IND vs AUS: ਆਪਣੇ ਸਪਿਨਰਾਂ ਦੀ ਮਦਦ ਨਾਲ, ਭਾਰਤ ਨੇ ਸ਼ੁੱਕਰਵਾਰ ਨੂੰ ਰਾਏਪੁਰ ਵਿੱਚ ਚੌਥੇ T20I ਮੈਚ ਵਿੱਚ ਆਸਟਰੇਲੀਆ ਨੂੰ 20 ਦੌੜਾਂ ਨਾਲ ਹਰਾ ਕੇ ਪੰਜ ਮੈਚਾਂ ਦੀ ਲੜੀ ਵਿੱਚ 3-1 ਦੀ ਅਜੇਤੂ ਬੜ੍ਹਤ ਬਣਾ ਲਈ ਹੈ। ਇਸ ਤਰ੍ਹਾਂ ਸੂਰਿਆਕੁਮਾਰ ਯਾਦਵ ਨੇ ਬਤੌਰ ਕਪਤਾਨ ਆਪਣੀ ਪਹਿਲੀ ਸੀਰੀਜ਼ ਜਿੱਤੀ। ਇਸ ਮੈਚ ਦਾ ਸਕੋਰ ਪਿਛਲੇ ਤਿੰਨ ਮੈਚਾਂ ਦੇ ਮੁਕਾਬਲੇ ਕਾਫੀ ਘੱਟ ਰਿਹਾ, ਪਰ ਭਾਰਤੀ ਗੇਂਦਬਾਜ਼ਾਂ ਖਾਸ ਕਰਕੇ ਸਪਿਨਰ ਅਕਸ਼ਰ ਪਟੇਲ (16 ਦੌੜਾਂ ‘ਤੇ ਤਿੰਨ ਵਿਕਟਾਂ) ਅਤੇ ਰਵੀ ਬਿਸ਼ਨੋਈ (17 ਦੌੜਾਂ ‘ਤੇ ਇਕ ਵਿਕਟ) ਦੇ ਸ਼ਾਨਦਾਰ ਪ੍ਰਦਰਸ਼ਨ ਦੀ ਬਦੌਲਤ ਆਸਟ੍ਰੇਲੀਆ ਸੱਤ ਵਿਕਟਾਂ ‘ਤੇ ਸਿਰਫ਼ 154 ਦੌੜਾਂ ਬਣਾਈਆਂ।
ਯਸ਼ਸਵੀ ਜੈਸਵਾਲ (37 ਦੌੜਾਂ) ਅਤੇ ਰੁਤੁਰਾਜ ਗਾਇਕਵਾੜ (32 ਦੌੜਾਂ) ਦੀਆਂ ਪਾਰੀਆਂ ਤੋਂ ਬਾਅਦ ਰਿੰਕੂ ਸਿੰਘ ਦੀਆਂ 29 ਗੇਂਦਾਂ ਵਿੱਚ 46 ਦੌੜਾਂ ਅਤੇ ਜਿਤੇਸ਼ ਸ਼ਰਮਾ ਦੀਆਂ 19 ਗੇਂਦਾਂ ਵਿੱਚ 35 ਦੌੜਾਂ ਦੀ ਬਦੌਲਤ ਭਾਰਤ ਨੇ 20 ਓਵਰਾਂ ਵਿੱਚ ਨੌਂ ਵਿਕਟਾਂ ’ਤੇ 174 ਦੌੜਾਂ ਬਣਾਈਆਂ।
ਭਾਰਤ ਨੇ ਬਣਾਇਆ ਵਿਸ਼ਵ ਰਿਕਾਰਡ
ਟੀਮ ਇੰਡੀਆ ਨੇ ਸੂਰਿਆਕੁਮਾਰ ਯਾਦਵ ਦੀ ਕਪਤਾਨੀ ‘ਚ ਸੀਰੀਜ਼ ਜਿੱਤ ਕੇ ਇਤਿਹਾਸ ਰਚ ਦਿੱਤਾ ਹੈ। ਦਰਅਸਲ, ਟੀਮ ਇੰਡੀਆ ਨੇ ਸਭ ਤੋਂ ਵੱਧ ਟੀ-20 ਮੈਚ ਜਿੱਤਣ ਦਾ ਵਿਸ਼ਵ ਰਿਕਾਰਡ ਬਣਾਇਆ ਹੈ। ਭਾਰਤ ਨੇ ਪਾਕਿਸਤਾਨ ਨੂੰ ਹਰਾ ਕੇ ਇਹ ਵੱਡਾ ਮੀਲ ਪੱਥਰ ਹਾਸਲ ਕੀਤਾ ਹੈ। ਭਾਰਤ ਨੇ ਹੁਣ ਤੱਕ ਟੀ-20 ਵਿੱਚ 136 ਜਿੱਤਾਂ ਦਰਜ ਕੀਤੀਆਂ ਹਨ। ਪਾਕਿਸਤਾਨ ਨੇ 135 ਮੈਚ ਜਿੱਤੇ ਹਨ ਜਦਕਿ ਨਿਊਜ਼ੀਲੈਂਡ ਨੇ 102 ਟੀ-20 ਮੈਚ ਜਿੱਤੇ ਹਨ।
A special win in Raipur 👏#TeamIndia now has the most wins in Men's T20Is 🙌#INDvAUS | @IDFCFIRSTBank pic.twitter.com/edxRgJ38EG
— BCCI (@BCCI) December 1, 2023
T20I ਕ੍ਰਿਕਟ ਵਿੱਚ ਸਭ ਤੋਂ ਵੱਧ ਜਿੱਤਾਂ (ਸਿਖਰਲੇ 10)
ਭਾਰਤ – 213 ਮੈਚਾਂ ਵਿੱਚ 136 ਜਿੱਤੇ
ਪਾਕਿਸਤਾਨ – 226 ਮੈਚਾਂ ਵਿੱਚ 135 ਜਿੱਤੇ
ਨਿਊਜ਼ੀਲੈਂਡ – 200 ਮੈਚਾਂ ਵਿੱਚ 102 ਜਿੱਤਾਂ
ਆਸਟਰੇਲੀਆ – 181 ਮੈਚਾਂ ਵਿੱਚ 95 ਜਿੱਤੇ
ਦੱਖਣੀ ਅਫਰੀਕਾ – 171 ਮੈਚਾਂ ਵਿੱਚ 95 ਜਿੱਤਾਂ
ਇੰਗਲੈਂਡ – 177 ਮੈਚਾਂ ਵਿੱਚ 92 ਜਿੱਤੇ
ਸ਼੍ਰੀਲੰਕਾ – 180 ਮੈਚਾਂ ਵਿੱਚ 79 ਜਿੱਤਾਂ
ਵੈਸਟ ਇੰਡੀਜ਼ – 184 ਮੈਚਾਂ ਵਿੱਚ 76 ਜਿੱਤੇ
ਅਫਗਾਨਿਸਤਾਨ – 118 ਮੈਚਾਂ ਵਿੱਚ 74 ਜਿੱਤੇ
ਆਇਰਲੈਂਡ – 154 ਮੈਚਾਂ ਵਿੱਚ 64 ਜਿੱਤਾਂ
ਹਾਲਾਂਕਿ ਭਾਰਤੀ ਟੀਮ 20 ਓਵਰਾਂ ‘ਚ ਨੌਂ ਵਿਕਟਾਂ ‘ਤੇ 174 ਦੌੜਾਂ ਹੀ ਬਣਾ ਸਕੀ ਪਰ ਟੀਮ ਦੇ ਗੇਂਦਬਾਜ਼ਾਂ ਨੇ ਇਸ ਟੀਚੇ ਦਾ ਬਚਾਅ ਕੀਤਾ ਅਤੇ ਆਸਟ੍ਰੇਲੀਆ ਨੂੰ ਸੱਤ ਵਿਕਟਾਂ ‘ਤੇ 154 ਦੌੜਾਂ ਹੀ ਬਣਾਉਣ ਦਿੱਤੀਆਂ। ਪੰਜਵਾਂ ਅਤੇ ਆਖਰੀ ਟੀ-20 ਮੈਚ 3 ਦਸੰਬਰ ਨੂੰ ਬੈਂਗਲੁਰੂ ‘ਚ ਖੇਡਿਆ ਜਾਵੇਗਾ।