ਕੈਨੇਡਾ ਦੇ ਸੂਬੇ ਨੋਵਾ ਸਕੋਸ਼ੀਆ ਨੇ ਆਪਣੇ ‘ਪ੍ਰੋਵਿੰਸ਼ੀਅਲ ਨੋਮੀਨੀ ਪ੍ਰੋਗਰਾਮ’ ਵਿੱਚ ਇੱਕ ਵੱਡਾ ਬਦਲਾਅ ਕੀਤਾ ਹੈ। 1 ਮਈ 2026 ਤੋਂ ਲਾਗੂ ਹੋਣ ਵਾਲੇ ਨਵੇਂ ਨਿਯਮਾਂ ਅਨੁਸਾਰ, ਹੁਣ ‘ਐਕਸਪ੍ਰੈਸ਼ਨ ਆਫ ਇੰਟਰੈਸਟ’ ਪ੍ਰੋਫਾਈਲ ਦੀ ਮਿਆਦ ਸਿਰਫ਼ 12 ਮਹੀਨੇ ਤੱਕ ਹੋਵੇਗੀ। ਇਸ ਤੋਂ ਪਹਿਲਾਂ ਉਮੀਦਵਾਰਾਂ ਦੀਆਂ ਪ੍ਰੋਫਾਈਲਾਂ ਲੰਬੇ ਸਮੇਂ ਤੱਕ ਸਿਸਟਮ ਵਿੱਚ ਰਹਿੰਦੀਆਂ ਸਨ, ਪਰ ਹੁਣ ਇੱਕ ਸਾਲ ਬਾਅਦ ਇਹ ਆਪਣੇ ਆਪ ਐਕਸਪਾਇਰ ਹੋ ਜਾਣਗੀਆਂ। ਜੇਕਰ ਕਿਸੇ ਉਮੀਦਵਾਰ ਨੂੰ ਇਸ ਸਮੇਂ ਦੌਰਾਨ ਸੱਦਾ ਨਹੀਂ ਮਿਲਦਾ, ਤਾਂ ਉਸ ਨੂੰ ਦੁਬਾਰਾ ਨਵੀਂ ਪ੍ਰੋਫਾਈਲ ਬਣਾਉਣੀ ਪਵੇਗੀ। ਜਿਹੜੀਆਂ ਪ੍ਰੋਫਾਈਲਾਂ 1 ਮਈ 2024 ਤੋਂ ਪਹਿਲਾਂ ਜਮ੍ਹਾਂ ਕੀਤੀਆਂ ਗਈਆਂ ਸਨ, ਉਹ 1 ਮਈ 2026 ਨੂੰ ਤੁਰੰਤ ਬੰਦ ਕਰ ਦਿੱਤੀਆਂ ਜਾਣਗੀਆਂ। 1 ਮਈ 2024 ਤੋਂ 30 ਅਪ੍ਰੈਲ 2026 ਦੇ ਵਿਚਕਾਰ ਜਮ੍ਹਾਂ ਕੀਤੀਆਂ ਗਈਆਂ ਪ੍ਰੋਫਾਈਲਾਂ 30 ਅਪ੍ਰੈਲ 2027 ਤੱਕ ਵੈਧ ਰਹਿਣਗੀਆਂ। ਸੂਬਾ ਸਰਕਾਰ ਦਾ ਕਹਿਣਾ ਹੈ ਕਿ ਇਹ ਕਦਮ ਇਮੀਗ੍ਰੇਸ਼ਨ ਸਿਸਟਮ ਨੂੰ ਵਧੇਰੇ ਪ੍ਰਭਾਵਸ਼ਾਲੀ ਬਣਾਉਣ ਲਈ ਚੁੱਕਿਆ ਗਿਆ ਹੈ। ਇਸ ਨਾਲ ਸਿਰਫ਼ ਉਹ ਉਮੀਦਵਾਰ ਹੀ ਪੂਲ ਵਿੱਚ ਰਹਿਣਗੇ ਜਿਨ੍ਹਾਂ ਦੀ ਜਾਣਕਾਰੀ ਤਾਜ਼ਾ ਅਤੇ ਅੱਪ-ਟੂ-ਡੇਟ ਹੋਵੇਗੀ। ਇਸ ਨਾਲ ਲੇਬਰ ਮਾਰਕੀਟ ਦੀਆਂ ਮੌਜੂਦਾ ਲੋੜਾਂ ਅਨੁਸਾਰ ਸਹੀ ਉਮੀਦਵਾਰ ਚੁਣਨ ਵਿੱਚ ਮਦਦ ਮਿਲੇਗੀ।
ਪ੍ਰਸ਼ਾਸਨ ਨੇ ਸਪੱਸ਼ਟ ਕੀਤਾ ਹੈ ਕਿ ‘ਐਕਸਪ੍ਰੈਸ਼ਨ ਆਫ ਇੰਟਰੈਸਟ’ ਪ੍ਰੋਫਾਈਲ ਦਾ ਐਕਸਪਾਇਰ ਹੋਣਾ ਨਹੀਂ ਮੰਨਿਆ ਜਾਵੇਗਾ। ਜੇਕਰ ਕਿਸੇ ਦੀ ਪ੍ਰੋਫਾਈਲ ਐਕਸਪਾਇਰ ਹੋ ਜਾਂਦੀ ਹੈ, ਤਾਂ ਉਹ ਕਿਸੇ ਵੀ ਸਮੇਂ ਦੁਬਾਰਾ ਨਵੀਂ ਪ੍ਰੋਫਾਈਲ ਜਮ੍ਹਾਂ ਕਰ ਸਕਦਾ ਹੈ, ਬਸ਼ਰਤੇ ਉਹ ਪ੍ਰੋਗਰਾਮ ਦੀਆਂ ਸ਼ਰਤਾਂ ਪੂਰੀਆਂ ਕਰਦਾ ਹੋਵੇ। ਇਸ ਬਦਲਾਅ ਨਾਲ ਕੈਨੇਡਾ ਦੀ ਪੀ ਆਰ ਦੇ ਚਾਹਵਾਨਾਂ ਨੂੰ ਹੁਣ ਆਪਣੀਆਂ ਪ੍ਰੋਫਾਈਲਾਂ ਦੀ ਮਿਆਦ ‘ਤੇ ਨਜ਼ਰ ਰੱਖਣੀ ਹੋਵੇਗੀ ਅਤੇ ਸਮੇਂ ਸਿਰ ਉਨ੍ਹਾਂ ਨੂੰ ਰੀਨਿਊ ਕਰਨਾ ਹੋਵੇਗਾ। ਸੂਬੇ ਦਾ ਇਹ ਫੈਸਲਾ ਇਮੀਗ੍ਰੇਸ਼ਨ ਪ੍ਰਕਿਰਿਆ ਵਿੱਚ ਪਾਰਦਰਸ਼ਤਾ ਅਤੇ ਤੇਜ਼ੀ ਲਿਆਉਣ ਦੇ ਉਦੇਸ਼ ਨਾਲ ਲਿਆ ਗਿਆ ਹੈ।