵੈਂਟ ਦੇ ਪੋਸਟਰ ‘ਚ Let Loose ਦੀ ਟੈਗਲਾਈਨ ਵੀ ਦੇਖੀ ਜਾ ਸਕਦੀ ਹੈ। ਇੱਥੇ ਡਰਾਇੰਗ ਦਿਖਾਈ ਦੇ ਰਹੀ ਹੈ, ਜਿਸ ‘ਚ ਐਪਲ ਪੈਨਸਿਲ ਹੱਥ ‘ਚ ਹੈ, ਜਿਸ ਤੋਂ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ ਕਿ ਈਵੈਂਟ ਦਾ ਮੁੱਖ ਫੋਕਸ ਆਈਪੈਡ ‘ਤੇ ਹੀ ਹੋਵੇਗਾ।
ਐਪਲ ਵੱਲੋਂ ਆਉਣ ਵਾਲੇ ਈਵੈਂਟ ਵਿੱਚ ਨਵੇਂ ਆਈਪੈਡ ਏਅਰ ਅਤੇ ਆਈਪੈਡ ਪ੍ਰੋ ਮਾਡਲਾਂ ਨੂੰ ਲਾਂਚ ਕਰਨ ਦੀ ਉਮੀਦ ਹੈ। ਆਈਪੈਡ ਪ੍ਰੋ ਮਾਡਲਾਂ ਵਿੱਚ OLED ਡਿਸਪਲੇਅ ਅਤੇ M3 ਚਿੱਪ ਹੋਣ ਦੀ ਉਮੀਦ ਹੈ। ਟਿਪਸਟਰਸ ਤੋਂ ਮਿਲੀ ਜਾਣਕਾਰੀ ਦੇ ਮੁਤਾਬਕ ਇਨ੍ਹਾਂ ‘ਚ ਪਤਲੇ ਬੇਜ਼ਲ ਹੋਣਗੇ ਅਤੇ ਇਹ ਗਲੋਸੀ ਅਤੇ ਮੈਟ ਸਕ੍ਰੀਨ ਵਰਜ਼ਨ ‘ਚ ਉਪਲੱਬਧ ਹੋਣਗੇ। ਇਨ੍ਹਾਂ ‘ਚ ਮੈਗਸੇਫ ਚਾਰਜਿੰਗ ਸਪੋਰਟ ਵੀ ਮਿਲਣ ਦੀ ਉਮੀਦ ਹੈ। ਇਨ੍ਹਾਂ ‘ਚ ਬਦਲਿਆ ਨਵਾਂ ਕੈਮਰਾ ਮੋਡਿਊਲ ਅਤੇ ਲੈਂਡਸਕੇਪ ਓਰੀਐਂਟਿਡ ਫਰੰਟ ਕੈਮਰਾ ਵੀ ਦੇਖਿਆ ਜਾ ਸਕਦਾ ਹੈ।
iPad Air ‘ਚ M2 ਚਿੱਪ ਦਿੱਤੀ ਜਾ ਸਕਦੀ ਹੈ ਅਤੇ ਇਸ ਨੂੰ 10.9-ਇੰਚ ਅਤੇ 12.9-ਇੰਚ ਸਕ੍ਰੀਨ ਸਾਈਜ਼ ‘ਚ ਪੇਸ਼ ਕੀਤਾ ਜਾਵੇਗਾ। ਕੰਪਨੀ ਇੱਕ ਅਪਡੇਟ ਕੀਤਾ ਮੈਜਿਕ ਕੀਬੋਰਡ ਅਤੇ ਐਪਲ ਪੈਨਸਿਲ ਵੀ ਪੇਸ਼ ਕਰ ਸਕਦੀ ਹੈ। ਇਨ੍ਹਾਂ ‘ਚ ਇਕ ਨਵਾਂ ਸਕਿਊਜ਼ ਜੈਸਚਰ ਫੀਚਰ ਵੀ ਪਾਇਆ ਜਾ ਸਕਦਾ ਹੈ।