VANCOUVER: ਬੁੱਧਵਾਰ ਸਵੇਰੇ 10:25 ਵਜੇ ਮੈਟਰੋ ਵੈਨਕੂਵਰ ਦੇ ਖੇਤਰ ‘ਚ Tsawwassen Mills ਦੇ ਬਾਹਰ ਵਾਪਰੇ ਹਾਦਸੇ ਵਿਚ ਦੋ ਲੋਕਾਂ ਦੀ ਮੌਤ ਹੋ ਗਈ ਅਤੇ 2 ਜ਼ਖ਼ਮੀ ਹੋ ਗਏ। ਘਟਨਾ ਵਾਲੀ ਥਾਂ ‘ਤੇ ਤਸਵਾਸਨ ਫ਼ਰਸਟ ਨੇਸ਼ਨ ਵੱਲੋਂ ‘ਟਰੂਥ ਐਂਡ ਰੀਕੰਸੀਲੀਏਸ਼ਨ ਵਾਕ’ ਸਮਾਗਮ ਕਰਵਾਇਆ ਜਾਣਾ ਸੀ। ਡੇਲਟਾ ਪੁਲਿਸ ਦੇ ਇੱਕ ਬਿਆਨ ਅਨੁਸਾਰ, ਇਹ ਹਾਦਸਾ ਸਵੇਰੇ ਲਗਭਗ 10:25 ਵਜੇ ਮਾਲ ਦੀ ਪਾਰਕਿੰਗ ਵਿੱਚ ਵਾਪਰਿਆ। ਇਹ ਸਮਾਂ ਤਸਵਾਸਨ ਫ਼ਰਸਟ ਨੇਸ਼ਨ ਵੱਲੋਂ ਆਪਣੇ ‘ਰਾਸ਼ਟਰੀ ਸੱਚਾਈ ਅਤੇ ਸੁਲਹ ਦਿਵਸ’ ਦੇ ਸਮਾਗਮ ਵਜੋਂ ਹਾਊਸ ਪੋਸਟ (ਸੱਭਿਆਚਾਰਕ ਥੰਮ੍ਹ) ਦੇ ਉਦਘਾਟਨ ਲਈ ਨਿਰਧਾਰਤ ਸਮੇਂ ਤੋਂ ਲਗਭਗ 10 ਮਿੰਟ ਬਾਅਦ ਦਾ ਸੀ। ਬਿਆਨ ਮੁਤਾਬਕ, ਦੋ ਜ਼ਖ਼ਮੀਆਂ ਦਾ ਘਟਨਾ ਵਾਲੀ ਥਾਂ ‘ਤੇ ਹੀ ਇਲਾਜ ਕੀਤਾ ਗਿਆ ਅਤੇ ਬਾਅਦ ਵਿੱਚ ਹਸਪਤਾਲ ਪਹੁੰਚਾਇਆ ਗਿਆ। ਅਧਿਕਾਰੀਆਂ ਦਾ ਮੰਨਣਾ ਹੈ ਕਿ ਵਾਹਨ ਚਲਾ ਰਹੇ ਵਿਅਕਤੀ ਨੂੰ ਹਾਦਸੇ ਤੋਂ ਪਹਿਲਾਂ ਕੋਈ ਅਚਾਨਕ ਮੈਡੀਕਲ ਐਮਰਜੈਂਸੀ ਆਈ ਹੋ ਸਕਦੀ ਹੈ।
ਬਿਆਨ ਵਿੱਚ ਕਿਹਾ ਗਿਆ, “ਸਾਡੀਆਂ ਸੰਵੇਦਨਾਵਾਂ ਪੀੜਤ ਪਰਿਵਾਰਾਂ, ਉਨ੍ਹਾਂ ਦੇ ਸਨੇਹੀਆਂ ਅਤੇ ਇਸ ਦੁਖਾਂਤ ਤੋਂ ਪ੍ਰਭਾਵਿਤ ਹੋਏ ਸਾਰੇ ਲੋਕਾਂ ਨਾਲ ਹਨ।”
“ਇਸ ਘਟਨਾ ਦਾ ਉਸ ਸਮੇਂ ਤਸਵਾਸਨ ਫ਼ਰਸਟ ਨੇਸ਼ਨ ਦੀ ਜ਼ਮੀਨ ‘ਤੇ ਚੱਲ ਰਹੇ ‘ਟਰੂਥ ਐਂਡ ਰੀਕੰਸੀਲੀਏਸ਼ਨ ਵਾਕ’ ਨਾਲ ਕੋਈ ਸਬੰਧ ਨਹੀਂ ਹੈ।”
ਪੁਲਿਸ ਨੇ ਸਪੱਸ਼ਟ ਕੀਤਾ ਹੈ ਕਿ ਇਸ ਘਟਨਾ ਤੋਂ ਆਮ ਜਨਤਾ ਲਈ ਕੋਈ ਖ਼ਤਰਾ ਨਹੀਂ ਹੈ।
ਫ਼ਰਸਟ ਨੇਸ਼ਨ, ਪੁਲਿਸ ਜਾਂ ਡੇਲਟਾ ਸ਼ਹਿਰ ਵੱਲੋਂ ਹਾਲੇ ਤੱਕ ਘਟਨਾ ਦੇ ਸਹੀ ਸਥਾਨ ਦੀ ਸਪੱਸ਼ਟ ਪੁਸ਼ਟੀ ਨਹੀਂ ਕੀਤੀ ਗਈ ਹੈ—ਹਾਲਾਂਕਿ ਇਮਰਜੈਂਸੀ ਅਧਿਕਾਰੀਆਂ ਨੂੰ ਮਾਲ ਦੇ ਦੱਖਣੀ ਹਿੱਸੇ ਵਿੱਚ ਹਾਈਵੇਅ 17 ਦੇ ਨੇੜੇ ਸਥਿਤ ‘ਮੋਂਟਾਨਾਜ਼ ਬਾਰਬੀਕਿਊ ਐਂਡ ਬਾਰ’ ਦੇ ਕੋਲ ਦੇਖਿਆ ਗਿਆ ਸੀ। ਜਿਵੇਂ ਕਿ ਪਹਿਲਾਂ ਵੀ ਰਿਪੋਰਟ ਕੀਤਾ ਗਿਆ ਹੈ, ਕਿਸੇ ਵੀ ਅਧਿਕਾਰੀ ਨੇ ਇਸ ਘਟਨਾ ਦੇ ਜਾਣਬੁੱਝ ਕੇ ਕੀਤੇ ਜਾਣ ਦਾ ਖ਼ਦਸ਼ਾ ਨਹੀਂ ਜਤਾਇਆ ਹੈ।
Filed under
