ਟੀਮ ਇੰਡੀਆ ਦੇ ਤੇਜ਼ ਗੇਂਦਬਾਜ਼ ਦੀਪਕ ਚਾਹਰ ਅੱਜ ਵਿਆਹ ਦੇ ਬੰਧਨ ਵਿੱਚ ਬੱਝਣ ਜਾ ਰਹੇ ਹਨ। ਦੀਪਕ ਚਾਹਰ ਅਤੇ ਉਨ੍ਹਾਂ ਦੀ ਮੰਗੇਤਰ ਜਯਾ ਭਾਰਦਵਾਜ ਅੱਜ ਆਗਰਾ ਵਿੱਚ ਸੱਤ ਫੇਰੇ ਲੈ ਕੇ ਇੱਕ ਦੂਜੇ ਦੇ ਨਾਲ ਸਦਾ ਲਈ ਹੋ ਜਾਣਗੇ। ਵਿਆਹ ਦੀਆਂ ਤਿਆਰੀਆਂ ਮੁਕੰਮਲ ਕਰ ਲਈਆਂ ਗਈਆਂ ਹਨ। ਮੰਗਲਵਾਰ ਨੂੰ ਵਿਆਹ ਤੋਂ ਪਹਿਲਾਂ ਦੋਹਾਂ ਪਰਿਵਾਰਾਂ ਨੇ ਮਹਿੰਦੀ ਸੈਰੇਮਨੀ ‘ਚ ਹਿੱਸਾ ਲਿਆ। ਇਸ ਦੌਰਾਨ ਦੀਪਕ ਚਾਹਰ ਪਠਾਨੀ ਕੁੜਤੇ ਵਿੱਚ ਨਜ਼ਰ ਆਏ। ਇਸ ਦੌਰਾਨ ਦੀਪਕ ਚਾਹਰ ਅਤੇ ਉਨ੍ਹਾਂ ਦੀ ਮੰਗੇਤਰ ਜਯਾ ਭਾਰਦਵਾਜ ਦਾ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ ਵਿੱਚ ਦੋਵੇਂ ਖੁਸ਼ੀ-ਖੁਸ਼ੀ ਡਾਂਸ ਕਰਦੇ ਨਜ਼ਰ ਆ ਰਹੇ ਹਨ।
ਦੀਪਕ ਚਾਹਰ ਅਤੇ ਮੰਗੇਤਰ ਜਯਾ ਭਾਰਦਵਾਜ ਆਗਰਾ ਦੇ ਫਤਿਹਾਬਾਦ ਮਾਰਗ ‘ਤੇ ਸਥਿਤ ਫਾਈਵ ਸਟਾਰ ਹੋਟਲ ‘ਚ ਅੱਜ ਸੱਤ ਫੇਰੇ ਲੈਣਗੇ। ਵਿਆਹ ਦੀਆਂ ਰਸਮਾਂ ਮੰਗਲਵਾਰ ਨੂੰ ਸ਼ੁਰੂ ਹੋਈਆਂ ਅਤੇ ਮਹਿੰਦੀ ਤੋਂ ਬਾਅਦ ਮੰਗਲਵਾਰ ਸ਼ਾਮ ਨੂੰ ਸੰਗੀਤ ਪ੍ਰੋਗਰਾਮ ਦਾ ਵੀ ਆਯੋਜਨ ਕੀਤਾ ਗਿਆ। ਇਹ ਵੀਡੀਓ ਉਸੇ ਸੰਗੀਤ ਸਮਾਰੋਹ ਦੀ ਹੈ। ਵੀਡੀਓ ‘ਚ ਦੀਪਕ ਚਾਹਰ ਅਤੇ ਉਨ੍ਹਾਂ ਦੀ ਮੰਗੇਤਰ ਜਯਾ ਭਾਰਦਵਾਜ ਨੂੰ ਢੋਲ ਦੀ ਧੁਨ ‘ਤੇ ਨੱਚਦੇ ਦੇਖਿਆ ਜਾ ਸਕਦਾ ਹੈ।
#TeamIndia के तेज गेंदबाज @deepak_chahar9 आज शादी के बंधन में बंधने वाले हैं. देखें खुशी में झूमते हुए दीपक चाहर और उनकी मंगेतर का वीडियो…https://t.co/cdXMzJDy2j pic.twitter.com/8xKvjP5Fsp
— India.com (हिन्दी) (@IndiacomNews) June 1, 2022
ਦੀਪਕ ਚਾਹਰ ਨੇ ਆਪਣੇ ਵਿਆਹ ਨੂੰ ਯਾਦਗਾਰ ਬਣਾਉਣ ਲਈ ਜ਼ੋਰਦਾਰ ਡਾਂਸ ਦਾ ਅਭਿਆਸ ਕੀਤਾ। ਸਮਾਰੋਹ ‘ਚ ਦੋਵਾਂ ਪਰਿਵਾਰਾਂ ਦੇ ਲੋਕਾਂ ਨੇ ਕਈ ਫਿਲਮੀ ਗੀਤਾਂ ‘ਤੇ ਨੱਚਿਆ ਅਤੇ ਖੂਬ ਡਾਂਸ ਕੀਤਾ। ਦੀਪਕ ਚਾਹਰ ਟੀਮ ਇੰਡੀਆ ਦੇ ਸਟਾਰ ਗੇਂਦਬਾਜ਼ ਹਨ ਅਤੇ ਉਨ੍ਹਾਂ ਦੇ ਵਿਆਹ ‘ਚ ਕ੍ਰਿਕਟ ਜਗਤ ਦੀਆਂ ਕਈ ਵੱਡੀਆਂ ਹਸਤੀਆਂ ਦੇ ਆਉਣ ਦੀ ਉਮੀਦ ਹੈ।
ਸਾਬਕਾ ਭਾਰਤੀ ਕਪਤਾਨ ਮਹਿੰਦਰ ਸਿੰਘ ਧੋਨੀ ਅਤੇ ਉਨ੍ਹਾਂ ਦੀ ਪਤਨੀ ਸਾਕਸ਼ੀ ਦੀਪਕ ਚਾਹਰ ਦੇ ਵਿਆਹ ‘ਚ ਸ਼ਾਮਲ ਹੋਣ ਦੀ ਸੰਭਾਵਨਾ ਹੈ। ਉਨ੍ਹਾਂ ਤੋਂ ਇਲਾਵਾ ਟੀਮ ਇੰਡੀਆ ਦੇ ਕਈ ਸਾਥੀ ਖਿਡਾਰੀ ਅਤੇ ਉਨ੍ਹਾਂ ਦੀ ਆਈਪੀਐਲ ਟੀਮ ਚੇਨਈ ਸੁਪਰ ਕਿੰਗਜ਼ ਦੇ ਸਾਥੀ ਖਿਡਾਰੀਆਂ ਦੇ ਵੀ ਪਹੁੰਚਣ ਦੀ ਉਮੀਦ ਹੈ।